ຫົວ​ຂໍ້ : ກະຊວງປ້ອງກັນປະເທດ ມອບເງິນໃຫ້ບ້ານຈັດສັນຍົກຍ້າຍ 3 ບ້ານ ຢູ່ເມືອງໃໝ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 12/03/2020 09:42:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 278 ຄັ້ງ

   ທ່ານ ພົຕ ວົງຄຳ ພົມມະ ກອນ ຄະນະປະຈຳພັກກະຊວງ ປ້ອງກັນປະເທດ ຫົວໜ້າກົມ ໃຫຍ່ພະລາທິການກອງທັບກະ ຊວງປ້ອງກັນປະເທດ ໄດ້ນຳ ເອົາເງິນສົດມາມອບໃຫ້ກັບ 3 ບ້ານທີ່ຖືກຈັດສັນຍົກຍ້າຍມາ ຢູ່ຮ່ວມກັນຢູ່ເຂດບ້ານແສນເງິນ ເມືອງໃໝ່ ແຂວງຜົ້ງສາລີ ເມື່ອ ວັນທີ 6 ມີນາຜ່ານມາ ໂດຍການ ຕ້ອນຮັບຂອງທ່ານ ທອງສີ ເສົາ ສຸລິພົມ ຮອງເຈົ້າແຂວງຜົ້ງສາລີ ພ້ອມດ້ວຍຄະນະຮັບຜິດຊອບ ຈັດສັນຍົກຍ້າຍບ້ານ. ໂອກາດນີ້, ທ່ານ ອູ່ຄຳ ຕຸລາພັນ ຮອງຫົວໜ້າຫ້ອງວ່າ ການແຂວງ ທັງເປັນຄະນະຮັບ ຜິດຊອບຫົວໜ້າກອງເລຂາຈັດ ສັນຍົກຍ້າຍ ຜູ້ປະຈຳການພາກ ສະໜາມກໍໄດ້ລາຍງານຫຍໍ້ ກ່ຽວກັບສະພາບການຍົກຍ້າຍ ແລະ ຈັດສັນບ້ານວ່າ: ການ ຍົກຍ້າຍ ແລະ ຈັດສັນບ້ານໃນ ຄັ້ງນີ້ແມ່ນປະກອບມີ 3 ບ້ານຄື: ບ້ານແສນເງິນ, ບ້ານກຸງຮະ ແລະ ບ້ານຫຍ້າຍຸງເພື່ອມາເຕົ້າ ໂຮມກັນຢູ່ເຂດຈັດສັນ ຊຶ່ງເປັນ ຈຸດໃຈກາງຂອງທັງ 3 ບ້ານ. ບ້ານ ແສນເງິນເປັນບ້ານຊົນເຜົ່າອາ ຄາ ມີ 38 ຫຼັງຄາ, 41 ຄອບຄົວ, ມີພົນລະເມືອງທັງໝົດ 174 ຄົນ, ຍິງ 83 ຄົນ ແຕ່ບ້ານເກົ່າ ມາຫາຈຸດກຳນົດເຕົ້າໂຮມ 5 ກິ ໂລແມັດ. ບ້ານກຸງຮະເປັນຊົນ ເຜົ່າກຶມມຸ ມີ 26 ຫຼັງຄາ, 35 ຄອບຄົວ, ມີພົນລະເມືອງທັງ ໝົດ 444 ຄົນ, ຍິງ 230 ຄົນ ແຕ່ບ້ານເກົ່າມາ ຫາຈຸດ ກຳນົດ ເຕົ້າໂຮມ 1 ກິໂລແມັດ ແລະ ບ້ານຫຍ້າຍຸງເປັນຊົນເຜົ່າອາຄາ ມີ 70 ຫຼັງຄາ, 90 ຄອບຄົວ, ມີ ພົນລະເມືອງ ທັງໝົດ 444 ຄົນ, ຍິງ 73 ຄົນ. ການຍົກຍ້າຍແມ່ນໄດ້ເລີ່ມ ມາແຕ່ວັນທີ 15 ກຸມພາ 2020 ແລະ ມາຮອດປັດຈຸບັນແມ່ນສຳ ເລັດແລ້ວ 78 % ແລະ ຄາດວ່າ ຈະສຳເລັດການຍົກຍ້າຍ 100% ໃນກາງເດືອນມີນານີ້. ເງິນທີ່ນຳ ມາມອບໃຫ້ກັບ 3 ບ້ານທີ່ຖືກ ຍົກຍ້າຍໃນຄັ້ງນີ້ ລວມມູນຄ່າ 200 ລ້ານກີບ ແລະ ມອບໃຫ້ ກອງບັນຊາບັນທະຫານເມືອງ ໃໝ່ 70 ລ້ານກີບ, ມອບໃຫ້ບ້ານ ປາງໄຮເໜືອ ທີ່ຈະຍົກຍ້າຍ ບ້ານມາຮ່ວມກັບ ບ້ານປາກ ແພຈຳນວນ 50 ລ້ານກີບ, ກ່າວ ມອບໂດຍທ່ານ ພົຕ ວົງຄຳ ພົມມະກອນ ແລະ ກ່າວ ຮັບ ໂດຍແມ່ນທ່ານ ສົມຈິດ ສິດທິ ວົງ ເຈົ້າເມືອງໆໃໝ່. (ຂ່າວ-ພາບ: ແສງຄຳ ສາລີວັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110