ຫົວ​ຂໍ້ : ເຈົ້າເມືອງໄຊພູທອງ ລົງຊຸກຍູ້ຂະບວນການກໍ່ສ້າງເສັ້ນທາງເບຕົງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 13/03/2020 09:51:20 ຈຳ​ນວນ​ຜູ້​ເຂົ້າ​ຢ້ຽມ​ຊົມ 561 ຄັ້ງ

    ໃນວັນທີ11 ກຸມພາຜ່ານ ມາ, ທ່ານ ຄໍາວິໃສ ຜຸຍຍະວົງ ກໍາມະການພັກແຂວງ ເລຂາ ຄະນະບໍລິຫານງານພັກເມືອງ ເຈົ້າເມືອງໄຊພູທອງ ພ້ອມດ້ວຍ ຄະນະໄດ້ລົງເຄື່ອນໄຫວຕິດ ຕາມເບິ່ງຂະບວນການກໍ່ສ້າງ ເສັ້ນທາງເບຕົງເສີມເຫຼັກຢູ່ 2 ກຸ່ມບ້ານຄື:ກຸ່ມບ້ານທີ3ບ້ານພູມ ມະເຈດີແລະບ້ານມ່ວງໄຂ່ ກຸ່ມ ບ້ານທີ4 ຂອງເມືອງໄຊພູທອງ ແຂວງສະຫວັນນະເຂດ . ສໍາລັບການກໍ່ສ້າງເສັ້ນທາງ ຢູ່ກຸ່ມບ້ານທີ3 ພູມມະເຈດີແມ່ນ ໄດ້ເລີ່ມລົງມືກໍ່ສ້າງມາແຕ່ຕົ້ນ ເດືອນກຸມພາ, ເສັ້ນທາງຜ່ານ ບ້ານແຍກໄປຫາ ໂຮງຮຽນມສ ພູມມະເຈດີມີຄວາມຍາວ 235 ແມັດ, ກວ້າງ 6 ແມັດ, ໜາ 15 ເຊັນຊຶ່ງມີມູນຄ່າການກໍ່ສ້າງເສັ້ນ ທາງທັງໝົດ105 ລ້ານກວ່າກີບ ໂດຍແມ່ນທຶນປະກອບສ່ວນ ຂອງພໍ່ແມ່ປະຊາຊົນ ແລະ ການ ປະກອບສ່ວນຂອງນັກທຸລະກິດ ພາຍໃນບ້ານ ໂດຍນໍາໃຊ້ແຮງ ງານຂອງພໍ່ແມ່ປະຊາຊົນ100%, ການກໍ່ສ້າງເສັ້ນທາງແມ່ນໄດ້ ມອບໃຫ້ແຕ່ລະໜ່ວຍພາຍໃນ ບ້ານຜັດປ່ຽນກັນເຮັດແຕ່ລະວັນ ຈົນກວ່າເສັ້ນທາງດັ່ງກ່າວຈະ ສໍາເລັດ. ການກໍ່ສ້າງເສັ້ນທາງ ນີ້, ສິ່ງສໍາຄັນກໍເພື່ອສ້າງຄວາມ ສາມັກຄີຂອງປະຊາຊົນພາຍ ໃນບ້ານ ທັງເຮັດໃຫ້ການສັນ ຈອນໄປມາຂອງປະຊາຊົນພາຍ ໃນບ້ານມີຄວາມສະດວກສະ ບາຍດີຂຶ້ນ. ສ່ວນການກໍ່ສ້າງເສັ້ນທາງ ຢູ່ກຸ່ມບ້ານທີ4 ເຂດບ້ານມ່ວງ ໄຂ່ ຊຶ່ງກໍໄດ້ກໍ່ສ້າງເສັ້ນທາງເບ ຕົງເສີມເຫຼັກເຊັ່ນດຽວກັນ ໂດຍ ແມ່ນບໍລິສັດພູທອງຈະເລີນຊັບ ເປັນຜູ້ຮັບເໝົາກໍ່ສ້າງໄດ້ເລີ່ມ ລົງມືກໍ່ສ້າງມາແຕ່ວັນທີ4 ກຸມ ພາ 2020 ເປັນຕົ້ນມາ, ເສັ້ນທາງ ດັ່ງກ່າວແມ່ນໄດ້ກໍ່ສ້າງແຕ່ແຍກ ທາງບ້ານມ່ວງໄຂ່ ຫາ ບ້ານ ດອນຕູນ ຊຶ່ງມີຄວາມຍາວ 455 ແມັດ, ກວ້າງ 6 ແມັດ, ໜາ 15 ເຊັນ, ມີມູນຄ່າກໍ່ສ້າງທັງໝົດ 595 ລ້ານກວ່າກີບ. ຈາກນັ້ນ, ທ່ານ ຄໍາວິໃສ ຜຸຍຍະວົງ ພ້ອມຄະນະກໍໄດ້ ໄປເບິ່ງການສ້ອມແປງຂົວຫ້ວຍ ໂດນລະຫວ່າງບ້ານພູມມະເຈ ດີຫາບ້ານໂພນທາດ ທີ່ໄດ້ຮັບ ຜົນກະທົບຈາກໄພພິບັດນໍ້າ ຖ້ວມເຊາະເຈື່ອນຫັກຊຸດລົງ ໃນປີ2019 ຜ່ານມາໄດ້ສ້າງ ຄວາມເສຍຫາຍໜັກສົມຄວນ ເຮັດໃຫ້ການສັນຈອນໄປມາ ພົບຄວາມລໍາບາກ, ຂົວຫ້ວຍ ໂດນມີຄວາມຍາວ 20 ແມັດ, ກວ້າງ 5 ແມັດ, ມີມູນຄ່າໃນ ການສ້ອມແປງທັງໝົດ 300 ລ້ານກວ່າກີບ ໂດຍນໍາໃຊ້ທຶນ ໄຟພິບັດຂອງແຂວງ ຊຶ່ງແມ່ນ ບໍລິສັດພູທອງຈະເລີນຊັບເປັນ ຜູ້ຮັບເໝົາກໍ່ສ້າງຄາດວ່າຈະໃຫ້ ສໍາເລັດໃນທ້າຍເດືອນເມສາ ປີ 2020 ນີ້. (ຂ່າວ-ພາບ: ພັນທະ ມິດ ວົງສຸທິ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110