ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ VII ຂອງພັກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 13/03/2020 08:37:02 ຈຳ​ນວນ​​ຢ້ຽມ​ຊົມ 495 ຄັ້ງ

   ກອງ​ປະຊຸມ​ໃຫຍ່ ຄັ້ງ​ທີ VII ຂອງ​ພັກ​ປະຊາຊົນ ປະຕິວັດ​ລາວ ໄດ້​ຈັດ​ຂຶ້ນ​ແຕ່​ວັນ​ທີ 12-14 ເດືອນມີນາ ປີ 2001 ທີ່​ນະຄອນຫຼວງວຽງ​ຈັນ, ເຂົ້າ​ຮ່ວມ​ໃນ​ກອງ​ປະຊຸມ​ໃຫຍ່​ມີ​ຜູ້​ແທນ 452 ສະຫາຍ ທີ່​ມາຈາກ​ຂະແໜງການ​ອ້ອມ​ຂ້າງ​ສູນ​ກາງ, ທ້ອງຖິ່ນ​ໃນ​ທົ່ວ​ປະເທດ​ຊຶ່ງເປັນ​ຕົວ​ແທນ​ໃຫ້​ສະມາຊິກ​ພັກ​ທັງ​ໝົດ ຈຳ​ນວນ 100.000 ກວ່າສະ​ຫາຍ. 
ກອງ​ປະຊຸມ​ໃຫຍ່ ຄັ້ງ​ທີ VII ຂອງ​ພັກ ໄດ້​ວາງ​ຄາດຫມາຍ​ສູ້​ຊົນ ສໍາ​ລັບ​ໄລຍະ​ຮອດ​ປີ 2020, 2010 ແລະ ສາໍ​ລັບ 5 ປີ ຕໍ່ຫນ້າ (2001-2005).  
ກ. ຜົນສຳ​ເລັດ​ໃນ​ການຈັດ ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ VII ຂອງ​ພັກ ມີ​ຄື:
- ພວກ​ເຮົາ​ສາມາດ​ຮັກ ສາ​ຄວາມ​ເປັນ​ເອກະລາດ, ອະ ທິປະໄຕ ແລະ ຜືນ​ແຜ່ນດິນ​ອັນ​ຄົບ​ຖ້ວນ​ຂອງ​ປະເທດ​ຊາດ​ໄວ້​ຢ່າງ​ໝັ້ນຄົງ, ຮັບປະກັນ​ສະຖຽນ​ລະ​ພາບ ແລະ ຄວາມໝັ້ນຄົງ​ຂອງ​ລະບອບ​ການເມືອງ​ໄວ້​ໄດ້​ຢ່າງ​ໜັກ​ແໜ້ນ, ກາໍ​ລັງ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ​ໄດ້​ຮັບ​ການ​ປັບປຸງ, ຄະນະ​ພັກ ແລະ ອໍາ​ນາດ​ການ​ປົກຄອງ​ໃນທຸກ​ທ້ອງຖິ່ນ​ໄດ້​ເອົາໃຈໃສ່​ຕໍ່​ວຽກ​ງານ​ກໍ່ສ້າງ​ຮາກ​ຖານ​ການເມືອງ​ຕິດແໜ້ນ​ກັບ​ການ​ພັດທະນາ​ຊົນນະບົດ ແລະ ຮັບປະກັນ​ຄວາມ​ສະຫງົບໃນ​ສັງ​ຄົມ.
