ຫົວ​ຂໍ້ : ຟໍເຕ ໂຕໂກ ປະກັນໄພ ຮ່ວມມືກັບ ລາວໂທລະຄົມ ບໍລິການປະກັນໄພໃຫ້ເຂົ້າເຖິງງ່າຍທີ່ສຸດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 12/03/2020 09:18:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 98 ຄັ້ງ

   ບໍລິສັດລາວ ໂທລະຄົມມະ ນາຄົມ ມະຫາຊົນ (ລລທ) ຈັບ ມືກັບ ບໍລິສັດ ຟໍເຕ ໂຕໂກ ປະ ກັນໄພ ຫວັງໃຫ້ລູກຄ້າເຂົ້າເຖິງ ການບໍລິການປະກັນໄພງ່າຍ ດາຍທີ່ສຸດ ໂດຍທຸກຄັ້ງທີ່ລູກ ຄ້າໃຊ້ແພັກເກັດ ອິນເຕີເນັດ ຂອງລາວໂທລະຄົມ, ສາມາດ ເລືອກເອົາແພັກເກັດທີ່ຄວບ ຄູ່ກັບປະກັນໄພຂອງ ບໍລິສັດ ຟໍເຕ ໂຕໂກ ປະກັນໄພ ໄດ້ຢ່າງ ສະດວກສະບາຍ ເພື່ອຮັບສິດ ພິເສດ ໃນການຄຸ້ມກັນ ແລະ ຫຼຸດຜ່ອນການສູນເສຍຈາກອຸ ບັດເຫດ. ພິທີຖະແຫຼງຂ່າວ ການ ຮ່ວມມືດັ່ງກ່າວ ໄດ້ມີຂຶ້ນໃນວັນ ທີ 10 ມີນາ ທີ່ລາວໂທລະຄົມ ມະນາຄົມມະຫາຊົນ, ທ່ານ ທັນສະໄໝ ຊາມຸນຕີ ຫົວໜ້າ ຄະນະພັດທະນາຄຸນນະພາບ ການບໍລິການ ບໍລິສັດ ລາວ ໂທ ລະຄົມມະນາຄົມ ມະຫາຊົນ ກ່າວວ່າ: ດ້ວຍຄວາມກ້າວໜ້າ ແລະ ທັນສະໄໝຂອງເຕັກໂນ ໂລຊີສະໄໝໃໝ່ ໄດ້ສ້າງກາລະ ໂອກາດ ແລະ ເອື້ອອໍານວຍ ຄວາມສະດວກໃຫ້ທຸລະກິດ ຫຼາຍຂະແໜງການມີການຂະຫຍາຍຕົວ ຢ່າງ ວ່ອງໄວ ແລະ ກ້າວກະໂດດ, ຄຽງຄູ່ກັນ ນັ້ນ ກໍໄດ້ສ້າງຄວາມສະດວກ ສະບາຍ ແລະ ເພີ່ມທາງເລືອກ ໃໝ່ໃຫ້ກັບຜູ້ບໍລິໂພກຫຼາຍຂຶ້ນ, ໃນເມື່ອບັນດາຂະແໜງການ ທຸລະກິດມີການຮ່ວມມືກັນຍິ່ງ ເຮັດໃຫ້ສາມາດຕອບສະໜອງ ຄວາມ ຕ້ອງການ ຫຼື Life style ຂອງຜູ້ຊົມໃຊ້ໄດ້ດີຍິ່ງ ຂຶ້ນເຊັ່ນກັນ, ຄືດັ່ງຜະລິດຕະ ພັນ ‘‘ສະບາຍໃຈ ໄປໃສ ໄປ ກັນ” ແມ່ນຜົນຈາກການຮ່ວມ ມືກັນລະຫວ່າງ ບໍລິສັດ ລາວ ໂທລະຄົມມະນາຄົມ ມະຫາຊົນ ຊຶ່ງ ເປັນ ບໍລິສັດ ຊັ້ນນໍາ ທາງ ດ້ານການສື່ສານໂທລະ ຄົມ ມະນາຄົມຂອງປະເທດລາວ ມາຍາວນານກວ່າ 23 ປີ ແລະ ບໍລິສັດ ຟໍເຕ ໂຕໂກ ປະກັນໄພ ຜູ້ມີປະສົບການດ້ານ ທຸລະກິດ ປະກັນໄພ ຈາກປະເທດ ກໍາປູ ເຈຍ ຫຼາຍກວ່າ 10 ປີ. ທ່ານ ຊາເລຊ ໂຊ (Mr. Charles Cheo) ຜູ້ບໍລິຫານ ບໍລິສັດ ຟໍເຕ ໂຕໂກ ປະກັນ ໄພ ໄດ້ກ່າວວ່າ: 90% ຂອງ ປະຊາກອນລາວແມ່ນສາມາດ ເຂົ້າ ເຖິງ ການ ສື່ສານ ຜ່ານ ໂທລະສັບມືຖືໄດ້, ແຕ່ການ ເຂົ້າເຖິງການປະກັນໄພພັດບໍ່ ຮອດ 1% ສະນັ້ນ, ຜະລິດຕະ ພັນ “ສະບາຍໃຈ ໄປໃສໄປກັນ” ຈຶ່ງຖືກອອກແບບມາສໍາລັບລູກ ຄ້າ ຜູ້ໃຊ້ບໍລິການໂທລະສັບ ມືຖືຂອງລາວໂທລະຄົມ ໂດຍ ສະເພາະທຸກ ເທື່ອ ທີ່ລູກ ຄ້າ ສະໝັກ Internet Package ຂອງລາວໂທລະຄົມສາມາດ ເລືອກເອົາແພັກເກັດທີ່ຄວບ ຄູ່ກັບປະກັນໄພຂອງ ບໍລິສັດ ຟໍເຕ ໂຕໂກ ປະກັນໄພ ໄດ້ ຢ່າງສະດວກສະບາຍ ເພື່ອ ຮັບສິດທິພິເສດໃນການຄຸ້ມ ກັນ ແລະ ຫຼຸດຜ່ອນການສູນ ເສຍຈາກອຸບັດເຫດເຊັ່ນ: ຄ່າ ໃຊ້ຈ່າຍໃນຮັກສາປິ່ນປົວເວລາ ນອນໂຮງໝໍ 110.000 ກີບ/ຄືນ, ໄດ້ຮັບຄ່າຊົດເຊີຍສູງສຸດເຖິງ 19 ລ້ານກີບ ກໍລະນີອຸບັດເຫດ ສ່ວນບຸກຄົນ, ພິການຖາວອນ ຫຼື ເສຍຊີວິດ ສໍາລັບເງື່ອນໄຂ ຜູ້ທີ່ໃຊ້ບໍລິການນີ້ແມ່ນເປັນລູກ ຄ້າຜູ້ທີ່ໃຊ້ໂທລະສັບມືຖືເບີຕື່ມ ເງິນ ແລະ ເບີເນັດຊີມຂອງລາວ ໂທລະຄົມ ທົ່ວປະເທດ, ມີອາຍຸ ລະຫວ່າງ 16-69 ປີ ເປັນຄົນ ລາວ ຫຼື ຄົນຕ່າງປະເທດທີ່ອາ ໄສຢູ່ໃນປະເທດລາວ, ຕ້ອງສະ ໝັກແພັກເກັດຄົບຕາມເກນທີ່ ກໍານົດສາມາດເລືອກໄດ້ແຕ່ ຕໍ່າຫາສູງ ວິທີການສະຫມັກນໍາ ໃຊ້ກໍບໍ່ໄດ້ຫຍຸ້ງຍາກ ສໍາລັບ ຜູ້ໃຊ້ບໍລິການເບີ Net Sim: ກົດ. *599*ລະຫັດ Package ທີ່ຕ້ອງການ# ໂທອອກ, ສໍາລັບເບີຕື່ມເງິນ: ກົດ *588* ລະຫັດ Package ທີ່ຕ້ອງການ # ໂທອອກ, ລູກຄ້າສະໝັກ ໃຊ້ບໍລິການເມື່ອໃດຈະໄດ້ຮັບ ສິດທິການຄຸ້ມກັນທາງປະກັນ ໄພໃນເດືອນຖັດໄປ. ທ່ານ ຊາເລຊ ໂຊ ຍັງໄດ້ ກ່າວອີກວ່າ: ລູກຄ້າໝັ້ນໃຈໄດ້ ເພາະພວກເຮົາມີທີມງານຄອຍ ໃຫ້ຂໍ້ມູນ ແລະ ໃຫ້ຄໍາປຶກສາ ດ້ານນີ້ໂດຍສະເພາະເຊັ່ນ: ການ ລົງທະບຽນຜ່ານ ຊ່ອງທາງການ ກົດ ໃນໂທລະສັບມືຖື *565# ກົດໂທອອກ, ໂທໄປທີ່ເບີ call center 021 818 888 ຫຼື ຊ່ອງທາງ M-Service ຂອງ ລາວໂທລະຄົມກໍໄດ້ ສໍາລັບຂັ້ນ ຕອນການຮຽກຮ້ອງເອົາສິນທົດ ແທນບໍ່ໄດ້ຫຍຸ້ງຍາກລູກຄ້າສາ ມາດໂທໄປທີ່ເບີ call center 021 918888 ເພື່ອຂໍຄວາມ ຊ່ວຍເຫຼືອຈາກເຈົ້າໜ້າທີ່ປະກັນ ໄພ “ສະບາຍໃຈ” ເພື່ອຮຽກຮ້ອງ ເອົາສິນທົດແທນ ຫຼື ສາມາດສົ່ງ ເອກະສານຜ່ານທາງ whasapp, facebook messenger ຊຶ່ງ ລູກຄ້າຈະໄດ້ຮັບສິນທົດແທນ ພາຍໃນ 3 ວັນລັດຖະການ ຫຼັງ ຈາກໄດ້ຍື່ນເອກະສານຄົບຖ້ວນ ແລະ ຖືກຕ້ອງ. (ຂ່າວ: ບຸນຕອມ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110