ຫົວ​ຂໍ້ : ປທສ ເຜີຍແຜ່ເນື້ອໃນກອງປະຊຸມວຽກງານກວດກາທົ່ວປະເທດ ແລະ ສະຫຼຸບວຽກງານກວດກາ ປະຈຳປີ 2019

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 09/03/2020 09:13:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 259 ຄັ້ງ

   ກະຊວງ ໄປສະນີ, ໂທລະ ຄົມມະນາຄົມ ແລະ ການສື່ສານ (ປທສ) ໄດ້ເປິດກອງປະຊຸມ ຜັນຂະຫຍາຍເນື້ອໃນຈິດໃຈ ກອງປະຊຸມວຽກງານກວດກາ ທົ່ວປະເທດ ປະຈຳປີ 2019 ຂອງຄະນະກວດກາສູນກາງ ພັກ ແລະ ສະຫຼຸບຖອດຖອນ ບົດຮຽນການຈັດຕັ້ງປະຕິບັດ ວຽກງານກວດກາ ປະຈໍາປີ 2019 ແລະ ທິດທາງແຜນການ ໃນປີ 2020 ຂອງກະຊວງ ປທສ, ໂດຍສະເພາະແມ່ນການຜັນ ຂະຫຍາຍ, ຈັດຕັ້ງປະຕິບັດ ມະຕິຂອງກອງປະຊຸມໃຫຍ່ ຂອງພັກສະໄໝທີ X ແລະ ແຜນ ພັດທະນາເສດຖະກິດ-ສັງຄົມ 5 ປີ ເທື່ອທີ 8 ໃນໄລຍະທ້າຍ ສະໄໝ, ເພື່ອກະກຽມດຳເນີນ ກອງປະຊຸມໃຫຍ່ອົງຄະນະພັກ ກະຊວງ ເພື່ອກຽມກ້າວເຂົ້າ ສູ່ກອງປະຊຸມໃຫຍ່ ຄັ້ງທີ XI ຂອງພັກ. ພິທີດັ່ງກ່າວ ໄດ້ຈັດຂຶ້ນ ເມື່ອບໍ່ດົນມານີ້ ທີ່ກະຊວງ ປທສ ໂດຍການເຜີຍແຜ່ເອກະສານ ຂອງທ່ານ ທອງໃສ ຊານໄຊຍະ ປະທານຄະນະກວດກາພັກ,ຮອງລັດຖະມົນຕີ ກະຊວງ ປທສ ມີເລຂາ, ປະທານ ກວດກາ ໜ່ວຍພັກ/ຮາກຖານພັກ ແລະ ພາກສ່ວນກ່ຽວຂ້ອງເຂົ້າຮ່ວມ.