- ທ້ອງຖິ່ນ ແລະ ຂະແໜງ​ການ​ຈໍາ​ນວນ​ຫນຶ່ງ​ໄດ້​ເປັນ​ເຈົ້າ​ການຂຸດ​ຄົ້ນ​ເສີມ​ຂະ​ຫຍາ​ຍກາໍ​ລັງ​ແຮງ​ສັງ​ລວມ, ຊຸກຍູ້​ການ​ເຕີບ​ໂຕ​ທາງ​ດ້ານເສດ​ຖະ​ກິດ​ໄດ້​ສູງ​ກວ່າ​ລະດັບ​ສະເລ່ຍ​ຂອງ​ທົ່ວ​ປະເທດ ແລະ ໄດ້​ປະກອບ​ສ່ວນ​ຊ່ວຍ​ໜູນ​ດ້ານການ​ເງິນ​-​ງົບປະມານ ໃຫ້​ສູນ​ກາງ​ເປັນ​ປົກ ກະຕິ, ສ້າງ​ປັດ​ໄຈ​ໃໝ່​ໃນ​ການ​ພັດທະນາ​ໄດ້​ຫຼາຍ​ປະການ, ທັງ​ສ້າງລາຍ​ໄດ້ ແລະ ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ສູງ​ຂຶ້ນ.
 - ຄະນະ​ພັກ ແລະ ອໍາ​ນາດ​ການ​ປົກຄອງ​ທ້ອງຖິ່ນ ສົມທົບ​ກັບ ປະຊາຊົນ ແລະ ການ​ຮ່ວມ​ມື​ຂອງ​ສາກົນ, ດ້ວຍ​ຄວາມ​ພະຍາຍາມອັນ​ຕັ້ງໜ້າ ພວກ​ເຮົາ​ສາມາດ​ລຶບ​ລ້າງ​ການ​ປູກ​ຝິ່ນ​ໄດ້​ຕາມ​ຄາດໝາຍທີ່​ວາງ​ໄວ້, ການ​ຖາງ​ປ່າ​ເຮັດ​ໄຮ່​ປູກ​ເຂົ້າ​ໄດ້​ຫຼຸດ​ລົງ ຄຽງ​ຄູ່​ກັບ​ການເພີ່ມ​ຂຶ້ນ​ຂອງ​ເນື້ອທີ່​ປູກ​ພືດ​ຊະນິດ​ຕ່າງໆ​ເປັນ​ສິນຄ້າ​ການ​ຈັດ​ສັນ​ອາຊີບ ແລະ ພູມ​ລໍາ​ເນົາ​ຄົງ​ທີ່, ການ​ສ້າງ​ເຂດ​ຈຸດ​ສຸມ​ພັດທະນາ​ບົນ​ພື້ນຖານ​ການ​ຂຸດ​ຄົ້ນ​ທ່າແຮງ​ກັບ​ທີ່​ໄດ້​ຂະຫຍາຍຕົວ​ເພີ່ມ​ຂຶ້ນ, ກຸ່ມ​ເສດ​ຖະກິດ​-​ວັດ​ທະ​ນະ​ທຳ​ໄດ້​ປະກົດ​ຂຶ້ນ​ຢູ່​ຫຼາຍ​ບໍລິເວນ.
- ຄອບຄົວ​ຕົວ​ແບບ​ດ້ານ​ການ​ຜະລິດ​ເປັນ​ສິນຄ້າ ໄດ້​ເພີ່ມ​ຂຶ້ນ ທັງ​ໃນ​ເຂດ​ທົ່ງພຽງ, ບໍລິເວນ​ອ້ອມ​ຮອບ​ຕົວ​ເມືອງ ແລະ ເຂດ​ຊົນ​ນະບົດ​ພູ​ດອຍ​ຫ່າງ​ໄກ ຊຶ່ງ​ສາມາດ​ຕີ​ລາຄາ​ໄດ້​ວ່າການ​ຜະລິດ​ເປັນ​ສິນ ຄ້າ​ພວມ​ກາຍເປັນ​ສະຕິ ແລະ ຄວາມ​ຮັບ​ຮູ້​ຂອງ​ປະຊາຊົນ​ສ່ວນ​ຫຼວງຫຼາຍ.
