ຫົວ​ຂໍ້ : ອາຊຽນ ເປັນເຈົ້າການຮັບມືຫຼຸດຜ່ອນຄວາມສ່ຽງໃນລະດັບຕຳ່ສຸດ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 13/03/2020 09:13:36 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1036 ຄັ້ງ

  ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ໂດຍ​ສືບຕໍ່​ບັນດາ​ການເຄື່ອນໄຫວ​ໃນ​ຂອບ​ເຂດ​ກອງ​ປະຊຸມ​ວົງ​ແຄບລັດຖະມົນຕີ​ເສດຖະກິດ​ອາ​ຊຽນ ຄັ້ງ​ທີ 26 ຊຶ່ງ​ພວມ​ດຳເນີນ​ຢູ່​ນະຄອນ​ດາ​ນັງ, ວັນ​ທີ 11 ມີນາ​ ຜ່ານ​ມາ ບັນດາ​ລັດຖະມົນຕີ​ອາ​ຊຽນ ໄດ້​ສືບຕໍ່​ປຶກສາ​ຫາລື​ກ່ຽວ​ກັບ​ທິດ​ທາງ ເພື່ອ​ໃຫ້​ບັນດາ​ປະເທດອາ​ຊຽນ​ຊຸກຍູ້​ເລື່ອງ​ສິ້ນ​ສຸດ​ການ​ເຈລະຈາ ແລະ ລົງ​ນາມ​ໃນ​ສັນຍາ​ຄູ່​ຮ່ວມ​ມື​ຮອບດ້ານ​ພາກ​ພື້ນ (RCEP).
  ຂ່າວ​ລະບຸ​ວ່າ: ບັນດາ​ຂໍ້​ລິເລີ່ມ, ບຸລິມະສິດ​ຂອງຫວຽດ ນາມ ເປັນ​ປະທານອາ​ຊຽນ 2020 ແມ່ນ ສຸມ​ໃສ່​ບັນດາ​ຂົງ ເຂດ​ຄື: ການ​ຄ້າ​ເອ​ເລັກ​ໂຕ​ຣ​ ນິກ, ການ​ຄ້າຂາຍ​ສິນຄ້າ, ພະ ລັງງານ, ເຕັກ​ໂນ​ໂລຊີ - ຂໍ້​ມູນ​ຂ່າວສານ, ກະສິກຳ, ການ​ພັດ ທະນາ​ແບບ​ຍືນ​ຍົງ, ການ​ເງິນ, ສະຖິຕິ, ປ່ຽນແປງ​ໃໝ່​ປະດິດ​ຄິດ​ສ້າງ. ທ່ານ ເລືອ​ງຮ່​ວາງ​ຖ້າຍ ຫົວໜ້າ​ກົມ​ນະໂຍບາຍ​ສາກົນ ກະຊວງ​ອຸດສາຫະກຳ - ການ​ຄ້າ ຫວຽດນາມ​ໃຫ້​ຮູ້​ວ່າ: ປີ​ນີ້, ພວກ​ເຮົາ​ຕ້ອງ​ວາງ​ແຜນ​ໃຫ້​ແກ່​ການ​ກວດກາ​ຄືນ ບັນຫາ​ຄວນ​ໃຫ້​ບຸລິມະສິດ​ທັງ​ໝົດ​ແກ່​ວຽກ​ງານ​ສ້າງ​ປະຊາ​ຄົມ​ອາ​ຊຽນ. ຫວຽດນາມ​ໄດ້​ສະເໜີ​ຂໍ້​ລິ​ເລີ່ມ​ເພື່ອ​ໃຫ້​ອາ​ຊຽນ ເພີ່ມ​ທະວີ​ການ​ຄ້າ​ພາຍ​ໃນ​ກຸ່ມ. ຂໍ້​ລິ​ເລີ່ມ​ນີ້​ໄດ້​ຮັບ​ຄວາມ​ສົນໃຈ ແລະ ຕີ​ລາຄາ​ສູງ​ທີ່​ສຸດ​ຈາກ​ບັນດາ​ປະເທດ​ອາ​ຊຽນ.
  ໃນ​ວາ​ລະ​ດໍາ​ເນີນ​ກອງ​ປະຊຸມ, ບັນດາ​ລັດຖະມົນຕີ​ເສດຖະກິດ ອາ​ຊຽນ ໄດ້​ຮັບຮອງ​ເອົາ 12 ຂໍ້​ລິ​ເລີ່ມ​ບຸລິມະສິດ ໃນ​ຈຳນວນ 13 ຂໍ້​ລິ​ເລີ່ມ​ບຸລິມະສິດ​ຂອງ ຫວຽດນາມ ແມ່ນ​ໝາກຜົນ​ສຳຄັນ, ເປັນ​ການ​ຢັ້ງຢືນ​ບົດ ບາດ​ຂອງ​ອາ​ຊຽນ ເພື່ອ​ມຸ່ງ​ໄປ​ ເຖິງ​ການ​ປັບປຸງ​ກຸ່ມ​ກ້ອນ​ສາ ມັກຄີ​ພາຍ​ໃນ​ພາກ​ພື້ນ, ເພີ່ມ​ທະວີ​ກຳລັງ​ແຮງ​ພາຍ​ໃນ​ກຸ່ມ, ຍົກ​ສູງ​ບົດບາດ​ຂອງ​ສະມາຄົມ​ເສດຖະກິດ​ອາ​ຊຽນ.
  ຂ່າວ​ລາຍ​ງານ​ວ່າ: ຕໍ່ໜ້າ​ການຜັນແປທີ່ສັບສົນຂອງ​ໂຣກ​ລະບາດ COVID-19, ຫວຽດນາມ ໃນ​ຖານະ​ບົດບາດ​ເປັນ​ປະທານ​ອາ​ຊຽນ 2020 ໄດ້​ສະເໜີ​ໃຫ້​ອອກ​ຖະແຫຼງການ​ຮ່ວມ​ຂັ້ນ​ລັດຖະມົນຕີ ເພື່ອ​ແນໃສ່​ຮັກສາ​ລະບົບ​ການ​ສະ ໜອງ ແລະ ຄວາມ​ສາມາດ​ໃນ​ການ​ຟື້ນ​ຟູ​ເສດຖະກິດ​ຂອງ ອາ​ຊຽນ, ເປັນ​ເຈົ້າ​ການ​ຮັບ​ມື ແລະ ຫຼຸດຜ່ອນ​ຄວາມ​ສ່ຽງ​ໃຫ້​ຢູ່​ໃນ​ລະດັບ​ຕ່ຳ​ສຸດ.

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110