ພັກປະຊາຊົນ ປະຕິວັດລາວ ແມ່ນຜູ້ຈັດຕັ້ງນຳພາທຸກໄຊຊະນະຂອງການປະຕິວັດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 16/03/2020 09:31:20 ຈຳ​ນວນ​​ຢ້ຽມ​ຊົມ 467 ຄັ້ງ

   ເນື່ອງ​ໃນ​ໂອກາດ​ວັນ​ສ້າງ ຕັ້ງ​ພັກ ປະຊາຊົນ ປະຕິວັດລາວ ທີ່​ຈະ​ໝູນວຽນ​ມາ​ບັນຈົບ​ຄົບ ຮອບ 65 ປີ​ທີ່​ຈະ​ມາ​ເຖິງ​ນີ້​ຄື​ໃນ​ວັນ​ທີ 22 ມີນາ 2020. ໃນ​ ໂອກາດ​ອັນ​ມີ​ຄວາມ​ໝາຍ​ສຳ ຄັນ​ນີ້​ທ່ານ ໄມ​ອອນ ທຳມະວົງ ຜູ້ອຳນວຍການ​ວິ​ສາ​ຫະກິດ​ໂຮງພິມ​ແຫ່ງ​ລັດ​ໄດ້​ກ່າວ​ສະ ແດງ​ຄວາມ​ຮູ້ສຶກຜ່ານ​ສື່​ມວນ​ຊົນ​ວ່າ: ໃນ​ນາມ​ສະມາຊິກ​ພັກ​ຜູ້​ໜຶ່ງ​ມີ​ຄວາມ​ຮູ້ສຶກ​ພາກພູມ​ໃຈ​ທີ່​ສຸດ ແລະ ສັນລະເສີນ​ຄຸນງາມຄວາມດີ​ຂອງ​ພັກ ຊຶ່ງ​ໃນ​ທຸກ​ວຽກ​ງານ​ແມ່ນ​ພັກ​ເປັນ​ຜູ້​ຈັດ​ຕັ້ງ​ນຳພາ​ທຸກ​ໄຊຊະນະ​ຂອງ​ການ​ປະຕິວັດ​ລາວ ເມື່ອ​ຫວນ​ຄື່ນ​ກ່ອນ​ໜ້າ​ນີ້ 60 ປີ ປະເທດ​ຊາດ​ຂອງ​ພວກ​ເຮົາ​ຍັງ​ພົບ​ຄວາມ​ຫຍຸ້ງຍາກ​ ພື້ນຖານ​ໂຄງ​ລ່າງ​ຍັງ​ຫຼ້າຫຼັງ​ບໍ່​ທັນ​ໄດ້ຮັບ ​ການ​ພັດທະນາ, ມາ​ຮອດ​ປັດ ຈຸບັນ​ປະເທດ​ຊາດ​ໄດ້​ຮັບ​ການ​ພັດທະນາ​ໃນ​ທຸກ​ດ້ານ, ເວົ້າ​ສະເພາະ​ໂຮງພິມ​ແຫ່ງ​ລັດ​ແມ່ນ​ໄດ້​ກຳເນີດ​ເກີດ​ຂຶ້ນ​ພ້ອມ​ກັບ​ການ​ປະຕິວັດ ແລະ ຮັບ​ໃຊ້​ການ​ປະຕິວັດ​ຊາດ​ນັບ​ແຕ່​ອະ​ດີດ​ເຖິງ​ປັດຈຸບັນ ເວົ້າ​ສະເພາະ​ເຄື່ອງ​ຈັກ​ພິມ​ໃນ​ເມ່ືອ​ກ່ອນ​ແມ່ນ​ມີ​ລັກສະນະ​ປະຖົມ​ປະ​ຖານ​ຫຼ້າຫຼັງ​ບໍ່​ທັນ​ສະ​​ໄໝ ພວກ​ເຮົາ​ໄດ້​ເລີ່ມ​ນຳ​ໃຊ້​ເຄື່ອງ​ຈັກ​ພິມ​ທີ່​ທັນ​ສະ​ໄໝ​ໃນ​ປີ 1983 ເດັ່ນ​ກ​ວ່າ​ໝູ່​ແມ່ນ​ໃນ​ປີ 2010 ແລະ ໄດ້​ມີ​ການ​ພັດທະນາ​ເຕີບ​ໃຫຍ່​ຂະຫຍາຍຕົວ​ໃນ​ປີ 2013 ໂຮງພິມ​ມີ​ຈັກ​ພິມ 4 ສີ ຊຶ່ງ​ເປັນ​ເຄື່ອງ​ຈັກ​ທີ່​ທັນ​ສະ​​ໄໝ ລະບົບ​ການ​ພິມ​ວ່ອງໄວ​ທັນໃຈ ​ລູກຄ້າ ນັບ​ແຕ່​ນັ້ນ​ມາ​ພວກ​ເຮົາ​ກໍ່​ມີ​ກຳ ລັງ​ແຮງ​ຫຼາຍ​ຂຶ້ນ ຍ້ອນ​ພວກ​ເຮົາ​ມີ​ເຄື່ອງ​ຈັກ​ພິມ​ທີ່​ທັນ​ສະ​ໄໝ ລະດັບ​ພະນັກງານ​ມີ​ການ​ພັດທະນາ​ຫຼາຍ​ຂຶ້ນ, ໃນ​ປີ 2019 ນີ້ ເພື່ອ​ຕອບ​ສະໜອງ​ຄວາມ​ຮຽກຮ້ອງ ຕ້ອງການຂອງ ​ສັງຄົມ​ກໍຄື​ວຽກ​ງານ​ການ​ພິມ​ໃຫ້​ມີ​ຄວາມ​ວ່ອງ​ໄວ​-​ທັນ​ສະໄໝ ຄະ ນະ​ນຳ​ໄດ້​ຕົກລົງ​ຊື້​ຈັກ​ໜີບຫົວ​ປຶ້ມ 1 ເຄື່ອງ, ຈັກ​ປ້ຳ​ສັນປຶ້ມ 1 ເຄື່ອງ, ຈັກ​ຕັດ​ເຈັ້ຍ1 ເຄື່ອງເພື່ອ ​ຮັບ​ໃຊ້​ວຽກ​ງານ​ການ​ຜະ​ລິດ.
   ທ່ານ ໄມ​ອອນ ທຳ​ມະ​ວົງ ໄດ້​ກ່າວ​ເນັ້ນ​ໃຫ້​ຮູ້​ອີກ​ວ່າ: ພວກ​ເຮົາ​ບໍ່​ພຽງ​ແຕ່​ເຮັດ​ທຸລະ​ກິດ​ບໍລິການ​ຮັບ​ໃຊ້​ສັງຄົມ​ເທົ່າ​ນັ້ນ ຍັງ​ໄດ້​ປະກອບ​​ຮ່ວມເຂົ້າ​ໃນ​ ການ​ພັດທະນາ​ປະເທດ​ຊາດ ສ້າງ​ຄວາມ​ເຂັ້ມແຂງ ​ປະຕິບັດ​ພັນທະ​ເຂົ້າ​ງົບປະມານຄຽງ​ຄູ່​ກັນ​ນັ້ນ​ໜ່ວຍ​ພັກ​ໂຮງພິມ​ແຫ່ງ​ລັດ​ຍັງ​ໄດ້​ຮັບ​ນາມມະຍົດ​ເປັນ​ໜ່ວຍ​ພັກ​ເຂັ້ມແຂງປອດ​ໃສ ແລະ ໜັກ​ແໜ້ນ ຕິດຕໍ່​ກັນ​ຫຼາຍ​ປີ ນັບ​ແຕ່​ປີ 2011 ຈົນ​ເຖິງ​ປັດ ຈຸບັນ ຈຳນວນ​ສະມາຊິກ​ພັກ​ທັງ​ໝົດ​ມີ 20 ສະຫາຍ,  ພ້ອມ​ດຽວ​ກັນ​ນັ້ນ​ກໍໄດ້​ເອົາໃຈໃສ່​ຂະ ຫຍາຍ​ສະມາຊິກ​ພັກ ເປົ້າ​ໝາຍ​ຂະຫຍາຍ​ຕື່ມ​ໃຫ້​ໄດ້  3  ສະຫາຍ, ຜົນງານ​ດັ່ງກ່າວ​ສະແດງ​ໃຫ້ ເຫັນ​ເຖິງ​ຄວາມ​ເອົາໃຈໃສ່​ຊີ້​ນຳໆພາ​ຢ່າງ​ໃກ້​ຊິດ​ຂອງ​ພັກ​-​ລັດ ກໍຄື​ອົງຄະ​ນະ​ພັກ​ກະຊວງ ຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ພວກ​ເຮົາຈຶ່ງ​ມີ​ວັນ​ນີ້ ຊຶ່ງ​ໃນເມື່ອກ່ອນ ​ຈຳນວນ​ສະມາຊິກ​ພັກ ມີ​ຈຳ ນວນໜ້ອຍ​ເມື່ອ​ທຽບໃສ່ປັດ ຈຸບັນ​ສະມາຊິກ​ພັກ​ໄດ້​ກວມ​ຈຳນວນ​ຫຼາຍ​ໃນ​ທຸກ​ຂົງເຂດ​ວຽກ​ງານ ສະແດງ​ໃຫ້​ເຫັນ​ເຖິງ​ຄວາມ​ເຂັ້ມແຂງ​ຂອງ​ພັກ, ໃນ​ ນາມ​ສະມາຊິກ​ພັກ​ທີ່​ໄດ້​ປະ ກອບສ່ວນ​ໃຫ້​ພັກ​-​ລັດ, ໃຫ້ໂຮງ ພິມ​ຂອງ​ພວກ​ເຮົາ​ໄດ້​ຮັບ​ການ​ເຕີບ​ໃຫຍ່​ຂະຫຍາຍຕົວ​ຍ້ອນ​ການ​ຊີ້​ນຳໆພາ​ຂອງ​ພັກ​ ປປລ, ຄະນະ​ນຳ​ກະຊວງ ຖວທ, ຖ້າ​ບໍ່​ມີ​ເພີ່ນ ພວກ​ເຮົາ​ກໍຈະ​ບໍ່​ມີ​ທຸກ​ວັນ​ນີ້.
   ເນື່ອງ​ໃນ​ໂອກາດ​ວັນ​ສ້າງ ຕັ້ງ​ພັກ ປະຊາຊົນ ປະຕິວັດ​ລາວ ທີ່​ຈະ​ໝູນວຽນ​ມາ​ຄົບຮອບ 65 ປີ ຂ້າພະເຈົ້າ​ຂໍ​ຕາງໜ້າ​ສະມາຊິກ​ພັກ​-​ພະນັກ​ງານ​-​ກຳມະກອນ​ທຸກ​ທົ່ວ​ໜ້າ ຂໍ​ອວຍພອນ​ໄຊ​ອັນ​ປະເສີດ​ແດ່​ທ່ານ​ຜູ້ນຳພັກ​- ລັດ​ທຸກໆທ່ານ ແລະ ສະມາ ຊິກພັກທັງ​ໝົດໃນຂອບ​ເຂດ ທົ່ວ ປະເທດຈົ່ງ​ມີສຸຂະພາບແຂງ ​ແຮງ-ອາຍຸ​ໝັ້ນຍືນຍາວສືບຕໍ່​ຊີ້​ນຳໆພາປະເທດຊາດ​ບ້ານ ເມືອງກ້າວສູ່ຄຸນນະ​ພາບໃໝ່ມີ ຄວາມທັນ​ສະ​ໄໝ​ມີ​ຜົນສຳເລັດ​ເປັນ​ກ້າວໆ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110