ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VI ຂອງພັກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 12/03/2020 10:10:53 ຈຳ​ນວນ​​ຢ້ຽມ​ຊົມ 476 ຄັ້ງ

   ວັນ​ທີ 18 ມີນາ 1996, ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ VI ຂອງ​ພັກ​ໄດ້​ເປີດ​ຂຶ້ນ​ທີ່​ນະຄອນຫຼວງ​ວຽງ ຈັນ, ມີ​ຜູ້​ແທນ​ເຂົ້າຮ່ວມ 381 ສະຫາຍ ຊຶ່ງ​ເປັນ​ຕົວ​ແທນ​ໃຫ້​ແກ່​ສະມາຊິກ​ພັກ 78.000 ສະ ຫາຍ ​ໃນ​ທົ່ວ​ປະ​ເທດ. ກອງ​ປະ ຊຸມ​ໃຫຍ່​ຂອງ​ພັກ​ເທື່ອ​ນີ້​ໄດ້ ເຊີນຄະນະ​ຜູ້​ແທນ​ພັກ​ຂອງ​ປະ ເທດ​ອ້າຍ​ນ້ອງ​ຈໍາ​ນວນ​ໜຶ່ງ​ເຂົ້າ​ຮ່ວມ.
   ກອງ​ປະຊຸມ​ໃຫຍ່​ໄດ້ ເລືອກ​ຕັ້ງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ VI  ຊຶ່ງ​ປະກອບ​ດ້ວຍ 49 ສະ​ຫາຍ ເພດ​ຍິງ 4 ສະຫາຍ, ໃນກອງປະ ຊຸມ​ຄົບ​ຄະນະ​ຄັ້ງ​ປະຖົມມະລືກ​ ຂອງຄະນະບໍລິຫານງານສູນ  ກາງ​ພັກ ໄດ້​ເລືອກ​ຕັ້ງ​ກົມ​ ການເມືອງ​ສູນ​ກາງ​ພັກ ຊຶ່ງ​ປະ ກອບ​ດ້ວຍ 9 ສະຫາຍ ແລະ ໄດ້​ເລືອກ​ຕັ້ງ​ ສະຫາຍ ຄໍາ​ໄຕ ສີ​ພັນ​ດອນ ເປັນ​ປະທານຄະ ນະ​ບໍລິຫານ​ງານ​ສູນ​ກາງ​ພັກ, ໄດ້​ແຕ່ງຕັ້ງ​ ສະຫາຍ ໜູ​ຮັກ ພູມສະຫວັນ ເປັນ​ທີ່​ປຶກສາ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ. ຄະນະ​ບໍລິຫານ​ງານ​ສູນ​ກາງ​ພັກ​ໄດ້​ຕົກລົງ​ແຕ່ງຕັ້ງ​ສະຫາຍ ທອງ​ສິງ ທາໍ​ມະ​ວົງ ເປັນ​ຫົວໜ້າ​ຄະນະ​ຈັດ​ຕັ້ງ​ສູນ​ກາງ​ພັກ.
   ກອງ​ປະຊຸມ​ໃຫຍ່​ຄັ້ງ​ນີ້​ບົນ​ພື້ນຖານ​ການ​ໄຈ້​ແຍກ​ຜົນງານ ແລະ ຂໍ້​ຂາດ​ຕົກ​ບົກ​ຜ່ອງ​ຜ່ານ​ມາ, ລາຍ​ງານ​ການເມືອງ​ໄດ້​ມີ​ຂໍ້​ສະຫຼຸບ ແລະ ຖອດ​ຖອນ​ບົດຮຽນ​ອັນ​ປະເສີດ​ຈາກ​ພຶດຕິ​ກໍາ​ອັນ​ມີ​ຊີວິດ​ຊີວາແຫ່ງ​ການ​ດາໍ​ເນີນ​ພາລະກິດ​ປ່ຽນແປງ​ໃໝ່​ໃນ​ໄລຍະ 10 ປີ​ຜ່ານ​ມາ.
