ໜັງສືພິມ ປະຊາຊົນ

ໜ່ວຍພັກ ກົມອາຊີ-ປາຊີຟິກ ແລະ ອາຟຣິກາ ຄຕພ ສຳເລັດກອງປະຊຸມໃຫຍ່ ຄັ້ງທີ I

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 19/03/2020 08:35:00 ຈຳນວນຢ້ຽມຊົມ 1535 ຄັ້ງ

   ໜ່ວຍພັກ ກົມອາຊີ-ປາຊີຟິກ ແລະ ອາຟຣິກາ, ຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດກອງປະຊຸມໃຫຍ່ຄັ້ງທີ I ຂອງໜ່ວຍພັກຕົນຂຶ້ນ ເມື່ອບໍ່ດົນມານີ້ ທີ່ສຳນັກງານ ຄະນະພົວພັນຕ່າງປະເທດສູນກາງພັກ ໂດຍພາຍໃຕ້ການເປັນ ປະທານຂອງສະຫາຍ   ນາງ      ມະນີລາ ສົມບັນດິດ ເລຂາໜ່ວຍ ພັກ ກົມອາຊີ-ປາຊີຟິກ ແລະ ອາ ຟຣິກາ, ໃຫ້ກຽດເຂົ້າຮ່ວມຂອງ ສະຫາຍ ນາງ ສູນທອນ ໄຊຍະຈັກ ກຳມະການສູນກາງພັກ ເລຂາ ຄະນະພັກຄະນະພົວພັນຕ່າງ ປະເທດສູນກາງພັກ ຫົວໜ້າຄະ ນະພົວພັນຕ່າງປະເທດສູນກາງພັກ, ມີຮອງເລຂາ, ຄະນະໜ່ວຍ ພັກ, ສະມາຊິກພັກສົມບູນ-ສຳ ຮອງ ພ້ອມດ້ວຍແຂກທີ່ຖືກເຊີນເຂົ້າຮ່ວມ.
   ສະຫາຍ   ນາງ    ມະນີລາ ສົມບັນດິດ   ໄດ້ຜ່ານບົດລາຍ ງານການເມືອງຂອງໜ່ວຍພັກ ໃນ ໄລຍະ 4 ປີຜ່ານມາ ແລະ ທິດທາງແຜນການໃນຕໍ່ໜ້າ   ຊຶ່ງ ຕະຫຼອດໄລຍະ 4 ປີຜ່ານມາ, ໜ່ວຍພັກ ກົມອາຊີ-ປາຊີຟິກ ແລະ ອາຟຣິກາໄດ້ຖືວຽກງານ ສຶກສາອົບຮົມການເມືອງ-ແນວ ຄິດໃຫ້ແກ່ສະມາຊິກພັກ, ພະ ນັກງານ-ລັດຖະກອນພາຍໃນກົມເປັນຕົ້ນຕໍ; ໄດ້ປັບປຸງການກໍ່ ສ້າງພັກ ແລະ ຂະຫຍາຍພັກ ຕາມກົດລະບຽບພັກ;   ສ້າງໜ່ວຍ ພັກ, ສະມາຊິກພັກໃຫ້ປອດໃສ, ເຂັ້ມແຂງໜັກແໜ້ນທາງດ້ານ ການເມືອງ, ແນວຄິດ, ການຈັດ ຕັ້ງ ແລະ ແບບແຜນວິທີນໍາພາ. ນອກຈາກນັ້ນ, ໜ່ວຍພັກໄດ້ຊຸກຍູ້ບັນດາສະຫາຍສະມາຊິກພັກ, ພະນັກງານພາຍໃນກົມ ເຂົ້າຮ່ວມຮັບຟັງການຈັດຕັ້ງເຜີຍແຜ່ເຊື່ອມຊຶມແນວທາງນະ ໂຍບາຍ, ລະບຽບກົດໝາຍ, ມະ ຕິ, ຄຳສັ່ງ ແລະ ເອກະສານສໍາຄັນຕ່າງໆຂອງພັກຂອງຊາດ, ໄດ້ຜັນຂະຫຍາຍມະຕິກອງປະ ຊຸມໃຫຍ່ ຄັ້ງທີ X ຂອງສູນກາງພັກ, ມະຕິຂອງກອງປະຊຸມໃຫຍ່ ຄັ້ງທີ I ຂອງອົງຄະນະພັກຄະ ນະພົວພັນຕ່າງປະເທດສູນກາງພັກ, ອັນພົ້ນເດັ່ນແມ່ນໄດ້ຈັດຕັ້ງ ປະຕິບັດບັນດາແຜນການສ້າງ ໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີຂອງໜ່ວຍ ຊຶ່ງໜ່ວຍພັກໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມ ແຂງ, ໜັກແໜ້ນປະຈຳປີ 2018 ແລະ 2019.
