ຫົວ​ຂໍ້ : ປຶ້ມແບບຮຽນສະບັບປັບປຸງໃໝ່ ຊັ້ນ ປ 2 ພ້ອມຈະແຈກຢາຍ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 11/03/2020 09:09:48 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2500 ຄັ້ງ

   ເມື່ອ​ບໍ່​ດົນ​ຜ່ານ​ມາ ທ່ານ ນາງ ຂັນ​ທະ​ລີ ສີ​ຣິ​ພົງພັນ ຮອງ​ລັດຖະມົນຕີ ກະຊວງ ສຶກສາ​ທິ​ການ ແລະ ກິລາ, ທ່ານ ຈອງ ເບີ ນາດ ຄາ ຣາດ​ໂກ ເອກ​ອັກ​ຄະ​ລັດ​ຖະ​ທູດ ສະຖານທູດ​ອົ​ສ ​ຕຣາ​ລີ ປະຈຳ ສປປ ລາວ ພ້ອມ​ດ້ວຍ​ພະນັກງານ​ໂຄງການ ໄດ້​ລົງຕິດຕາມ​ຢ້ຽມ​ຊົມສາງເ​ກັບ​ມ້ຽນ ແລະ ຂັ້ນ​ຕອນ​ການຫຸ້ມ​ຫໍ່ປຶ້ມ​ແບບຮຽນ ແບບ​ສອນ ສະບັບປັບປຸງ​ໃໝ່​ສຳລັບ​ຊັ້ນ  ປ2 ຢູ່ ສາງ​ເກັບ​ມ້ຽນ​ຂອງ​ກະຊວງສຶກສາ​ທິ​ການ ແລະ ກິລາ ນະຄອນຫຼວງ​ວຽງ​ຈັນ.
   ເລີ່ມ​ຕັ້ງແຕ່​ປີ 2015, ກະຊວງ​ສຶກສາ​ທິ​ການ ແລະ ກິລາ​ແຫ່ງ ສປປ ລາວ (ສສກ) ໂດຍ​ການ​ສະໜັບສະໜູນ​ຈາກ​ ສະຖານທູດ​ອົ​ສ​ຕຣາລີ, ສະຫະ ພາບ​ເອີ​ຣົບ ແລະ USAID ໄດ້​ພັດທະນາ​ຫຼັກສູດ​ຊັ້ນ​ປະຖົມ​ແຫ່ງ​ຊາດ​ສະບັບ​ປັບປຸງ​ໃໝ່ ຄຽງ​ຄູ່​ກັບ​ສື່​ການ​ຮຽນ​ການ​ສອນ​ສະບັບ​ປັບປຸງ​ໃໝ່. ການຈັດຕັ້ງ​ປະຕິບັດ​ຫຼັກສູດ​ຊັ້ນ​ປະຖົມ​ສຶກສາ​ແຫ່ງ​ຊາດ​ສະບັບ​ປັບປຸງ​ໃໝ່​ໃນ​ຫ້ອງ​ຮຽນ​ໄດ້​ເລີ່ມ​ນຳ​ໃຊ້​ໃນ​ເດືອນ​ກັນຍາ 2019 ໃນ​ຂັ້ນ ປ1 ແລະ ຈະ​ປັບ ປຸງ​ຈົນ​ຮອດ​ຂັ້ນ ປ5 ສົກຮຽນ 2023-2024. ເພື່ອ​ຮັບປະກັນ​ວ່າ​ຄູ​ຮັບ​ຮູ້​ກ່ຽວ​ກັບ​ສື່​ການ​ຮຽນ​- ການ​ສອນ​ສະບັບ​ປັບປຸງ​ໃໝ່ ແລະ ຮູ້​ນຳ​ໃຊ້​ສື່ ໄດ້​ ມີ​ການ​ສ້າງ​ແຜນການ​ຝຶກ​ອົບ ຮົມ​ບຳລຸງ​ຄູ ແລະ ຈັດ​ຕັ້ງ​ປະຕິ ບັດ​ໂດຍ ສສກ ທົ່ວ​ປະເທດ ໂດຍ​ການ​ສະໜັບສະໜູນ​ຂອງ​ລັດຖະບານ​ອົ​ສຕຣາ​ລີ ແລະ ສະຫະພາບ​ເອີ​ຣົບ ຊຶ່ງ​ມີປຶ້ມ​ນິທານ 159.205 ຫົວ, ປຶ້ມ​ອ່ານ​ເສີມ 683.645 ຫົວ ແລະ ຮູບ​ພາບ​ທີ່​ມີ​ຫຼາຍ​ເຫດການ 18.730 ຮູບ​ພາບ ຈະ​ຖືກ​ຫຸ້ມ​ຫໍ່​ໃນ​ກ່ອງ​ອຸປະກອນ​ການ​ສອນ​ຂອງ​ຄູ ແລະ ຈະ​ນຳ​ສົ່ງ​ໃຫ້​ຫ້ອງ​ຮຽນ​ຊັ້ນ ປ.2 ທົ່ວ​ປະເທດ ກ່ອນ​ມື້​ເປີດ​ສົກຮຽນ​ໃໝ່ ສົກຮຽນ 2020 - 2021.
       (ຂ່າວ: ຕຸ​ໄລ​ເພັດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110