ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ V ຂອງພັກປະຊາຊົນ ປະຕິວັດລາວ(ຕໍ່)

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 11/03/2020 09:02:39 ຈຳ​ນວນ​​ຢ້ຽມ​ຊົມ 450 ຄັ້ງ

   ກອງ​ປະຊຸມ​ໃຫຍ່​ຄັ້ງ​ນີ້​ຈຶ່ງ​ໄດ້​ຢືນຢັນ​ວ່າ: ການ​ປະຕິວັດ​ປະເທດ​ເຮົາ​ໃນ​ປັດຈຸບັນ​ພວມ​ຢູ່​ໃນ​ໄລຍະ​ແຫ່ງ​ການ​ສືບຕໍ່​ສ້າງ ແລະ ຂະຫຍາຍ​ລະບອບ​ປະຊາທິປະໄຕ ປະຊາຊົນ ສ້າງ​ບັນດາ​ປະຖົມ​ປັດ​ໄຈ​ໃຫ້​ແກ່​ການ​ກ້າວ​ຂຶ້ນ​ສັງຄົມ​ນິຍົມ​ເທື່ອ​ລະ​ກ້າວ.
ກ. ໜ້າທີ່ ແລະ ທິດ​ທາງ​ລວມທີ່​ກອງ​ປະຊຸມ​ໃຫຍ່​ຄັ້ງ​ທີ V ວາງ​ອອກ​ມີ​ດັ່ງນີ້:
   ສືບຕໍ່​ພາລະກິດ​ປ່ຽນແປງ​ໃໝ່​ຢ່າງຮອບດ້ານ, ເພີ່ມ​ທະວີ​ຄວາມສາມັກຄີ​ເປັນ​ອັນ​ໜຶ່ງ​ອັນ​ດຽວ​ຂອງ​ທົ່ວ​ປວງ​ຊົນ​ລາວ​ທັງ​ຊາດ ບົນ​ພື້ນຖານ​ພັນທະ​ພາບ​ກຳ​ມະກອນ​ກະສິກອນ ແລະ ປັນຍາ​ຊົນ ​ນັກຮຽນ​ຮູ້ ພາຍ​ໃຕ້​ການ​ນໍາ​ພາ​ຂອງ​ພັກ. ຕັ້ງໜ້າ​ສົ່ງເສີມ​ເສດຖະກິດ​ຫຼາຍ​ພາກສ່ວນ ແນໃສ່​ຂະ​ຫຍາ​ຍກາໍ​ລັງ​ການ​ຜະລິດ​ຢ່າງ​ແຂງແຮງ, ຫັນປ່ຽນເສດ​ຖະ​ກິດ​ທາໍ​ມະ​ຊາດ ແລະ ເຄິ່ງ​ທໍາ​ມະ​ຊາດ​ໄປ​ສູ່​ເສດຖະກິດ​ສິນຄ້າ, ເຮັດ​ໃຫ້​ຊີວິດ​ການ​ເປັນ​ຢູ່​ທາງ​ດ້ານ​ວັດຖຸ ແລະ ວັດທະນະ​ທໍາ ຂອງປະຊາຊົນ​ເຜົ່າ​ຕ່າງໆ​ນັບ​ມື້​ນັບ​ດີ​ຂຶ້ນ, ເສີມ​ຂະຫຍາຍ​ປະຊາທິປະໄຕ ໃນ​ທຸກ​ຂົງເຂດ​ຊີວິດ​ສັງຄົມ, ເຊີດ​ຊູ​ບົດບາດ​ຂອງ​ບັນດາ​ອົງການ​ຈັດຕັ້ງມະ ຫາຊົນ ແລະ ອົງການ​ຈັດຕັ້ງ​ ສັງຄົມ, ກໍ່ສ້າງ​ກົງຈັກ​ລັດ​ໃຫ້​ເປັນຂອງ​ປະຊາຊົນ ໂດຍປະ ຊາຊົນ ແລະ ເພື່ອ​ຜົນ​ປະໂຫຍດ ​ຂອງ​ປະຊານຢ່າງ​ແທ້​ຈິງ​ ທີ່​ເຄື່ອນ​ໄຫວ​ຕາມ​ລັດ​ຖະ​ທໍາ​ມະ ນູນ ແລະ ກົດໝາຍ, ບູ​ລະນະ​ບົດບາດ​ການ​ນຳ​ພາ​ຂອງ​ພັກ ໃນ​ລະບົບ​ການເມືອງ​ຢ່າງ​ບໍ່ ຢຸດ​ຢັ້ງ, ປັບປຸງ​ວຽກງານປ້ອງ​ກັນຄວາມສະຫງົບທົ່ວປວງ​ຊົນ, ປົກ​ປັກ ຮັກສາ​ເອກະລາດ, ອະທິປະ​ໄຕ​ຂອງ​ຊາດ ແລະ ລະບອບ​ໃໝ່​ໄວ້​ໃຫ້ໝັ້ນຄົງ, ຮັບປະກັນ​ສະຖຽນ​ລະ​ພາບ​ທາງ​ດ້ານ​ການເມືອງ, ຄວາມ​ສະຫງົບ​ສຸກ ແລະ ຄວາມ​ເປັນ​ ລະບຽບ​ຮຽບຮ້ອຍ​ໃນ​ທົ່ວສັງ ຄົມ, ສືບຕໍ່​ເປີດກວ້າງການ​ພົວພັນ ແລະ ການ​ຮ່ວມ​ມື​ກັບ​ນາໆ​ປະເທດ ແລະ ບັນດາ​ອົງ ການ​ຈັດ​ຕັ້ງ​ສາກົນ, ທັງ​ໝົດ​ເຫຼົ່ານັ້ນ​ແມ່ນ​ເພື່ອ​ສ້າງ​ປະເທດ​ລາວ​ສັນຕິພາບ ເອກະລາດ ປະຊາທິປະໄຕ ເອກະ​ພາບ ແລະ ວັດທະນາ​ຖາວອນ, ປະ ກອບສ່ວນ​ເຂົ້າ​ໃນ​ພາລະກິດ​ສັນຕິພາບ ແລະ ຄວາມ​ກ້າວ ໜ້າ​ທາງ​ສັງຄົມ​ໃນ​ໂລກ.
ຂ. ຜົນສຳ​ເລັດ​ໃນ​ການ ຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ V ມີ​ຄື:
1. ຜົນ​ສໍາ​ເລັດ​ດ້ານ​ຂົງ ເຂດ​ເສດຖະກິດ:
   ເສດຖະກິດ​ແຫ່ງ​ຊາດ ໄດ້​ມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ​ດີຂຶ້ນ; ໃນ​ຊຸມ​ປີ 1986-1990 ຍອດ​ຜະລິດ​ຕະ​ພັນ​ພາຍ​ໃນ (GDP) ໄດ້ເພີ່ມ​ຂຶ້ນ​ສະເລ່ຍ 4,8% ຕໍ່​ປີ ແລະ ໃນ​ຊຸມ​ປີ 1991-1995 ໄດ້​ເພີ່ມ ຂຶ້ນ​ເປັນ 6,4% ຕໍ່​ປີ; ທີ່​ສໍາ​ຄັນ​ແມ່ນ​ສາມາດ​ກໍ່ສ້າງ​ໄດ້​ພື້ນຖານ​ວັດຖຸ ເຕັກນິກ ແລະ ໂຄງ​ລ່າງ​ໃໝ່​ຈໍາ​ນວນໜຶ່ງ​ທີ່​ເປັນ​ປັດ​ໄຈ​ຊຸກຍູ້​ການ​ພັດທະ​ນາ​ເສດ​ຖະ​ກິດ​-​ສັງຄົມ​ໃຫ້​ມີ​ບາດກ້າວ ແລະ ຖ່ວງ​ທ່າ​ໃໝ່​ໃນ​ຕໍ່ໜ້າ.
