ກອງປະຊຸມໃຫຍ່ ຄັ້ງທີ VIII ຂອງພັກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 16/03/2020 09:21:55 ຈຳ​ນວນ​​ຢ້ຽມ​ຊົມ 468 ຄັ້ງ

   ກອງ​ປະຊຸມ​ໃຫຍ່ ຄັ້ງ​ທີ VIII ຂອງ​ພັກ​ປະຊາຊົນ​ປະຕິວັດ​ລາວ ໄດ້​ດາໍ​ເນີນ​ມາ​ແຕ່​ວັນ​ທີ 18-21 ມີນາ 2006 ຢູ່​ທີ່​ນະ ຄອນຫຼວງ​ວຽງຈັນ; ເຂົ້າ​ຮ່ວມ​ໃນ​ກອງ​ປະຊຸມ​ໃຫຍ່​ຄັ້ງ​ນີ້​ມີ​ຜູ້​ແທນ 498 ສະຫາຍ ທີ່ເປັນ​ຕົວ​ແທນ​ໃຫ້​ສະມາຊິກ​ພັກ​ທັງ​ໝົດ ຈໍາ​ນວນ 148.590 ສະຫາຍ ຢູ່​ບັນດາ​ຂະແໜງການ​ອ້ອມ​ຂ້າງ​ສູນ​ກາງ, ທ້ອງຖິ່ນ​ໃນ​ທົ່ວ​ປະ​ເທດ.
ກອງ​ປະຊຸມ​ໃຫຍ່ ຄັ້ງ​ທີ VIII ໄດ້​ວາງ​ຄາດໝາຍ​ສູ້​ຊົນ ສຳລັບ​ໄລຍະ​ແຕ່​ປີ 2006-2010.
ກ. ຜົນສ ໍາ​ເລັດ​ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງທີ VIII ມີ​ຄື:
(1). ສາມາດ​ປົກ​ປັກ​ຮັກ ສາ​ຄວາມ​ເປັນ​ເອກະລາດ, ອະ ທິປະ​ໄຕ  ແລະ ຜືນ​ແຜ່ນດິນ​ອັນ​ຄົບ​ຖ້ວນ​ຂອງ​ປະເທດ​ຊາດ​ໄວ້​ຢ່າງ​ໝັ້ນຄົງ, ລະບົບ​ການເມືອງ​ມີ​ສະຖຽນ​ລະ​ພາບ​ອັນ​ໜັກ​ແໜ້ນ, ສັງຄົມ​ມີ​ຄວາມ​ສະ ຫງົບ​ປອດ​ໄພ ແລະ ມີ​ຄວາມ​ເປັນ​ລະບຽບ​ຮຽບຮ້ອຍ​ໂດຍ​ທົ່ວ​ໄປ.
(2). ການ​ພັດທະນາເສດ​ຖະ​ກິດ​-​ສັງຄົມ ມີ​ຜົນ​ສໍາ​ເລັດ​ໃໝ່ຫຼາຍ​ປະການ, ອັນ​ພົ້ນ​ເດັ່ນ​ແມ່ນ​ຈັງຫວະ​ການ​ເຕີບ​ໂຕຂອງ ​ເສດ​ຖະກິດ​ແຫ່ງ​ຊາດ​ມີ​ລັກສະ ນະ​ຕໍ່​ເນື່ອງ ໂດຍ​ສະເລ່ຍ​ໃນ 5 ປີ ແມ່ນ 7,9%, ລວມ​ຍອດ​ມູນ​ຄ່າ​ຜະລິດ​ຕະ​ພັນ​ພາຍ​ໃນ​ສົກ​ງົບປະມານ 2009-2010 ສະເລ່ຍ​ຕໍ່​ພົນລະເມືອງ​ບັນລຸ 8,7 ລ້ານ​ກີບ ຕໍ່​ຄົນ ຫຼື 1.069 ໂດ​ລາ (ລື່ນ​ຄາດໝາຍ​ທີ່​ວາງ​ໄວ້); ເສດຖະກິດ​ມະ ຫາ​ພາກ​ມີ​ຄວາມໝັ້ນ​ທ່ຽງ​ໂດຍ​ພື້ນຖານ; ການ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ ຕິດ​ພັນ​ກັບ​ການ​ສ້າງ​ບ້ານ ແລະ ກຸ່ມ​ບ້ານ​ພັດທະນາ ໄດ້​ຮັບ​ຜົນ​ດີ ຫຼາຍ​ດ້ານ, ຄອບຄົວ​ທຸກ​ຍາກ​ໃນ​ທົ່ວ​ປະເທດໄດ້​ຫຼຸດ​ລົງ​ຈາກ 27,7% ໃນ​ສົກ​ປີ 2002-2003 ມາ​ເປັນ 20,4% ໃນ​ສົກ​ປີ 2009 -2010. ການ​ສ້າງ​ບ້ານ​ພັດທະນາ ແລະ ເຕົ້າໂຮມ​ບ້ານ​ມີ​ຜົນ​ຢ່າງ​ຕັ້ງ ໜ້າ, ບ້ານ​ໃຫຍ່​ຈໍາ​ນວນ​ໜຶ່ງ​ໄດ້​ກາຍເປັນ​ໃຈກາງ​ດ້ານ​ເສດ​ຖະ​ກິດ​-​ວັດທະ​ນະ​ທໍາ ແລະ ກໍ່​ຕົວ​ເປັນ​ຮູບ​ຂອງ​ຕົວ​ເມືອງ​ນ້ອຍ​ຢູ່​ໃນ​ເຂດ​ຊົນ​ນະບົດ; ອັນສຳຄັນ​ໃນ​ນັ້ນ​ແມ່ນ​ໄດ້​ມີ​ປັດ​ໄຈ​ໃໝ່, ໜໍ່​ແໜງ​ໃໝ່​ເກີດ​ຂຶ້ນ​ໃນການ​ທໍາ​ມາ​ຫາ​ກິນ​ຂອງ​ປະຊາຊົນ​ບັນດາເຜົ່າ​ຢູ່​ຫຼາຍ​ທ້ອງ​ຖິ່ນ.
(3). ການ​ພັດທະນາ​ທາງ​ດ້ານ​ສັງ​ຄົມ​-​ວັດ​ທະ​ນະ​ທໍາ​ກໍ​ໄດ້​ຮັບຜົນ​ດີ; ການ​ປະຕິ​ຮູບ​ລະບົບ​ການ​ສຶກສາ​ແຫ່ງ​ຊາດ ໃນ​ບາດກ້າວເບື້ອງ​ຕົ້ນ​ໄດ້​ດາໍ​ເນີນ​ຢ່າງ​ມີ​ຜົນ​ສໍາ​ເລັດ​ເປັນຕົ້ນ​ແມ່ນໄດ້​ຂະຫຍາຍ​ໂອກາດ​ດ້ວຍ​ການ​ເປີດ​ກວ້າງ ຕາ​ໜ່າງ​ການ​ສຶກສາ​ໃຫ້​ທົ່ວ​ເຖິງ​ກວ່າ​ເກົ່າ, ຄຸນ​ນະ​ພາບ​ຂອງ​ການ​ສຶກສາ​ກໍ​ໄດ້​ຮັບ​ການ​ປັບປຸງ​ດີ​ຂຶ້ນ; ຕາ​ໜ່າງການ​ສຶກສາ​ວິຊາ​ຊີບ​ໄດ້​ຂະຫຍາຍ​ໄປ​ແຕ່​ລະ​ພາກແຕ່​ລະ​ແຂວງ​ຢ່າງທົ່ວ​ເຖິງ; ພາລະກິດ​ການ​ສຶກສາ​ໄດ້​ກາຍເປັນ​ຂອງ​ທົ່ວ​ປວງຊົນ; ວຽກງານ​ສາທາລະນະ​ສຸກ​ການ​ກັນ​ພະຍາດ ແລະ ສົ່ງເສີມ​ສຸຂະພາບ​ກໍມີ​ການ​ຫັນປ່ຽນ​ດີ​ຂຶ້ນ ຍ້ອນ​ມີ​ການ​ປັບປຸງ​ຍົກ​ລະດັບ​ໂຮງໝ​ໍສູນ​ກາງ ແລະ ໂຮງໝໍ​ພາກ, ໄດ້​ເປີດ​ກວ້າງ​ຕາ​ໜ່າງ​ສາທາລະນະ​ສຸກ​ຕິດ​ພັນ ກັບ​ການໂຄສະນາ​ສຸ​ຂະ​ສຶກສາ ແລະ ເປີດ​ຂະບວນ​ສັກ​ຢາ ຢອດ​ຢາກັນ​ພະຍາດ​ຢ່າງ​ຕໍ່​ເນື່ອງ.
