ກອງປະຊຸມໃຫຍ່ ຄັ້ງທີ IX ຂອງພັກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 17/03/2020 09:00:33 ຈຳ​ນວນ​​ຢ້ຽມ​ຊົມ 473 ຄັ້ງ

   ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ IX ຂອງ​ພັກ​ປະຊາຊົນ​ປະຕິວັດ​ລາວ​ໄດ້​ດໍາ​ເນີນ​ແຕ່​ວັນ​ທີ 17-21 ເດືອນ​ມີນາ ປີ 2011 ທີ່​ນະຄອນຫຼວງ​ວຽງ​ຈັນ ມີ​ຜູ້​ແທນ​ສົມບູນ​ເຂົ້າ​ຮ່ວມ 576 ສະຫາຍ ທີ່ເປັນ​ຕົວ​ແທນ​ໃຫ້​ແກ່​ສະມາຊິກ​ພັກ​ທັງ​ໝົດ 191.780 ສະຫາຍ ໃນ​ທົ່ວປະ​ເທດ.
   ກອງ​ປະຊຸມ​ໃຫຍ່​ໄດ້​ວາງ​ຄາໍ​​ຂວັນ​ໄວ້​ວ່າ: “ເພີ່ມ​ທະວີ​ຄວາມ​ສາມັກ​ຄີ​ເປັນ​ປຶກ​ແຜ່ນ​ຂອງ​ທົ່ວ​ປວງ​ຊົນ​ລາວ ແລະ ຄວາມ​ເປັນ​ເອກະພາບ​ພາຍ​ໃນ​ພັກ, ເຊີດ​ຊູ​ບົດບາດ ແລະ ຄວາມ​ສາ​ມາດ​ນໍາ​ພາ​ຂອງພັກ, ສ້າງ​ບາດກ້າວ​ບຸກ​ທະລຸ​ໃນ​ການ ຈັດຕັ້ງ​ປະຕິບັດ​ແນວທາງ​ການ ປ່ຽນແປງ​ໃໝ່, ສ້າງ​ພື້ນຖານ​ອັນ​ໜັກ​ແໜ້ນ​ໃຫ້​ແກ່​ການ​ນາໍ​ເອົາ​ປະເທດ​ຊາດ​ເຮົາ​ຫຼຸດ​ພົ້ນ​ຈາກ​ຄວາມ​ດ້ອຍ​ພັດທະນາ​ໃນ​ປີ 2020 ສືບຕໍ່ກ້າວ​ຂຶ້ນ​ສູ່​ຈຸດໝາຍ​ສັງຄົມ​ນິຍົມ ”.
ບັນດາ​ໜ້າທີ່, ທິດ​ທາງ​ວຽກ​ງານ​ຈຸດ​ສຸມ​ຈໍາ​ນວນ​ໜຶ່ງ​ໃນ 5 ປີ ( 2011-2015 ).
1. ຂົງເຂດ​ເສດ​ຖະ​ກິດ.
   ໜຶ່ງ, ສືບຕໍ່​ຢຶດ​ໝັ້ນ​ເອົາ​ການ​ພັດທະນາ​ເສດຖະກິດ​ເປັນໃຈ​ກາງ ສ້າງ​ເງື່ອນ​ໄຂ​ອໍາ​ນວຍ​ໃຫ້​ກາໍ​ລັງ​ການ​ຜະລິດຂະ ຫຍາຍ​ຢ່າງ​ແຂງແຮງ, ຫັນປ່ຽນ ​ເສດ​ຖະ​ກິດ​ທາໍ​ມະ​ຊາດ​ໄປ​ສູ່​ ເສດຖະກິດ​ສິນຄ້າ, ສ້າງເສດ ຖະກິດ​ຕະຫຼາດ​ຕາມ​ທິດ​ສັງຄົມ​ນິຍົມ​ໃຫ້​ສົມບູນ​ຍິ່ງໆ​ຂຶ້ນ.
