Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ເພີ່ມທະວີເສີມຂະຫຍາຍມູນເຊື້ອ ວັນຄຽດແຄ້ນ 21 ມີນາ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 19/03/2020 08:30:08 ຈຳ​ນວນ​ຜູ້​ເຂົ້າ​ຢ້ຽມ​ຊົມ 384 ຄັ້ງ

   ວັນ​ທີ 21 ມີນາ ແມ່ນ​ວັນ​ທີ່​ພວກ​ຈັກກະພັດ​ລ່າ​ເມືອງ​ຂຶ້ນ​ແບບ​ເກົ່າ ໄດ້​ສ້າງ​ໂສກ​ນາດຕະກຳ​ໃຫ້​ແກ່​ປະຊາຊົນ​ລາວ ໂດຍ​ສະເພາະ​ແມ່ນ​ປະຊາຊົນ​ເມືອງ​ທ່າ​ແຂກ ແຂວງ​ຄຳ​ມ່ວນ ແລະ ພະນັກງານ​ນັກຮົບ​ຂອງ​ພວກ​ເຮົາ. ວັນ​ດັ່ງກ່າວ ໄດ້​ເປັນ​ວັນ​ໜຶ່ງ​ທີ່​ມີ​ຄວາມ​ໝາຍ​ສຳຄັນ​ໃນ​ປະຫວັດສາດ​ຂອງ​ຊາດ​ລາວ​ເຮົາ ຊຶ່ງ​ໃນ​ວັນ​ທີ 30 ກໍ​ລະ​ກົດ 2008 ນາຍົກລັດຖະມົນຕີ ແຫ່ງ ສປປ ລາວ ໄດ້​ອອກດຳລັດ​ເລກ​ທີ 136/ນຍ ວ່າ​ດ້ວຍ​ການ​ກຳນົດ​ເອົາ​ວັນ​ດັ່ງກ່າວ ມາ​ເປັນ​ວັນ​ນັກຮົບ​ເສຍ​ອົງຄະ ແລະ ເສຍສະຫຼະ​ຊີວິດ ເພື່ອ​ປະເທດ​ຊາດ ກໍ​ຄື​ວັນ​ແຫ່ງ​ຄວາມ​ຄຽດ​ແຄ້ນ​ຂອງ​ປະຊາຊົນ​ລາວ ຕໍ່​ສັດຕູ​ຜູ້​ຮຸກ​ຮານ ໂດຍ​ປີ​ນີ້ ມີ​ອາຍຸ​ຄົບຮອບ 74 ປີ (21 ມີ​ນາ 1946-21 ມີ​ນາ 2020).
   ເມື່ອ​ຫວນ​ຄືນ​ກ່ອນ​ໜ້າ​ນີ້ 70 ກວ່າ​ປີ​ຄື​ປີ 1946 ພວກ​ລ່າ​ເມືອງ​ຂຶ້ນ​ແບບ​ເກົ່າ ໄດ້​ກັບ​ຄືນ​ມາ​ຮຸກ​ຮານ​ລາວ​ອີກ​ຄັ້ງ​ໃໝ່ ເພື່ອ​ສະກັດ​ກັ້ນ​ຕ້ານ​ຢັນ​ການ​ບຸກລຸກ​ຄັ້ງ​ໃໝ່​ຂອງ​ສັດຕູ​ນັ້ນ ທະຫານ ແລະ ປະຊາຊົນ​ລາວ​ບັນດາເຜົ່າ ສົມທົບ​ກັບ​ກອງ​ກຳລັງ​ປະກອບ​ອາວຸດ​ຂອງ​ຄົນ​ຫວຽດນາມ​ຢູ່​ລາວ ໄດ້​ດຳເນີນ​ການ​ຕໍ່ສູ້​ຢ່າງ​ອົງອາດ​ກ້າແກ່ນ, ຕີ​ຕ້ານ​ການ​ບຸກລຸກ​ບຽດ​ຢຶດ​ຂອງ​ສັດຕູ​ຢູ່​ບັນດາ​ຕົວ​ເມືອງ​ຕ່າງໆ​ໃຫ້​ປະ​ລາ​ໄຊ​ເປັນ​ກ້າວໆ ຊຶ່ງ​ເດັ່ນ​ກວ່າ​ໝູ່​ແມ່ນ​ບັ້ນ​ຮົບ​ປ້ອງ​ກັນ​ຕົວ​ເມືອງ​ທ່າ​ແຂກເພື່ອ​ກະກຽມ​ໃຫ້​ແກ່​ການ​ຕໍ່ສູ້​ຕ້ານ​ກັບ​ກຳລັງ​ທະຫານ​ສັດຕູ​ທີ່​ຈະ​ຢຶດ​ເອົາ​ຕົວ​ເມືອງ​ທ່າ​ແຂກ​ນັ້ນ ໃນ​ຕົ້ນ​ເດືອນ​ກຸມພາ​ປີ 1946 ໜ່ວຍ​ພັກ​ປະຈຳເມືອງ​ທ່າ​ແຂກ ໄດ້​ເປີດ​ກອງ​ປະຊຸມ ແລະ ໄດ້​ອອກ​ມະຕິ ຊຶ່ງ​ຮຽກຮ້ອງ​ໃຫ້​ເພີ່ມ​ທະວີ​ຄວາມ​ສາມັກຄີ​ລະຫວ່າງ​ກຳລັງ​ປະກອບ​ອາວຸດ​ຂອງ​ລາວ ແລະ ຊາວ​ຫວຽດນາມ​ຕ່າງ​ດ້າວ ເພື່ອ​ກະກຽມ​ໃຫ້​ແກ່​ການ​ຕໍ່ສູ້​ປ້ອງ​ກັນ​ເມືອງ​ທ່າ​ແຂກ, ປົກ​ປັກ​ຮັກສາ​ຊັບ​ສົມບັດ​ຂອງ​ປະຊາຊົນ ໂດຍ​ປະຕິບັດ​ຕາມ​ມະຕິ​ດັ່ງກ່າວ ຄະນະ​ບັນຊາ​ການ​ທະຫານ ແລະ ຄະນະ​ຮັກສາ​ຕົວ​ເມືອງ​ທ່າ​ແຂກ ຊຶ່ງ​ແມ່ນ​ປະທານ ສຸພາ​ນຸ​ວົງ ເປັນ​ຜູ້​ບັນຊາ​ການ​ສູງ​ສຸດ​ໄດ້​ຮຽກ​ປະຊຸມ ເພື່ອ​ຜ່ານ​ແຜນການ​ສູ້​ຮົບ​ປ້ອງ​ກັນ​ຕົວ​ເມືອງ​ຢ່າງ​ລະອຽດ ໂດຍ​ກຳລັງ​ທະຫານ​ຂອງ​ພວກ​ເຮົາ ລວມ​ມີ 800 ກວ່າ​ຄົນ ໄດ້​ຈັດ​ເປັນ 4 ກອງ​ຮ້ອຍ.
