ໜັງສືພິມ ປະຊາຊົນ

ກອງປະຊຸມໃຫຍ່ ຄັ້ງທີ III ຄະນະພັກຮາກຖານໂຮງໝໍມິດຕະພາບ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 13/03/2020 08:31:53 ຈຳນວນຢ້ຽມຊົມ 1178 ຄັ້ງ

ໂຮງໝໍມິດຕະພາບ ໄດ້ຈັດກອງປະຊຸມໃຫ່ຍຄັ້ັງທີ III ຂອງຄະນະພັກຮາກຖານໂຮງໝໍມິດຕະພາບ (150ຕຽງ) ຂຶ້ນໃນວັນທີ 12 ມີນານີ້, ທີ່ໂຮງໝໍດັ່ງກ່າວ ໂດຍການເຂົ້າຮ່ວມຂອງສະຫາຍ ຄໍາພອນ ພຸດທະວົງ ເລຂາຄະນະພັກ ກະຊວງສາທາລະນະສຸກ, ແຂກຖືກເຊີນຈາກບັນດາກົມ, ໂຮງໝໍສູນກາງອ້ອມຂ້າງກະຊວງ ສາທາລະນະສຸກ ພ້ອມດ້ວຍສະມາຊິກພັກສົມບູນ ແລະ ສໍາຮອງເຂົ້າຮ່ວມ.
ສະຫາຍ ສະໜອງ ທອງຊະນະ ຄະນະພັກກະຊວງ ເລ ຂາຄະນະພັກຮາກຖານໂຮງ ໝໍມິດຕະພາບ ໄດ້ຜ່ານບົດລາຍງານການເມືອງຂອງຄະນະພັກຮາກຖານໃນໄລຍະ 5 ປີຜ່ານມາ ແລະ ທິດທາງແຜນການ 5 ປີ ຕໍ່ໜ້າ(2020-2025) ຊຶ່ງກອງປະຊຸມຄັ້ງນີ້, ໄດ້ຮັບຮອງເອົາບົດລາຍງານການເມືອງ ແລະ ທິດທາງແຜນການໃນຕໍ່ໜ້າ. ພ້ອມນັ້ນ, ກອງປະຊຸມໄດ້ດໍາເນີນການເລືອກຕັ້ງເອົາຄະນະພັກຮາກຖານຊຸດໃໝ່ ຊຶ່ງມີຜູ້ສະໝັກເລືອກຕັ້ງ 9 ສະຫາຍ, ເລືອກເອົາ 7 ສະຫາຍ ເປັນຄະນະພັກຮາກຖານຊຸດໃໝ່.
ໃນກອງປະຊຸມຜູ້ເຂົ້າຮ່ວມກໍໄດ້ຮັບຟັງການໂອ້ລົມຂອງສະຫາຍ ຄໍາພອນ ພຸດທະວົງ ໂດຍສະຫາຍໄດ້ສະ ແດງຄວາມຍ້ອງຍໍຊົມເຊີຍຜົນງານອັນໃຫ່ຍຫຼວງທີ່ທາງຄະນະພັກຮາກຖານຊຸດເກົ່າທີ່ຍາດມາໄດ້ໃນຊຸມປີຜ່ານມາ. ຄຽງຄູ່ກັນນັ້ນ, ສະຫາຍ ຍັງໄດ້ຍົກບາງບັນຫາຊຶ່ງທາງຄະນະພັກຮາກຖານຊຸດໃໝ່ຈະຕ້ອງໄດ້ສືບຕໍ່ປັບປຸງແກ້ໄຂ ແລະ ພັດທະນາໃຫ້ດີຂຶ້ນໂດຍສະເພາະການນໍາພາວຽກງານບໍລິຫານຄຸ້ມຄອງ ແລະ ວຽກງານບໍລິການດ້ານສຸ ຂະພາບ ໃຫ້ນັບມື້ນັບມີຄວາມທັນສະໄໝເທື່ອລະກ້າວ. ພ້ອມດຽວກັນນີ້, ສະຫາຍໄດ້ຮຽກຮ້ອງມາຍັງຄະນະພັກ ຮາກຖານຊຸດໃໝ່ ແລະ ບັນດາສະມາຊິກພັກທຸກສະຫາຍ ຈົ່ງພ້ອມກັນນໍາເອົາເນື້ອໃນຈິດໃຈຂອງກອງປະຊຸມຄັ້ງນີ້ ໄປຈັດຕັ້ງຜັນຂະຫຍາຍໃຫ້ປາກົດຜົນເປັນຈິງ.
(ຂ່າວ-ພາບ: ຍຸພິນ)