   ສອງ,  ສຸມ​ໃສ່​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ​ໃຫ້​ໄດ້​ໂດຍພື້ນຖານ ດ້ວຍ​ມາດ​ຕະການ​ສົ່ງ​ເສີມ​ການ​ຜະລິດ​ເປັນ​ສິນຄ້າ ແລະ ພັດທະນາ​ຊົນ​ນະ​ບົດ.
   ສາມ, ພັດທະນາ​ກະ​ສິ​ກໍາ​ແບບ​ປະສົມ​ປະສານ, ຮັບ ປະກັນຄວາມ​ໝັ້ນຄົງ​ດ້ານ​ສະ ບຽງ​ອາຫານ​ປົກ​ປັກ​ຮັກສາ ແລະ ຟື້ນ​ຟູ​ບູ​ລະນະ​ປ່າໄມ້​ໃຫ້​ມີ​ການ​ປົກ​ຫຸ້ມ ຫຼື ພື້ນ​ທີ່​ສີຂຽວ​ຫຼາຍ​ຂຶ້ນ.
   ສີ, ປະຕິບັດ​ຍຸດທະສາດ​ຫັນ​ເປັນ​ອຸດ​ສາ​ຫະ​ກາໍ, ຫັນ​ເປັນ​ທັນ​ສະໄໝ, ຈັດ​ສັນ ແລະ ນໍາ​ໃຊ້​ແຫຼ່ງ​ຊັບພະຍາກອນ​ໃຫ້​ມີ​ປະສິດ​ທິ​ຜົນ​ສູງ.
   ຫ້າ, ເພີ່ມ​ຄວາມ​ສາມາດ ແລະ ປະສິດທິພາບ​ຂອງ​ການ​ຄຸ້ມ​ຄອງລັດ​ຕໍ່​ເສດຖະກິດ, ປັບປຸງ​ລະບອບ​ລະບຽບ​ການ ແລະ ກົນ​ໄກ​ຄຸ້ມ​ຄອງເສດຖະກິດໃຫ້​ມີ​ລັກສະນະ​ສົ່ງເສີມ​ຢ່າງ​ຕັ້ງໜ້າ.
2. ຂົງເຂດສັງ​ຄົມ​-​ວັດ​ທະ​ນະ​ທໍາ.
   ຢຶດ​ໝັ້ນ​ໃນ​ທິດ​ນຳ​ກ່ຽວ​ກັບ​ການ​ພັດທະນາ​ແບບ​ກົມກຽວ ແລະ ຍືນ​ຍົງ​ລະ​ຫວ່າງ​ການ​ພັດທະນາ​ເສດຖະກິດ​ກັບ​ການ​ພັດທະນາ​ສັງຄົມ​-​ວັດ​ທະ​ນະ    ທຳ ລະຫວ່າງ​ຄວາມ​ຈະເລີນ ແລະ ຄວາມ​ຢູ່​ດີ​ກິນ​ດີ ທາງ​ດ້ານ​ວັດຖຸ​ກັບ​ການ​ສ້າງ​ຄວາມ​ສີວິໄລ ຫຼື ອາ​ລິ​ຍະ​ທາໍ​ທາງ​ດ້ານຈິດໃຈ​ແນໃສ່​ບັນລຸ​ເປົ້າ​ໝາຍ​ເຮັດ​ໃຫ້​ຄົນ​ລາວ​ເປັນ​ພົນລະເມືອງ​ດີ ຂອງ​ລະບອບ​ປະຊາທິປະໄຕ ປະຊາຊົນ ແລະ ມີ​ເງື່ອນໄຂ​ພັດທະນາ ຕົນ​ເອງ​ຮອບດ້ານຄື:
   ໜຶ່ງ, ຕ້ອງ​ຕັ້ງ​ໜ້າ​ສືບຕໍ່​ປະຕິ​ຮູບ​ລະບົບ​ການ​ສຶກສາ​ແຫ່ງ​ຊາດ ໂດຍ​ໃຫ້​ຄວາມສໍາ​ຄັນ​ແກ່​ການ​ຍົກ​ສູງ​ຄຸນ​ນະ​ພາບ​ໄປ​ຄຽງ​ຄູ່​ກັບ​ການຂະຫຍາຍ​ໂອກາດ​ດ້ານ​ການ​ສຶກສາ​ໃຫ້​ກວ້າງຂວາງ ແລະ ທົ່ວ​ເຖິງ ກວ່າ​ເກົ່າ​ໂດຍ​ສະເພາະ​ແມ່ນ​ຊົນເຜົ່າ, ເພດ​ຍິງ ແລະ ຜູ້​ດ້ອຍ​ໂອກາດ, ຮັບປະກັນ​ໃຫ້​ສຶກສາ​ດໍາ​ເນີນ​ໄປ​ຢ່າງ​ກົມກຽວ​ຕາມ 5 ຫຼັກ​ມູນ​ທັງ​ມີ ລັກສະນະ​ຊາດ, ກ້າວຫນ້າ ແລະ ທັນ​ສະ​ໄໝ.
