Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຖະແຫລງຂ່າວການສະເຫລີມສະຫລອງວັນສ້າງຕັ້ງພັກ ປ ປລາວ ຄົບຮອບ 65 ປີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 12/03/2020 11:50:49 ຈຳ​ນວນ​​ຢ້ຽມ​ຊົມ 2574 ຄັ້ງ

     ທ່ານພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ,ຫົວໜ້າຄະນະຊີ້ນຳລະດັບຊາດກ່ຽວກັບການສະເຫຼີມສະຫຼອງວັນສຳຄັນຂອງພັກ, ຂອງຊາດປະຈຳປີ2020ໄດ້ຖະແຫຼງຂ່າວຢ່າງເປັນທາງການຜ່ານສື່ມວນຊົນລາວເມື່ອຕອນເຊົ້າຂອງວັນທີ12/3/2020ທີ່ຫ້ອງວ່າການສູນກາງພັກກ່ຽວກັບ ການສະເຫຼີມ ສະຫຼອງວັນ ສຳຄັນ ຂອງພັກ, ຂອງຊາດປະຈຳປີ2020.ທ່ານພັນຄຳວິພາວັນກ່າວວ່າ: ພີ່ນ້ອງຮ່ວມ ຊາດ ແລະ ສະມາຊິກພັກປະຊາຊົນປະຕິວັດລາວ ທຸກຖ້ວນໜ້າ ທີ່ຮັກແພງທັງຫລາຍ!

