ຫົວ​ຂໍ້ : ການຕໍ່ສູ້ຕ້ານພະຍາດ covid-19 ຂອງຈີນ ນຳໂດຍ ທ່ານ ສີຈິ້ນຜິງ ປະສົບຜົນສຳເລັດດີ ແລະ ວ່ອງໄວ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 11/03/2020 10:17:18 ຈຳ​ນວນ​ຜູ້​ເຂົ້າ​ຢ້ຽມ​ຊົມ 347 ຄັ້ງ

   ຕາມຂ່າວສານຊີອາໄອ. ປັດຈຸບັນ, ສະພາບການແຜ່ ລະບາດຂອງພະຍາດ CO VID-19 ຍັງພວມແຜ່ລາມໃນ ທົ່ວໂລກ. ສ່ວນຂ່າວດີທີ່ມາ ຈາກຈີນ ກໍໄດ້ເຮັດໃຫ້ປະຊາ ຄົມໂລກມີຄວາມຫວັງຫຼາຍ ຂຶ້ນເລື້ອຍໆໃນການຕ້ານກັບ ພະຍາດ,ຈຳນວນຜູ້ຖືກບົ່ງມະຕິ ເປັນພະຍາດ ແລະ ຜູ້ເສຍຊີວິດ ທີ່ເພີ່ມຂຶ້ນໃໝ່ໄດ້ຫຼຸດລົງຢ່າງ ວ່ອງໄວ, ຊີວິດການເປັນຢູ່ດ້ານ ເສດຖະກິດ-ສັງຄົມ ກໍພວມໄດ້ ຮັບການຟື້ນຟູໃຫ້ເປັນປົກກະຕິ ຄືນໃໝ່ເປັນກ້າວໆ. ເວົ້າສຳລັບຈີນ, ນີ້ເປັນ ການຕໍ່ສູ້ທີ່ເກີດຂຶ້ນຢ່າງກະ ທັນຫັນ ແລະ ບໍ່ເຄີຍມີມາກ່ອນ ໃນປະຫວັດສາດ, ພະຍາດ COVID-19, ໄດ້ແຜ່ລະບາດ ຢ່າງໄວວາ, ຂອບເຂດຂອງ ການຕິດແປດເຊື້ອພະຍາດກໍ ກວ້າງຂວາງ ແລະ ວຽກງານ ການປ້ອງກັນ, ຄວບຄຸມພະ ຍາດກໍມີຄວາມຫຍຸ້ງຍາກຫຼາຍ ທີ່ສຸດ ຊຶ່ງບໍ່ເຄີຍມີມາກ່ອນ ນັບຕັ້ງແຕ່ການສະຖາປະນາ ສາທາລະນະລັດ ປະຊາຊົນ ຈີນເປັນຕົ້ນມາ. ໃນ 1 ເດືອນ ກວ່າຜ່ານມາ, ໃນຖານະເປັນ ຜູ້ນຳສູງສຸດຂອງຈີນ, ທ່ານ ສີ ຈິ້ນຜິງ ປະທານປະເທດຈີນ ໄດ້ໃຫ້ການຊີ້ນຳ ແລະ ຈັດວາງ ແຜນການດ້ວຍຕົນເອງ ນຳພາ ປະຊາຊົນຕໍ່ສູ້ຕ້ານກັບການແຜ່ ລະບາດຂອງເຊື້ອພະຍາດທີ່ ຮ້າຍແຮງຮອບນີ້. ນັບແຕ່ການແຜ່ລະບາດ ຂອງພະຍາດ COVID-19 ເປັນຕົ້ນມາ, ທ່ານ ສີຈິ້ນຜິງ ໄດ້ ເປັນປະທານຈັດກອງປະຊຸມ ສຳຄັນຫຼາຍຄັ້ງ ລວມທັງກອງ ປະຊຸມທາງວີດີໂອ ແລະ ໂທ ລະພາບທົ່ວປະເທດ ທີ່ມີແສນ ກວ່າຄົນເຂົ້າຮ່ວມຢ່າງບໍ່ເຄີຍມີ ມາກ່ອນເພື່ອປຸກລະດົມ ແລະ ວາງແຜນຢ່າງຮອບດ້ານກ່ຽວ ກັບການປ້ອງກັນແລະຄວບຄຸມ ການແຜ່ລະບາດຂອງພະຍາດ. ນອກນີ້, ທ່ານ ຍັງໄດ້ລົງພື້ນ ທີ່ຂອງການປ້ອງກັນ ແລະ ຄວບຄຸມພະຍາດ ກໍຄືອົງການ ຄົ້ນຄວ້າວິທະຍາສາດຫຼາຍ ເທື່ອເພື່ອດຳເນີນການສຳຫຼວດ ວິທະຍາສາດຢ່າງລະອຽດ. ແຕ່ ລະມື້, ການເຄື່ອນໄຫວກໍຄື ຄຳເວົ້າຕ່າງໆຂອງທ່ານ ລ້ວນ ແຕ່ໄດ້ເຜີຍແຜ່ເຖິງທຸກແງ່ທຸກ ມູມຂອງຈີນຢ່າງວ່ອງໄວທີ່ສຸດ ໂດຍຜ່ານການລາຍງານຂ່າວ. ສະພາບການແຜ່ລະບາດຂອງ ເຊື້ອພະຍາດ, ຄໍາສັ່ງ, ໜ້າທີ່ ຮັບຜິດຊອບໜັກໜ່ວງ, ແຫ່ງ ຕ່າງໆຂອງຈີນໄດ້ປະຕິບັດ ໜ້າທີ່ຕາມຄຳສັ່ງຢ່າງວ່ອງໄວ, ຈັດຕັ້ງປະຕິບັດຕາມທິດຊີ້ນຳ ຂອງຜູ້ບັນຊາການສູງສຸດ,ຊຸກຍູ້ ການປ້ອງກັນ ແລະ ຄວບຄຸມ ການແຜ່ລະບາດຂອງເຊື້ອ ພະຍາດ, ການພັດທະນາເສດ ຖະກິດ-ສັງຄົມ ແລະ ວຽກ ງານຕ່າງໆດ້ວຍການປະສານ ງານໂດຍລວມ ຊຶ່ງໄດ້ສະແດງ ໃຫ້ເຫັນເຖິງຄວາມສາມາດ ການປຸກລະດົມທາງສັງຄົມອັນ ເຂັ້ມແຂງ ແລະ ໄດ້ປະສົບ ຜົນສຳເລັດທີ່ດີທີ່ຍາດມາໄດ້ ບໍ່ງ່າຍໃນໄລຍະເວລາອັນສັ້ນ. ຕະຫຼອດໄລຍະຂອງການ ຕ້ານພະຍາດ COVID-19, ທ່ານ ສີຈິ້ນຜິງ ລ້ວນແຕ່ໄດ້ ສະແດງໃຫ້ເຫັນເຖິງຄວາມ ສາມາດການນຳພາທີ່ກຳໄດ້ ສະຖານະການໂດຍລວມແລະ ການຈັດວາງຢ່າງຖືກຕ້ອງທີ່ ສຸດ. ໃນໄລຍະເບື້ອງຕົ້ນຂອງ ກ ານຕໍ່ສູ້ຕ້ ານກັບການແຜ່ ລະບາດຂອງພະຍາດໃນຄັ້ງ ນີ້, ທ່ານ ກໍໄດ້ສະເໜີຄວາມ ຮຽກຮ້ອງໂດຍລວມຢ່າງຈະ ແຈ້ງຄື: “ຢຶດໝັ້ນຄວາມໝັ້ນ ໃຈ,ສາມັກຄີແລະ ຊ່ວຍເຫຼືອ ຊຶ່ງກັນແລະກັນ,ປ້ອງກັນແລະ ປິ່ນປົວຕາມຫຼັກວິທະຍາສາດ, ໃຊ້ມາດຕະການຢ່າງຖືກເປົ້າ ໝາຍ” ຊຶ່ງເປັນການສະຫຼຸບຫຍໍ້ ແນວຄວາມຄິດຍຸດທະສາດ ຂອງສົງຄາມປະຊາຊົນໃນ ບັ້ນນີ້ຈົນມາຮອດປັດຈຸບັນ, ຍັງສືບຕໍ່ຊີ້ນຳວຽກງານການ ປ້ອງກັນ ແລະ ຄວບຄຸມການ ແຜ່ລະບາດຂອງພະຍາດຢູ່ ຈີນ. ສະພາບການແຜ່ລະບາດ ຂອງພະຍາດ COVID-19, ທ່ານ ສີຈິ້ນຜິງ ໄດ້ເນັ້ນໜັກ ວ່າ: “ສະພາບການແຜ່ລະບາດ ຂອງພະຍາດ,ຄຳສັ່ງ,ການປ້ອງ ກັນ ແລະ ຄວບຄຸມພະຍາດກໍຄື ໜ້າທີ່ຮັບຜິດຊອບ”,ນີ້ເປັນການ ອອກຄຳສັ່ງປຸກລະດົມໃນຂອບ ເຂດທົ່ວປະເທດ; ໃນເວລາ ທີ່ສຸມທຸກຄວາມພະຍາຍາມ ຕ້ານກັບພະຍາດ, ທ່ານ ສີຈິ້ນ ຜິງ ໄດ້ເຕືອນໃຫ້ແຫ່ງຕ່າງໆ ຄວນລະມັດລະວັງຢ່າງສູງຕໍ່ ແນວຄິດລະເຫຼີງ ແລະ ການ ປ່ອຍປະລະເລີຍ, ອາລົມເບື່ອ ໜ່າຍ, ຄິດເພິ່ງໂຊກຊາຕາ, ທ່າທີທີ່ບໍ່ຕັ້ງໜ້າ. ໃນຂະນະ ທີ່ເກີດມີທ່ວງທ່າທີ່ດີຂຶ້ນໃນ ການຕ້ານກັບການແຜ່ລະບາດ ຂອງພະຍາດ, ທ່ານ ສີຈິ້ນຜິງ ໄດ້ສະເໜີຢ່າງທັນເວລາໃຫ້ ຊຸກຍູ້ການຟື້ນຟູການເຮັດວຽກ ແລະ ການຜະລິດຄືນໃໝ່ຢ່າງ ຖືກຕ້ອງ, ໜັກແໜ້ນ ແລະ ມີ ລະລຽບແບບແຜນ. ຍ້ອນການຊີ້ນຳທາງຍຸດ ທະສາດ ແລະ ການບັນຊາຍຸດ ທະວິທີແບບນີ້, ເຮັດໃຫ້ຈີນ ໄດ້ ຮັບຜົນສຳເລັດທີ່ດີຢ່າງເປັນເຈົ້າ ການ ແລະ ວ່ອງໄວໃນການຕໍ່ ສູ້ຕ້ານກັບເຊື້ອພະຍາດທີ່ສັບ ສົນ, ຫຍຸ້ງຍາກທີ່ສຸດໃນປະ ຫວັດສາດຜ່ານມາ ຊຶ່ງໄດ້ຮັບ ການຍ້ອງຍໍຊົມເຊີຍຢ່າງ ກວ້າງ ຂວາງຈາກປະຊາຄົມໂລກລວມ ທັງອົງການອະນາໄມໂລກ. ໃນທຸກຂອດ ແລະ ຂໍ ກຸນແຈທີ່ສໍາຄັນຂອງການຕ້ານ ພະຍາດ COVID-19, ທ່ານ ສີຈິ້ນຜິງ ລ້ວນແຕ່ໄດ້ໃຫ້ຄຳສັ່ງ ຊີ້ນຳທີ່ຖືກຕ້ອງເຊັ່ນ: ຈະເຮັດ ແນວໃດຈຶ່ງຈະສາມາດເຮັດ ວຽກຕ້ານກັບ COVID-19 ຢ່າງເປັນເອກະພາບໃນທົ່ວ ປະເທດໄດ້. ທ່ານ ສີຈິ້ນຜິງ ໄດ້ ໃຫ້ຂໍ້ສະເໜີທີ່ສໍາຄັນຄື: “ຖ້າ ອູຮັ້ນຊະນະແຂວງຫູເປີຍ ກໍ ຈະຊະນະ, ຖ້າຫູເປີຍຊະນະ ທົ່ວປະເທດກໍຈະຊະນະເຊັ່ນ ກັນ”;ພະນັກງານສະມາຊິກພັກ ຈະເຮັດແນວໃດເພື່ອຈະເປັນ ແບບຢ່າງໃຫ້ປະຊາຊົນ, ທ່ານ ສີຈິ້ນຜິງ ໄດ້ໃຫ້ຄຳຮຽກຮ້ອງ ວ່າ: ປ້ອງກັນແຜ່ນດິນຢ່າງມີ ຄວາມຮັບຜິດຊອບ, ແບກຫາບ ໜ້າທີ່ຮັບຜິດຊອບ, ປະຕິບັດ ໜ້າທີ່ຈົນສຸດຄວາມສາມາດ ຂອງຕົນຈະປ້ອງກັນແລະຄວບ ຄຸມພະຍາດຕິດແປດໄດ້ແນວ ໃດ.