ຫົວ​ຂໍ້ : ກົມໃຫຍ່ການເມືອງກອງທັບເປີດແຂ່ງຂັນກິລາຕ້ອນຮັບກອງປະຊຸມໃຫຍ່

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 18/03/2020 09:17:53 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1128 ຄັ້ງ

  ພິທີ​ເປີດ​ແຂ່ງຂັນ​ກິລາ​ສະໝັກຫຼິ້ນ​ທົ່ວ​ກົມ​ໃຫຍ່​ການເມືອງ​ກອງທັບ ຈັດ​ຂຶ້ນ​ເມື່ອ​ບໍ່​ດົນ​ຜ່ານ​ມາຢູ່​ກົມ​ດັ່ງກ່າວ ໂດຍ​ມີ​ທ່ານພົນ​ຈັດຕະວາ ວໍລະ​ສານ ວິລັດ​ດາ​ວົງ ຮອງ​ຫົວໜ້າ​ກົມ​ໃຫຍ່​ການເມືອງ​ກອງທັບ ທ່ານ ພັນ​ເອກ ບຸນ​ເຫຼືອ ໄຊ​ຍະ​ເພັນ ຫົວໜ້າ​ຫ້ອງການ​ເມືອງກົມ​ໃຫຍ່​ການເມືອງ​ກອງທັບ ພ້ອມ​ດ້ວຍ​ນັກ​ກິລາເຂົ້າ​ຮ່ວມ.
  ທ່ານ ພັນ​ໂທ ວັນ​ທອງ ພົງ​ສະ ຫວັນ ຮອງ​ຫົວໜ້າ​ຫ້ອງການເມືອງ ກົມ​ໃຫຍ່​ການເມືອງ​ກອງທັບ ກ່າວ​ວ່າ: ເພື່ອ​ສ້າງ​ຂະບວນ​ການ​ຂ່ຳນັບ​ຮັບ​ຕ້ອນ​ວັນ​ປະຫວັດສາດ​ທີ່​ສຳຄັນ​ຂອງ​ຊາດ  ຂອງ​ກອງທັບ ໂດຍ​ສະເພາະ​ເພື່ອ​ສ້າງ​ຂະບວນ​ການ​​ຂ່ຳນັບ​ຮັບ​ຕ້ອນ​ກອງ​ປະຊຸມ​ໃຫຍ່ ຄັ້ງ​ທີ V ຂອງ​ອົງຄະ​ນະ​ພັກ​ກົມ​ໃຫຍ່​ການເມືອງ​ກອງທັບ ທີ່​ຈະ​ຈັດ​ຂຶ້ນ​ໄວໆ​ນີ້​ໃຫ້​ມີ​ບັນຍາກາດ​ຟົດຟື້ນ ມ່ວນຊື່ນ ແລະ ມີ​ເນື້ອ​ໃນ​ເລິກເຊິ່ງ ທັງ​ເປັນ​ການ​ສ້າງ​ຄວາມ​ສາມັກຄີ ແລກປ່ຽນ​ບົດຮຽນ​ ຊຶ່ງ​ກັນ ແລະ ກັນ​ລະຫວ່າງ​ອົງການ ກົມ​ກອງ​ພະນັກ​ງານ​-​ນັກຮົບ ໃຫ້​ແໜ້ນ​ແຟ້ນ ແລະ ຄັດ​ເລືອກ​ເອົາ​ນັກ​ກິລາ​ປະເພດ​ຕ່າງໆ ປະກອບ​ເປັນ​ທີ​ມ​ນັກ​ກິລາ​ຂອງ​ກົມ​ໃຫຍ່​ການເມືອງ​ກອງ​ທັບ. ການ​ແຂ່ງຂັນ​ໃນ​ຄັ້ງ​ນີ້ ປະກອບ​ມີ​ກິລາ​ບານສົ່ງ​ຊາຍ 10 ທີມ ບານສົ່ງ​ຍິງ 6 ທີມ ເປ​ຕັງ​ການ​ນຳ 20 ທີມ ແລະ ເປ​ຕັງ​ປະສົມ​ຊາຍ​-​ຍິງ 22 ທີມ.
  (ຂ່າວ: ວົງ​ຈອນ​ກິລາ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110