ຫົວ​ຂໍ້ : ລາວ-ອາເມຣິກາ ສືບຕໍ່ພົວພັນຮ່ວມມື

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 10/03/2020 08:48:32 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1596 ຄັ້ງ

  ໃນ​ອາທິດ​ຜ່ານ​ມາ​ນີ້ ທ່ານ ຄໍາ​ໝັ້ນ ສູນ​ວິ​ເລີດ ລັດຖະມົນຕີ​ກະຊວງ​ພາຍ​ໃນ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ຂອງ​ທ່ານ ປີ​ເຕີ ເຮ​ມ໋ອນ (Dr.peter M.Haymond) ເອກ​ອັກ​ຄະ​ລັດ​ຖະ​ທູດ​ວິສາມັນ​ຜູ້​ມີ​ອໍາ​ນາດ​ເຕັມ ແຫ່ງ​ສະຫະລັດ​ອາເມຣິກາ​ປະ​ຈໍາ​ລາວ ຄົນ​ໃໝ່ ຊຶ່ງ​ມີ​ສຳນັກ ງານ​ຕັ້ງ​ຢູ່​ນະຄອນຫຼວງ​ວຽງ​ຈັນ ໃນ​ໂອກາດ​ຕ້ອນຮັບ​ດັ່ງກ່າວ, ທ່ານ ​ຄໍາ​ໝັ້ນ ສູນ​ວິ​ເລີດ ໄດ້​ກ່າວ​ສະແດງ​ຄວາມ​ຕ້ອນຮັບ ​ແລະ​ ຊົມເຊີຍຕໍ່​ທ່ານ ປີ​ເຕີ ເຮ​ມ໋ອນ ທີ່​ໄດ້​ຖືກແຕ່ງຕັ້ງໃຫ້​ມາ​ດໍາ​ລົງ​ຕໍາ​ແໜ່​ງ​ເປັນ​ເອກ​ອັກ​ຄະ​ລັດ​ຖະ​ທູດ ຄົນ​ໃໝ່​ ປະຈຳ​ລາວ ເພື່ອ​ເປັນ​ການ​ປະກອບສ່ວນ​ເຂົ້າໃນ ​ການເສີມ​ສ້າງ​ສາຍພົວພັນ​ແຫ່ງ​ ຄວາມ​ສາມັກຄີໄມຕີ​ຈິດມິດ ຕະພາບ ແລະ​ ການ​ຮ່ວມມືລະ ຫວ່າງສອງ​ປະເທດລາວ-​ສະ ຫະລັດອາເມຣິກາ-ລາວ ໃຫ້​ນັບ​ມື້​ແໜ້ນ​ແຟ້ນຍິ່ງ​ຂຶ້ນ.
  ໂອກາດ​ນີ້,  ທ່ານ  ປີ​ເຕີ ເຮ​ມ໋ອນ  ກໍ​ໄດ້​ສະແດງ​ຄວາມ​ຂອບໃຈ​ຕໍ່​ການ​ຕ້ອນຮັບ​ອັນອົບ ​ອຸ່ນ​ຂອງ​ທ່ານ ຄໍາ​ໝັ້ນ ສູນ​ວິ​ເລີດ ໃນ​ຄັ້ງ​ນີ້​ພ້ອມ​ທັງ​ໃຫ້​ຄໍາ​ໝັ້ນ​ສັນ ຍາ​ວ່າ ໃນ​ໄລຍະ​ທີ່​ດໍາລົງຕໍາ​ແໜ່ງ ເປັນ​ທູດ ປະ​ຈໍາ ສປປ ລາວ​ນີ້, ຈະ​ ສືບຕໍ່​ເສີມ​ຂະຫຍາຍ​ສາຍ​ພົວ ພັນ​ຮ່ວມມືທີ່​ດີ​ລະຫວ່າງສອງ​ ປະເທດ​ ແລະ​ ຕັ້ງໜ້າ​ປະຕິບັດ​ໜ້າທີ່​ການ​ທູດ​ໃຫ້​ສໍາ​ເລັດ​ຜົນ.      
 (ຂ່າວ: ແສງ​ຈັນ) 
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110