   ກອງປະຊຸມໄດ້ປ່ອນບັດເລືອກເອົາຄະນະພັກຊຸດໃໝ່ ໂດຍມີຜູ້ສະໝັກ 5 ສະຫາຍ ເລືອກເອົາ 3 ສະຫາຍ; ເລືອກໄດ້ສະຫາຍ ນາງ ມະນີລາ ສົມບັນດິດ   ເປັນເລຂາໜ່ວຍພັກ, ສະຫາຍ ຫົງແກ້ວ ສຸກສະຫວັດ   ເປັນຮອງເລຂາໜ່ວຍພັກ ແລະ ສະຫາຍ    ຈັນທະພອນ ຄຳມະນີຈັນ    ເປັນຄະນະໜ່ວຍ ພັກ ພ້ອມທັງຮັບຜິດຊອບວຽກ      ງານກວດກາຂອງໜ່ວຍພັກ.
   ໃນໂອກາດດັ່ງກ່າວ ສະ ຫາຍ ນາງ ສູນທອນ ໄຊຍະຈັກ ໄດ້ໃຫ້ກຽດໂອ້ລົມຕໍ່ກອງປະຊຸມ ໂດຍໄດ້ຍ້ອງຍໍຊົມເຊີຍຜົນງານຮອບດ້ານຂອງໜ່ວຍທີ່ຍາດມາໄດ້ໃນໄລຍະຜ່ານມາ ຊຶ່ງໄດ້ຕີລາຄາຄວາມເອົາໃຈໃສ່ຂອງຄະ ນະໜ່ວຍພັກ, ສະມາຊິກພັກຂອງໜ່ວຍພັກ ກົມອາຊີ-ປາຊີ ຟິກ ແລະ ອາຟຣິກາ ໃນການ ປະ ຕິບັດພາລະບົດບາດ, ໜ້າທີ່, ສິດ ຄວາມຮັບຜິດຊອບຂອງຄະນະ ໜ່ວຍພັກ, ເຮັດສຳເລັດໜ້າທີ່ ການເມືອງທີ່ພັກ-ລັດມອບໝາຍ ໃຫ້. ສະຫາຍເລຂາຄະນະພັກຄະນະພົວພັນຕ່າງປະເທດສູນກາງພັກຍັງໄດ້ເນັ້ນໃຫ້ຄະນະໜ່ວຍພັກຊຸດໃໝ່ສືບຕໍ່ຊີ້ນຳ-ນຳພາສະມາຊິກພັກ, ລັດຖະ ກອນພາຍໃນກົມເຊື່ອມຊຶມ, ກຳແໜ້ນແນວທາງການຕ່າງປະ ເທດຂອງພັກ ແລະ ນະໂຍບາຍ, ທັດສະນະຂອງລັດ ເພື່ອສືບຕໍ່ເຮັດໜ້າທີ່ເປັນເສນາທິການໃຫ້ ແກ່ສູນກາງພັກ ແລະ ເປັນໃຈ ກາງ ໃນການປະສານງານລະ ຫວ່າງອົງການຕ່າງໆຂອງສູນກາງພັກກັບບັນດາພັກອ້າຍນ້ອງ ແລະ ພັກການເມືອງຕ່າງໆທີ່ ພັກ ປປ ລາວ ມີການພົວພັນ ໃນຂົງເຂດຄວາມຮັບຜິດຊອບຂອງກົມ; ຮຽກຮ້ອງໃຫ້ພະນັກງານ, ສະມາຊິກພັກໃນໜ່ວຍພັກກົມ ກຳໄດ້ແນວທາງການຕ່າງປະ ເທດຂອງພັກ-ລັດເຮົາ   ແລະແຜນ ພັດທະນາເສດຖະກິດ-ສັງຄົມຂອງປະເທດ ໃນແຕ່ລະໄລຍະ, ຝຶກຝົນຍົກລະດັບດ້ານວິຊາສະ ເພາະ, ພາສາຕ່າງປະເທດ; ສືບ ຕໍ່ສ້າງໃຫ້ໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ.
(ຂ່າວ-ພາບ: ຄຕພ)