   ວັນ​ທີ 21 ມີນາ 1946 ເຮືອບິນ​ຂອງ​ສັດຕູ​ໄດ້​ຫວ່ານ​ໃບ​ປີວ ລົງ​ໃສ່​ຕົວ​ເມືອງ​ທ່າ​ແຂກ ຊຶ່ງ​ມີ​ເນື້ອ​ໃນ​ໃຫ້​ທະຫານ​ກູ້​ຊາດ​ວາງ​ອາວຸດ ແລະ ຍອມ​ຈຳ​ນົນ. ຫຼັງ​ຈາກ​ນັ້ນ ບໍ່​ເຖິງ​ເຄິ່ງ​ຊົ່ວໂມງ ທະຫານ​ພວກ​ລ່າ​ເມືອງ​ຂຶ້ນ​ແບບ​ເກົ່າ ໄດ້​ເຕົ້າໂຮມ​ກຳ​ລັງ. ໃນ​ນັ້ນ ມີ​ທະຫານ​ຮາບ 7 ກອງຮ້ອຍ, ທະຫານ​ປືນ​ໃຫຍ່ 1 ໝວດ, ລົດ​ສືບ​ຂ່າວ 2 ຈຸ, ເຮືອບິນ​ຂັບ​ໄລ່ 4 ລຳ, ເຮືອບິນ​ຖິ້ມ​ລະເບີດ 2 ລຳ ແລະ ເຮືອບິນ​ສືບ​ຂ່າວ 1 ລຳ ບຸກໂຈມຕີ​ເຂົ້າ​ຕົວ​ເມືອງ​ທ່າ​ແຂກ. ພວກ​ເຂົາ​ໄດ້​ເລີ່ມ​ເປີດ​ສາກ​ບຸກໂຈມຕີ​ດ້ວຍ​ກຳລັງ​ໄຟ​ປືນ​ໃຫຍ່​ໜ້າດິນ ປະສານ​ກັບ​ເຮືອບິນ​ຖິ້ມ​ລະເບີດ ແລະ ຍິງ​ປືນ​ກົນ​ກວາດ​ລົງ​ໃສ່​ກາງ​ເມືອງ ແລະ ຝູງ​ຄົນ​ໃນ​ຕະຫຼາດ, ຍິງ​ໃສ່​ກອງ​ບັນຊາ​ການ, ໂຮງຮຽນ​ປະຖົມ​ຊາວ​ຫວຽດນາມ​ຕ່າງ​ດ້າວ​ຢ່າງ​ຮ້າຍ​ແຮງ ແລະ ປ່າ​ເຖື່ອນ ຊຶ່ງ​ເຮັດ​ໃຫ້​ຕົວ​ເມືອງ​ລຸກ​ເປັນ​ໄຟ, ປະຊາຊົນ​ຈຳນວນ​ຫຼາຍ​ຮ້ອຍ​ຄົນ​ເສຍ​ຊີວິດ ແລະ ບາດ​ເຈັບ. ການ​ຕໍ່ສູ້​ຍິ່ງ​ດຸເດືອດ​ຂຶ້ນ​ສູ່​ລະດັບ​ສູງ, ທະຫານ​ພວກ​ລ່າ​ເມືອງ​ຂຶ້ນ​ແບບ​ເກົ່າ ກໍ​ຍິ່ງ​ພະຍາຍາມ​ຈະ​ຜ່າ​ຂ້າມ​ແນວ​ປ້ອງ​ກັນ​ເຂົ້າ​ໄປ​ໃຫ້​ໄດ້ ຊຶ່ງ​ພວກ​ເຂົາ​ໄດ້​ໃຊ້​ລົດ​ລາດຕະເວນ​ຕິດ​ອາວຸດ, ລົດ​ຫຸ້ມ​ເກາະ​ແລ່ນ​ຕາມ​ທາງ​ເລກ​ທີ 13 ບຸກ​ເຂົ້າ​ຕົວ​ເມືອງ, ແຕ່​ການ​ບຸກໂຈມຕີ​ຂອງ​ທະຫານ​ສັດຕູ​ແຕ່​ລະ​ປີກ ລ້ວນ​ແຕ່​ຖືກ​ກຳລັງ​ທະຫານ​ຂອງ​ພວກ​ເຮົາ​ຕີ​ຕ້ານ, ສະກັດ​ກັ້ນ​ຢ່າງ​ເດັດດ່ຽວ ແລະ ອາດ​ຫານ. ພວກ​ເຂົາ​ຫວັງ​ຢາກ​ຢຶດ​ເອົາ​ຕົວ​ເມືອງ​ທ່າ​ແຂກ ໃຫ້​ໄດ້​ກ່ອນ​ເວລາ​ຕາເວັນ​ຈະ​ຕົກ. ສະນັ້ນ ພວກ​ເຂົາ​ຈຶ່ງ​ໄດ້​ຂໍ​ກຳລັງ​ຢູ່​ແຂວງ​ສະຫວັນ​ນະ​ເຂດ ມາ​ເພີ່ມ​ຕື່ມ ແລະ ເຕົ້າໂຮມ​ບັນດາ​ປືນ​ໃຫຍ່ ພ້ອມ​ດ້ວຍ​ເຮືອບິນ​ຜັດປ່ຽນ​ກັນ​ໄປ​ຖິ້ມ​ລະເບີດ, ຍິງ​ທຳລາຍ​ລົງ​ໃສ່​ຂຸມ​ຄອງ​ທະຫານ​ເຮົາ​ຢ່າງ​ຮ້າຍ​ແຮງ ເພື່ອ​ເປີດ​ທາງ​ໃຫ້​ທະຫານ​ຮາບ​ບຸກ​ເຂົ້າ. ຮອດ​ເວລາ 17:00 ໂມງ​ຂອງ​ວັນ​ທີ 21 ມີ​ນາ 1946 ທະຫານ​ປີກ​ຕ່າງໆ​ຂອງ​ສັດຕູ ໄດ້​ເຄື່ອນ​ເຂົ້າ​ມາ​ຕົວ​ເມືອງ​ໝົດ. ພວກ​ເຮົາ​ສັງເກດ​ເຫັນ​ວ່າ ບໍ່​ສາມາດ​ຮັກສາ​ຕົວ​ເມືອງ​ທ່າ​ແຂກ​ໄວ້​ໄດ້ ເພາະ “ເຫຼັກ​ຫຼາຍ​ກວ່າ​ຖ່ານ” ທະຫານ​ຂອງ​ພວກ​ເຮົາ​ທັງ​ຕ້ານ ແລະ ຖອຍ​ໄປ​ທາງ​ແຄມ​ແມ່ນ້ຳ​ຂອງ ພ້ອມ​ປະຊາຊົນ​ໃຊ້​ເຮືອພາຍ, ເຮືອຈັກ, ໄມ້​ທ່ອນ ເພື່ອ​ລອຍ​ຂ້າມ​ແມ່ນ້ຳ​ຂອງ​ໄປ​ແຂວງ​ນະຄອນ​ພະນົມ​ປະເທດ​ໄທ. ພວກ​ສັດຕູ ໄດ້​ໃຊ້​ເຮືອບິນ, ປືນ​ໃຫຍ່, ປືນ​ກົນ​ຈັກ ແລະ ປືນ​ອື່ນໆ ຍິງ​ໃສ່​ປະຊາຊົນ ແລະ ທະຫານ​ຂອງ​ພວກ​ເຮົາ ທີ່​ພວມ​ຂ້າມ​ແມ່ນ້ຳ​ຂອງ​ຢ່າງ​ໂຫດຮ້າຍ​ປ່າ​ເຖື່ອນ​ທີ່​ສຸດ ຊຶ່ງ​ເຮັດ​ໃຫ້​ພະນັກ​ງານ​-​ນັກຮົບ ແລະ ປະຊາຊົນ ຖືກ​ບາດເຈັບ​ລົ້ມ​ຕາຍ​ຢ່າງ​ຫຼວງ​ຫຼາຍ. ເຮືອຈັກ​ທີ່ ປະທານ ສຸພາ​ນຸ​ວົງ ແລະ ພະນັກງານ​ຈຳນວນ​ໜຶ່ງ ໄດ້​ຖືກ​ເຮືອບິນ​ສັດຕູ​ຍິງ​ຢູ່​ກາງ​ແມ່ນ້ຳ​ຂອງ ຊຶ່ງ​ເຮັດ​ໃຫ້ ປະທານ ສຸພາ​ນຸ​ວົງ ຖືກ​ບາດເຈັບ​ສາຫັດ ແລະ ໄດ້​ນຳ​ເອົາ​ປະທານ​ໄປ​ປິ່ນປົວ​ຢູ່​ໂຮງໝໍ​ແຂວງ ນະຄອນ​ພະນົມ ປະເທດ​ໄທ.
