ຜົນສຳເລັດແຫ່ງການຊີ້ນຳນຳພາຂອງພັກປະຊາຊົນ ປະຕິວັດລາວ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 19/03/2020 08:33:09 ຈຳ​ນວນ​​ຢ້ຽມ​ຊົມ 487 ຄັ້ງ

1. ນໍາພາການປະຕິວັດ ຊາດ-ປະຊາທິປະໄຕເຕີບໃຫຍ່ ເເລະ ມີໄຊ (1955-1975).
   ພາຍໃຕ້ການຊີ້ນໍາ - ນໍາ ພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ ກອງທັບ ແລະ ປະຊາຊົນລາວ ສາມາດຕີເອົາຊະນະການບຸກໂຈມຕີບຽດຢຶດ ຂອງສັດຕູທັງໝົດເປັນຕົ້ນແມ່ນບັ້ນຮົບນ້ໍາ ບາກ, ຜາຖີ່ (ປີ 1968), ບັ້ນ ຮົບທົ່ງໄຫຫີນຊຽງຂວາງ (ປີ 1970 ), ບັ້ນຮົບລາມເຊິນ 719 (ປີ 1971) ສາມາດທັບມ້າງ ໄດ້ ຍຸດທະສາດ “ສົງຄາມພິເສດ ຂອງຈອນເຊິນ” ແລະ ຍຸດທະ ສາດ “ສົງຄາມພິເສດເພີ່ມທະວີຕາມທິດສະດີນິກເຊິນ ຂອງ ຈັກກະພັດອາເມຣິກາ” ໃຫ້ຖືກ ປະລາໄຊລົງດ້ວຍບາດກ້າວ ໜຶ່ງທີ່ສໍາຄັນ, ເຮັດໃຫ້ກໍາລັງ ປະຕິວັດໄດ້ເຕີບໃຫຍ່ຂະ ຫຍາຍ ຕົວ ຕື່ມອີກ, ເຂດປົດປ່ອຍໄດ້ຮັບ ການປົກປັກຮັກສາ ແລະ ເປີດ ກວ້າງຕິດຈອດກັນແຕ່ເໜືອ ຮອດໃຕ້ກວມເອົາເຂດຍຸດທະ ສາດທີ່ສໍາຄັນຕ່າງໆ ວຽກງານທຸກດ້ານໄດ້ຮັບການປັບປຸງ ກໍ່ສ້າງໃຫ້ມີຄວາມເຂັ້ມແຂງຂຶ້ນ ເປັນກ້າວໆເຮັດໃຫ້ເຂດປົດ ປ່ອຍເປັນຄືລັດໜຶ່ງຂອງປະ ເທດ; ຍ້ອນຖືກປະລາໄຊທາງ ດ້ານການທະຫານຢ່າງໜັກ ໜ່ວງຢູ່ຫຼາຍບັ້ນຮົບ ແລະ ປະ ຊາຊົນໃນຫຼາຍທ້ອງຖິ່ນໄດ້ລຸກ ຂຶ້ນຕໍ່ສູ້ທາງດ້ານການເມືອງຢ່າງເປັນຂະບວນການ ແລະ ຕໍ່ເນື່ອງຈັກກະພັດອາເມຣິກາ ແລະ ລູກມືຂອງມັນຈໍາຕ້ອງ ໄດ້ຍອມເຊັນສັນຍາວຽງຈັນ ໃນວັນທີ 21/2/1973. ຊຶ່ງ ເປັນການຟື້ນຟູສັນຕິພາບ ແລະ ປະຕິບັດຄວາມຖືກຕ້ອງປອງ ດອງຊາດຢູ່ລາວ ຄັ້ງທີ 3; ສັນ ຍາວຽງຈັນ 1973 ໄດ້ເຮັດ ໃຫ້ສົງຄາມຢູ່ລາວທີ່ແກ່ຍາວ ເປັນເວລາເກືອບ 20 ປີສິ້ນ ສຸດລົງ, ນີ້ເປັນໄຊຊະນະທີ່ມີ ຄວາມໝາຍຍຸດທະສາດ ແລະ ສ້າງເງື່ອນໄຂໃໝ່ທີ່ສໍາຄັນທີ່ສຸດ ເພື່ອພາການປະຕິວັດເຮົາ ກ້າວຂຶ້ນຍາດເອົາໄຊຊະນະອັນ ສົມບູນ;