   ກອງປະຊຸມໃນຄັ້ງນີ້, ໄດ້ ສະຫຼຸບຕີລາຄາຖອດຖອນບົດ ຮຽນວຽກງານກວດກາ 1 ປີ ຜ່ານມາ ແລະ ກໍານົດວາງທິດ ທາງແຜນການ ໃນຕໍ່ໜ້າຂອງ ກະຊວງ ປທສ ໃນການຕິດ ຕາມ, ກວດກາການປະຕິບັດ ມະຕິຄຳສັ່ງ, ກົດລະບຽບຂອງ ພັກ, ກົດໝາຍຂອງລັດ, ບັນ ດານິຕິກຳອື່ນໆທີ່ກະຊວງວາງ ອອກ, ການປະຕິບັດພາລະ ບົດບາດ, ສິດໜ້າທີ່ຂອງບັນດາ ກົມ/ທຽບເທົ່າ, ບໍລິສັດລັດວິສາ ຫະກິດ ທີ່ຂຶ້ນກັບກະຊວງ ແລະ ບັນດາ ພະແນກ ປທສ ແຂວງ/ ນະຄອນຫຼວງ ຊຶ່ງສາມາດຊອກ ໃຫ້ເຫັນ ດ້ານດີ ຕັ້ງໜ້າ, ບາງ ຂໍ້ຄົງຄ້າງ ທີ່ຈະຕ້ອງຮ່ວມກັນ ປັບປຸງແກ້ໄຂໃຫ້ທັນການ ແລະ ບາງບົດຮຽນທີ່ ຕ້ອງໄດ້ສົ່ງເສີມ ຂະຫຍາຍຮ່ວມກັນ. ໃນໂອກາດ ດຽວກັນ ກອງປະຊຸມຍັງໄດ້ ເຜີຍແຜ່ເອກະສານທີ່ສຳ ຄັນ ເຊັ່ນ: ບົດໂອ້ລົມຂອງທ່ານ ບຸນທອງ ຈິດມະນີ ກໍາມະ ການກົມການເມືອງສູນກາງ ພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ, ປະທານ ອົງການ ກວດກາ ລັດຖະບານ ແລະ ຫົວໜ້າອົງການຕ້ານການສໍ້ ລາດບັງຫຼວງຂັ້ນສູນກາງ ຕໍ່ກອງ ປະຊຸມວຽກງານກວດກາທົ່ວ ປະເທດ ປະຈຳປີ 2019, ບົດ ສະຫຼຸບຫຍໍ້ວຽກງານກວດກາ ທົ່ວປະເທດ ປະຈຳປີ 2019 ແລະ ຄາດໝາຍສູ້ຊົນວຽກ ງານກວດກາ ປີ 2020 ຂອງ ຄະນະກວດກາສູນກາງພັກ, ບົດ ສະຫຼຸບ ການເຄື່ອນໄຫວ ວຽກ ງານກວດກາ ປະຈຳປີ 2019 ແລະ ທິດທາງແຜນການປະຈຳ 2020 ຂອງກະຊວງ ປທສ, ຂໍ້ ກໍານົດ ຂອງຄະນະກວດກາສູນ ກາງພັກ ສະບັບເລກທີ: 398/ ຄກສພ, ລົງວັນທີ 26 ກັນຍາ 2019 ວ່າດ້ວຍ: ການຄົ້ນຄວ້າ, ແກ້ໄຂຄຳຮ້ອງຟ້ອງ-ຮ້ອງທຸກ ແລະ ຄໍາສະເໜີ. ທ່ານ ທອງໃສ ຊານໄຊຍະ ໄດ້ໃຫ້ໃຫ້ກຽດໂອ້ລົມ ແລະ ເນັ້ນໜັກໃຫ້ຄະນະພັກ, ຄະນະ ນຳແຕ່ລະຂັ້ນສືບຕໍ່ຄົ້ນຄວ້າເຊື່ອມຊຶມ, ກຳແໜ້ນ ແລະ ນໍາ ເອົາເນື້ອໃນຈິດໃຈຂອງກອງ ປະຊຸມໃນຄັ້ງນີ້ ໄປຈັດຕັ້ງເຜີຍ ແຜ່ໃຫ້ສະມາຊິກພັກ, ພະນັກ ງານ-ລັດຖະກອນຂອງຕົນ, ເອົາ ໃຈໃສ່ຕິດຕາມ-ກວດກາການ ປະຕິບັດມະຕິຄຳສັ່ງຕ່າງໆ ໂດຍ ສະເພາະແມ່ນບັນດາມະຕິຂອງ ພັກ ລວມທັງມະຕິກອງປະຊຸມ ໃຫຍ່ອົງຄະນະພັກແຕ່ລະຂັ້ນ, ສຸມໃສ່ການຕິດຕາມ-ກວດກາ ການກະກຽມ ແລະ ດຳເນີນ ກອງປະຊຸມໃຫຍ່ຂອງພັກຂັ້ນ ຕົນ ຕິດຕາມ-ກວດກາຄຸນທາດ ການເມືອງ, ຄຸນສົມບັດສິນ ທໍາປະຕິວັດຂອງຄະນະພັກ, ສະມາຊິກພັກ-ພະນັກງານ, ກຳ ສະພາບພະນັກງານການນຳ ຄຸ້ມຄອງ, ກວດກາແບບແຜນ ວິທີນຳພາ ວິທີເຮັດວຽກ, ລົງ ເລິກ ແລະ ແກ້ໄຂສະພາບ ຫຍໍ້ທໍ້ຕ່າງໆ ໃນຄະນະພັກ ແລະ ສະມາຊິກພັກ ໃຫ້ເຂັ້ມງວດ ກວ່າເກົ່າ ເພື່ອເຮັດໃຫ້ວຽກງານ ກວດກາ ໄດ້ຮັບການຈັດຕັ້ງ ປະຕິບັດຢ່າງແຂງແຮງ ທົ່ວ ຂະແໜງການ ເວົ້າລວມ; ເວົ້າ ສະເພາະກໍຄືການຈັດຕັ້ງປະຕິ ບັດແຜນພັດທະນາ 5 ປີ ຄັ້ງທີ II ໃນໄລຍະທ້າຍສະໄໝຂອງ ຂະແໜງການ ປທສ ໃຫ້ໄດ້ຮັບ ປະສິດທິພາບ ແລະ ປະສິດທິ ຜົນສູງສຸດ. (ຂ່າວ: ກົມກວດກາ, ປທສ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110