- ການ​ພັດທະນາ​ການ​ສຶກສາ​ໃນ​ຊຸມ​ປີ​ຕໍ່ໜ້າ​ນີ້​ຍັງ​ແມ່ນ​ການສ້າງ​ບຸກ​ຄະລາກອນ ​ປະເພດ​ຕ່າງໆ​ເຊັ່ນ: ກາໍ​ມະ ກອນ​ວິຊາ​ຊີບ, ນາຍຊ່າງ, ນັກ​ວິຊາ​ການ... ໃຫ້​ມີ​ຄວາມ​ພ້ອມ​ສໍາ​ລັບ​ການ​ພັດທະນາ​ນັບ​ມື້ນັບ​ສູງ​ຂຶ້ນ ແລະ ມີ​ຈໍາ​ນວນ​ພຽງ​ພໍ​ສໍາລັບ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ວຽກ​ງານ​ຢູ່​ໃນ​ອົງການ​ພັກ​-​ລັດ ແລະ ທົ່ວສັງ​ຄົມ.
   ສອງ, ສ້າງ​ຄົນ​ລາວ​ໃຫ້​ມີ​ຄວາມ​ເຂັ້ມແຂງ​ທາງຮ່າງ​ກາຍ​-​ຈິດໃຈ ມີ​ພະລານາ​ໄມ​ທີ່​ສົມບູນ ສະນັ້ນ​ຕ້ອງ​ສືບຕໍ່​ປະຕິບັດ​ນະໂຍບາຍດ້ານ​ສາທາລະນະ​ສຸກ​ຕາມ​ທິດ​ຖື​ເອົາ​ການ​ກັນ​ພະຍາດ ແລະ ສົ່ງເສີມສຸຂະພາບ​ເປັນຕົ້ນ​ຕໍ​ໄປ​ພ້ອມ​ກັບ​ການ​ຖື​ເອົາ​ການ​ປິ່ນປົວ​ທີ່ມີ​ຄຸ​ນນະພາບ ແລະ ສະໜອງ​ບໍລິການ​ດ້ານ​ສາທາລະນະ​ສຸກ​ທີ່​ທົ່ວ​ເຖິງ​ເປັນສຳ​ຄັນ, ສະນັ້ນ, ຕ້ອງ​ດໍາ​ເນີນ​ວຽກ​ງານ​ໂຄສະນາ​ສຸ​ຂະ​ສຶກສາ ອະນາໄມ​ກັນ​ພະຍາດ​ໃຫ້​ແຂງແຮງ, ເປັນ​ປະ​ຈາໍ ແລະ ແທດເຖິງຊຸມ​ຊົນ, ສຶກສາ​ອົບຮົມ​ໃຫ້​ມີ​ຄວາມ​ຮູ້​ກ່ຽວ​ກັບ​ການ​ໂພ​​ຊະ​ນາ​ການ ເປັນ​ປະໂຫຍ​ດ​ຕໍ່​ຮ່າງ ກາຍ, ສົ່ງເສີມ​ການ​ອອກ​ກໍາ​ລັງ​ກາຍ​ຫຼິ້ນ​ກິລາ ເພື່ອ​ສຸ​ຂະ​ພາບ.