      ມື້ນີ້ຂ້າພະເຈົ້າ ໃນນາມຕາງໜ້າໃຫ້ຄະນະຊີ້ນຳລະດັບຊາດ ກ່ຽວກັບການສະເຫລີມສະ ຫລອງວັນສຳຄັນຂອງພັກ-ຂອງຊາດ ປະຈຳປີ 2020 (ວັນຊາດທີ 2 ທັນວາ ຄົບຮອບ 45 ປີ, ວັນເກີດປະທານ ໄກສອນ ພົມວິຫານ ຄົບຮອບ 100 ປີ, ວັນສ້າງຕັ້ງສູນກາງແນວລາວ ສ້າງຊາດຄົບຮອບ 70 ປີ, ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ແລະ ອື່ນໆ) ໃນນັ້ນ ການກະກຽມສະເຫລີມສະຫລອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ໃນວັນທີ 22 ມີນາ ທີ່ຈະມາເຖິງນີ້ ຊຶ່ງໄດ້ມີການເຄື່ອນໄຫວກະກຽມ ທີ່ເຕັມໄປດ້ວຍເນື້ອໃນ ອຸດົມສົມບູນ ແລະ ມີບັນຍາກາດອັນຟົດຟື້ນໃນຂອບເຂດທົ່ວປະເທດ. ແຕ່ດັ່ງທີ່ພວກເຮົາ ຮູ້ນຳກັນແລ້ວ ການລະບາດຂອງພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ (COVID-19) ທີ່ໄດ້ເກີດຂຶ້ນແຕ່ທ້າຍປີ 2019 ໄດ້ເພີ່ມທະວີຄວາມຮຸນແຮງ ແລະ ໄດ້ກໍ່ ຄວາມເສຍຫາຍຢ່າງໃຫຍ່ຫລວງໃນຫລາຍປະເທດ, ຕາມຂໍ້ມູນຈາກ ກະຊວງສາທາລະນະສຸກ ໃນວັນທີ 11 ມີນາ 2020, ທົ່ວໂລກມີຜູ້ຕິດເຊື້ອທັງໝົດ 119.220 ຄົນ, ເສຍຊີວິດ 4.299 ຄົນ, ປິ່ນປົວດີແລ້ວ 66.564 ຄົນ, ພົບຜູ້ຕິດເຊື້ອຢູ່ 118 ປະເທດ. ອົງການອະນາ ໄມໂລກ ກໍ່ ໄດ້ມີການແຈ້ງເຕືອນໄພອັນຕະລາຍຂອງພະຍາດດັ່ງກ່າວ ແລະ ຮຽກຮ້ອງໃຫ້ທຸກປະເທດ ມີມາດ ຕະການປ້ອງກັນ-ສະກັດກັ້ນຢ່າງເຂັ້ມງວດ ໂດຍໃຫ້ຈຳກັດການເຕົ້າໂຮມຄົນ ເປັນຈຳນວນ ຫລາຍ ຄຽງຄູ່ກັບໃຊ້ມາດຕະການອື່ນໆທີ່ຈຳເປັນ ເພື່ອປ້ອງກັນການແຜ່ລະບາດຂອງພະຍາດ. ມາຮອດ ປັດຈຸບັນ ເຖິງວ່າລາວເຮົາຍັງບໍ່ທັນມີກໍລະນີຜູ້ຕິດເຊື້ອພະຍາດດັ່ງກ່າວກໍ່ຕາມ ແຕ່ກໍ່ມີ ຄວາມສ່ຽງ ສູງຫຼາຍ ທີ່ອາດເກີດການລະບາດ, ຍ້ອນຫລາຍປະເທດອ້ອມຂ້າງພວກເຮົາ ໄດ້ມີການລະບາດ ຂອງເຊື້ອພະຍາດດັ່ງກ່າວແລ້ວ.ຍ້ອນເຫັນໄດ້ຄວາມສ່ຽງເກີດການລະບາດ ແລະ ດ້ວຍຄວາມ ຮັບ ຜິດຊອບຕໍ່ຄວາມປອດໄພຂອງປະຊາຊົນ ມາກ່ອນ, ສູນກາງພັກ ຈິ່ງໄດ້ຊີ້ນຳ ຕໍ່ ຄະນະ ຮັບຜິດ ຊອບຊີ້ນຳລະດັບຊາດການສະເຫຼີມສະຫຼອງວັນສຳຄັນຂອງພັກ, ຂອງຊາດ ປະຈຳປີ 2020 ໃຫ້ ຫຼີກລ່ຽງການຈັດກິດຈະກຳ ທີ່ມີການເຕົ້າໂຮມມວນຊົນເປັນຈຳນວນຫຼວງຫຼາຍ ທີ່ສ່ຽງ ຕໍ່ການຕິດ ແລະ ເກີດການລະບາດ ຂອງເຊື້ອພະຍາດ ອັກເສບປອດຈາກເຊື້ອ ຈຸລະໂຣກ ສາຍພັນ ໃໝ່ (COVID-19).ດ້ວຍເຫດນັ້ນ, ຂ້າພະເຈົ້າ ໃນນາມຕາງໜ້າໃຫ້ຄະນະຊີ້ນຳລະດັບຊາດ ກ່ຽວ ກັບການສະເຫລີມສະຫລອງວັນສຳຄັນຂອງພັກ-ຂອງຊາດ ປະຈຳປີ 2020, ຂໍປະກາດ:

1). ຍົກເລີກແຜນການຈັດໂຮມຊຸມນຸມໃຫຍ່ ຢູ່ນະຄອນຫຼວງວຽງຈັນ ໃນວັນທີ 20 ມີນາ (ຕາມແຜນເບື້ອງຕົ້ນ), ພ້ອມທັງສະເໜີຄະນະພັກ, ອຳນາດການປົກຄອງທຸກລະດັບ ຍົກ ເລີກທຸກແຜນການ ທີ່ພົວພັນເຖິງການຈັດກິດຈະກຳ ທີ່ມີການເຕົ້າໂຮມຄົນຈຳນວນຫຼາຍ ເພື່ອສະເຫຼີມສະຫຼອງວັນສ້າງຕັ້ງພັກ ຄົບຮອບ 65 ປີ.

2). ການສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຈະໄດ້ປະຕິບັດຕາມແຜນ, ດັ່ງນີ້:

   ຈັດລາຍການພິເສດ ໃນວັນທີ 22 ມີນາ 2020 ໂດຍສະຫາຍເລຂາທິການໃຫຍ່, ປະ ທານປະເທດ ແຫ່ງ ສປປ ລາວ ກ່າວຄຳປາໄສຜ່ານທາງໂທລະພາບ, ວິທະຍຸ ແລະ ເຜີຍແຜ່ຜ່ານ ທາງ ສື່ສັງຄົມອອນລາຍ, ໜັງສືພິມທາງການ ແລະ ສື່ສິ່ງພິມອື່ນໆຢ່າງກວ້າງຂວາງ.