1. ການ​ເພີ່ມ​ທະວີ​ຄວາມ​ສາມັກຄີ​ເປັນ​ເອກະ​ພາບ​ໃນ​ທົ່ວ ພັກ,  ທົ່ວ​ປວງ​ຊົນ​ຕິດ​ແໜ້ນ​ກັບ​ການ​ເຊີດ​ຊູນ​້ຳໃຈ​ຮັກ​ຊາດ, ເສີມ​ຂະຫຍາ​ຍ​ຈິດໃຈ​ເອກະ​ພາບ, ເປັນ​ເຈົ້າ​ຕົນ​ເອງ, ເພິ່ງ​ຕົນ​ເອງ ແລະ ສ້າງຄວາມ​ເຂັ້ມແຂງ​ດ້ວຍ​ຕົນ​ເອງ​ແມ່ນ​ປັດໄຈ​ຕັດສິນ​ຜົນ ​ສໍາ​ເລັດ​ຂອງພາລະກິດ​ປ່ຽນ ແປງ​ໃໝ່.
2. ອີງໃສ່​ປະຊາຊົນ,ເສີມ​ ຂະ​ຫຍາ​ຍກາໍ​ລັງ​ແຮງ​ອັນ​ມະ ຫາ​ສານ​ຂອງ​ປະຊາຊົນ ແລະ ເຮັດ​ທຸກ​ສິ່ງ​ທຸກ​ຢ່າງ​ເພື່ອ​ຜົນ​ປະໂຫຍດຂອງປະຊາຊົນແມ່ນ ​ປັດໄຈ​ທີ່​ເປັນ​ພື້ນຖານ​ເຮັດໃຫ້ ການ​ປະຕິວັດກ້າວ​ຂຶ້ນ​ເລື້ອຍໆ.
3. ຮັບປະກັນ​ສະຖຽນລະ ​ພາບ​ທາງ​ດ້ານ​ການເມືອງ, ຄວາມສະຫງົບ ແລະ ຄວາມເປັນ​ ລະບຽບ​ຮຽບຮ້ອຍ​ໃນ​ສັງຄົມ​ ແມ່ນ​ເງື່ອນໄຂ​ອັນ​ຈາໍ​ເປັນ​ສາໍ​ ລັບ​ການ​ປ່ຽນແປງ​ໃໝ່.
4.ເພີ່ມ​ທະວີ​ບົດ​ບາດ​ນາໍ​ພາ​ຂອງ​ພັກ​ໃນ​ທຸກ​ຂົງເຂດ​ວຽກ ງານ ແລະ ເຊີດ​ຊູ​ຄວາມ​ສັກສິດ​ແຫ່ງ​ການ​ຄຸ້ມ​ຄອງ​ລັດ ແມ່ນ​ເງື່ອນໄຂ​ຮັບປະກັນ​ໃຫ້​ແກ່​ການ​ປ່ຽນແປງໃໝ່ດຳເນີນ​ໄປ​ຢ່າງ ຖືກຕ້ອງຕາມ​ແນວທາງ ແລະ​ຈຸດໝາຍ​ຂອງ​ພັກ, ເສີມ​ຂະ​ຫຍາ​ຍກາໍ​ລັງ​ແຮງຂອງ​ຊາດ​ສົມທົບ​ກັບ​ກາໍ​ລັງ​ແຮງ​ຂອງ​ຍຸກ​ສະ​ໄໝ.
5. ຍາດ​ແຍ່ງ​ເອົາ​ການສະ ໜັບສະໜູນ ແລະ ການ​ຊ່ວຍ ເຫຼືອ​ຈາກ​ສາກົນ​ຢ່າງ​ມີ​ຫຼັກ​ການ. ອັນ​ນັ້ນ​ແມ່ນ​ເງື່ອນ​ໄຂ​ຈາໍ​ເປັນ​ທີ່ຂາດ​ບໍ່​ໄດ້​ສໍາ​ລັບ​ການ​ສ້າງສາ​ພັດ ທະ​ນາ​ປະເທດ​ຊາດ​ຂອງ​ພວກ​ເຮົາ.