   ອັນ​ພົ້ນ​ເດັ່ນ ການ​ເຊື່ອມ​ສານ​ການສະແດງ​ສິລະ​ປະວັດ​ທະນະທຳ ອັນ​ເປັນ​ເອກະລັກ​ຂອງ​ຊາດ​ເຂົ້າ​ກັບ​ງານ​ມະ​ຫະ​ກໍາ​ຊີເກມ ຄັ້ງ​ທີ 25, ວັນຊາດ​ຄົບຮອບ 35 ປີ ແລະ ວຽງ​ຈັນ 450 ປີ. ຊີວິດ​ທາງ​ດ້ານວັດ​ທະ​ນະ​ທໍາ ກໍ​ຄື​ດ້ານ​ຈິດໃຈ​ຂອງ​ຄົນ ​ລາວ​ເຮົາ​ໄດ້​ຮັບ​ການ​ຍົກ​ສູງ ຂຶ້ນ​ດ້ວຍ​ການ​ຕອບ​ສະໜອງ​ຂ່າວສານ, ສາລະ​ຄວາມ​ຮູ້ ແລະ ການບັນ​ເທີງ​ເບີກບານ​ຜ່ານ​ສື​ຕ່າງໆ ດ້ວຍ​ເນື້ອ​ຫາ​ສາລະ​ທີ່​ຫຼາກ​ຫຼາຍ ແລະ ທົ່ວ​ເຖິງ​ກວ່າ​ເກົ່າ, ອັນ​ນັ້ນ ໄດ້​ປະກອບສ່ວນ​ຢ່າງ​ສໍາ​ຄັນ​ໃນການ​ເພີ່ມ​ທະວີ​ຄວາມ​ສາມັກຄີ​ເປັນ​ປຶກ​ແຜ່ນ ແລະ ຄວາມ​ເອກະ​ພາບ ເປັນ​ອັນ​ໜຶ່ງ​ອັນ​ດຽວ​ຂອງ​ຊາດ​ລາວ​ເຮົາ.
- ການ​ປະຕິບັດ​ນະໂຍ ບາຍ ແລະ ການ​ແກ້​ໄຂ​ບັນຫາ​ທາງ​ສັງຄົມ​ໃນ​ຫຼາຍ​ດ້ານ​ກໍ​ມີ​ການ​ປັບປຸງ​ດີ​ຂຶ້ນ ໂດຍ​ສະເພາະ​ແມ່ນການ​ສັນລະ​ເສີນ ແລະ ຕອບ​ແທນ​ບຸນຄຸນ​ຜູ້​ມີ​ຜົນງານ ແລະ ຄຸນ​ງາມ​ຄວາມດີ​ຕໍ່​ປະ ເທດ​ຊາດ ແລະ ການ​ປະຕິ​ວັດ.
 (4). ລະບົບ​ການເມືອງ​ປະຊາທິປະໄຕ​ປະຊາຊົນ ໄດ້​ຮັບ​ການປັບປຸງ​ບູລະນະໃຫ້​ມີ​ຄວາມ​ໜັກ​ແໜ້ນ, ຍ້ອນ​ໄດ້​ດາໍ​ເນີນ​ມາດ​ຕະການຍຸດທະສາດ ຫັນ​ລົງ​ຮາກ​ຖານ​ການເມືອງ​ຕິດ​ພັນ​ກັບ​ການ​ສ້າງ​ບ້ານ  ແລະ ກຸ່ມ​ບ້ານ​ພັດທະນາ ເຮັດ​ໃຫ້​ບັນດາ​ອົງ​ປະກອບ​ຂອງ​ລະບົບ​ການ ເມືອງ​ປະຊາທິປະໄຕ​ປະຊາຊົນ ໄດ້​ຮັບ​ການ​ບູລະນະ​ຕາມ​ທິດ​ສ້າງ​ລັດແຫ່ງ​ກົດ​ໝາຍ ແລະ ສາມາດ​ປະຕິບັດ​ພາລະ​ບົດ ບາດຂອງ​ຕົນ​ໄດ້ຢ່າງ​ມີ​ຄວາມ ​ສັກສິດ​ຍິງ​ຂຶ້ນ.