   ຊາວກະສິກອນ​ໄດ້​ຫ້າວ ຫັນ​ປະຕິບັດ​ແຜນ​ນະໂຍບາຍ ການ​ຫັນກະ​ສິ​ກຳ​ທາໍ​ມະ​ຊາດ​ໄປ​ສູ່​ເສດຖະກິດ​ການ​ຄ້າ​ ໂດຍ​ເອົາ​ຄອບຄົວ​ເປັນຈຸດ​ເລີ່ມ ແລະ ເປັນ​ຫົວໜ່ວຍ​ຕົ້ນຕໍ, ສິ່ງ​ທີ່​ເປັນ​ໜ້າ​ສັນລະເສີນ​ແມ່ນ ຄອບຄົວ​ຕົວ​ແບບ​ເຮັດ​ກະເສດ​ສຸມ, ປູກຝັງ​ລ້ຽງສັດ​ເປັນ​ສິນຄ້າ​ໄດ້​ແຜ່ຫຼາຍ. ປະກົດ​ການ​ອັນ​ຕັ້ງໜ້າ​ອີກ​ອັນ​ໜຶ່ງ​ແມ່ນ​ປະຊາຊົນ​ບັນດາ​ເຜົ່າຢູ່​ຫຼາຍ​ບໍລິເວນ​ໄດ້​ເຫັນ​ແຈ້ງ​ຜົນ​ຮ້າຍ​ຂອງ​ການ​ຖາງ​ປ່າ​ເຮັດ​ໄຮ່ ແລະ ຄວນ​ຫັນ​ໄປ​ສູ່​ອາຊີບ​ອື່ນ.
2. ຂົງເຂດ​ວັດ​ທະ​ນະ​ທໍາ - ສັງຄົມ:
- ວຽກ​ງານ​ສຶກສາ: ພັກ​ເຮົາ​ໄດ້​ເພີ່ມ​ການ​ລົງທຶນ​ເຂົ້າ​ໃນ​ການປະຕິ​ຮູບ​ການ​ສຶກສາ​ໂດຍ​ສຸມ​ໃສ່​ປັບປຸງ​ພື້ນຖານ​ວັດຖຸ​ເຕັກນິກ, ສັບຊ້ອນ​ລະບົບ​ໂຮງຮຽນ​ຕາມທິດ​ທີ່​ເໝາະ​ສົມ, ໄດ້​ປັບປຸງ​ເນື້ອ​ໃນ​ຫຼັກສູດ, ບໍາ​ລຸງ​ຍົກ​ລະດັບ​ຄູ​-ອາຈານ ແລະ ເພີ່ມ​ທະວີ​ວຽກ​ງານ​ຄຸ້ມ​ຄອງກວດ ກາ​ການ​ສຶກສາ, ເບິ່ງ​ທົ່ວ​ໄປ​ແລ້ວ​ຄຸນ​ນະ​ພາບ​ຂອງ​ການ​ສຶກສາ ໄດ້​ມີ​ການ​ຫັນປ່ຽນ​ດີ​ຂຶ້ນ.
- ວຽກ​ງານ​ສາທາລະນະ​ສຸກ: ແມ່ນ​ໄດ້​ປັບປຸງ ແລະ ຂະຫຍາຍຕາ​ໜ່າງ​ໄປ​ຍັງ​ທ້ອງ ຖິ່ນ​ຮາກ​ຖານ, ວຽກ​ງານ​ກັນ​ພະຍາດ​ໄດ້​ຮັບ​ຄວາມເອົາໃຈ​ໃສ່. ນອກ​ນັ້ນ​ຍັງ​ໄດ້​ຈຳ​ກັດ​ໂຣກລະບາດ​ທີ່​ຮ້າຍ​ແຮງ​ໄດ້​ດີ​ສົມຄວນ ອັນ​ທີ່​ພົ້ນ​ເດັ່ນ​ແມ່ນ​ການ​ດາໍ​ເນີນໂຄງການ​ສັກ​ຢາ ແລະ ຢອດຢາ​ໃຫ້​ເດັກ​ໄດ້​ເປັນ​ຂະບວນ​ອັນ​ກວ້າງຂວາງ ເຮັດ​ໃຫ້​ປະເທດ​ເຮົາປອດ​ຈາກ​ພະ ຍາດ​ໂປ​ລີ​ໂອ ແລະ ພະຍາດ​ອື່ນໆ.
- ວຽກ​ງານ​ກິລາ ແລະ ກາ​ຍະກຳ: ໄດ້​ມີ​ຄວາມ​ກ້າວໜ້າ​ໃໝ່ຈຳນວນ​ໜຶ່ງ, ຂະບວນ​ການ​ກິລາ​ມະຫາຊົນ​ໄດ້​ຮັບ​ການ​ຊຸກຍູ້​ສົ່ງເສີມ​ໃຫ້ຂະຫຍາຍຕົວ​ກວ້າງຂວາງ ແລະ ຟົດຟື້ນ​ພໍ​ສົມ​ຄວນ.