 ໂດຍກໍາແໜ້ນເອົາກາ ລະໂອ ກາດປະຫວັດສາດອັນດີ “ພັນປີມີເທື່ອໜຶ່ງ”; ໃນຕົ້ນ ເດືອນ 5 ປີ 1975 ກົມການ ເມືອງສູນກາງພັກເຮົາໄດ້ຕົກ ລົງຢຶດອໍານາດການປົກຄອງ ໃນທົ່ວປະເທດ ດ້ວຍ 3 ບາດ ຄ້ອນຍຸດທະສາດ “ການລຸກ ຮື້ຂຶ້ນຂອງປະຊາຊົນ, ການ ໜູນໜີບຂອງກໍາລັງປະກອບ ອາວຸດປະຕິວັດ ແລະ ການລຸກ ຮື້ຂຶ້ນແຍກຕົວອອກຂອງທະ ຫານຝ່າຍວຽງຈັນມາຮ່ວມກັບກໍາລັງປະຕິວັດ”, ເພື່ອກ້າວຂຶ້ນ ຍາດເອົາໄຊຊະນະສົມບູນໃນ ຂອບເຂດທົ່ວປະເທດຜ່ານການ ຈັດຕັ້ງປະຕິບັດນະໂຍບາຍ 3 ບາດຄ້ອນຍຸດທະສາດຂອງ ກົມການເມືອງສູນກາງພັກໃນ ໄລຍະສັ້ນໆຮອດຕົ້ນເດືອນ 9 ປີ 1975 ທົ່ວປະເທດໄດ້ປະກາດ ລຶບລ້າງອໍານາດການປົກຄອງເກົ່າທັງໝົດ ແລະ ສ້າງຕັ້ງອໍາ ນາດການປົກຄອງປະຕິວັດ ຂຶ້ນແທນໃນຂອບເຂດທົ່ວປະ ເທດ. ວັນທີ 2 ທັນວາ 1975 ໄດ້ປະກາດສ້າງຕັ້ງ ສາທາລະ ນະລັດ ປະຊາທິປະໄຕ ປະຊາ ຊົນລາວ ຢ່າງເປັນທາງການ, ດ້ວຍການປະຕິບັດທິດຊີ້ນໍາ ຂອງພັກວ່າ “ບົວບໍ່ຊໍ້ານ້ໍາບໍ່ຂຸ່ນ ແຕ່ຈັບປາໄດ້ທັງໝົດ”.
   ໄຊຊະນະອັນເປັນເຫດ ການປະຫວັດສາດດັ່ງກ່າວນັ້ນ ໄດ້ເປັນຂີດໝາຍແຫ່ງການສໍາ ເລັດການປະຕິວັດຊາດ - ປະ ຊາ ທິປະໄຕຢ່າງສົມບູນ     ແລະ   ໄດ້ເປີດ ສັງກາດໃໝ່ທີ່ຮຸ່ງເຮືອງສົດໃສ ທີ່ສຸດໃນປະຫວັດສາດຂອງ ຊາດລາວ, ໄລຍະທີ່ປະຊາຊົນ ລາວບັນດາເຜົ່າເປັນເຈົ້າປະ ເທດຊາດ, ເປັນເຈົ້າຊາຕາກໍາ ຂອງຕົນຢ່າງແທ້ຈິງ, ກ້າວຂຶ້ນ ສູ່ເສັ້ນທາງອັນສະຫວ່າງສະ ໄຫວຂອງລັດທິສັງຄົມນິຍົມ ພາຍ ໃຕ້ການນໍາພາຂອງພັກປະ ຊາຊົນປະຕິວັດລາວ.
2. ນໍາພາປົກປັກຮັກສາລະ ບອບໃໝ່ ເເລະ ສ້າງພື້ນຖານ ເສດຖະກິດ-ສັງຄົມ (1975-1985).
