ໜັງສືພິມ ປະຊາຊົນ

ທ່າແຕງ ປະກາດແຕ່ງຕັ້ງປະທານ-ຮອງປະທານ ຄະນະຈັດຕັ້ງ ແລະ ຄະນະກວດກາ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 16/03/2020 09:27:08 ຈຳນວນຢ້ຽມຊົມ 1027 ຄັ້ງ

   ໃນວັນທີ 12 ມີນາ ຜ່ານມາ ເມືອງທ່າແຕງ ໄດ້ຈັດພິທີປະ ກາດແຕ່ງຕັ້ງປະທານ-ຮອງປະ ທານຄະນະຈັດຕັ້ງເມືອງ ແລະ ຄະນະກວດກາພັກ-ລັດເມືອງ ທ່າແຕງ ແຂວງເຊກອງ ໂດຍໃຫ້ກຽດເຂົ້າຮ່ວມເປັນ ປະທານຂອງ ທ່ານ ສົມເພັດ ເອິດລັດດາ ເລຂາພັກເມືອງເຈົ້າເມືອງເມືອງ ທ່າແຕງ, ມີຄະນະພັກເມືອງ, ຫົວໜ້າຫ້ອງການ, ຮອງຫ້ອງ ການ ພ້ອມດ້ວຍພະນັກງານ ລັດຖະກອນ ແລະ ແຂກຖືກເຊີນເຂົ້າຮ່ວມ.
    ໃນພິທີກໍໄດ້ຜ່ານຂໍ້ຕົກລົງເລກທີ 56/ຈມ.ທຕ ລົງວັນທີ 11 ມີນາ 2020 ວ່າດ້ວຍການສັບປ່ຽນໜ້າທີ່ລະຫວ່າງຫົວໜ້າຄະນະຈັດຕັ້ງເມືອງ ແລະ ປະ ທານຄະນະກວດກາເມືອງ ໂດຍ ອີງຕາມກົດໝາຍ ວ່າດ້ວຍພະ ນັກງານ ລັດຖະກອນ ສະບັບເລກທີ 74/ສພຊ ລົງວັນທີ 18 ທັນວາ 2015 ໃນພາກທີ 2 ໝວດທີ 3 ມາດຕາທີ 20 ວ່າດ້ວຍການ ຍົກຍ້າຍສັບປ່ຽນໜ້າທີ່ ແລະ ບ່ອນປະຈຳການຂອງພະນັກງານ ລັດຖະກອນ   ໃນນັ້ນ ໄດ້ຍົກຍ້າຍທ່ານ ບຸນສວນ ບຸດບຸນມາ ກຳມະການປະຈຳພັກເມືອງປະທານກວດ ກາພັກ-ລັດເມືອງຜູ້ເກົ່າໄປຮັບ ໜ້າທີ່ໃໝ່ເປັນຫົວໜ້າຄະນະ ຈັດຕັ້ງເມືອງຜູ້ໃໝ່, ຍົກຍ້າຍ ທ່ານ   ແສງລາຕີ   ຫຼອມຍະເດດ   ຮອງເລຂາພັກ ເມືອງຫົວໜ້າຄະນະຈັດຕັ້ງເມືອງຜູ້ເກົ່າໄປຮັບ ໜ້າທີ່ໃໝ່ເປັນປະທານກວດກາພັກ-ລັດເມືອງ. ຈາກນັ້ນກໍໄດ້ຜ່ານຂໍຕົກລົງ ວ່າດ້ວຍການຍົກ ຍ້າຍທ່ານ ຄໍາຫຼ້າ ສີງຫາລາດ ແລະ ທ່ານ ອິນປັນ ພັນທະວົງ ຮອງປະທານກວດກາພັກ-ລັດເມືອງຜູ້ເກົ່າໄປປະຈຳການຢູ່ ຫ້ອງວ່າການເມືອງ, ຍົກຍ້າຍ ທ່ານ ພູເຂົາ ລາດສະບັນດິດ ຮອງຫົວໜ້າຫ້ອງວ່າການປົກຄອງ ເມືອງ ແລະ ທ່ານ ສາຍໂລຫຼິດ ໄຊຍະລາດ    ຮອງຫົວໜ້າເຂດຈຸດສຸມພັດທະນາທີ 4 ມາດຳລົງ ຕຳແໜ່ງເປັນຮອງປະທານຄະ ນະກວດກາພັກ-ລັດເມືອງ.
   ທັງນີ້ກໍແມ່ນອີງໃສ່ຜົນສໍາ ເລັດການຮັບຮອງຂອງກອງປະ ຊຸມໃຫຍ່ ຄັ້ງທີ 6 ຂອງອົງຄະນະພັກເມືອງ ແລະ ອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ເພື່ອໃຫ້ມີຄວາມໜັກ ແໜ້ນເຂັ້ມແຂງ ແລະ ມີປະສິດ ທິພາບຍິ່ງໆຂຶ້ນ.
(ຂ່າວ-ພາບ: ລັດຕະນາ ຄຳສົມພູ)