- ການ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ ຊຶ່ງ​ພັກ​ເຮົາ​ຖືເປັນ​ວຽກ​ງານ​ບຸລິ​ມະ​ສິດ ແລະ ເປັນ​ໜ້າທີ່​ລວມ​ຂອງ​ທົ່ວ​ພັກ , ທົ່ວ​ສັງຄົມ​ນັ້ນ​ກໍ​ໄດ້​ຮັບ​ຜົນ​ສໍາ​ເລັ​ດຈາໍ​ນວນ​ໜຶ່ງ ໂດຍ​ໄດ້​ປຸກລະດົມ​ບັນດາ​ພາກ ສ່ວນ​ເສດຖະກິດ ແລະ ຊັ້ນ​ຄົນ​ຕ່າງໆ​ເຂົ້າ​ຮ່ວມ​ໃນ​ວຽກ​ງານຕ່າງໆ​ຢ່າງ​ແຂງແຮງ, ພ້ອມ​ທັງ​ໃຊ້​ແຫຼ່ງ​ທຶນ​ຈາກ​ການ​ຊ່ວຍເຫຼືອ ຂອງ​ຕ່າງປະເທດ​ຢ່າງ​ມີ​ຈຸດ​ສຸມ, ເຮັດ​ໃຫ້​ຄອບຄົວ​ທຸກ​ຍາກ​ໃນ​ທົ່ວ​ປະເທດ​ໄດ້​ຫຼຸດ​ລົງ​ຍັງ​ເຫຼືອ 28,7% ຂອງ​ຈໍາ​ນວນ​ຄອບຄົວ​ທັງ​ໝົດ, ຂະບວນ​ການ​ສ້າງ​ຄວາມ​ຢູ່​ດີ​ກິນ​ດີ ແລະ ຄວາມ​ຮັ່ງມີ​ໃຫ້​ແກ່​ຄອບຄົວ ໄດ້​ປະກົດ​ເດັ່ນ​ຂຶ້ນ​ຢູ່​ຫຼາຍ​ບ່ອນ​ເປັນຕົ້ນ​ແມ່ນ​ການ​ປູກ​ໄມ້​ອຸດ​ສາ​ຫະກຳ, ປູກ​ພືດ​ສິນຄ້າ​ທີ່​ຈະ​ປະກອບສ່ວນ​ເຂົ້າ​ໃນ​ການ​ແກ້​ໄຂ​ຄວາມທຸກ ຍາກ, ສ້າງ​ຄວາມ​ພໍ​ຢູ່​ພໍ​ກິນ ແລະ ຄວາມ​ຮັ່ງມີ​ໃຫ້​ແກ່​ຄອບຄົວ​ຂອງຕົນ​ກໍ​ຄື​ໃນ​ການ​ສ້າງສາ​ພັດທະນາ​ບ້ານ​ຊ່ອງ​ ປັບປຸງ ແລະ ຍົກ​ລະດັບ ຄຸນ​ນະ​ພາບ​ຊີວິດ​ໃຫ້​ດີ​ຂຶ້ນ.
- ລະບົບ​ຄົມມະນາຄົມ ແລະ ການ​ຕິດຕໍ່​ສື່ສານ​ໄດ້​ຮັບ​ການປັບປຸງ​ຍົກ​ລະດັບ ແລະ ກໍ່ສ້າງ​ໃໝ່​ໃຫ້​ທັນ​ສະໄໝ, ຮັບ ປະກັນ​ການຕິດຕໍ່​ພົວພັນ​ກັນ​ທັງ​ພາຍ​ໃນ​ປະເທດ ແລະ ກັບ​ສາກົນໄດ້​ຢ່າງ​ທັນການ ການ​ຂົນສົ່ງ​ໂດຍສານ​ກໍ​ສະດວກ​ວ່ອງໄວ​ກວ່າ​ເກົ່າ​ຫຼາຍ, ເສັ້ນ ທາງ​ຊົນນະບົດ​ຢູ່​ຫຼາຍ​ແຂວງ​ໄດ້​ຮັບ​ການ​ປັບປຸງ​ເປີດ​ກວ້າງ ແລະ ຂະຫຍາຍ​ອອກ​ສູ່​ເຂດ​ຈຸດ​ສຸມ ແລະ ບ້ານ​ຕ່າງໆ, ໂດຍ​ມີ​ການ​ປະກອບ​ສ່ວນ​ດ້ານ​ທຶນຮອນ ແລະ ແຮງ​ງານ​ຂອງ​ປະຊາຊົນ​ເປັນ​ຈຳນວນຫຼວງ​ຫຼາຍ.
- ພື້ນຖານ​ອຸດ​ສາ​ຫະ​ກຳ​ພະລັງງານ​ໄຟຟ້າ​ນ້ຳຕົກ ແລະ ບໍ່​ແຮ່ ໄດ້​ຂະຫຍາຍຕົວ​ດ້ວຍ​ຖ່ວງ​ທ່າ​ດີ, ອຸດ​ສາ​ຫະກຳ​ຂະໜາດ​ກາງ, ຂະ ຫນາດ​ນ້ອຍ​ໄດ້​ປະກົດ​ຕົວ​ຂຶ້ນ​ຢ່າງ​ແຜ່​ຫຼາຍ, ການ​ບໍລິການ​ທ່ອງ​ທ່ຽວໄດ້​ຮັບ​ການ​ສົ່ງເສີມ​ຢ່າງ​ຕັ້ງໜ້າ​ໃນ​ເຂດ​ທີ່​ມີ​ທ່າແຮງ ອັນ​ໄດ້​ປະກອບສ່ວນ​ສາໍ​ຄັນ​ເຂົ້າ​ໃນ​ການ​ປ່ຽນແປງ​ໂຄງ​ປະກອບ​ເສດຖະກິດໄປ​ຕາມທິດ​ທີ່​ຕັ້ງຫນ້າ.
- ເສດຖະກິດ​ມະຫາ​ພາກ ໄດ້​ມີ​ສະຖຽນ​ລະ​ພາບ​ໂດຍ​ພື້ນຖານ, ຜົນ​ກະທົບ​ຫຍໍ້ທໍ້​ຂອງ​ກົນ​ໄກ​ຕະຫຼາດ​ໄດ້​ຮັບ​ການ​ດັດ​ສົມ ແລະ ຖືກ​ຈໍາ​ກັດ; ອຸປະສັກ​ການ​ຈໍ​ລະ​ຈອນ​ແຈກ​ຢາຍ​ສິນຄ້າ​ໄດ້​ຮັບການ​ແກ້ໄຂ​ເທື່ອ​ລະ​ກ້າວ, ເຮັດ​ໃຫ້​ຕະຫຼາດ​ແຫ່ງ​ຊາດ​ເຄື່ອນ​ໄຫວ​ມີ​ຊີວິດ​ຊີວາ ແລະ ເຮັດ​ໃຫ້ການ​ເຊື່ອມ​ໂຍງ​ເຂົ້າ​ຕະຫຼາດ​ສາກົນ​ມີ​ບາດກ້າວຂະຫຍາ​ຍ​ຕົວ​ຕື່ມ; ການ​ພົວພັນ​ຮ່ວມ​ມື​ເສດຖະກິດ​ກັບ​ຕ່າງປະເທດ ແລະ ເຂດ​ແຄ້ວນ​ໄດ້​ເປີດ​ກວ້າງ​ອອກ, ຫຼາຍ​ບໍລິສັດ​ຂອງ​ປະເທດ​ເຮົາ​ກໍເລີ່ມ​ເຂົ້າ​ສູ່​ແວດ​ວົງ​ທຸລະ​ກິດ​ສາກົນ, ຍາດ​ແຍ່ງ​ເອົາ​ສ່ວນ​ແບ່ງ​ດ້ານການ​ຕະຫຼາດ ແລະ ຜົນ​ປະໂຫຍ​ດ​ໄດ້​ດີ​ພໍ​ສົມ​ຄວນ.