   ພາຍໃຕ້ການນໍາພາອັນ ຖືກຕ້ອງ, ສະຫຼາດສ່ອງໃສ ແລະ ເດັດຂາດຂອງພັກ, ປະ ຊາຊົນເຮົາໄດ້ເສີມຂະຫຍາຍ ມູນເຊື້ອຮັກຊາດ, ນ້ໍາໃຈປະ ຕິວັດ ແລະ ໄດ້ສຸມທຸກກໍາລັງ ວັງຊາ, ສະຕິປັນຍາຂອງຕົນ ເຂົ້າໃນພາລະກິດການປົກປັກ ຮັກສາ ແລະ ສ້າງສາປະເທດ ຊາດ, ຜ່ານຜ່າທຸກຄວາມ ຫຍຸ້ງຍາກ ແລະ ອຸປະສັກນາໆ ປະການ, ສາມາດຍາດໄດ້ໄຊ ຊະນະ ແລະ ຜົນສໍາເລັດອັນ ໃຫຍ່ຫຼວງໃນຫຼາຍດ້ານ, ອັນ ສໍາຄັນແມ່ນພັກເຮົາໄດ້ເອົາໃຈ ໃສ່ນໍາພາແກ້ໄຂ ແລະ ຟື້ນຟູ ເສດຖະກິດ - ສັງຄົມ (1975 -1980) ໂດຍສຸມໃສ່ແກ້ໄຂ ຜົນຮ້າຍຂອງສົງຄາມ ແລະ ຂອງສັງຄົມທີ່ລະບອບເກົ່າ ປະໄວ້, ເຮັດໃຫ້ຊີວິດການ ເປັນຢູ່ຂອງປະຊາຊົນຄ່ອຍໆ ກ້າວເຂົ້າສູ່ສະພາບປົກກະຕິ ທັງໄດ້ເອົາໃຈໃສ່ຂະຫຍາຍ ການສຶກສາ, ລຶບລ້າງຄວາມ ບໍ່ຮູ້ໜັງສື, ປົກປັກຮັກສາ ແລະ ເສີມຂະຫຍາຍວັດທະ ນະທໍາອັນດີງາມຂອງຊາດ, ຂອງເຜົ່າ; ປັບປຸງ ແລະ ຂະ ຫຍາຍຂະບວນການສິລະປະ ວັນນະຄະດີ, ກິລາ-ກາຍະກໍາ ຕາມທິດຂອງສັງຄົມນິຍົມ ແລະ ມີຜົນໄດ້ຮັບເປັນກ້າວໆ; ສືບຕໍ່ນໍາພາຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 1 (1981-1985) ສໍາເລັດໂດຍພື້ນຖານ ອັນໄດ້ ປະກອບສ່ວນສ້າງປະຖົມ ປັດໄຈ ແລະ ເງື່ອນໄຂສະ ດວກໃຫ້ແກ່ການສືບຕໍ່ກ້າວຂຶ້ນ ຂອງປະເທດຊາດ; ໃນໄລຍະ ຕົ້ນແຫ່ງການປົກປັກຮັກສາ ແລະ ສ້າງສາປະເທດຊາດ, ພັກເຮົາໄດ້ຖືເປັນສໍາຄັນ ແລະ ເອົາໃຈໃສ່ຕໍ່ວຽກງານກໍ່ສ້າງ ພັກ ໂດຍໄດ້ວາງໜ້າທີ່ ແລະ ທິດນໍາຂອງການກໍ່ສ້າງພັກ ໃນໄລຍະໃໝ່ອອກ: “ການ ກໍ່ສ້າງພັກຕ້ອງເລີ່ມຈາກໜ້າ ທີ່ການເມືອງ ແລະ ແນໃສ່ ເຮັດສໍາເລັດໜ້າທີ່ການເມືອງ ຂອງພັກ; ກໍ່ສ້າງພັກໃຫ້ໜັກ ແໜ້ນເຂັ້ມແຂງທາງ 3 ດ້ານ, ດ້ານການເມືອງ, ແນວຄິດ ການຈັດຕັ້ງ, ກໍ່ສ້າງພັກຕິດ ແໜ້ນກັບການກໍ່ສ້າງອໍານາດ ການປົກຄອງ ແລະ ຂະບວນ ການມະຫາຊົນ”.
3. ນໍາພາປົກປັກຮັກສາ ແລະ ສ້າງສາພັດທະນາປະ ເທດຊາດຕາມເເນວທາງປ່ຽນ ແປງໃໝ່ (1986-2020).