ເມື່ອ​ພວກ​ລ່າ​ເມືອງ​ຂຶ້ນ​ແບບ​ເກົ່າ ແລະ ລູກແຫຼ້ງ​ຕີນ​ມື​ຂອງ​ພວກ​ເຂົາ ຢຶດ​ຄອງ​ຕົວ​ເມືອງ​ທ່າ​ແຂກ​ໄດ້​ແລ້ວ ພວກ​ເຂົາ​ໄດ້​ສ້າງ​ໂທດ​ກຳ​ທີ່​ບໍ່​ມີ​ວັນ​ຈະ​ລືມ​ໄດ້​ໃຫ້​ແກ່​ປະຊາຊົນ​ລາວ ຊຶ່ງ​ພວກ​ເຂົາ​ໄດ້​ກະທຳ​ທີ່​ໄຮ້​ມະນຸດສະທຳ ແລະ ໂຫດຮ້າຍ​ປ່າ​ເຖື່ອນ ໂດຍ​ພວກ​ເຂົາ​ໄດ້​ເຂັ່ນຂ້າ​ປະຊາຊົນ​ລາວ ແລະ ຊາວ​ຫວຽດນາມ​ຕ່າງ​ດ້າວ​ຜູ້​ບໍລິສຸດ ດ້ວຍ​ວິທີ​ໂຫດ​ຫ້ຽມ, ເຂັ່ນຂ້າ​ແມ່​ມານ​ດ້ວຍ​ການ​ເອົາ​ກະບີ່​ແທງ​ທ້ອງ, ຈັບ​ເອົາ​ເດັກນ້ອຍ​ຍັດ​ໃສ່​ກະເປົາ​ປ່ານ​ມັດ​ປາກ ແລ້ວ​ຖິ້ມ​ລົງ​ນ້ຳຂອງ ແລະ ໃສ່​ຄົກມອງ​ຕຳ​ຈົນ​ຕາຍ, ເອົາ​ປືນ​ຍິງ​ກວາດ​ໃສ່​ຝູງ​ຄົນ ແລ້ວ​ໂຍນ​ລົງ​ນ້ຳ​ຂອງ. ປະຊາຊົນ​ຜູ້​ບໍລິສຸດ ລວມ​ທັງ​ແມ່ຍິງ ແລະ ເດັກນ້ອຍ ຈຳນວນ 3.000 ກວ່າ​ຄົນ ຖືກ​ຂ້າ​ຕາຍ, ເຮືອນ​ຊານ​ບ້ານ​ຊ່ອງ ແລະ ພື້ນຖານ​ໂຄງ​ລ່າງ​ຖືກ​ທຳລາຍ​ເປັນ​ຈຳນວນ​ຫຼວງ​ຫຼາຍ.
   ເພື່ອ​ລະນຶກ​ວັນ​ຄຽດ​ແຄ້ນ​ຂອງ​ປະຊາຊົນ​ລາວ​-​ວັນ​ນັກຮົບ​ເສຍ​ອົງຄະ ແລະ ເສຍສະຫຼະ​ຊີວິດ ເພື່ອ​ປະເທດ​ຊາດ​ນັ້ນ ຈົ່ງ​ສືບຕໍ່​ເສີມ​ຂະຫຍາຍ​ມູນເຊື້ອ​ວັນ​ທີ 21 ມີນາ ເຂົ້າ​ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ, ເອົາໃຈໃສ່​ເພີ່ມ​ທະວີ​ສຶກສາ​ອົບຮົມ​ທຸກ​ຊັ້ນ​ຄົນ​ໃນ​ສັງຄົມ​ໃຫ້​ເຫັນ​ໄດ້​ມູນເຊື້ອ​ຕໍ່ສູ້​ພິລະ​ອາດ​ຫານ ແລະ ນ້ຳໃຈ​ຮັກ​ຊາດ​ຂອງ​ປະຊາຊົນ​ລາວ​ບັນດາເຜົ່າ ກໍ​ຄື​ພະນັກ​ງານ​-​ນັກຮົບ​ຂອງ​ພວກ​ເຮົາ ໃຫ້​ຮັບ​ຮູ້​ເຂົ້າໃຈ​ຄວາມ​ໝາຍ​ສຳຄັນ​ຂອງ​ບັ້ນ​ຮົບ​ປ້ອງ​ກັນ​ຕົວ​ເມືອງ​ທ່າ​ແຂກ ຊຶ່ງ​ບັ້ນ​ຮົບ​ດັ່ງກ່າວ​ແມ່ນ​ໜຶ່ງ​ໃນ​ບັ້ນ​ຮົບ​ຕໍ່ສູ້​ທີ່​ສຳຄັນ​ທີ່​ສຸດ​ຢູ່​ໃນ​ລາວ. ມັນ​ບໍ່​ພຽງ​ແຕ່​ເປັນ “ວັນ​ຄຽດ​ແຄ້ນ” ຂອງ​ປະຊາຊົນ​ລາວ​ຕໍ່​ພວກ​ລ່າ​ເມືອງ​ຂຶ້ນ​ແບບ​ເກົ່າ​ຜູ້​ຮຸກ​ຮານ, ມັນ​ຍັງ​ເປັນ​ວັນ​ສາມັກຄີ​ຕໍ່ສູ້​ດ້ວຍ​ເລືອດ​ເນື້ອ​ເປັນ​ຕາຍ​ນຳ​ກັນ​ລະຫວ່າງ 2 ຊາດ ລາວ​-​ຫວຽດນາມ ອ້າຍ​ນ້ອງ​ທີ່​ເປັນ​ແວ່ນ​ແຍງ​ອັນ​ເຫຼື້ອມ​ໃສ​ຂອງ​ນ້ຳໃຈ​ສູ້​ຮົບ​ຢ່າງ​ພິລະ​ອາດ​ຫານ ບໍ່​ຍອມ​ຈຳນົນ​ຂອງ​ກອງທັບ ແລະ ປະຊາຊົນ​ເມືອງ​ທ່າ​ແຂກ ກໍ​ຄື​ການ​ບັນຊາ​ທີ່​ເດັດດ່ຽວ​ໜຽວ​ແໜ້ນ​ຂອງ​ຄະນະ​ກອງ​ບັນຊາ​ການ​ກຳລັງ​ປ້ອງ​ກັນ​ປະກອບ​ອາວຸດ​ພວກ​ເຮົາ ໂດຍ​ແມ່ນ ປະທານ ສຸພາ​ນຸ​ວົງ ເປັນ​ຜູ້ນຳ​ໜ້າ, ມັນ​ໄດ້​ຝັງ​ເລິກ​ໃນ​ດວງ​ໃຈ​ຂອງ​ປະຊາຊົນ​ລາວ ແລະ ຫວຽດນາມ​ຕ່າງ​ດ້າວ ທີ່​ຮັກ​ຊາດ​ຈົນ​ຊົ່ວ​ກາລະ​ນານ. ພ້ອມ​ນີ້ ບັ້ນ​ຮົບ​ປ້ອງ​ກັນ​ຕົວ​ເມືອງ​ທ່າ​ແຂກ ຍັງ​ໄດ້​ສະແດງ​ໃຫ້​ປະຊາຊົນ​ລາວ ແລະ ຊາວ​ໂລກ​ເຫັນ​ແຈ້ງ​ເຖິງ​ທາດ​ແທ້​ຄວາມ​ປ່າ​ເຖື່ອນ, ໂຫດ​ຫ້ຽມ​ສາມານ​ຂອງ​ພວກ​ລ່າ​ເມືອງ​ຂຶ້ນ​ແບບ​ເກົ່າ​ທີ່​ມີ​ຕໍ່​ປະຊາຊົນ​ລາວ ໂດຍ​ສະເພາະ​ແມ່ນ​ຊາວ​ເມືອງ​ທ່າ​ແຂກ, ບັ້ນ​ຮົບ​ດັ່ງກ່າວ ໄດ້​ກາຍເປັນ​ເຫດການ​ປະຫວັດສາດ ແຫ່ງ​ການ​ຕໍ່ສູ້​ພິລະ​ອາດ​ຫານ​ຂອງ​ປະຊາຊົນ​ລາວ ແລະ ກາຍເປັນ​ກະແສ​ຟອງ​ໃຫ້​ແກ່​ການ​ປະຕິວັດ​ຊາດ ປະຊາທິປະໄຕ ຂອງ​ພວກ​ເຮົາ​ກ້າວ​ໄປ​ສູ່​ການ​ປົດ​ປ່ອຍ​ຊາດ​ຢ່າງ​ສົມ​ບູນ.
                                                 (ໂດຍ: ມິ​ງ​ໂກ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110