   ໃຫ້ມີການໂຄສະນາ, ປຸກລະດົມ ແລະ ຍູ້ຂະບວນການວັນສ້າງຕັ້ງ ພັກປປ ລາວ ຄົບຮອບ 65 ປີ ຜ່ານທາງສື່ມວນຊົນຕ່າງໆ ຢ່າງແຂງແຮງ ແລະ ຕໍ່ເນື່ອງ ດ້ວຍຮູບການຕ່າງໆ ເຊັ່ນ: ບົດຄວາມ, ບົດຂ່າວ, ສາລະຄະດີ, ບົດເພງ, ບົດສຳພາດ, ບົດເລົ່າມູນເຊື້ອ, ບົດວຽກ ດີຄົນ ເດັ່ນ...ເລີ່ມແຕ່ດຽວນີ້ ໄປຈົນຮອດເດືອນ ເມສາ 2020.

ຈັດຕັ້ງກອງປະຊຸມສຳມະນາວິທະຍາສາດໃນຫົວຂໍ້ຕ່າງໆກ່ຽວກັບການນຳພາຂອງພັກຢ່າງເໝາະສົມຕາມເງື່ອນໄຂຕົວຈິງຢູ່ແຕ່ລະບ່ອນ, ແຕ່ຕ້ອງເພີ່ມທະວີການກັ່ນກອງຜູ້ເຂົ້າຮ່ວມ ໂດຍ ກະກຽມ ບັນດາເຄື່ອງມື ແລະ ອຸປະກອນຮັບໃຊ້ຕ່າງໆທີ່ຈຳເປັນ ເຊັ່ນ: ນ້ຳຢາລ້າງມື, ນ້ຳຢາຂ້າ ເຊື້ອ, ເຄື່ອງວັດອຸນຫະພູມ...

     ໃຫ້ມີການດຳເນີນຊີວິດການເມືອງພາຍໃນ ແຕ່ລະຮາກຖານ, ໂດຍເລັ່ງໃສ່ບັນຫາສຳຄັນ ຈຳນວນໜຶ່ງ ເຊັ່ນ: ຄົ້ນຄວ້າຮ່ຳຮຽນມູນເຊື້ອ, ພາລະກຳປະຫວັດສາດຂອງພັກ, ໄພອັນຕະລາຍທີ່ ພັກພວມປະເຊີນໜ້າ ແລະ ການເລັ່ງທວງໃນສະພາບການໃໝ່, ການແກ້ໄຂບັນຫາຫຍໍ້ທໍ້, ການ ຝຶກຝົນ ຫລໍ່ຫລອມ, ຄວາມເປັນເຈົ້າການ, ຄວາມເປັນແບບຢ່າງນຳໜ້າຂອງສະມາຊິກພັກ-ພະ ນັກງານ ທາງດ້ານມານະຈິດປະຕິວັດ, ຄຸນທາດການເມືອງ, ຄຸນສົມບັດສິນທຳປະຕິວັດ, ການ ທຸ້ມເທກຳລັງວັງຊາ, ສະຕິປັນຍາ ເພື່ອພາລະກິດປະຕິວັດ ແລະ ຄວາມຢູ່ດີກິນດີຂອງປະຊາຊົນ ກໍ່ຄືຄວາມເຂັ້ມແຂງຂອງປະເທດຊາດ, ເຮັດໃຫ້ພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນ, ເດັດດ່ຽວນຳພາປະເທດຊາດກ້າວຂຶ້ນສູ່ຈຸດໝາຍ ສັງຄົມນິຍົມ.

   ໃຫ້ສືບຕໍ່ປັບປຸງຖະໜົນຫົນທາງ, ຮັກສາຄວາມສະອາດ, ປະດັບປະດາທຸງພັກ, ທຸງ ຊາດ, ທຸງທິວຕາມຕົວເມືອງ, ສຳນັກງານ-ອົງການ, ບ້ານເຮືອນປະຊາຊົນ ແລະ ຕິດຄຳຂວັນ ປຸກລະດົມ ຕ່າງໆ ໃຫ້ເປັນຂະບວນຟົດຟື້ນ, ເຊິ່ງມີເນື້ອໃນຄຳຂວັນ ຄື:

          - ສາທາລະນະລັດ ປະຊາທິປະໄຕ ປະຊາຊົນລາວ ໝັ້ນຍືນ!

          - ພັກປະຊາຊົນປະຕິວັດລາວ ທີ່ມີກຽດສະຫງ່າ ໝັ້ນຍືນ!

          - ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ!

          - ສູ້ຊົນນຳພາຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ໃຫ້ປະກົດຜົນເປັນຈິງ!

          - ສູ້ຊົນກໍ່ສ້າງພັກ ປອດໃສ, ເຂັ້ມແຂງ ແລະ ໜັກແໜ້ນ!

          - ຫັນປ່ຽນແບບແຜນນຳພາຂອງພັກ ຢ່າງແຂງແຮງ ແລະ ເລິກເຊິ່ງ!

          - ເພີ່ມທະວີມະຫາສາມັກຄີທົ່ວປວງຊົນທັງຊາດ ພາຍໃຕ້ການນຳພາຂອງພັກ!

          - ເສີມຂະຫຍາຍມູນເຊື້ອສະຫງ່າອົງອາດ ຂອງພັກປະຊາຊົນປະຕິວັດລາວ!

           ມີການວາງກະຕ່າດອກໄມ້ ແລະ ວາງພວງມາລາ ຢູ່ບາງສະຖານທີ່ສຳຄັນຂອງຊາດ, ຂອງທ້ອງຖິ່ນ.

  ເພີ່ມທະວີການຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບ, ຈັດກຳລັງເຂົ້າປະຈຳການ ຕາມຫລັກວິຊາສະເພາະ, ຮັບປະກັນຄວາມສະຫງົບປອດໄພສູງສຸດ.

ຈະມີບົດແນະນຳຂອງຄະນະຊີ້ນຳລະດັບຊາດ ເຖິງຄະນະພັກກະຊວງ, ອົງການ ແລະ ທ້ອງຖິ່ນ ເພື່ອໃຫ້ທິດຊີ້ນຳບັນຫາໃຫຍ່ໆ ແລະ ຜັນຂະຫຍາຍເປັນອັນລະອຽດກ່ຽວກັບເນື້ອໃນ, ຮູບການ ແລະ ວິທີການສະເຫລີມສະຫລອງວັນສ້າງຕັ້ງພັກຄົບຮອບ 65 ປີ ຕື່ມອີກ.

