ຫົວ​ຂໍ້ : ຍທຂ ສະຫວັນນະເຂດ ມອບເຄ່ືອງກິລາ ແລະ ອຸປະກອນກໍ່ສ້າງໃຫ້ໂຮງຮຽນທະຫານທ້ອງຖ່ິນນາທອງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 12/03/2020 09:24:10 ຈຳ​ນວນ​ຜູ້​ເຂົ້າ​ຢ້ຽມ​ຊົມ 246 ຄັ້ງ

    ເພື່ອເປັນການປະກອບ ສ່ວນໃຫ້ແກ່ໂຮງຮຽນທະຫານ ທ້ອງຖິ່ນນາທອງ ເມືອງພີນ ທີ່ ຂຶ້ນກັບກອງບັນຊາການທະຫານ ແຂວງສະຫວັນນະເຂດ ໃນ ການເປີດຊຸດຝຶກອົບຮົມ-ຫັດ ແອບທະຫານໃໝ່ ປະຈຳປີ 2020, ສະນັ້ນ ໃນວັນທີ 10 ມີ ນາຜ່ານມາ ພະແນກໂຍທາທິ ການ ແລະ ຂົນສົ່ງ ແຂວງສະ ຫວັນນະເຂດ ຊຶ່ງນຳໂດຍທ່ານ ໄຊຍະເສນ ແກ້ວວິໄລສັກ ເລ ຂາຄະນະພັກຮາກຖານ ຫົວໜ້າ ພະແນກ ຍທຂ ໄດ້ນຳເອົາອຸປະ ກອນການກໍ່ສ້າງ ແລະ ອຸປະ ກອນກິລາ ໄປມອບໃຫ້ກັບໂຮງ ຮຽນທະຫານແຫ່ງດັ່ງກ່າວ. ເຄື່ອງທີ່ນຳມາມອບໃນຄັ້ງ ນີ້, ປະກອບມີຊີມັງ 2 ໂຕນ, ກະ ຕໍ້ຫວາຍ, ບານສົ່ງ, ບານເຕະ ແລະ ຊຸດກິລາ ຈຳນວນ 57 ຊຸດ ລວມມູນຄ່າທັງໝົດ 5 ລ້ານ ກວ່າກີບ, ກ່າວຮັບເຄື່ອງໃນ ຄັ້ງນີ້ ໂດຍທ່ານ ພົນຈັດຕະວາ ຈະເລີນ ວົງວິໄຊ ຫົວໜ້າກອງ ບັນຊາການທະຫານແຂວງສະ ຫວັນນະເຂດ. ໂອກາດນີ້, ທ່ານ ໄຊຍະເສນ ແກ້ວວິໄລສັກ ຍັງໃຫ້ຮູ້ຕື່ມອີກ ວ່າ: ນອກຈາກການມອບອຸປະ ກອນດັ່ງກ່າວແລ້ວ, ທາງພະ ແນກ ຍທຂ ຍັງໄດ້ກະກຽມຈັດພິ ທີມອບ-ຮັບ ແລະ ເປີດການນຳ ໃຊ້ເສັ້ນທາງເຂົ້າໂຮງຮຽນທະ ຫານນາທອງຕື່ມອີກ ຊຶ່ງມີໄລ ຍະທາງທັງໝົດ 6 ກິໂລແມັດ, ມູນຄ່າ 200 ລ້ານກີບທີ່ຈະໄດ້ ຈັດຂຶ້ນໃນມໍ່ໆນີ້. (ຂ່າວ-ພາບ: ແຂວງສະຫວັນ ນະເຂດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110