- ວຽກ​ງານ​ໂຄສະນາຖະ ແຫຼງ​ຂ່າວ: ແມ່ນ​ໄດ້​ຮັບ​ການ​ປັບ ປຸງ​ຢ່າງ​ຕັ້ງໜ້າ ແລະ ສາມາດ​ປະຕິບັດ​ໜ້າທີ່​ການເມືອງ​ໄດ້​ດີ​ຂຶ້ນ​ກວ່າເກົ່າ; ພື້ນຖານ​ວັດຖຸ​ເຕັກນິກ​ໄດ້​ຮັບ​ການ​ປົວແປງ ແລະ ມີ​ອັນ​ໃໝ່, ຄວາມ​ສາມາດ​ຂອງ​ການ​ກະຈາຍສຽງ​ຂອງ​ວິທະຍຸ ແລະ ໂທລະພາບ ແຫ່ງ​ຊາດ​ກໍ​ເພີ່ມ​ຂຶ້ນ, ເນື້ອ​ໃນ ແລະ ລາຍການ ກໍ​ມີ​ຫຼາຍ​ຮູບ​ຫຼາຍ ສີກ​ວ່າ​ເກົ່າ.
3. ຂົງເຂດ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ:
   ແມ່ນ​ເຫັນ​ໄດ້​ວ່າ​ທົ່ວ​ພັກ, ທົ່ວ​ກອງທັບ ແລະ ທົ່ວ​ປວງ​ຊົນ​ລາວເຮົາ​ໄດ້​ຖື​ເອົາ​ການ​ປົກ​ປັກ​ຮັກສາ​ປະເທດ​ຊາດ​ເປັນ​ໜ້າທີ່​ຍຸດທະສາດ ອັນ​ດັບ​ໜຶ່ງ, ພ້ອມ​ກັນ​ປະຕິບັດ​ແນວທາງ​ປ້ອງ​ກັນ​ຊາດ​ປ້ອງ​ກັນ​ຄວາມສະຫງົບ ທົ່ວ​ປວງ​ຊົນ​ຮອບດ້ານ​ດ້ວຍ​ຄວາມ​ບຸກ​ບືນ​ຕັ້ງໜ້າ, ປົກ​ປັກ ຮັກສາ​ຄວາມ​ເປັນ​ເອກະລາດ, ອະທິປະ​ໄຕ​ຂອງ​ຊາດ ແລະ ລະບອບປະຊາທິປະໄຕ ປະ ຊາຊົນ ໄວ້​ໄດ້​ຢ່າງ​ໝັ້ນຄົງ.
4. ຂົງເຂດ​ການ​ຕ່າງປະ ເທດ:
   ແມ່ນ​ໄດ້​ມີ​ການເຄື່ອນ ໄຫວ​ຢ່າງ​ຕັ້ງໜ້າ​ທັງ​ສາຍ​ພັກ, ສາຍ​ລັດ ແລະ ອົງການ​ຈັດ​ຕັ້ງ​ມະຫາຊົນ​ຕາມ​ແນວທາງ​ການ​ຕ່າງປະເທດ ສັນຕິ​ພາບ, ເອກະລາດ, ມິດຕະພາບ ແລະ ຮ່ວມ​ມື​ ໄດ້​ເຮັດ​ໃຫ້ການ​ພົວພັນ​ສາກົນ​ຂອງ​ປະເທດ​ເຮົາ​ເປີດ​ກວ້າງ​ອອກ​ໃນ​ຫຼາຍ​ດ້ານ, ຫຼາຍ ລະດັບ​ທີ່​ແຕກ​ຕ່າງ​ກັນ, ຖານະ​ບົດບາດ​ຂອງ​ປະເທດ​ເຮົາ​ໃນ​ພາກ​ພື້ນ ແລະ ເວທີ​ສາກົນ​ໄດ້​ຮັບ​ການ​ເຊີດ​ຊູ​ຂຶ້ນ​ຕື່ມ..
