ໜັງສືພິມ ປະຊາຊົນ

ທະຫານ ອັດຕະປື ແຕ່ງຕັ້ງພະນັກງານ ວິຊາການ-ນຳພາ ກອງຮ້ອຍກໍ່ສ້າງ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 17/03/2020 09:02:10 ຈຳນວນຢ້ຽມຊົມ 1622 ຄັ້ງ

   ກອງບັນຊາການທະຫານ ແຂວງອັດຕະປື ໄດ້ຈັດພິທີປະ ກາດບົ່ງຕົວ, ແຕ່ງຕັ້ງພະນັກ ງານບັນຊາ-ນຳພາກອງຮ້ອຍກໍ່ ສ້າງ ແລະ ກອງຮ້ອຍຂົນສົ່ງທີ່ ຂຶ້ນກັບຫ້ອງພະລາທິການທະ ຫານແຂວງອັດຕະປື   ເມື່ອບໍ່ດົນ ຜ່ານມາ ທີ່ກອງບັນຊາການ ແຂວງ ໂດຍການເຂົ້າຮ່ວມເປັນ ປະທານຂອງສະຫາຍ    ພັນໂທ ໄຊຍະພອນ ແກ້ວບົວພາສິດ ຄະນະພັກກອງບັນຊາການ   ຫົວ ໜ້າຫ້ອງພະລາທິການ, ມີຄະ ນະພັກ-ຄະນະບັນຊາ 5 ຫ້ອງ, 2 ກອງຮ້ອຍຕະຫຼອດພະນັກ ງານນັກຮົບໃນຫ້ອງພະລາເຂົ້າຮ່ວມ.
ໃນພິທີ ສະຫາຍ ພັນໂທ ຄຳສະໄໝ ໄຊຍະສັກ ຫົວໜ້າພະແນກພະນັກງານ ໄດ້ຜ່ານຂໍ້ ຕົກລົງຂອງກອງບັນຊາການທະ ຫານ ແຂວງອັດຕະປື ວ່າດ້ວຍການແຕ່ງຕັ້ງພະນັກງານບັນຊາ-ນຳພາຂັ້ນຫົວໜ້າກອງຮ້ອຍ, ຫົວໜ້າໝວດ,   ຮອງໝວດຢູ່ກອງ ຮ້ອຍກໍ່ສ້າງ ແລະ ກອງຮ້ອຍຂົນ ສົ່ງທີ່ຂຶ້ນກັບກອງບັນຊາການ ທະຫານ ແຂວງອັດຕະປື ໂດຍ ອີງຕາມກົດໝາຍນາຍທະຫານ ກອງທັບປະຊາຊົນລາວ ສະບັບປັບປຸງພາກທີ II ໝວດທີ 4 ມາດຕາ 26 ວ່າດ້ວຍການແຕ່ງ ຕັ້ງ, ຍົກຍ້າຍນາຍທະຫານ ແລະ ທິດທາງກ່ຽວກັບການປັບ ປຸງບູລະນະກົງຈັກການຈັດຕັ້ງ ນຳພາ-ບັນຊາ ໃນກໍາລັງປະກອບ ອາວຸດໃຫ້ເຂັ້ມແຂງໜັກແໜ້ນ. ດັ່ງນັ້ນ, ຈຶ່ງໄດ້ແຕ່ງຕັ້ງສະຫາຍ ຮ້ອຍເອກ ບຸນຮູ້   ຊາພັກດີ   ເປັນ ຫົວໜ້າກອງຮ້ອຍກໍ່ສ້າງ, ສະ ຫາຍຮ້ອຍເອກ    ໄຊສົມສັກ ໄຊຍະພູມ ເປັນຮອງກອງຮ້ອຍ ກໍ່ສ້າງ, ສະຫາຍ ຮ້ອຍໂທ ແຄ່ວ ຄຳ ວໍລະຈັກ ເປັນຮອງກອງ ຮ້ອຍກໍ່ສ້າງ, ສະ ຫາຍຮ້ອຍເອກ   ວຽງຖາວອນ    ສີສຸວົງ   ເປັນຫົວ ໜ້າໝວດທີ 1 ແລະ ສະຫາຍ ຮ້ອຍເອກ ບຸນໃໝ ໄຊຍະໜອນ   ເປັນຫົວໜ້າ ໝວດທີ 2 ຂອງກອງຮ້ອຍກໍ່ສ້າງ, ແຕ່ງຕັ້ງສະ ຫາຍຮ້ອຍເອກ ລາກີ ເອກມະນີວົງ ເປັນຫົວໜ້າການເມືອງກອງ ຮ້ອຍຂົນສົ່ງ, ສະຫາຍ ຮ້ອຍເອກ ສົມສັກ ເນດ ອານົງ ເປັນຮອງການທະຫານ ແລະ ສະຫາຍຮ້ອຍຕີ   ຍາສຸຂະວົງ ເປັນຮອງການເມືອງ        ກອງຮ້ອຍຂົນສົ່ງ.
   ໂອກາດດັ່ງກ່າວ, ສະຫາຍພັນໂທ ໄຊຍະພອນ ແກ້ວບົວພາສິດ ໄດ້ໂອ້ລົມຕໍ່ພະນັກງານການນຳທີ່ໄດ້ຮັບໜ້າທີ່ໃໝ່   ຊຶ່ງສະຫາຍໄດ້ກ່າວວ່າ:   ນີ້ແມ່ນສິ່ງ ທ້າທາຍໜັກໜ່ວງ ໃນການແບກ ຫາບໜ້າທີ່ອັນໃຫຍ່ຫຼວງ ໃນ ການກໍ່ສ້າງກອງທັບ, ສ້າງກົມກອງໃຫ້ກ້າວຂຶ້ນ, ສືບຕໍ່ຝຶກຝົນ ຫຼໍ່ຫຼອມຕົນເອງ. ໃຫ້ມີຄຸນທາດການເມືອງ, ຄຸນສົມບັດສິນທຳປະຕິວັດຄວາມເປັນແບບຢ່າງດ້ານຕ່າງໆ, ຮັກສາແບບແຜນວິ ທີເຮັດວຽກ, ດຳລົງຊີວິດດ້ວຍ ຄວາມປອງດອງ, ມີຄວາມສາ ມັກຄີຮ່ວມກັບທ້ອງຖິ່ນໃຫ້ແໜ້ນ ແຟ້ນ, ສຳຄັນສຸດແມ່ນຍົກສູງ ຄວາມຮັບຜິດຊອບຕໍ່ໜ້າທີ່ການ ເມືອງຂອງຕົນ, ເປັນເຈົ້າການນຳໜ້າປະຕິບັດຂໍ້ກຳນົດກົດລະ ບຽບຂອງພັກ, ກົດໝາຍຂອງ ລັດ ແລະ ຍົກສູງພາລະບົດ ບາດຄວາມຮູ້ຄວາມສາມາດນຳ ພາບັນຊາ   ແນໃສ່ເຮັດໃຫ້ພະນັກ ງານ-ນັກຮົບເຊື່ອມຊຶມກຳແໜ້ນ ນະໂຍບາຍຂອງພັກ, ລັດເປັນເຈົ້າການປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກະ ຊວງປ້ອງກັນຄວາມສະຫງົບວາງອອກຢ່າງເຂັ້ມງວດ.
(ຂ່າວ-ພາບ:   ທະຫານແຂວງອັດ ຕະປື ແສງຫຼ້າ ກຸວົງສາ)