   ຍົກ​ລະດັບ​ຄວາມ​ທັນ​ສະ ໄໝ ແລະ ຄຸນ​ນະ​ພາບ​ຂອງ​ການ​ບໍລິ​ການ​ປິ່ນປົວ​ຂອງ​ໂຮງໝໍ​ແຫ່ງ​ຕ່າງໆ​ໂດຍ​ເນັ້ນ​ໜັກ​ການ​ຍົກ​ລະດັບຄວາມ​ຮູ້, ຄວາມ​ຊໍາ​ນານ​ດ້ານ​ວິຊາ​ສະເພາະ ແລະ ດ້ານ​ຄຸນສົມບັດສິນ​ທາໍ​ກໍ​ຄື​ກິລິຍາ​ທ່າ​ທີ​ບໍລິການ​-​ຮັບ​ໃຊ້​ຂອງ​ບຸກ​ຄະລາ​ກອນ​ແພດ​ໝໍ ແລະ ພະຍາ​ບານ.
   ສາມ, ຄຽງ​ຄູ່​ກັບ​ດ້ານຕັ້ງ ໜ້າ​ທີ່​ເກີດ​ຂຶ້ນ​ໃນ​ຂະບວນ​ວິ ວັດ​ແຫ່ງການ​ພັດທະນາ​ນັ້ນ​ຢູ່​ປະເທດ​ເຮົາ​ກໍມີ​ບັນຫາ​ທາງ​ສັງຄົມ​ຄົງ​ຄ້າງ​ຢູ່​ຈຳນວນ​ໜຶ່ງ​ເຊັ່ນ: ບັນຫາ​ວ່າງ​ງານ, ບັນຫາ​ສໍ້​ລາດ​ບັງ​ຫຼວງ, ບັນຫາຢາ​ເສບ​ຕິດ, ອຸບັດເຫດ​ທ້ອງ​ຖະໜົນ... ບັນຫາ​ດັ່ງກ່າວ​ນີ້​ຕ້ອງໄດ້ຮັບ​ການ​ແກ້​ໄຂ​ດ້ວຍ​ການ​ນໍາ​ໃຊ້​ກຳ​ລັງ ແລະ ມາດ​ຕະການ​ສັງ​ລວມ ເພື່ອ​ຮັບປະກັນ​ຄວາມ​ສະຫງົບ ແລະ ຄວາມ​ເປັນ​ລະ ບຽບ​ຮຽບຮ້ອຍໃນ​ສັງ​ຄົມ.
3. ຂົງເຂດ​ອຳນາດ​ລັດ.
   ໜຶ່ງ, ຕັ້ງໜ້າ​ປັບປຸງ​ບັນ ດາ​ອົງການ​ໃນ​ລະບົບ​ອຳ​ນາດ​ແຫ່ງ​ລັດໃຫ້​ກະທັດ​ຮັດ, ໜັກ​ແໜ້ນເຂັ້ມແຂງ​ກວ່າເກົ່າໂດຍ ​ສອດຄ່ອງ​ກັບ​ຍຸດທະ​ສາດການ​ປົກຄອງ​ຂອງ​ປະເທດ​ເຮົາ, ໃນ​ສະເພາະ​ໜ້າ​ນີ້​ຕ້ອງ​ກຳ​ນົດ​​ພາ​ລະ​ບົດບາດ​ຂອງ​ແຕ່​ລະອົງການ​ ລັດ​ໃຫ້​ຈະແຈ້ງ​ຊັດ​ເຈນໄປ ພ້ອມ ​ກັບການ​ເພີ່ມ​ທະວີ​ຄວາມ​ສັກ ສິດ​ປະສິດທິພາບ ແລະ ເພີ່ມ​ຄວາມໂປ່ງ​ໃສ ແລະ ການ​ຄຸ້ມ ຄອງ​ບໍ​ລິ​ຫານ​ລັດ.
