ຫົວ​ຂໍ້ : ບຸນຫຼິ້ນຫຸ່ນຂອງຊາວບ້ານກອງລໍ ອີກໜ່ຶງບຸນປະເພນີ ທີ່ໜ້າສົນໃຈ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 13/03/2020 09:53:46 ຈຳ​ນວນ​ຜູ້​ເຂົ້າ​ຢ້ຽມ​ຊົມ 4563 ຄັ້ງ

    ໂດຍ: ກອງຄຳ ລໍອິນສານ

    ບຸນຫຼິ້ນຫຸ່ນແມ່ນໜຶ່ງບຸນ ປະເພນີທີ່ຊາວບ້ານກອງລໍ ເມືອງຄູນຄຳແຂວງຄຳມ່ວນໄດ້ ຈັດຂຶ້ນຊຶ່ງຈະກຳນົດເອົາເດືອນ 4 ເພັງໃນແຕ່ລະປີເປັນມື້ຈັດ ງານ. ເມື່ອໃກ້ຈະຮອດໄລຍະ ງານບຸນຊາວບ້ານຈະພາກັນຕົ້ມ ເຫຼົ້າແລະກະກຽມອາຫານການ ກິນ ເພື່ອຕ້ອນຮັບສັດທາຈາກ ພາກສ່ວນຕ່າງໆທີ່ມາຮ່ວມ ງານ, ໃນມື້ຂຶ້ນ 13 ຄໍ່າເດືອນ 4 ລາວຈະເປັນມື້ຫ້າງຫາກະກຽມ ສະຖານທີ່, ຫໍອຸປະຄຸດ, ບ່ອນຝັງ ຫຸ່ນ ໂດຍການເອົາກະໂປະຫົວ ຄວາຍຈຳນວນ4ຫົວຝັງໄວ້ທັງ 4 ທິດ, ພໍເຖິງເວລາ 4 ໂມງເຊົ້າ ຂອງມື້ຂຶ້ນ 14 ຄໍ່າ ຊາວບ້ານກໍ ຈະພາກັນໄປນຳເອົາອຸປະຄຸດ (ຫີນແຮ່-ຫີນຊາຍຢູ່ພື້ນນໍ້າ) ມາ ຂຶ້ນຫໍທີ່ໄດ້ກະກຽມໄວ້ເພື່ອເປັນ ການປົກປັກຮັກສາຊາວບ້ານ ແລະ ເຮັດໜ້າທີ່ປາບມານຮ້າຍ. ສຳລັບຕອນກາງຄືນຈະມີການ ຄົບງັນຕາມຮີດຄອງປະເພນີ, ໃນເວລາ 7:00 ໂມງເຊົ້າຂອງ ມື້ຂຶ້ນ 15 ຄໍ່າທຸກໆຄອບຄົວ ໄດ້ ກະກຽມເຄື່ອງໃສ່ບາດຖວາຍ ສັງຂະທານ,ເວລາ14:00 ໂມງ ຊາວບ້ານກໍຈະແຫ່ອ້ອມບ້ານ ໂດຍແຕ່ລະຄົນຈະແຕ່ງກາຍ ທີ່ມີຫຼາກຫຼາຍສີສັນແຕກຕ່າງ ກັນໄປມືຖືດາບທີ່ເຮັດຈາກໄມ້ ເພື່ອໄລ່ມານຮ້າຍ ພ້ອມທັງຕີ ກອງເລງ, ກອງຫາງ, ລຳພະ ຫຍາຍ່ອຍ, ເປົ່າປີ່, ເປົ່າແຄນ ແລະ ອື່ນໆ. ພໍຮອດເດີ່ນວັດກໍ ຈະມີຂັນຫ້າ ເພື່ອເຊີນໃຫ້ໝໍ ຫຸ່ນ (ເຈົ້າມະເຫສັກ) ມາຫຼິ້ນບຸນ ຮ່ວມກັບຊາວບ້ານແລ້ວມີການ ແຫ່ອ້ອມວັດ 3 ຮອບ. ຜູ້ເປັນໝໍ ຫຸ່ນຈະເຮັດໜ້າທີ່ແຕ່ງຕັ້ງຜູ້ຮັບ ໃຊ້ ຊຶ່ງປະກອບມີສັດດົມກິ່ນ ແລະທະຫານຈຳນວນໜຶ່ງ ເພື່ອ ລໍຖ້າປາບຜີຮ້າຍ. ພໍຮອດເວລາ ໝໍຫຸ່ນກໍໃຫ້ຊາວບ້ານເອົານໍ້າມາ ຫົດຈຸດທີ່ຝັງກະໂປະຫົວຄວາຍ ແລະ ໃຫ້ໝໍສ່ຽງ, ໝໍໂຫນ, ໝໍ ທວາຍ ສ່ຽງທວາຍ ພ້ອມໃຫ້ ສັດດົມກິ່ນກວດວ່າຈຸດໃດມີ ຫຸ່ນ (ຜີຮ້າຍ) ເມື່ອພົບຫຸ່ນແລ້ວ ໝໍຫຸ່ນຈະມີພິທີສູດເພື່ອເອົາຫຸ່ນ ອອກ ພ້ອມທັງໃຫ້ຊາວບ້ານລົງ ເກືອກຂີ້ຕົມໃນຈຸດທີ່ຫຸ່ນຖືກຝັງ ຢູ່ ແລະ ປະຕິບັດໄປຈົນຄົບ 4 ທິດ ໂດຍເລີ່ມຈາກທິດເໜືອ, ຕາເວັນອອກ, ທິດໃຕ້ແລະ ທິດຕາເວັນຕົກ. ຕໍ່ມາກໍໄດ້ມີ ພິທີປັດກວາດສິ່ງທີ່ບໍ່ດີອອກ ຈາກບ້ານແລ້ວນຳຫຸ່ນ ແລະ ອຸປະຄຸດລົງສູ່ທ່ານ້ຳ ປ່ອຍໃຫ້ ໄຫຼໄປກັບນໍ້າຖືວ່າເປັນການ ລ້າງຊ່ວຍສິ່ງບໍ່ດີອອກຈາກຮ່າງ ກາຍ. ຈາກນັ້ນ, ກໍໄດ້ພ້ອມກັນ ກັບຄືນສູ່ວັດເພື່ອ ໃຫ້ຄູບາສູດ ໄຊຍັນໂຕ ແລະ ບາສີສູ່ຂວັນ ເປັນສິລິມຸງຄຸນ. ເວລາ 14:00 ໂມງ ຊາວບ້ານກໍນຳເອົາກອງ ເລງ ພ້ອມຕົ້ນກາລະພຶກແຫ່ ອ້ອມບ້ານອີກຄັ້ງ (ເກັບດູກ ເຫຼົ້າ) ແລ້ວນຳໄປຖວາຍຕົ້ນ ກາລະພຶກ ແລະ ປັດໄຈໄຊຍະ ທານຕ່າງໆໃຫ້ແກ່ພະພິຂຸສົງ, ສາມະເນນແມ່ນຂັ້ນຕອນສຸດ ທ້າຍຂອງງານບຸນ. ງານບຸນປະເພນີຫຼິ້ນຫຸ່ນ ຂອງຊາວບ້ານກອງລໍແມ່ນໄດ້ ປະຕິບັດສືບຕໍ່ກັນມາໃນທຸກໆ ປີມາຫຼາຍຮຸ່ນຄົນໂດຍມີຄວາມ ເຊື່ອວ່າ: ການຈັດບຸນປະເພນີ ຫຼິ້ນຫຸ່ນນີ້ ເພື່ອໃຫ້ເຈົ້າຖິ່ນເຈົ້າ ຖານປົກປັກຮັກສານັກທ່ອງ ທ່ຽວທີ່ເຂົ້າມາທ່ຽວຊົມໃນຖ້ຳ ກອງລໍ ແລະ ເພື່ອຄວາມຢູ່ ເຢັນເປັນສຸກຂອງຊາວບ້ານທັງ ເປັນການສືບທອດ, ອະນຸລັກ ຮັກສ າດ້ ານວັດທະນະທ ຳ, ຮີດຄອງປະເພນີສະເພາະຂອງ ທ້ອງຖິ່ນໄວ້ໃຫ້ລູກຫຼານໄດ້ ຮູ້ຈັກ ແລະ ສືບຕໍ່ປະຕິບັດໃຫ້ຢູ່ ຄູ່ກັບຊາວບ້ານກອງລໍຕະຫຼອດ ໄປ ຊຶ່ງໃນປັດຈຸບັນສະມາຄົມ ພັດທະນາການທ່ອງທ່ຽວຖ້ຳ ກອງລໍຮ່ວມກັບອຳນາດການ ປົກຄອງບ້ານໄດ້ກະກຽມເພື່ອ ສະເໜີເອົາກິດຈະກຳບຸນຫຼິ້ນ ຫຸ່ນເປັນກິດຈະກຳການທ່ອງ ທ່ຽວທີ່ຕິດພັນກັບວັດທະນະທຳ ຮີດຄອງປະເພນີເພື່ອດຶງດູດ ນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ເຂົ້າມາທ່ຽວ ຊົມບ້ານກອງລໍໃຫ້ນັບມື້ນັບ ຫຼາຍຂຶ້ນ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110