ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VI ຂອງພັກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 13/03/2020 08:35:57 ຈຳ​ນວນ​​ຢ້ຽມ​ຊົມ 464 ຄັ້ງ

ກ. ຜົນສຳ​ເລັດ​ໃນ​ການຈັດ ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ຄັ້ງ​ທີ VI ມີ​ຄື:
(1). ພວກ​ເຮົາ​ສາມາດ​ຮັກສາ​ການ​ເຕີບ​ໂຕ​ຂອງ​ເສດ ຖະກິດ​ໃຫ້ຕໍ່​ເນື່ອງ​ໃນ​ລະດັບ​ສະເລ່ຍ 6,2% ຕໍ່​ປີ. ອັນ​ພົ້ນ​ເດັ່ນ​ທີ່​ສຸດແມ່ນ​ກິດຈະການ​ຊົນ ລະປະທານ​ໄດ້​ຮັບ​ການສ້າງ ຂຶ້ນ​ຫຼາຍ ແລະ ເປັນ​ລະບົບກວ່າ​ເກົ່າ, ເຮັດ​ໃຫ້​ເນື້ອທີ່​ນາ ແຊງ​ໄດ້​ເພີ່ມ​ຂຶ້ນ​ລື່ນ​ປີ 1995 ກວ່າ 3 ເທົ່າ, ສາມາດ​ຜະລິດ​ເຂົ້າ​ກິນ​ພຽງ ພໍ​ກັບ​ຄວາມ​ຕ້ອງ ການ​ໂດຍ​ສະເລ່ຍໃນ​ທົ່ວ​ປະເທດ, ທັງ​ມີ​ສ່ວນ​ແຮ​ໄວ້ ແລະ ກໍສາມາດ​ສ້າງ​ພື້ນຖານ​ວັດຖຸ​ເຕັກນິກ​ໃນ​ຂົງເຂດ​ຕ່າງໆ​ໄດ້​ຈໍາ​ນວນ​ໜຶ່ງ ທີ່​ເປັນ​ປັດ​ໄຈເຮັດ ໃຫ້ເສດຖະກິດ​ມີ​ຖ່ວງ​ທ່າ​ຂະຫຍາຍຕົວ​ໃໝ່​ໃນ​ພາຍ​ໜ້າ.
- ການ​ຫັນ​ເອົາ​ເສດ​ຖະ​ກິດ​ທໍາ​ມະ​ຊາດ​ເປັນ​ເສດຖະກິດ​ສິນຄ້າ ໄດ້​ຮັບ​ການຈັດຕັ້ງ​ຜັນ​ຂະຫຍາຍ​ຢ່າງ​ກວ້າງຂວາງ, ເຮັດໃຫ້​ມີ​ຄອບຄົວຕົວແບບ​ເກີດ​ຂຶ້ນ​ຢູ່​ຫຼາຍ​ທ້ອງຖິ່ນ, ໃນ​ນັ້ນ​ມີ​ທັງ​ຄອບຄົວ​ຜະລິດ​ສິນ ຄ້າ​ແບບ​ເປີດ​ກວ້າງ, ເປັນຕົ້ນ​ການ​ຜະລິດ​ທັນ​ຍາ​ຫານ ໂດຍ​ໄດ້ດຳເນີນການ​ເຮັດ​ກະເສດ​ສຸມ​ເພີ່ມ​ສະມັດຖະພາບ​ຢ່າງ​ເປັນ​ຂະ​ບວນ.