1). ພັກນໍາພາປ່ຽນແປງ ໃໝ່:
   ໃນກອງປະຊຸມໃຫຍ່ ຄັ້ງທີ IV ຂອງພັກ (ປີ 1986) ພັກ ໄດ້ກໍານົດແນວທາງປ່ຽນແປງ ໃໝ່ ໂດຍເລີ່ມຈາກການປ່ຽນ ແປງດ້ານເສດຖະກິດ, ເປັນຕົ້ນ ແມ່ນການປ່ຽນແປງໃໝ່ນະໂຍ ບາຍເສດຖະກິດ; ຮັບຮູ້ ແລະ ນໍາໃຊ້ເສດຖະກິດພາກສ່ວນ, ເສດຖະກິດຕະຫຼາດ, ເປີດ ກວ້າງການພົວພັນຮ່ວມມືກັບ ຕ່າງປະເທດບົນພື້ນຖານຕ່າງຝ່າຍຕ່າງມີຜົນປະໂຫຍດ. ຫັນ ເສດຖະກິດທໍາມະຊາດ ແລະ ເຄິ່ງທໍາມະຊາດ, ເພິ່ງຕົນເອງ ກຸ້ມຕົນເອງໄປສູ່ເສດຖະກິດ ສິນຄ້າ, ກອງປະຊຸມໃຫຍ່ ຄັ້ງທີ V, VI, VII, VIII, IX ແລະ ຄັ້ງທີ X ຂອງພັກໄດ້ສືບຕໍ່ນໍາພາຈັດຕັ້ງຜັນຂະຫຍາຍແນວທາງປ່ຽນ ແປງໃໝ່, ດ້ວຍການກວດກາ, ສະຫຼຸບຕີລາຄາ, ຖອດຖອນບົດຮຽນຈາກພຶດຕິກໍາຕົວຈິງໃນແຕ່ລະໄລຍະຢ່າງເປັນລະບົບ, ຕໍ່ເນື່ອງ ທັງປັບປຸງຍົກລະ ດັບເປັນກ້າວໆ ເຮັດໃຫ້ແນວ ທາງປ່ຽນແປງໃໝ່ຮອບດ້ານ ມີຫຼັກການຂອງພັກນັບມື້ນັບ ບໍລິບູນຂຶ້ນເລື້ອຍໆ.
2). ການສ້າງສາພັດທະນາໄດ້ມີຜົນສໍາເລັດຫຼາຍດ້ານ:
1. ຂົງເຂດເສດຖະກິດ:
   ການພັດທະນາເສດຖະ ກິດຂອງ ສປປ ລາວ ໄດ້ມີ ຜົນສໍາເລັດອັນສໍາຄັນ ແລະ ມີບາດກ້າວຂະຫຍາຍຕົວຕໍ່ ເນື່ອງ, ໝັ້ນທ່ຽງ, ຍອດຜະລິດ ຕະພັນພາຍໃນເພີ່ມຂຶ້ນໃນ ແຕ່ລະໄລຍະເຊັ່ນ: 1986 - 1990 ສະເລ່ຍ 4,8% ຕໍ່ປີ; 1991 - 1995 ເພີ່ມຂຶ້ນ 6,4%; 1996 - 2005 ໄດ້ 6,2% ຕໍ່ ປີ; 2006 - 2010 ສະເລ່ຍ 7,9%;  2010 - 2015 ບັນລຸໄດ້ 7,9% ແລະ ປີ 2019 ບັນລຸໄດ້ 6,4% ລາຍຮັບຂອງປະຊາຊົນ ກໍໄດ້ເພີ່ມຂຶ້ນເຊັ່ນ: ປີ 1985 ລາຍຮັບສະເລ່ຍຕໍ່ຫົວຄົນໄດ້ 114 ໂດລາ, ປີ 1995 ໄດ້ 380 ໂດລາ, ປີ 2006 ໄດ້ 534 ໂດລາ, ປີ 2010 ໄດ້ 1.069 ໂດລາ, ປີ 2015 ໄດ້ 1.970 ໂດລາ, ປີ 2019 ໄດ້ 2.638 ໂດລາ, ການລົງທຶນຂອງເອກະຊົນພາຍ ໃນ ແລະ ຕ່າງປະເທດນັບມື້ນັບ ຂະຫຍາຍຕົວ ໃນທຸກຂົງເຂດ ເສດຖະກິດ - ສັງຄົມ, ທ່າ ແຮງບົ່ມຊ້ອນທາງດ້ານຊັບ ພະຍາກອນທໍາມະຊາດໄດ້ ຮັບການຂຸດຄົ້ນຕາມທິດຍືນຍົງ ແລະ ສາມາດສ້າງຖານລາຍ ຮັບໃຫ້ແກ່ງົບປະມານ.
