ຫົວ​ຂໍ້ : ທ່າແຕງ ປາຖະກະຖາວັນສ້າງຕັ້ງແມ່ຍິງສາກົນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 13/03/2020 10:00:18 ຈຳ​ນວນ​ຜູ້​ເຂົ້າ​ຢ້ຽມ​ຊົມ 839 ຄັ້ງ

    ເມືອງທ່າແຕງ ແຂວງເຊ ກອງ ໄດ້ຈັດພິທີປາຖະກະຖາວັນ ແມ່ຍິງສາກົນຄົບຮອບ 110 ປີ (8 ມີນາ 1910-8 ມີນາ 2020) ຂຶ້ນໃນວັນທີ6 ມີນາຜ່ານມາ ຢູ່ ສະໂມສອນເມືອງ ທ່າແຕງ ໂດຍ ໃຫ້ກຽດເຜີຍແຜ່ຂອງທ່ານ ນາງ ມະໄລທອງ ວົງນາດ ກໍາມະການ ພັກເມືອງ ປະທານສະຫະພັນ ແມ່ຍິງເມືອງ ທ່າແຕງ, ມີຄະນະ ບໍລິຫານງານສະຫະພັນແມ່ຍິງ ຮາກຖານບ້ານ, ໂຮງຮຽນ ພ້ອມ ດ້ ວ ຍ ສ ະ ມ າ ຊິ ກ ສ ະ ຫ ະ ພັ ນ ແມ່ຍິງໃນທົ່ວເມືອງທ່າແຕງເຂົ້າ ຮ່ວມ. ທ່ານ ນາງ ມະໄລທອງ ວົງ ນາດ ໄດ້ຍົກໃຫ້ເຫັນວ່າ: ວັນ ເເມ່ຍິງສາກົນໄດ້ກຳເນີດເກີດ ຂຶ້ນໃນທ່າມກາງເສດຖະກິດ ຂອງພວກສັກດີນານາຍທຶນ, ຂະຫຍາຍຕົວ ເມື່ອໂຮງຈັກໂຮງ ງານອຸດສາຫະກຳຂອງພວກ ນາຍທຶນຂະຫຍາຍຕົວ, ສ້າງ ຄວາມຮັ່ງມີໃຫ້ແກ່ພວກນາຍ ທຶນ, ແຕ່ຊ້ຳພັດຍິ່ງເພີ່ມຄວາມ ທຸກຍາກລຳບາກໃຫ້ແກ່ຊາວຜູ້ ອອກແຮງງານ ໂດຍສະເພາະ ແມ່ນກຳມະກອນແມ່ຍິງຢູ່ພາຍ ໃນລະບອບສັກດີນາ, ນາຍ ທຶນ, ແມ່ຍິງຖືກກົດຂີ່ຂູດຮີດ ຢ່າງໜັກໜ່ວງ, ເຮັດວຽກຫຼາຍ ຊົ່ວໂມງ, ແຕ່ໄດ້ຮັບຄ່າຈ້າງແຮງ ງານດ້ວຍລາຄາຖືກ, ເຮັດວຽກບໍ່ ມີການຮັບປະກັນ, ບໍ່ມີລະບອບ ປົກປັກຮັກສາສຸຂະພາບຂອງ ແມ່ຍິງ ແລະ ເດັກນ້ອຍ, ນອກ ນັ້ນ ແມ່ຍິງຍັງຖືກມິ່ນປະໝາດ,ຖື ເປັນສິ້ນຄ້າ,ເປັນເຄື່ອງຫຼິ້ນຖືກ ເຕະຕີ, ຖືກຂົ່ມຂູ່, ຂົ່ມຂືນ, ກະ ທໍາສໍາເລົາ ແລະ ຖືກໄລ່ອອກ ຈາກວຽກ, ເວລາຖືພາ, ເກີດ ລູກ ຫຼື ເວລາເຈັບເປັນ, ບໍ່ໄດ້ ຮັບການປິ່ນປົວ ແຕ່ບໍ່ໄດ້ຮັບ ການເອົາໃຈໃສ່ເບິ່ງແຍງດູແລ ຈາກສັງຄົມ. ສະນັ້ນ, ສະພາບ ການ ແລະ ຄວາມທຸກທໍລະມານ ດັ່ງກ່າວ ກຳມະກອນແມ່ຍິງຮູ້ ສຶກຄຽດແຄ້ນ ຈຶ່ງໄດ້ສາມັກຄີ ກັນ, ລຸກຂຶ້ນຕໍ່ສູ້ທວງໃຫ້ພວກ ນາຍທຶນ ຊຶ່ງແມ່ນເຈົ້າຂອງໂຮງ ຈັກໂຮງງານຕ້ອງແກ້ໄຂຊີວິດ ການເປັນຢູ່ໃຫ້ເຂົາເຈົ້າໃນນີ້, ກອງປະຊຸມແມ່ຍິງຄັ້ງທຳອິດ ໄດ້ ຈັດຂຶ້ນຢູ່ປະເທດດານມາກ, ມີຜູ້ ແທນ 100 ກວ່າຄົນ, ຈາກ 17 ປະເທດເຂົ້າຮ່ວມກອງ ປະ ຊຸມ ດັ່ງກ່າວໄດ້ຮັບຮອງ ແລະ ຕົກ ລົງ ເອົາວັນທີ 8 ມີນາຂອງທຸກໆປີ ເປັນວັນແມ່ຍິງສາກົນ. (ຂ່າວ-ພາບ: ພອນ ບຸນອຸທິດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110