ຫົວ​ຂໍ້ : ໂຮງໝໍເດັກຈັດກິດຈະກຳກວດສຸຂະພາບ ແລະ ໃຫ້ຄວາມຮູ້ການປ້ອງກັນພະຍາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 13/03/2020 10:02:56 ຈຳ​ນວນ​ຜູ້​ເຂົ້າ​ຢ້ຽມ​ຊົມ 840 ຄັ້ງ

   ເພື່ອສ້າງຂະບວນການ ຕ້ອນຮັບກອງປະຊຸມໃຫຍ່ຄັ້ງທີ IX ຂອງອົງຄະນະພັກກະຊວງ ສາທາລະນະສຸກ ຄະນະຮັບຜິດ ຊອບສ້າງຂະບວນການ ແລະ ໂຮງໝໍເດັກໄດ້ຈັດກິດຈະກຳ ລົງເຜີຍແຜ່ຄວາມຮູ້ໃຫ້ແກ່ນັກ ຮຽນຊັ້ນປະຖົມ ໃນວັນທີ11 ມີ ນາຜ່ານມາ ທີ່ໂຮງຮຽນປະຖົມ ສີຫາວົງວິທະຍາ ໂດຍໄດ້ເປີດ ຂະບວນການກວດສຸຂະພາບ ແລະໃຫ້ຄວາມຮູ້ໃນການປ້ອງ ກັນພະຍາດ COVID-19 ໃຫ້ແກ່ ນັກຮຽນເຂົ້າຮ່ວມໃນພິທີມີທ່ານ ໄພວັນ ແກ້ວປະເສີດ ຄະນະພັກ ກະຊວງສາທາລະນະສຸກທ່ານ ນາງ ສົມມະນີພອນ ຜາງມະນີ ຜູ້ອຳນວຍການໂຮງໝໍເດັກ, ທ່ານ ນາງ ບົວລຸນ ອິນທະວົງ ຜູ້ ອຳນວຍການໂຮງຮຽນສີຫາວົງ ວິທະຍາ ພ້ອມດ້ວຍທີມງານ ແພດ, ພະຍາບານ, ຄູ-ອາຈານ ແລະ ນັກຮຽນເຂົ້າຮ່ວມ. ທ່ານ ສົມມະນີພອນ ຜາງ ມະນີ ໄດ້ກ່າວວ່າ: ໂຮງໝໍເດັກ ແມ່ນໃຫ້ການດູແລ ແລະ ປິ່ນ ປົວເດັກ ແຕ່ມື້ເກີດຫາ 15 ປີໃນ ໂອກາດນີ້ ຈຶ່ງໄດ້ຖືເອົານັກຮຽນ ຊັ້ນປະຖົມເປັນບຸລິມະສິດ ໃນ ການໃຫ້ຄວາມຮູ້ໃນການຮັກ ສາສຸຂະພາບ ຊຶ່ງລວມມີ3 ໂຮງ ຮຽນເຂົ້າຮ່ວມກິດຈະກຳຄື: ໂຮງ ຮຽນປະຖົມສີຫາວົງວິທະຍາ, ໂຮງຮຽນຈອມຄຳ ແລະໂຮງຮຽນ SOS. ໃນການຈັດກິດຈະກຳຄັ້ງ ນີ້ລວມມີການກວດສຸຂະພາບ ທົ່ວໄປ, ກວດປາກ ແລະ ແຂ້ວ, ການໃຫ້ຄວາມຮູ້ ໃນການປ້ອງ ກັນພະຍາດໂຄວິດ-19 ການ ແນະນຳສອນວິທີລ້າງມື ແລະ ໃສ່ຜ້າປິດປາກ ແລະການໃຫ້ ຄວາມຮູ້ການປ້ອງກັນເດັກໃຫ້ ມີຄວາມປອດໄພ. ກິດຈະກຳການກວດສຸຂະ ພາບຄັ້ງນີ້ແມ່ນມີຜົນປະໂຫຍດ ໃຫ້ແກ່ຄູແລະນັກຮຽນຈະໄດ້ຮູ້ ວິທີຮັກສາສຸຂະພາບຕົນເອງໃຫ້ ຫຼີກລ່ຽງການຕິດເຊື້ອພະຍາດ ດັ່ງກ່າວ. (ຂ່າວ-ພາບ: ມະລິ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110