          ໃນໂອກາດນີ້, ໃນນາມຕາງໜ້າຄະນະຮັບຜິດຊອບລະດັບຊາດ ກ່ຽວກັບການສະເຫລີມສະ ຫລອງວັນສຳຄັນຂອງພັກ-ຂອງຊາດ ປະຈຳປີ 2020 ກໍ່ຄືການສະເຫລີມສະຫລອງວັນສ້າງຕັ້ງພັກ ປປ ລາວ ຄົບຮອບ 65 ປີ ຈຶ່ງຂໍປະກາດກ່ຽວກັບການປ່ຽນແປງບັນດາກິດຈະກຳເຄື່ອນໄຫວ ກ່ຽວ ກັບງານສະເຫລີມສະຫລອງໃນຄັ້ງນີ້. ພ້ອມດຽວກັນ ກໍ່ຮຽກຮ້ອງມາຍັງພໍ່ແມ່ປະຊາຊົນ ແລະ ປວງຊົນລາວທັງຊາດ ຈົ່ງມີສະຕິລະມັດລະວັງ, ເປັນເຈົ້າຕົນເອງ ປ້ອງກັນຕໍ່ການແຜ່ລະບາດ ຂອງ ພະຍາດ ອັກເສບປອດຈາກເຊື້ອຈຸລະໂຣກສາຍພັນໃໝ່ (COVID -19), ເອົາໃຈໃສ່ຕິດຕາມ ແລະ ຮ່ວມມືປະຕິບັດຕາມວິທີການ, ມາດຕະການ ທີ່ທາງຄະນະສະເພາະກິດຂອງລັດຖະບານ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ອັກເສບປອດຈາກເຊື່ອຈຸລະໂຣກສາຍພັນໃໝ່ (COVID-19) ປະ ກາດອອກໃນແຕ່ລະໄລຍະ. ອີກປະການໜຶ່ງດັ່ງທີ່ຮູ້ນຳກັນແລ້ວວ່າ, ລະບອບສັງຄົມລາວພວກເຮົາ ເປັນສັງຄົມໂອບເອື້ອອາລີ, ມີຄວາມອົບອຸ່ນສາມັກຄີປອງດອງ ມີຮີດຄອງປະເພນີອັນດີ ງາມ ທີ່ສືບທອດກັນມາແຕ່ບູຮານນະການ ສັງຄົມລາວເຮົາຈິ່ງມີງານບຸນ, ງານແຕ່ງງານ ແລະງານປະເພນີອື່ນໆຫຼາຍຢ່່າງ ທີ່ມີພໍ່ແມ່ພີນ້ອງເພື່ອນມິດສະຫາຍເຂົ້າຮ່ວມເປັນຈຳນວນຫຼວງ ຫຼາຍ. ໃນເງື່ອນໄຂທີ່ພະຍາດອັກເສບປອດຈາກເຊື້ອຈຸລາໂຣກສາຍພັນໃໝ່ (COVID-19) ໄດ້ເພີ່ມທະວີຄວາມຮ້າຍແຮງຂື້ນໃນຫຼາຍປະເທດໃນໂລກນີ້. ຂ້າພະເຈົ້າຂໍສະເໜີ ພໍ່ແມ່ພີ່ ນ້ອງ ປະຊາຊົນ ບັນດາເຜົ່າກໍ່ຄືອົງການຈັດຕັ້ງສັງຄົມຕ່າງໆ ຈົ່ງໄດ້ເປັນເຈົ້າການ ພິນິດພິຈາລະນາ ການ ຈັດງານຕ່າງໆທີ່ກ່າວມາຂ້າງເທິງນັ້ນ ຕາມເຫັນສົມຄວນວ່າ ຄວນຈະຍົກເລີກ, ຈະໂຈະ, ຈະເລື່ອນການຈັດງານແນວໃດ, ຫຼືຈະຈັດລະດັບໃດ ຈຶ່ງຈະຮັບປະກັນຄວາມປອດໄພຈາກການຕິດ ເຊື້ອພະຍາດອັກເສບປອດຈາກເຊື້ອຈຸລາໂຣກສາຍພັນໃໝ່ (COVID-19) ແກ່ຜູ້ເຂົ້າຮ່ວມ ງານ ຕ່າງໆນັ້ນ. ຫຼືອີກຢ່າງໜຶ່ງໃນສັງຄົມລາວເຮົາເມື່ອກ່ອນ ເວລາທັກທາຍສະບາຍ ດີກັນ ກໍ່ໃຊ້ວິທີ ຂ່ຳນັບໄຫ້ວກັນ ແລະ ກັນ (ນົບກັນ ແລະ ກັນ) ແຕ່ປັດຈຸບັນພວກເຮົາກໍ່ມັກຈະຈັບມືກັນ (ສຳຜັດມືສະບາຍດີກັນ) ໃນເງື່ອນໄຂ ພະຍາດອັກເສບປອດຈາກເຊື້ອຈຸລາໂຣກສາຍພັນໃໝ່ (COVID-19) ລະບາດໃນປະຈຸບັນ ພວກເຮົາກໍ່ອາດນຳໃຊ້ການທັກທາຍ ດ້ວຍການໄຫວ້ ຫຼື ນົບກັນ ແລະ ກັນ ແທນການຈັບມືກໍ່ອາດດີ.

          ອວຍພອນໃຫ້ແກ່ການກະກຽມງານສະເຫລີມສະຫລອງໃນຄັ້ງນີ້ ປະສົບ ຜົນສຳ ເລັດ ຕາມຈຸດປະສົງລະດັບຄາດໝາຍທີ່ວາງໄວ້ ຢ່າງຈົບງາມ.

 

ຂໍຂອບໃຈ!


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com