   ກອງ​ປະຊຸມ​ໃຫຍ່​ໄດ້​ໄຈ້​ ແຍກ​ສະພາບ​ແວດ​ລ້ອມ​ສາ ກົນ ແລະ ສະພາວະ​ຄວາມ ເປັນ​ຈິງ​ຂອງ​ປະເທດ​ຊາດຢ່າງ​ ເລິກເຊິ່ງ ແລະ ຊີ້ບອກ​ວ່າ​ ພວກ​ເຮົາ​ມີ​ຄວາມ​ສາມາດ​ພຽງພໍ​ທີ່​ຈະ​ສ້າງສາ​ປະເທດ​ຊາດ, ໃຫ້​ຈະເລີນ​ກ້າວໜ້າ ໂດຍຜ່ານ​ ແຕ່ລະບາດ​ກ້າວ​ອັນ​ແນ່ນອນ. ບົນຈິດໃຈ​ດັ່ງກ່າວ​ກອງ​ປະຊຸມ​ໄດ້​ກໍາ​ນົດ​ຈຸດ​ໝາຍ​ສາໍ​ລັບໄລ ຍະ​ຮອດ​ປີ 2020 ຄື: ສູ້​ຊົນ ​ເຮັດ​ໃຫ້​ປະເທດ​ເຮົາ​ຫຼຸດ​ພົ້ນ​ຈາກ​ສະພາວະ​ດ້ອຍພັດທະ ນາ; ເສດ​ຖະ​ກິດ​-​ສັງຄົມມີ​ການ​ ພັດທະນາ ແລະ ໄດ້​ມີ​ການ ຫັນປ່ຽນ​ໃໝ່​ດ້ວຍ​ລະດັບ​ຕ່າງ​ກັບ​ສະພາບ​ປັດຈຸ​ບັນ​ຄື: ການ​ຜະລິດກະ​ສິກຳ ແລະ ອຸດ​ສາ​ຫະ​ກາໍ​ມີ​ການ​ຂະຫຍາຍຕົວ ແລະ ມີ​ບາງ​ດ້ານທັນ​ສະໄໝ, ຊີວິດ​ການ​ເປັນ​ຢູ່​ທາງ​ດ້ານວັດ ຖຸ ແລະ ວັດ​ທະ​ນະ​ທໍາຂອງປະ ຊາຊົນ​ເປັນ​ປົກກະຕິ ແລະ ມີ​ ຄຸນ​ນະ​ພາບ​ສູງ​ຂຶ້ນ; ພົນລະ ເມືອງ​ໄດ້​ຮັບ​ການ​ສຶກສາ ແລະ ບໍລິການ​ດ້ານ​ສາ​ທະນະ​ສຸກ​ຢ່າງ​ທົ່ວເຖິງ, ວັດ​ທະ​ນະ​ທໍາ​ອັນ​ດີງາມ​ຂອງ​ຊາດ​ໄດ້​ຮັບ ການເສີມ​ຂະຫຍາຍຢ່າງ​ອຸ ດົມ​ຮັ່ງມີ, ສະຫວັດດີ​ການ​ອັນ​ພື້ນຖານ​ມີ​ການ​ຮັບປະກັນ; ບຸກຄະລາ​ກອນ ແລະ ກາໍລັງ ແຮງທີ່​ມີຄວາມສາມາດ​ໃຫ້ ຕອບສະໜອງຄວາມຕ້ອງການ  ຂັ້ນພື້ນຖານຂອງການພັດທະ ນາ​ປະເທດ; ສັງຄົມ​ມີຄວາມ ​ສະຫງົບ​ສຸກ, ລະບົບ​ການ ເມືອງ ປະຊາທິປະໄຕ​ປະຊາຊົນ ​ທີ່​ມີພັກ​ເປັນແກນ​ນາໍ​ມີ​ຄວາມໜັກ ແໜ້ນ, ເຂັ້ມແຂງ; ເຮັດ​ໃຫ້​ປະ ເທດເຮົາມີ​ການ​ພົວພັນ​ກັບ​ສາ ກົນ ແລະ ສາມາດ​ຂະຫຍາຍຕົວ​ເຈືອ​ຈານເຂົ້າ​ກັບ​ທ່າ​ອ່ຽງ​ລວມ​ຂອງ​ຍຸກ​ສະ​ໄໝ.