- ການ​ພັດທະນາສັງ​ຄົມ​-​ວັດ​ທະ​ນະ​ທໍາ ສ້າງ​ຄວາມ​ສີ ວິໄລທາງ​ດ້ານ​ຈິດ​ໃຈ. ໄດ້​ເອົາ ໃຈໃສ່​ພັດທະນາ​ການ​ສຶກສາ​ ແຫ່ງ​ຊາດ, ກໍ່ສ້າງ​ຄົນ​ທາງ​ດ້ານ​ຄວາມ​ຮູ້, ດ້ານ​ວິຊາ​ຊີບ ແລະ ຄຸນສົມບັດ​ສິນ​ທຳ ປັບປຸງ​ຄຸນ​ນະ​ພາບ​ຂອງ​ການ​ສຶກສາ, ດ້ານ​ສາທາລະນະ​ສຸກ ກໍ​ໄດ້​ຮັບການ​ພັດທະນາ​ເປັນ​ລະບົບ​ດີ​ຂຶ້ນ ແລະ ມີ​ຄວາມ​ທັນ​ສະໄໝ​ການ​ບໍ​ລິການ​ຢູ່​ໂຮງໝໍໃຫຍ່​ໄດ້​ດາໍ​ເນີນ​ໄປ​ພ້ອມ​ກັບ​ການ​ຂະຫຍາຍ​ຕາ​ໜ່າງ​ບໍລິການ​ຂັ້ນ​ພື້ນຖານ ແລະ ການ​ເປີດ​ກວ້າງ​ລະບົບ​ການ​ກັນ​ພະຍາດ, ການ​ເຝົ້າ​ລະວັງ ແລະ ການ​ຄວບ​ຄຸມພະ​ຍາດ.
- ວັດ​ທະ​ນະ​ທໍາ​ແຫ່ງ​ຊາດ ຍັງ​ສືບຕໍ່​ໄດ້​ຮັບ​ການ​ອະນຸລັກ​ຮັກສາ ແລະ ພັດທະນາ​ບົນ​ພື້ນຖານ​ການ​ເຂົ້າ​ຮ່ວມ​ຂອງ​ປະດາ​ເຜົ່າ​ໃນ​ກິດ​ຈະ​ກໍາ​ຕ່າງໆ​ທາງ​ດ້ານ​ວັດ​ທະ​ນະທຳທີ່​ໄດ້​ຈັດ​​ຂຶ້ນ​ຢູ່​ແຕ່ລະ​ທ້ອງຖິ່ນ, ການ​ແລກປ່ຽນ​ທາງ​ດ້ານ​ວັດ​ທະ​ນະ​ທໍາ​ກັບ​ນາໆ​ຊາດ​ກໍຍັງ​ສືບຕໍ່​ເປີດ​ກວ້າງ.
- ການ​ປະຕິບັດ​ນະໂຍ ບາຍ​ຕ່າງໆ​ຕໍ່​ຜູ້​ທີ່​ມີ​ຄຸນງາມ ຄວາມດີ​ຕໍ່ການ​ປະຕິວັດ​ຢ່າງ​ເໝາະ​ສົມ, ເປັນຕົ້ນ​ແມ່ນ​ໃນ​ໂອກາດ​ວັນ​ສ້າງຕັ້ງ ພັກ ຄົບຮອບ 50 ປີ ແລະ ວັນ​ສະຖາປະນາ ສປປ ລາວ ຄົບຮອບ  30 ປີ, ການ​ແກ້​ໄຂ​ບັນຫາ​ຢາ​ເສບ​ຕິດ ແລະ ບັນຫາ​ຫຍໍ້ທໍ້​ທາງ​ສັງຄົມ​ໄດ້ຮັບ​ການ​ເອົາໃຈໃສ່​ ໂດຍ​ໄດ້​ຮັບ​ຜົນ​ຕົວ​ຈິງ​ຈໍາ​ນວນ​ໜຶ່ງ.