   ສອງ, ບູລະນະ​ລັດ​ປະ ຊາທິປະໄຕ ປະຊາຊົນໃຫ້ເປັນ ລັດ​ແຫ່ງ​ກົດ​ໝາຍຂອງ​ປະຊາ ຊົນ​ ໂດຍ​ປະຊາຊົນ ແລະ ເພື່ອ​ປະຊາຊົນ​ເທື່ອ​ລະກ້າວ​ໃຫ້ສອດ​ ຄ່ອງ​ກັບ​ການ​ພັດທະນາ​ເສດ ຖະກິດ​ຕາມ​ກົນ​ໄກ​ຕະຫຼາດ ແລະ ການ​ເຊື່ອມ​ໂຍງ​ສາ​ກົນ.
   ສາມ, ເພື່ອ​ສ້າງ​ຄວາມ ​ໝັ້ນຄົງ​ໃຫ້​ແກ່​ລັດ​ປະຊາທິ ປະໄຕ​ປະຊາ​ຊົນ ພວກ​ເຮົາ​ຕ້ອງ​ປະຕິບັດ​ໃຫ້​ເປັນ​ຈິງ​ຕາມ​ທິດ​ນໍາ “ສ້າງ​ແຂວງ​ເປັນຫົວໜ່ວຍ​ຍຸດທະສາດ, ສ້າງ​ເມືອງ​ໃຫ້​ເປັນ​ຫົວໜ່ວຍ​ເຂັ້ມແຂງ​ຮອບດ້ານ, ສ້າງ​ບ້ານ​ເປັນ​ຫົວໜ່ວຍ​ພັດ ທະນາ ”.
4.  ຂົງເຂດ​ແນວ​ໂຮມ ແລະ ອົງການ​ຈັດ​ຕັ້ງ​ມະຫາຊົນ​ຂອງ​ພັກ.
   ໜຶ່ງ, ຕ້ອງ​ເສີມ​ຂະຫຍາຍ​ບົດບາດ​ຂອງ​ອົງການ​ແນວ​ລາວ​ສ້າງຊາດ, ຊາວ​ໜຸ່ມ, ແມ່ຍິງ, ກໍາ​ມະ​ບານ, ສະຫະພັນ​ນັກຮົບ​ເກົ່າ, ເພື່ອເພີ່ມ​ທະວີ​ຄວາມ​ປອງ​ດອງ​ລະຫວ່າງ​ເຜ​ົ່າ, ຊັ້ນ​ຄົນ, ເພດ​ໄວ, ສາ​ສະໜາ ແລະ ສ້າງ​ກ້ອນ​ກຳ​ລັງ​ມະຫາ​ສາມັກຄີ​ທົ່ວ​ປວງ​ຊົນ​ລາວ. ລວມ​ທັງ​ພີ່ນ້ອງ​ເຊື້ອ​ຊາດ​ລາວ​ຢູ່​ຕ່າງປະເທດ​ຜູ້​ທີ່​ມີ​ຈິດໃຈ​ຮັກ​ຊາດ,  ຮັກ​ບ້ານ​ເກີດເມືອງ​ນອນ ແລະ ອວ່າຍ​ໜ້າມາ​ຫາ​ປະເທດ​ຊາດ​ນັ້ນ​ຍັງ ແມ່ນສ່ວນໜຶ່ງ​ໃນ​ວົງສາ​ຄະນາ​ຍາດ​ແຫ່ງ​ຊາດ​ລາວ  ແລະ  ມີ​ຄວາມ​ຍິນດ​ີ​ສ້າງເງື່ອນໄຂ​ໃຫ້​ເຂົາເຈົ້າ​ໄດ້​ປະກອບສ່ວນ​ດ້ວຍ​ສະຕິປັນຍາ ແລະ ທຶນຮອນ​ເຂົ້າ​ໃນ​ການ​ສ້າງສາ​ປິຕຸ​ພູມ​ຮ່ວມ​ກັນ​ກັບ​ຄົນ​ລາວ​ຢູ່​ພາຍ​ໃນປະ​ເທດ.