-  ການ​ຄຸ້ມ​ຄອງ​ເສດຖະກິດ​ມະຫາ​ພາກ​ຂອງ​ລັດ​ມີ​ດ້ານ​ໄດ້​ຮັບການ​ປັບປຸງ, ກ່ອນ​ອື່ນ​ແມ່ນ​ໄດ້​ສ້າງ​ເປັນ​ແຜນ​ງານ​ບຸ​ລິ​ມະ​ສິດ ແລະ ແຜນ​ພັດທະນາ​ເສດ​ຖະ​ກິດ​-​ສັງຄົມ ປະ​ຈໍາ​ປີ​ທີ່​ແທດເໝາະ​ກວ່າ​ເກົ່າ, ລາຍ​ຮັບ​ຈາກ​ພາຍ​ໃນ​ໄດ້​ເພີ່ມ​ຂຶ້ນ ຊຶ່ງ​ສາມາດ​ຕອບ​ສະໜອງ​ການ​ໃຊ້ ຈ່າຍ​ພື້ນຖານ, ການ​ປະຕິບັດ​ວິໄນ​ການ​ເງິນ ແລະ ນະໂຍ​ບາຍ​ເງິນຕາ ມີ​ຄວາມ​ເຂັ້ມ​ງວດ ແລະ ມີ​ໄຫວ​ພິບ​ກວ່າ​ເກົ່າ; ເພີ່ມ​ມາດ​ຕະການ​ຄຸ້ມຄອງ​ການ​ຄ້າ​ຂາ​ເຂົ້າ, ຈຳກັດ​ການ​ຄ້າ​ເຖື່ອນ ແລະ ປັບປຸງ​ວຽກ​ງານ​ສ່ົງເສີມ​ການ​ລົງທຶນ ແລະ ຮ່ວມ​ມື​ກັບ​ຕ່າງປະເທດ​ໃຫ້​ມີ​ການ​ຫັນປ່ຽນ​ດີ ຂຶ້ນ​ໃນ​ບາງ​ດ້ານ.
(2). ພວກ​ເຮົາ​ໄດ້ມີ​ຄວາມ​ພະຍາຍາມ​ອັນຕັ້ງໜ້າ ໃນ​ການ​ພັດທະ​ນາ​ຂົງເຂດ​ສັງ​ຄົມ​-​ວັດ​ທະນະທຳ, ການ​ພັດທະນາຊັບ ພະຍາກອນມະນຸດ​ມີ​ການ​ປ່ຽນ ແປງ​ດີ​ຂຶ້ນ​ໃນ​ຫຼາຍ​ດ້ານ:
(3). ລະບົບ​ການເມືອງ​ປະຊາທິປະໄຕ​ປະຊາຊົນ ໄດ້​ຮັບ​ການປັບປຸງ​ໃຫ້​ມີ​ຄວາມ ໜັກແໜ້ນ​ເຂັ້ມແຂງ​ຍ່ິງ​ຂຶ້ນ, ປະຊາຊົນ​ບັນດາເຜົ່າມີ​ຄວາມ​ສາມັກຄີ​ເປັນ​ປຶກ​ແຜ່ນ, ມີຄວາມ ​ເຊື່ອ​ໝັ້ນ​ຕໍ່​ແນວທາງ ແລະ ການ​ນໍາ​ພາ​ຂອງ​ພັກ. 
(4). ພວກ​ເຮົາ​ສາມາດ​ຮັກສາ​ຄວາມ​ເປັນ​ເອກະລາດ, ອະທິປະໄຕ ແລະ ຜືນ​ແຜ່ນດິນ​ອັນ​ຄົບ​ຖ້ວນ​ຂອງ​ຊາດ​ໄວ້​ໄດ້​ຢ່າງໝັ້ນຄົງ, ສະຖຽນ​ລະ​ພາບ​ທາງ​ການເມືອງ ແລະ ຄວາມ​ສະຫງົບ​ປອດ​ໄພ​ໃນ​ສັງຄົມ​ໄດ້​ມີ​ການ​ຮັບປະກັນ​ໂດຍ​ພື້ນ​ຖານ. 
(5).  ພວກ​ເຮົາ​ໄດ້​ປະຕິບັດ​ແນວທາງ​ການ​ຕ່າງປະເທດສັນ ຕິພາບ, ເອກະລາດ, ມິດຕະ ພາບ ແລະ ຮ່ວມ​ມື​ຢ່າງສະເໝີ​ຕົ້ນ​ສະເໝີປາຍ ແລະ ຕັ້ງໜ້າ, ບົດບາດ​ອິດ​ທິ​ພົນ​ໃນ​ພາກ​ພື້ນ ແລະ ໃນ​ເວທີ​ສາກົນ​ໄດ້​ຮັບ​ການ​ເຊີດ​ຊູ​ຂຶ້ນ​ຕື່ມ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110