- ສັງຄົມ​ໄດ້​ມີ​ຄວາມຕື່ນ​ ຕົວ​ປະກອບ​ສ່ວນ​ນັບ​ມື້​ນັບ​ ກວ້າງຂວາງ​ເຂົ້າ​ໃນ​ການ​ບູ ລະນະ ແລະ ສ້າງສາສິ່ງ​ສາ ທາລະນະ​ປະໂຫຍດ, ການ​ອະນາໄມ​ຊຸມ​ຊົນ ແລະ ຮັກສາ​ສິ່ງແວດລ້ອມ, ການທ່ອງທ່ຽວ, ການ​ກິລາ, ການ​ອອກ​ກໍາ​ລັງ​ກາຍ​ ຮັກ​ສາ​ສຸຂະພາບ, ການ​ບໍລິຈາກເລືອດ ແລະ ການ​ສົງ ເຄາະ​ຊ່ວຍເຫຼືອ​ຕ່າງໆ ລ້ວນ​ແຕ່​ໄດ້​ຮັບ​ການສົ່ງ​ເສີມ.
- ບັນດາ​ອົງການ​ຈັດຕັ້ງ ​ໃນ​ລະບົບ​ການເມືອງປະຊາ ທິປະໄຕ ປະຊາຊົນ ກໍ​ຄື​ອົງ​ການ​ແຫ່ງ​ອຳ​ນາດ​ລັດ (ນິຕິບັນຍັດ, ບໍລິຫານ, ຕຸລາການ) ໄດ້​ປະ ຕິບັດ​ພາລະ​ບົດບາດ​ຂອງ​ຕົນ​ດ້ວຍ​ຄວາມ​ເປັນ​ເຈົ້າ​ການ ຫຼາຍ​ຂຶ້ນ, ຮັບປະກັນ​ການ​ລວມ​ສູນ​ເປັນ​ເອກະ​ພາບ ດ້ານ​ອຳ​ນາດ ພາຍ​ໃຕ້​ການນຳພາ​ຂອງ​ພັກ, ການ​ຄຸ້ມ​ຄອງ, ປົກຄອງດ້ວຍກົດ ໝາຍກໍ​ນັບມື້​ປະກົດ​ເດັ່ນ​ຂຶ້ນ.
- ການ​ຮ່ວມ​ມື​ຮອບດ້ານ​ກັບ​ບັນດາ​ປະເທດ​ສັງຄົມ​ນິຍົມ ໄດ້​ມີການ​ເພີ່ມ​ທະວີ​ການ​ພົວ ພັນ​ກັບ​ບັນດາ​ປະເທດ​ໃກ້​ຄຽງ, ບັນດາ​ປະເທດເພື່ອນ​ມິດ ແລະ ອົງການ​ຈັດ​ຕັ້ງ​ສາກົນ​ຕ່າງໆ​ໄດ້​ຮັບ​ການ​ເສີມ​ຂະຫຍາຍ, ຜົນ       ສຳເລັດ​ທີ່​ໜ້າ​ພາກພູມ​ໃຈ​ໃນ​ຊຸມ​ປີ​ທ້າຍ​ມາ​ນີ້ ແມ່ນ​ປະເທດ​ເຮົາ​ໄດ້​ເຮັດ​ຫຼ້ອນ​ບົດບາດ​ການ​ເປັນ​ປະທານຈັດ​ກອງ​ປະຊຸມ ສຸດ​ຍອດ​ອາ​ຊຽນ ຄັ້ງ​ທີ 10 ແລະ ບັນດາ​ກອງ​ປະຊຸມ​ລະດັບ​ພາກ​ພື້ນ ແລະ ສາກົນ​ອື່ນໆ ອັນ​ເຮັດ​ໃຫ້​ປະເທດ​ເຮົາ​ໄດ້​ຮັບ​ການ​ເຊີດ​ຊູ​ຍົກ​ສູງຂຶ້ນ​ໃນ​ເວທີ​ສາກົນ.
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110