   ກອງ​ປະຊຸມ​ໃຫຍ່​ໄດ້​ຮັບ ຮອງ​ເອົາ​ກົດ​ລະບຽບ​ສະບັບ​ດັດ ແປງຂອງ​ພັກ. ໃນ​ກົດ​ລະບຽບ​ດັດແປງ​ເພີ່ມ​ເຕີມ​ນັ້ນ​ໄດ້​ເນັ້ນ​ໜັກ​ລັກ​ສະນະ​ຊົນ​ຊັ້ນ ແລະ ອຸດົມ​ການ​ຂອງ​ພັກ; ໄດ້​ກາໍ​ນົດ​ແຈ້ງ​ທິດ​ນາໍ​ໃນ​ການກໍ່ສ້າງ​ພັກ​ຄື:
1. ເອົາໃຈໃສ່​ສຶກສາ​ອົບ ຮົມ ແລະ ກໍ່ສ້າງ​ພັກ​ໃຫ້​ເຂັ້ມ ແຂງທາງ​ດ້ານ​ການເມືອງ, ແນວ​ຄິດ ແລະ ການ​ຈັດ​ຕັ້ງ.
2. ສົມທົບ​ລະຫວ່າງ​ການ​ກໍ່ສ້າງ​ພັກ​ກັບ​ການ​ເພີ່ມ​ທະວີ ຄວາມ​ສັກສິດ​ໃນ​ການ​ຄຸ້ມ​ຄອງ​ລັດ, ເສີມ​ຂະຫຍາຍ​ບົດບາດ​ຂອງບັນດາ​ອົງການ​ຈັດ​ຕັ້ງ​ມະ ຫາ​ຊົນ.
3. ການ​ປັບປຸງ​ກໍ່ສ້າງ​ພັກ​ຕ້ອງ​ຖື​ເອົາ​ຄຸນ​ນະ​ພາບ​ເປັນ​ກົກ, ຮັບ​ເອົາ​ຜູ້​ທີ່​ດີເດັ່ນ​ມີ​ເງື່ອນໄຂ​ມາດຖານ​ຄົບ​ຖ້ວນ​ເຂົ້າ​ພັກ, ເດັດດ່ຽວເອົາ​ຜູ້​ເຊື່ອມ​ຄຸນ​ປ່ຽນ​ທາດ​ອອກ​ຈາກ​ພັກ.
ຜົນສຳເລັດ​ຂອງ​ກອງປະ ຊຸມ​ໃຫຍ່​ຄັ້ງ​ນີ້​ໄດ້​ຢັ້ງຢືນ​ໃຫ້ ເຫັນ​ແຈ້ງອີກ​ເທື່ອ​ໜຶ່ງເຖິງຄວາມ​ສາມັກຄີ​ເປັນເອກະພາບ ແລະ ຄວາມ​ຮັບຜິດ​ຊອບ​ການເມືອງ​ ໃນ​ລະດັບ​ສູງ​ຂອງ​ພັກ​ຕໍ່​ຊາ​ຕາ​ກາໍ ແລະ ອະ​ນາຄົດ​ຂອງປະ ເທດ​ຊາດ, ກອງປະຊຸມໃຫຍ່ ໄດ້ຢືນຢັນ​ຢ່າງໜັກ​ແໜ້ນກ່ຽວ​ກັບການ​ສືບຕໍ່​ປະຕິບັດ​ແນວ ທາງ​ປ່ຽນແປງ​ໃໝ່ຮອບດ້ານ​ຢ່າງມີ​ຫຼັກການຂອງ​ພັກ​ເຮົາ.​

(ອ່ານ​ຕໍ່​ສະ​ບັບ​ໜ້າ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110