ທ່ານສີຈິ້ນຜິງ ໄດ້ວາງມາດ ຕະການແກ້ໄຂບັນຫາຈາກກົກ ຮາກຢ່າງຈະແຈ້ງຄື: ຄວບຄຸມ ແຫຼ່ງກຳເນີດ,ຕັດຊ່ອງທາງການ ແຜ່ລະບາດຂອງ COVID-19, ຈະເຮັດແນວໃດເພື່ອຮັບເອົາ ຄົນເປັນພະຍາດມາປິ່ນປົວ. ທ່ານ ສີິຈິ້ນຜິງ ໄດ້ໃຫ້ທິດຊີ້ນໍາ ຢ່າງຂາດຕົວວ່າ: ຄວນສຸມທຸກ ຄວາມພະຍາຍາມໃຫ້ຜູ້ຖືກ ບົ່ງມະຕິເປັນພະຍາດທັງໝົດ ໄດ້ເຂົ້ານອນປິ່ນປົວຢູ່ໂຮງໝໍ, ຄວນກອບກູ້ແລະ ປິ່ນປົວຜູ້ ເປັນພະຍາດຈົນສຸດຄວາມ ສາມາດຂອງຕົນ, ຈະຮ່ວມ ຈັດວາງການປ້ອງກັນ ແລະ ຄວບຄຸມແນວໃດ. ຕ້ອງໃຫ້ ຄວາມສຳຄັນຕໍ່ການປ້ອງກັນ ແລະ ຄວບຄຸມຢູ່ເຂດຊຸມຊົນ ໃນຕົວເມືອງ ແລະ ຊົນນະບົດ, ໃຫ້ການກອບກູ້ແລະ ປິ່ນປົວ ຜູ້ເປັນພະຍາດຢ່າງເຖິງຖອງ, ຈະກຳຈັດເຊື້ອພະຍາດຢ່າງ ເຖິງຖອງຖືກຕ້ອງນັ້ນກໍແມ່ນ “ອາວຸດທີ່ເຂັ້ມແຂງທີ່ສຸດກໍແມ່ນ ເຕັກນິກວິທະຍາສາດ ແລະ ອື່ນໆ.ການອະນຸມັດແລະວິນິດ ໄສ,ທິດຊີ້ນໍາຂອງທ່ານສີຈິ້ນຜິງ ໄດ້ນໍາພາໃນທົ່ວຂະບວນການ ຕໍ່ສູ້ຕ້ານກັບການແຜ່ລະບາດ ຂອງ COVID-19, ກາຍເປັນ ປຶ້ມແບບຮຽນສະບັບຕົວຈິງທີ່ມີ ຊີວິດຊີວາເຫຼັ້ມໜຶ່ງຂອງລະບົບ ການບໍລິຫານປະເທດແລະ ຄວາມສາມາດການບໍລິຫານທີ່ ທັນສະໄໝ. ທ່ານ ເທໂດຣສ ອາດາ ນອມ ເກເບຣເຢຊຸສ ຜູ້ອຳນວຍ ການໃຫຍ່ອົງການອະນາໄມ ໂລກ ຫຼືWHO ໄດ້ຕີລາຄາດ້ວຍ ຄໍາເວົ້າພິເສດວ່າ; “ພົບເຫັນໄດ້ ຍາກໃນໂລກ” ຄື“ຈີນ ມີການ ເຄື່ອນໄຫວທີ່ວ່ອງໄວ, ດໍາເນີນ ໃນບໍລິເວນທີ່ກວ້າງຂວາງ ຊຶ່ງ ພົບເຫັນໄດ້ຍາກໃນໂລກ”ແລະ “ລະບຽບການຂອງຈີນມີຄວາມ ເຂັ້ມແຂງ ແລະ ມາດຕະການ ມີປະສິດທິຜົນ ຊຶ່ງພົບເຫັນໄດ້ ຍາກໃນໂລກ, ເປັນເລື່ອງທີ່ ໜ້າ ໃຫ້ການເຄົາລົບນັບຖືຢ່າງສູງ”.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110