ໜັງສືພິມ ປະຊາຊົນ

ກອງປະຊຸມໃຫຍ່ ຄັ້ງທີ XI ໜ່ວຍພັກ ກອງກາຍະສິນແຫ່ງຊາດ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 17/03/2020 08:56:35 ຈຳນວນຢ້ຽມຊົມ 1164 ຄັ້ງ

   ກອງປະຊຸມໃຫຍ່ ຄັ້ງທີ XI ຂອງໜ່ວຍພັກກອງກາຍະສິນແຫ່ງຊາດ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດຂຶ້ນເມື່ອວັນທີ 16 ມີນາ ໂດຍໃຫ້ກຽດເຂົ້າຮ່ວມຂອງສະຫາຍ ບົວເງິນ   ຊາພູວົງ ຮອງເລຂາຄະນະພັກ   ຮອງລັດຖະມົນຕີກະຊວງ ຖວທ, ມີແຂກຖືກເຊີນ ແລະ ສະມາຊິກ ພັກເຂົ້າຮ່ວມ.
ກອງປະຊຸມໄດ້ຜ່ານບົດ ສະຫຼຸບການເຄື່ອນໄຫວຊີ້ນຳ-ນຳພາວຽກງານຂອງຄະນະໜ່ວຍພັກໄລຍະ 3 ປີ ຜ່ານມາ (2016-2019) ແລະ ທິດທາງແຜນການ 5 ປີຕໍ່ໜ້າ (2020-2024) ສະເໜີໂດຍສະຫາຍ ຄຳເຫຼັກ   ສຸກຈັນທະລາວົງ   ເລ ຂາໜ່ວຍພັກ ຫົວໜ້າກອງກາຍະສິນແຫ່ງຊາດ. ຕະຫຼອດໃນໄລຍະ 3 ປີຜ່ານມາ ຄະນະພັກ ກອງກາຍະສິນແຫ່ງຊາດໄດ້ຖືເອົາວຽກງານການເມືອງແນວຄິດເປັນວຽກຕົ້ນຕໍ ໂດຍໄດ້ຊີ້ນຳ-ນຳພາທຸກຂະແໜງການໃຫ້ສຸມໃສ່ເຮັດວຽກການເມືອງແນວຄິດໃຫ້ດີ, ຄະນະພັກໄດ້ເອົາໃຈໃສ່ເປັນແບບຢ່າງໃນການເຕົ້າໂຮມຄວາມສາມັກຄີເປັນເອກະພາບພາຍໃນພັກ, ພາຍໃນຄະນະກອງກາຍະສິນແຫ່ງຊາດໄດ້ສ້າງຄວາມເປັນປຶກແຜ່ນແໜ້ນໜາເປັນກຳລັງແຮງສັງລວມເປັນເອກະພາບທົ່ວກົມກອງຕະຫຼອດມາ, ຕໍ່ກັບການນຳພາຈັດຕັ້ງປະຕິບັດວິຊາສະເພາະອັນພົ້ນເດັ່ນໄດ້ສົ່ງນັກສະແດງເຂົ້າຮ່ວມງານແຂ່ງຂັນໄທແລນສະກ໋ອດທາເລນ ໄດ້ຮັບລາງວັນຮອງອັນດັບ 2, ໄດ້ສົ່ງນັກຮຽນນັກສະແດງໄປຝຶກອົບຮົມ ຢູ່ ສປ ຈີນ ມີ 4 ຊຸດ ຈຳນວນ 42 ຄົນ ສ້າງໄດ້ລາຍ ການສະແດງ 43 ລາຍການ, ໄດ້ເຂົ້າຮ່ວມງານແຂ່ງຂັນກາຍະ ສິນນາໆຊາດ ທີ່ຮ່າໂນ້ຍ ສສ ຫວຽດນາມ ມີ 10 ປະເທດເຂົ້າຮ່ວມ, ລາວໄດ້ຮັບລາງວັນຂວັນໃຈມະຫາຊົນ, ໄດ້ເຂົ້າຮ່ວມກິດ ຈະກຳງານແຂ່ງຂັນກາຍະສິນໂລກທີ່ຮ່າລ່ອງ ແຂວງກວາງ ນິງ ສສ ຫວຽດນາມ ມີ 20 ປະ ເທດລາວເຮົາສົ່ງເຂົ້າຮ່ວມມີ 2 ລາຍການໄດ້ຮັບລາງວັນທີ 3 ແລະ ລາງວັນຊົມເຊີຍ, ກອງກາຍະສິນໄດ້ຮັບຫຼຽນໄຊແຮງງານຊັ້ນ II ຈຳນວນ 1 ໜ່ວຍ, ບຸກຄົນໄດ້ຮັບຫຼຽນໄຊແຮງງານຊັ້ນ I ຈຳນວນ 3 ໜ່ວຍ, ຫຼຽນກາແຮງງານ 18 ຫຼຽນ, ໃບຍ້ອງຍໍລັດຖະບານ 22 ໃບ, ໃບຊົມເຊີຍ 5 ໃບຂອງກະຊວງ, ຂະແໜງຄູ-ອາຈານໄດ້ສ້າງລາຍການໃຫ້ນັກຮຽນຮຸ່ນສືບທອດໄດ້ 4 ລາຍການ.
   ສຳລັບທິດທາງແຜນການ ຕໍ່ໜ້າຈະສືບຕໍ່ການຊີ້ນຳ-ນຳ ພາການເມືອງ-ແນວຄິດ ແລະ ຮັກສາຄວາມປອດໄພພາຍໃນໜ່ວຍພັກເປັນວຽກງານຕົ້ນຕໍ, ຄະນະພັກຄະນະນຳກອງກາຍະສິນເອົາໃຈໃສ່ຊີ້ນຳ-ນຳພາວຽກງານວິຊາສະເພາະຂອງແຕ່ລະຂະແໜງການ ແລະ ວຽກງານນະໂນບາຍຕ່າງໆຢູ່ພາຍໃນກົມ ກອງຂອງຕົນໃຫ້ມີການພັດທະ ນາດີຂຶ້ນເປັນກ້າວໆ, ສືບຕໍ່ໃນ ການນຳພາວຽກງານປັບປຸງກໍ່ ສ້າງພັກ, ຂະຫຍາຍພັກ ແລະ ວຽກງານກວດກາໃຫ້ມີປະສິດ ທິພາບປະສິດທິຜົນສູງຂຶ້ນເລື້ອຍໆ.
(ຂ່າວ: ສຳນານ)