   ວຽກງານກະສິກໍາ-ປ່າ ໄມ້: ການປູກຝັງ, ລ້ຽງສັດໄດ້ ຮັບການຊຸກຍູ້, ສົ່ງເສີມ ແລະ ພັດທະນາດີຂຶ້ນເປັນກ້າວໆອັນພົ້ນເດັ່ນແມ່ນໄດ້ເອົາໃສ່ ການກໍ່ສ້າງພື້ນຖານ ວັດຖຸເຕັກນິກ ໃນຂົງເຂດນີ້ເປັນອັນດັບມາ ແລະ ມີຜົນໄດ້ຮັບເປັນກ້າວໆ, ການຜະລິດເຂົ້າໃນປີ 2004 ໄດ້ 2.529.000 ໂຕນ, ປີ 2019 ຜະລິດເຂົ້າໄດ້ 3,53 ລ້ານໂຕນ, ການປູກຕົ້ນໄມ້ໃຫ້ໝາກ, ຕົ້ນ ໄມ້ອຸດສາຫະກໍາ, ພືດໄລຍະ ສັ້ນ, ການລ້ຽງສັດປະເພດ ຕ່າງໆລວມທັງສັດນໍ້າລ້ວນ ແຕ່ໄດ້ຮັບການພັດທະນາ ແລະ ຂະຫຍາຍຕົວຢ່າງບໍ່ຢຸດຢັ້ງ. ຊັບພະຍາກອນປ່າໄມ້ໄດ້ຮັບ ການຈັດສັນ, ຄຸ້ມຄອງນໍາໃຊ້ ບົນພື້ນຖານກົດໝາຍ ແລະ ນັບມື້ເຂັ້ມງວດເຮັດໃຫ້ອັດ ຕາປົກຫຸ້ມນັບມື້ບັນລຸຕາມທີ່ ໄດ້ວາງໄວ້.
   ອັດຕາສ່ວນຂອງຄວາມ ທຸກຍາກໄດ້ຫຼຸດລົງຢ່າງຕໍ່ເນື່ອງ ເຊັ່ນ: ປີ 2015 - 2019 ຄອບ ຄົວທຸກຍາກຍັງເຫຼືອພຽງແຕ່ 62.384 ຄອບຄົວ ເທົ່າກັບ 5,16% ຂອງຄອບຄົວທັງ ໝົດໃນທົ່ວປະເທດ, ບ້ານທຸກ ຍາກ 1.434 ບ້ານ, ເມືອງທຸກ ຍາກຍັງ 23 ເມືອງ, ມີບ້ານ ພັດທະນາທັງໝົດ 4.305 ບ້ານ, ບ້ານໃຫຍ່ກາຍເປັນຕົວ ເມືອງນ້ອຍໃນຊົນນະບົດມີ 66 ບ້ານ;
   ວຽກງານພະລັງງານ ແລະ ບໍ່ເເຮ່: ປີ 2015 ປະ ເທດເຮົາມີເຂື່ອນໄຟຟ້າປະ ມານ 30 ເຂື່ອນ ແລະ ມາ ຮອດປີ 2017 ມີເຂື່ອນໄຟຟ້າ ທັງໝົດ 50 ເຂື່ອນ ສາມາດ ຜະລິດໄຟຟ້າໄດ້ 7.555,58 ລ້ານກິໂລວັດໂມງ, ເມືອງທີ່ ໄດ້ໃຊ້ໄຟຟ້າແລ້ວ 148 ເມືອງ ເທົ່າກັບ 100%, ໃນຈໍານວນ ບ້ານ 8.544 ບ້ານ ມີໄຟຟ້າ ໃຊ້ຖາວອນ 7.554 ບ້ານ, ເທົ່າກັບ 88,41%, ຈໍານວນ ຄອບຄົວ 1.167.607 ຄອບຄົວ ມີໄຟຟ້າໃຊ້ແລ້ວ 1.074.789 ຄອບຄົວ, ເທົ່າ ກັບ 92,05%, ຮອດປີ 2019 ມີໂຄງການພັດທະນາໄຟຟ້າ ທີ່ສໍາເລັດ ແລະ ດໍາເນີນການ ຜະລິດ 78 ແຫ່ງ ມີກໍາລັງ ການຕິດຕັ້ງທັງໝົດ 9,979 ເມກາວັດ, ສາມາດຜະລິດ ໄຟຟ້າໄດ້ 51,318 ລ້ານກິ ໂລວັດໂມງ, ມີສາຍສົ່ງໄຟຟ້າ ຄວາມຍາວ 65.563 ກິໂລ ແມັດ, ມີອັດຕາຄອບຄົວທີ່ ສາມາດໃຊ້ໄຟຟ້າໄດ້ 95%.
   ການຂະຫຍາຍຕົວດ້ານ ບໍ່ແຮ່ເພີ່ມຂຶ້ນ 15-20% ຕໍ່ປີ. ປະເພດແຮ່ທາດໄດ້ຮັບການ ຂຸດຄົ້ນ ແລະ ປຸງແຕ່ງໃນ ສປປ ລາວ ມີ ຄໍາ, ທອງແດງ, ຖ່ານ ຫີນ, ກົ່ວ, ແກ້ວປະເສີດ, ຫີນປູນ ສໍາລັບຜະລິດຊີມັງ, ຫີນກາວ, ສັງກະສີ, ຟົດຟໍ, ເກືອ ແລະ ອື່ນໆ.
   ວຽກງານອຸດສາຫະກໍາ ການຄ້າ: ໄລຍະຕົ້ນຂອງການ ປ່ຽນແປງໃໝ່ 1986-1990 ອຸດສາຫະກໍາ ໄດ້ຂະຫຍາຍຕົວ ຕໍ່ເນື່ອງ ສະເລ່ຍ 8% ຕໍ່ປີ, ຕົ້ນ ຕໍແມ່ນຂະແໜງການຜະລິດ ປຸງແຕ່ງ ໄລຍະ  2006 - 2010 ສະເລ່ຍອັດຕາການຂະຫຍາຍ ຕົວຂອງອຸດສາຫະກໍາ 12% ຕໍ່ ປີ;  ປີ 2019  ອຸດສາຫະກໍາສືບຕໍ່ ຂະຫຍາຍຕົວໃນລະດັບ 7,1%.
   ວຽກງານໂຍທາທິການ ແລະ ຂົນສົ່ງ: ໄດ້ຮັບການ ປັບປຸງ ແລະ ຂະຫຍາຍຕົວ ຢ່າງບໍ່ຢຸດຢັ້ງ, ມີບັນດາເສັ້ນ ທາງຄົມມະນາຄົມທີ່ເຊື່ອມຕໍ່ ກັບອະນຸພາກພື້ນ, ເສັ້ນທາງ ແລວເສດຖະກິດຕາເວັນອອກ - ຕາເວັນຕົກ ພວມປະຕິບັດ ໂຄງການກໍ່ສ້າງທາງລົດໄຟ ຄວາມໄວສູງແຕ່ບໍ່ເຕ່ນ - ນະ ຄອນຫຼວງວຽງຈັນ ຄວາມຍາວ 427 ກິໂລແມັດ, ປີ 2017 ມີ ຄວາມຍາວຂອງເສັ້ນທາງທັງ ໝົດ 58.885,56 ກິໂລແມັດ, ມີຂົວ 2.802 ເເຫ່ງ ໃນນັ້ນຂົວ ຂ້າມນໍ້າຂອງທີ່ເປີດໃຊ້ບໍລິການ ແລ້ວມີ 9 ແຫ່ງ ແລະ ປີ 2019 ມີເສັ້ນທາງທັງໝົດ 60.340 ກິໂລເມັດ.
   ລະບົບນ້ໍາປະປາ ກໍໄດ້ ຂະຫຍາຍຕົວຈາກຕົວເມືອງ ຕ່າງໆລົງສູ່ເທດສະບານຂອງ ບັນດາເມືອງໃນທົ່ວປະເທດ ແລະ ຢູ່ເຂດຊຸມຊົນກໍຄືກຸ່ມ ບ້ານໃຫຍ່ຈໍານວນໜຶ່ງ ປີ 2019 ມີກໍາລັງການຜະລິດ 720.576 m3/ປີ, ສາມາດ ສະໜອງໃຫ້ເທດສະບານທຸກ ເມືອງ 107 ເມືອງ ປະຊາຊົນ ໄດ້ຊົມໃຊ້ນ້ໍາປະປາ 72% ຂອງ ປະຊາກອນທີ່ອາໄສຢູ່ໃນເຂດ ຕົວເມືອງ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110