(5). ພວກ​ເຮົາ​ໄດ້​ຮັບ​ຜົນ​ສໍາ​ເລັດ​ທີ່​ສໍາ​ຄັນ​ຫຼາຍ​ປະການ ໃນການຈັດຕັ້ງ​ປະຕິບັດແນວ ທາງ​ການ​ຕ່າງປະເທດ ສັນຕິ ພາບເອກະລາດ ມິດຕະພາບ ແລະ  ຮ່ວມ​ມື​ພັດທະນາ ໂດຍ​ໄດ້​ສົມທົບ​ແໜ້ນ​ການເຄື່ອນ​ໄຫວ​ຕ່າງປະເທດ​ດ້ານ​ພັກ, ດ້ານລັດ, ອົງການ​ຈັດ​ຕັ້ງ​ມະຫາຊົນ, ການ ເມືອງ, ເສດຖະກິດ, ວັດ​ທະນະ​ ທໍາ ແລະ ປ້ອງ​ກັນ​ຊາດ. ປ້ອງ​ ກັນ​ຄວາມ​ສະຫງົບ; ອັນ​ພົ້ນ ເດັ່ນ​ແມ່ນ​ສາຍ​ພົວພັນມິດຕະ ພາບຄວາມ​ສາມັກຄີ​ພິເສດ ແລະ  ການ​ຮ່ວມ​ມື​ຮອບດ້ານ​ກັບ ສສ ຫວຽດນາມ; ມິດຕະພາບ​ຄວາມ​ສາມັກຄີ​ອັນ​ເປັນ​ມູນ ເຊື້ອ ແລະ ການ​ຮ່ວມມື​ຮອບ ດ້ານ​ລະຫວ່າງ ລາວ​-​ຈີນ ໄດ້​ຂະຫຍາຍຕົວ​ເຂົ້າ​ສູ່​ລະດັບໃໝ່ ແບບ​ຄູ່​ຮ່ວມ​ມື​ຍຸດທະສາດຮອບ ດ້ານ​ທີ່​ໝັ້ນຄົງ​ຍາວ​ນານ; ການ ​ພົວພັນຮ່ວມ​ມື​ກັບ​ບັນດາ​ປະ ເທດ​ສັງຄົມ​ນິຍົມອ້າຍນ້ອງ​ອື່ນໆບົນ​ພື້ນຖານ​ການ​ສະໜັບ ສະໜູນ​ຊ່ວຍເຫຼືອ​ຊຶ່ງ​ກັນ ແລະ ກັນ ເພື່ອການພັດທະນາ​ກໍໄດ້​ ຮັບ​ການ​ສົ່ງເສີມ; ພ້ອມ​ນັ້ນ ການ​ພົວພັນຮ່ວມມື​ກັບ​ບັນດາ ປະເທດໃນ​ຄອບຄົວ​ອາ​ຊຽນ, ກັບ​ບັນດາປະເທດ​ເພື່ອນ​ມິດ ກໍ​ຄືອົງການ​ສະຫະ​ປະຊາຊາດ, ບັນດາ​ອົງການ​ຈັດ​ຕັ້ງ​ສາກົນ​ອື່ນໆ ແລະ ອົງການ​ທີ່​ບໍ່​ສັງກັດ​ລັດຖະບານ​ກໍ​ໄດ້​ຮັບ​ການ​ເສີມ​ຂະຫຍາຍ​ຢ່າງ​ຕັ້ງໜ້າ ແລະ ມີ​ ປະສິດ​ທິ​ຜົນ, ປະເທດ​ເຮົາ​ໄດ້​ເປັນ​ປະເທດ​ຄູ່​ຮ່ວມ​ມື​ທີ່​ໜ້າໄວ້​ ວາງໃຈ​ຂອງ​ເພື່ອນ​ມິດ​ຫຼາຍ​ຂຶ້ນ.
(6). ພັກ​ເຮົາ​ໄດ້​ຮັບການ ​ປັບປຸງ​ກໍ່ສ້າງ​ເປັນ​ກາໍ​ລັງ​ການ ເມືອງ​ທີ່ເຂັ້ມ​ແຂງນຳ​ພາ​ທົ່ວສັງ ຄົມສືບຕໍ່​ປະຕິບັດ​ສອງ​ໜ້າ​ທີ່​ຍຸດ​ທະ​ສາດ ​ຕາມແນວທາງ​ປ່ຽນ ແປງ​ໃ​ໝ່​ຢ່າງ​​ໜັກ​ແໜ້ນ ແລະ ມີ​ຜົນສຳ​ເລັດ​ໃ​ໝ່​ໃນຫຼາຍ​ດ້ານ.

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110