ໜັງສືພິມ ປະຊາຊົນ

ກອງປະຊຸມໃຫຍ່ ອົງຄະນະພັກ ເມືອງສາມັກຄີໄຊ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 11/03/2020 09:00:43 ຈຳນວນຢ້ຽມຊົມ 935 ຄັ້ງ

ກອງປະຊຸມໃຫຍ່ຄັ້ງທີ VI ຂອງອົງຄະນະພັກເມືອງສາມັກຄີໄຊ ແຂວງອັດຕະປື ໄດ້ເປີດຂຶ້ນຢ່າງເປັນທາງການໃນວັນທີ 5 ມີນາຜ່ານມາ ທີ່ສະໂມສອນຂອງເມືອງ ໂດຍ ການເປັນປະທານຂອງ ສະຫາຍ ບຸນທະມາລີ ໝັ້ນອານົງ ກຳ ມະການພັກແຂວງ ເລຂາພັກເມືອງ ເຈົ້າເມືອງ-ສາມັກຄີໄຊ ເປັນກຽດເຂົ້າຮ່ວມຂອງ ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງໆອັດຕະປື.

ກອງປະຊຸມໃຫຍ່ ເທື່ອນີ້ ມີຜູ້ແທນສົມບູນທີ່ມາຈາກຄະນະພັກຮາກຖານ ແລະ ໜ່ວຍພັກທົ່ວເມືອງ 105 ສະຫາຍ, ຍິງ 22 ສະຫາຍ, ທີ່ເປັນຕົວແທນໃຫ້ແກ່ສະມາຊິກພັກທັງໝົດໃນທົ່ວເມືອງ 1.729 ສະຫາຍ ຍິງ 636 ສະຫາຍ,ໃນວາລະດໍາເນີນກອງປະຊຸມສະຫາຍ ບຸນທະມາລີ ໝັ້ນອານົງ ໄດ້ກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານຮ່າງບົດລາຍງານການເມືອງທັງສອງພາກ ຊຶ່ງໄດ້ທົບທວນ ແລະ ຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ V ໂດຍຍົກໃຫ້ເຫັນເຖິງຜົນສຳເລັດ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຈາກການປະຕິບັດໜ້າວຽກຕົວຈິງ, ພ້ອມທັງໄດ້ກໍານົດທິດທາງ ແລະ ຄາດໝາຍສູ້ຊົນ 5 ປີຕໍ່ໜ້າ 2020 -2024. ກອງປະຊຸມໃຫຍ່ ອົງຄະນະພັກເມືອງສາມັກຄີໄຊ ຍັງ ໄດ້ພ້ອມກັນຄົ້ນຄວ້າ ແລະ ຮັບຮອງເອົາບັນດາເອກະສານສຳຄັນທີ່ເປັນຍຸດທະສາດຂອງຄະນະບໍລິຫານງານພັກເມືອງ ຄັ້ງທີ VI ຮັບຟັງການປະກອບຄໍາຄິດຄໍາເຫັນ ຂອງບັນດາຫ້ອງ ການ, ກົມກອງ, ຕົວແບບດ້ານຕ່າງໆ ແລະ ກອງປະຊຸມໃຫຍ່ ອົງຄະນະເມືອງສາມັກຄີໄຊ ຄັ້ງທີ VI ໄດ້ດຳເນີນມາເປັນເວລາ 2 ວັນ ຈຶ່ງສຳເລັດ.
(ຂ່າວ: ເທວາ)