ຫົວ​ຂໍ້ : ຍີ່ປຸ່ນ ສະໜັບສະໜູນການບໍລິການ ສຸຂະພາບຢູ່ແຂວງຫົວພັນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 11/03/2020 09:50:10 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1382 ຄັ້ງ

   ລັດຖະບານຍີ່ປຸ່ນ ໄດ້ໃຫ້ ການຊ່ວຍເຫຼືອໂຄງການເສີມ ສ້າງຄວາມເຂັ້ມແຂງໃຫ້ແກ່ ສຸກສາລາ ແລະ ໂຮງໝໍເມືອງ ແລະ ຍົກລະດັບການບໍລິການ ທາງດ້ານສາທາລະນະສຸກ ທີ່ ແຂວງຫົວພັນເປັນຈໍານວນເງິນ 4 ແສນກວ່າໂດລາ. ພິທີເຊັນສັນຍາໂຄງການ ຊ່ວຍເຫຼືອດັ່ງກ່າວໄດ້ຈັດຂຶ້ນ ເມື່ອບໍ່ດົນມານີ້ທີ່ສະຖານທູດ ຢີ່ປຸ່ນ ລະຫວ່າງທ່ານ ທາເກ ວາກະ ເຄໂຊ ເອກອັກຄະຣາ ຊະທູດຢີ່ປຸ່ນ ປະຈຳ ສປປ ລາວ ແລະ ທ່ານ ນາງ ໂອກາວະ ອາກິ ຜູ້ດຳເນີນໂຄງການຂອງ ອົ ງກ ານແພດໂລກ ຍີ່ປຸ່ນ (MdMJ) ຊຶ່ງເປັນອົງການບໍ່ ສະແຫວງຜົນກຳໄລຈາກປະ ເທດຍີ່ປຸ່ນ ແລະ ເປັນຜູ້ບໍລິ ຫານໂຄງການດັ່ງກ່າວ.

   ການຊ່ວຍເຫຼືອໃນຄັ້ງນີ້ ຈະ ໃຫ້ການສະໜັບສະໜູນກິດຈະ ກຳເປັນເວລາ 1 ປີ. ໂຄງການນີ້ມີເປົ້າໝາຍທີ່ ຈະເສີມສ້າງຄວາມເຂັ້ມແຂງ ກົນໄກກ ານບ ຳລຸ ງຮັກສ າ ແລະ ຍົກລະດັບການປິ່ນປົວ ຂັ້ນພື້ນຖານໃຫ້ແກ່ສະຖານ ບໍລິກ ານດ້ ານສຸຂະພ າບຢູ່ ແຂວງຫົວພັນ ໂດຍສະເພາະ ແມ່ນສຸກສາລາ ແລະ ໂຮງໝໍ ເມືອງ, ໂຄງການດັ່ງກ່າວຈະ ສ້າງສັກກະຍະພາບໃຫ້ແກ່ ການກວດກາ, ການປະເມີນ ຜົນ ແລະ ອຳນວຍຄວາມ ສະດວກໃຫ້ແກ່ການຮ່ວມມື ລະຫວ່າງຄະນະກຳມະການ ສາທາລະນະສຸກຂັ້ນບ້ານ, ສະຖານບໍລິການສາທາລະນະ ສຸກ ແລະ ຫ້ອງການໂຮງໝໍ ເມືອງ ເພື່ອເຮັດໃຫ້ເຂົາເຈົ້າ ສາມາດສືບຕໍ່ຮຽນຮູ້ດ້ວຍຕົວ ເອງໄດ້. ໃນຂະນະທີ່ຢູ່ເມືອງ ກວັນ, ໂຄງການດັ່ງກ່າວຈະ ມອບອຸປະກອນທີ່ຈຳເປັນໃຫ້ ແກ່ສຸກສາລາເພື່ອຍົກລະດັບ ການບໍລິການດ້ານສາທາລະ ນະສຸກ. ອົງການແພດໂລກ ແມ່ນ ເຄື່ອຂ່າຍການແພດລະດັບ ໂລກ ທີ່ໄດ້ຮ່ວມເຮັດວຽກກັບ ບັນດາແພດຊ່ຽວຊານ ເພື່ອ ເຮັດໃຫ້ປະຊາຊົນເຂົ້າເຖິງ ການບໍລິການທາງການແພດ ຊຶ່ງໄດ້ຜົນກະທົບຈາກປັດໄຈ ຫຼາຍຢ່າງບໍ່ວ່າຈະເປັນ ໄພທຳ ມະຊາດ, ບັນຫາຂັດແຍ່ງ ຫຼື ຄວາມທຸກຍາກ. (ຂ່າວ: ສະຖານທູດຍີ່ປຸ່ນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110