5. ກ່ຽວ​ກັບ​ລະບົບ​ການ ເມືອງ:
   ໄດ້​ເອົາໃຈໃສ່​ປັບປຸງ​ຍົກ​ສູງ​ຄວາມ​ສາ​ມາດນຳພາ​ຂອງ​ພັກ ໃນຖານະ​ເປັນ​ແກນ​ນໍາ​ຂອງ​ລະບົບ​ການເມືອງ, ຄະນະ​ພັກ​ທຸກ​ຂັ້ນ ແລະ ສະມາຊິກ​ພັກ​ໂດຍ​ທົ່ວ​ໄປ​ໄດ້​ເຊື່ອມ​ຊຶມ, ເຂົ້າໃຈ,ເປັນ​ເອກະ​ພາບ ແລະ ຈົງ​ຮັກ​ພັກດີ​ກັບ​ແນວທາງ​ປ່ຽນ ແປງ​ໃໝ່ ພ້ອມ​ກັນ​ນັ້ນ ກໍ​ໄດ້​ອອກແຮງສຶກສາ​ອົບຮົມ​ໃຫ້​ປະຊາຊົນ​ບັນດາເຜົ່າ​ເຂົ້າໃຈ​ນັບ​ມື້​ນັບ​ເລິກເຊິ່ງ ແລະ ມີ​ຄວາມ​ເຊື່ອ​ໝັ້ນ​ຕໍ່​ແນວທາງ​ກ້າວ​ຂຶ້ນ ແລະ ອະນາຄົດ​ຂອງ​ປະເທດຊາດ. ພັກ​ເຮົາ​ໄດ້​ບູລະນະ​ແນວທາງ​ການຈັດຕັ້ງ​ໃຫ້​ສອດຄ່ອງ​ກັບແນວທາງ​ການເມືອງ​ໃນ​ໄລຍະ​ໃໝ່ ອັນ​ທີ່​ພົ້ນ​ເດັ່ນ​ແມ່ນ​ໄດ້​ປັບປຸງດັດ ແປງ​ລະບົບ​ການຈັດຕັ້ງ ແລະ ແບບແຜນ​ວິທີ​ນຳ​ພາຂອງຄະ ນະ​ພັກ​ຂັ້ນຕ່າງໆ​ແຕ່​ສູນ​ກາງ​ຮອດ​ຮາກ​ຖານ, ປະຕິບັດຫຼັກ ການ​ລວມ​ສູນ​ຢ່າງເຂັ້ມ​ງວດທັງ ເສີມ​ຂະຫຍາຍ​ປະຊາທິປະໄຕ ພາຍ​ໃນ​ພັກ​ຢ່າງ​ກວ້າງຂວາງ ເມື່ອ​ເປັນ​ແນວ​ນັ້ນແລ້ວ​ສະມາ ຊິກ​ພັກ​ສ່ວນ​ຫຼວງຫຼາຍ​ຈຶ່ງຮັກ ສາ​ໄດ້​ຄວາມ​ເປັນ​ແບບ​ຢ່າງ​ນໍາ​ໜ້າ​ໃນ​ການ​ປະຕິບັດ​ໜ້າທີ່​ວຽກ​ງານ ແລະ ໃນ​ດ້ານ​ຄຸນສົມບັດ​ສິນ​ທໍາ​ປະຕິວັດ ການ​ຂະຫຍາຍ​ພັກ​ໄດ້​ດາໍເນີນ​ຢ່າງ​ເປັນ​ປົກ ກະຕິ​ຕາມ​ທິດ​ນຳເອົາ​ຄຸນ​ນະ​ພາບ​ເປັນຕົ້ນ​ຕໍ ແລະ ດ້ວຍ​ການ​ເຂົ້າ​ຮ່ວມ​ຂອງ​ມະຫາຊົນ​ໃນ​ສະໄໝ​ກອງ​ປະຊຸມ​ໃຫຍ່ ຄັ້ງ​ທີ V ຂອງ​ພັກ​ມີ​ຈໍາ​ນວນ​ສະ ມາຊິກ​ພັກ​ໄດ້​ເພີ່ມ​ຂຶ້ນຫຼາຍ​ກວ່າ 15.000  ສະຫາຍ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110