ຫົວ​ຂໍ້ : ລມຕ ກະຊວງຍຸຕິທຳຕ້ອນຮັບທູດອາເມຣິກາຄົນໃໝ່

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 12/03/2020 08:46:35 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1520 ຄັ້ງ

  ທ່ານ​ ໄຊ​ສີ ສັນ​ຕິ​ວົງ​ ລັດຖະມົນຕີ​ກະຊວງ​ຍຸ​ຕິ​ທໍາ ​ໄດ້​ຕ້ອນຮັບ​ການ​ເຂົ້າ​ຢ້ຽມ​ຂໍ່າ​ນັບ​ຂອງ ​ທ່ານ​ ປີ​ເຕີ​ ເຮ​ມ໋ອນ ​ເອກ​ອັກ​ຄະ​ລັດ​ຖະ​ທູດ​ສະຫະລັດ​ອາເມຣິກາ​ຄົນ​ໃໝ່​ ປະ​ຈໍາ​ລາວ​ເມື່ອ​ວັນ​ທີ  11 ມີນາ​ ທີ່​ກະຊວງ​ຍຸຕິ​ທຳ ໃນ​ໂອກາດ​ທີ່​ມາ​ດໍາ​ລົງ​ຕໍາ​ແໜ່​ງ​ເປັນ​ເອກ​ອັກ​ຄະ​ລັດ​ຖະ​ທູດ​ຄົນ​ໃໝ່​ປະ​ຈໍາ​ລາວ.
  ໃນ​ໂອກາດ​ນີ້, ທ່ານ ​ໄຊສີ ສັນ​ຕິ​ວົງ​  ໄດ້​ກ່າວ​ສະແດງ​ຄວາມ​ຍ້ອງຍໍ​ຊົມເຊີຍ​  ແລະ​ ຕ້ອນຮັບ​ຢ່າງ​ອົບ​ອຸ່ນ​ຕໍ່​ ທ່ານ ​ປີ​ເຕີ​ ເຮ​ມ໋ອນ​  ໃນ​ໂອກາດ​ທີ່​ມາ​ດໍາ​ລົງ​ຕໍາ​ແໜ່​ງ​ເປັນ​ເອກອັກ​ຄະ​ລັດ​ຖະ​ທູດ​ສະຫະລັດ​ອາເມຣິກາ​ຄົນ​ໃໝ່​ປະ​ຈໍາ​ລາວ ​ຊຶ່ງ​ໃນ​ການ​ເຂົ້າຢ້ຽມ​ຂ່ຳ​ນັບ ​ໃນ​ຄັ້ງ​ນີ້​ທ່ານ​ທູດ​ໄດ້​ແຈ້ງ​ຈຸດປະສົງ​ ​ໃຫ້​ທ່ານ​ລັດຖະມົນຕີ​ໄດ້​ຮັບ​ຊາບ​ ໂດຍ​ສະເພາະ​ການ​ຮ່ວມ​ມື​ສອງ​ຝ່າຍ​ໃນ​ຂົງເຂດ​ກົດໝາຍ​ໃນ​ສະເພາະ​ໜ້າ ​ແລະ​ ຍາວ​ນານ​ເພື່ອ​ເປັນ​ການ​ເສີມ​ຂະຫຍາຍ​ສາຍ​ພົວພັນ​ຮ່ວມ​ມື​ລະຫວ່າງ​ລາວ- ອາເມຣິກາ​ທີ່​ມີ​ມາ​ແຕ່​ດົນ​ນານ​ແລ້ວ​ໃຫ້​ແຕກ​ດອກ​ອອກ​ຜົນ​ຍິ່ງ​ຂຶ້ນ, ພ້ອມ​ນີ້​ ທ່ານ​ລັດ​ຖະ​ມົນ​ຕີ​ ຍັງ​ໄດ້​ອວຍພອນ​ໃຫ້​ທ່ານ​ທູດ​ປະຕິບັດ​ໜ້າທີ່​ທາງ​ການ​ທູດ​ຢູ່​ລາວ​ຢ່າງ​ມີ​ຜົນ​ສຳ​ເລັດ.
  ຈາກ​ນັ້ນ,ທ່ານ ​ປີ​ເຕີ​ເຮ​ມ໋ອນ ​ກໍໄດ້​ກ່າວ​ສະແດງ​ຄວາມ​ຂອບໃຈ​ຕໍ່​ການ​ຕ້ອນຮັບ​ອັນອົບ​ອຸ່ນ​ຂອງ​ທ່ານ ​ໄຊ​ສີ ສັນຕິວົງ​ ແລະທ່ານ​ພ້ອມ​ແລ້ວ​ຈະ​ໃຫ້ການ​ສືບຕໍ່​ສະໜັບສະໜູນ​ຮ່ວມ​ມື​ ເພື່ອ​ໃຫ້​ວຽກ​ງານ​ໃນ​ຂົງເຂດ​ຍຸຕິ​ທຳ​ຂອງ​ສອງ​ຝ່າຍ​ປະສົບ​ຜົນສຳເລັດ​ຢ່າງ​ຈົບ​ງາມ.
(ຂ່າວ-ພາບ: ພູ​ວັນ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110