   ສອງ, ສົ່ງເສີມ​ບັນດາ​ອົງ ການ​ຈັດ​ຕັ້ງສັງຄົມ​ວິຊາຊີບ ແລະ ສະມາ​ຄົມ​ຕ່າງໆ​ທີ່​ໄດ້ສ້າງ ຕັ້ງ ແລະ ເຄື່ອນ​ໄຫວ​ຖືກຕ້ອງ​ ຕາມ​ກົດໝາຍ ເພື່ອ​ເປັນ​ກາໍ​ລັງ​ແຮງ​ສັງ​ລວມ​ໃນ​ການ​ສ້າງສາ​ພັດທະນາ​ປະເທດ​ຊາດ.
5. ຂົງເຂດ​ປ້ອງ​ກັນ​ຊາດ - ປ້ອງ​ກັນ​ຄວາມ​ສະຫງົບ
   ໜຶ່ງ, ປະຕິບັດ​ແນວທາງ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ​ທົ່ວ​ປວງ​ຊົນ​ຮອບດ້ານ​ໃຫ້​ເລິກເຊິ່ງ ແລະ ກວ້າງຂວາງ​ສົມທົບວຽກ​ງານ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ​ກັບ​ການ​ພັດທະນາເສດ​ຖະ​ກິດ​-​ສັງຄົມ ແລະ ການ​ພົວພັນ​ຮ່ວມ​ມື​ກັບ​ຕ່າງປະເທດ​ຢ່າງກົມກຽວ​ເພື່ອ​ຊ່ວຍ​ໜູນ​ຊຶ່ງ​ກັນ ແລະ ກັນ ຮັບປະກັນ​ຄວາມ​ໝັ້ນຄົງຂອງ​ຊາດ​ຢ່າງ​ໜັກ​ແໜ້ນ, ທັງ​ສ້າງ​ເງື່ອນໄຂ​ໃຫ້ການ​ພັດທະນາ​ຢ່າງ​ຕໍ່ເນື່ອງ.
   ສອງ, ໃນ​ຊຸມ​ປີ​ຕໍ່ໜ້າ​ນີ້​ກາໍ​ລັງ​ປະກອບ​ອາວຸດ​ຕ້ອງ​ສືບຕໍ່​ເພີ່ມ​ທະວີ​ການ​ເສີມ​ຂະຫຍາຍ​ທາດ​ແທ້​ມູນເຊື້ອ​ປະຕິວັດ ແລະ ທາດ​ແທ້​ປະຊາຊົນ​ໃຫ້​ເປັນ​ກາໍ​ລັງ​ທີ່​ຈົງ​ຮັກ​ພັກດີ ແລະ ເຄື່ອນ​ໄຫວ​ພາຍ​ໃຕ້​ການ​ນໍາພາ​ໂດຍ​ກົງ​-​ຮອບດ້ານ ແລະ ເດັດຂາດ​ຂອງ​ພັກ.
   ສາມ, ກໍ່ສ້າງ ແລະ ປັບປຸງ ​ກາໍ​ລັງ​ປ້ອງ​ກັນ​ຄວາມ​ສະຫງົບ ​ໃຫ້ໜັກ​ແໜ້ນ​ທາງ​ດ້ານ​ການ ເມືອງ​ແນວ​ຄິດ, ຄຸນສົມບັດ​ສິນ​ທໍາ​ປະຕິວັດ, ເຂັ້ມແຂງ​ທາງ​ດ້ານ​ການຈັດຕັ້ງ, ການ​ຊີ້ນຳ​ບັນ ຊາ ແລະ ມີ​ຄວາມ​ສາມາດ​ດ້ານ​ວິຊາ​ສະເພາະ​ ເພື່ອ​ເປັນ​ຫຼັກ​ແຫຼ່ງ​ແກ່ນສານໃຫ້​ແກ່​ພາລະ​ກິດຮັກສາ​ຄວາມ​ສະຫງົບ​ປອດ​ໄພ ແລະ ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງ​ຄົມ.
