ຫົວ​ຂໍ້ : ອົງການແພດຍ່ີປຸ່ນ ສືບຕໍ່ໃຫ້ການຊ່ວຍເຫຼືອວຽກງານສຸຂະພາບແມ່ ແລະ ເດັກ ຢູ່ແຂວງຫົວພັນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 12/03/2020 09:25:49 ຈຳ​ນວນ​ຜູ້​ເຂົ້າ​ຢ້ຽມ​ຊົມ 260 ຄັ້ງ

   ພິທີເຊັນບົດບັນທຶກຄວາມ ເຂົ້າໃຈໂຄງການສ້າງຄວາມ ເຂັ້ມແຂງໃຫ້ແກ່ສຸກສາລາ, ໂຮງ ໝໍເມືອງ ແລະ ການປັບປຸງການ ບໍລິການປີ່ນປົວຂັ້ນພື້ນຖານຢູ່ ແຂວງຫົວພັນ ລະຫວ່າງພະແນກ ສາທາລະນະສຸກແຂວງຫົວພັນ ແລະ ອົງການແພດໂລກຍີ່ປຸ່ນ ປະຈຳລາວ ໄດ້ຈັດຂຶ້ນໃນວັນທີ 11 ມີນາ ທີ່ໂຮງແຮມລາວແທວ ນະຄອນຫຼວງວຽງຈັນ ໂດຍເປັນ ກຽດເຂົ້າຮ່ວມຂອງທ່ານ ຄຳພົ້ວ ສຸດທິສົມບັດ ຫົວໜ້າກົມປິ່ນ ປົວຟື້ນຟູໜ້າທີ່ການ ກະຊວງສາ ທາລະນາສຸກ, ທ່ານ ນາງ ອາກິ ໂອກາວະ ຫົວໜ້າອົງການແພດ ໂລກຍີ່ປຸ່ນ ປະຈຳລາວ ພ້ອມ ແຂກຖືກເຊີນ ແລະ ພະນັກງານ ທີ່ກ່ຽວຂ້ອງເຂົ້າຮ່ວມ. ທ່ານ ສົມພອນ ສິດທະວົງ ແສງ ຜູ້ປະສານງານໂຄງການ ຂອງອົງການແພດໂລກຍີ່ປຸ່ນ ໄດ້ລາຍງານຫຍໍ້ກ່ຽວກັບການ ຈັດຕັ້ງປະຕິບັດໂຄງການ ການ ສ້າງຄວາມເຂັ້ມແຂງໃຫ້ແກ່ລະ ບົບການຮັກສາສຸຂະພາບເດັກ ນ້ອຍທີ່ຜ່ານມາ ແລະ ແນະນຳ ໂຄງການ, ການສ້າງຄວາມເຂັ້ມ ແຂງໃຫ້ແກ່ສຸກສາລາ, ໂຮງໝໍ ເມືອງ ແລະ ປັບປຸງບໍລິການປິ່ນ ປົວຂັ້ນພື້ນຖານຢູ່ແຂວງຫົວພັນ ຊຶ່ງທ່ານໄດ້ໃຫ້ຮູ້ວ່າ: ອົງການ ແພດໂລກຍີ່ປຸ່ນແມ່ນເຄືອຂ່າຍ ສາກົນທີ່ດຳເນີນວຽກງານອາ ຊີບທາງແພດ ເພື່ອໃຫ້ບໍລິການ ປິ່ນປົວ ໃນ ສປປ ລາວ ແຕ່ປີ 2012-2015 ອົງການແພດ ໂລກຍີ່ປຸ່ນຮ່ວມກັບອົງການແພດ ໂລກຝຣັ່ງໄດ້ເຮັດວຽກປັບປຸງສຸ ຂະພາບແມ່ ແລະ ເດັກ ໂດຍການ ໃຫ້ການບໍລິການສຸຂະພາບແມ່ ແລະ ເດັກອາຍຸລຸ່ມ 5 ປີ ໂດຍ ບໍ່ເສຍຄ່າ ເລ່ີມແຕ່ປີ 2017 -2020, ອົງການແພດໂລກຍີ່ ປຸ່ນໄດ້ຈັດຕັ້ງປະຕິບັດໂຄງການ ໄລຍະ 3 ປີ ຢູ່ເມືອງຊ່ອນ ແລະ ເມືອງຫົວເມືອງ ແຂວງຫົວພັນ ເພື່ອປະກອບສ່ວນເຂົ້າ ໃນການ ຫຼຸດຜ່ອນອັດຕາການເຈັບເປັນ ແລະ ການເສຍຊີວິດຂອງເດັກ ອາຍຸລຸ່ມ 5 ປີ ໂດຍຜ່ານການ ສ້າງຄວາມເຂັ້ມແຂງໃຫ້ແກ່ລະ ບົບການຮັກສາສຸຂະພາບເດັກ ແລະ ສ້າງຄວາມສາມາດໃຫ້ແກ່ ພະນັກງານສາທາລະນະສຸກ. ການຈັດຕັ້ງປະຕິບັດໂຄງ ການດັ່ງກ່າວ ມີຈຸດປະສົງ ເພື່ອ ປັບປຸງສຸຂະພາບແມ່ ແລະ ເດັກ ຢູ່ 3 ເມືອງຂອງແຂວງຫົວພັນ ຄື: ເມືອງຫົວເມືອງ, ເມືອງຊ່ອນ ແລະ ເມືອງກວັນ ເພື່ອບໍາລຸງຮັກ ສາ ແລະ ປັບປຸງການບໍລິການ ປິ່ນປົວຂັ້ນພື້ນຖານຢູ່ສະຖານທີ່ ບໍລິການສຸຂະພາບຂັ້ນຕົ້ນໃນ ແຂວງຫົວພັນ. ໃນການເຊັນບົດບັນທຶກ ຄວາມເຂົ້າໃຈໂຄງການຄັ້ງນີ້ ແມ່ນທ່ານ ວິລະພອນ ພົມວົງສີ ຫົວໜ້າພະແນກສາທາລະນະ ສຸກແຂວງຫົວພັນ ແລະ ທ່ານ ນາງ ອາກິ ໂອກາວະ ໂດຍຊ້ອງ ໜ້າແຂກຖືກເຊີນເຂົ້າຮ່ວມ. (ຂ່າວ: ມະລິ, ພາບ: ບຸນອູ້ມ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110