6. ຂົງເຂດ​ການ​ຕ່າງ​ປະ​ເທດ.
   ພວກ​ເຮົາ​ຕ້ອງ​ຢຶດ​ໝັ້ນ​ແນວທາງ​ການ​ຕ່າງປະເທດ ສັນຕິພາບ ​ເອ​ກະລາດ ມິດຕະ ພາບ ແລະ ການ​ຮ່ວມ​ມືຢ່າງສະ ເໝີ​ຕົ້ນ​ສະເໝີປາຍ, ສົ່ງເສີມ​ການ​ພົວພັນ​ຮ່ວມ​ມື​ກັບ​ຕ່າງປະ ເທດ​ແບບ​ຫຼາຍ​ທິດ, ຫຼາຍ​ຝ່າຍ, ຫຼາຍ​ລະດັບ ແລະ ຫຼາຍຮູບ ແບບ ບົນ​ພື້ນຖານ​ຫຼັກການ​ເຄົາ ລົບ​ຊຶ່ງ​ກັນ ແລະ ກັນ, ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ.
ສືບຕໍ່​ເສີມ​ຂະຫຍາຍມູນ ເຊື້ອ​ແຫ່ງ​ຄວາມ​ສາມັກຄີແບບ ​ພິເສດ ແລະ ການ​ຮ່ວມ​ມື​ຢ່າງ ຮອບດ້ານ​ກັບ ສສ ຫວຽດ ນາມ. ການ​ພົວພັນທີ່​ເປັນ​ມູນເຊື້ອ​ກັບ ສປ ຈີນ ບົນ​ຈິດໃຈ​ຄູ່​ຮ່ວມ​ມື​ຍຸດທະສາດ​ຮອບດ້ານ ແລະ ຍາວ​ນານ, ເສີມ​ຂະຫຍາຍການ ​ພົວພັນ​ທີ່​ດີ​ກັບ​ປະເທດ​ອ້າຍ ນ້ອງ​ອື່ນໆ. ຮັດ​ແໜ້ນ​ການ​ພົວ ພັນ​ຮ່ວມ​ມື​ກັບ​ບັນດາ​ປະເທດ​ໃກ້​ຄຽງ​ທີ່ມີ​ຊາຍ​ແດນ​ຮ່ວມກັນ, ຕັ້ງໜ້າ​ເຂົ້າ​ຮ່ວມເຄື່ອນ​ໄຫວໃນ​ ຂອບ​ຂອງ​ອາ​ຊຽນ ​ເພື່ອຜົນ​ປະ ໂຫຍດ​ລວມ ແລະ ຊ່ວຍເຫຼືອ ​ຊຶ່ງ​ກັນ ແລະ ກັນຕາມຫຼັກການ​ ພື້ນຖານ​ຂອງ​ອາ​ຊຽນ. ສະໜັບ ສະໜູນ​ຂະບວນ​ການຕໍ່ສູ້​ ເພື່ອ​ສັນຕິພາບ ແລະ ຂະບວນການ ​ເພື່ອ​ຄວາມ​ກ້າວໜ້າ​ໃນໂລກ. ອອກແຮງ​ເຄື່ອນ​ໄຫວ​ຕ່າງປະ ເທດ ​ເພື່ອ​ປະກອບສ່ວນ​ຢ່າງ​ສົມ​ກຽດຮ່ວມ​ກັບ​ບັນດາ​ປະຊາ ຊາດ​ໃນ​ການ​ປົກ​ປັກ​ຮັກສາ​ສັນ ຕິພາບ​ໄວ້​ໃຫ້ຍືນ​ຍາວ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110