ຫົວ​ຂໍ້ : ໂຮງໝໍຊົ່ວຄາວອູຮັ້ນສິ່ງມະຫັດສະຈັນຂອງຈີນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 19/03/2020 08:49:22 ຈຳ​ນວນ​ຜູ້​ເຂົ້າ​ຢ້ຽມ​ຊົມ 717 ຄັ້ງ

  ຕາມ​ແຫຼ່ງ​ຂ່າວ​ຊີ​ອາ​ໄອ, ວັນ​ທີ 10 ມີນາ​ຜ່ານ​ມາ, ໂຮງໝໍ​ຊົ່ວຄາວ “ຟ່າງ​ຊ່າງ” ທີ່​ນະຄອນ​ອູ​ຮັ້ນ ແຂວງ​ຫູ​ເປີຍ ຂອງ​ຈີນ ໄດ້​ປິດ​ການ​ນຳ​ໃຊ້​ທັງ​ໝົດ​ແລ້ວ, ວຽກ​ງານ​ຕ້ານ​ການ​ແຜ່​ລະບາດ​ຂອງ​ພະຍາດ COVID-19 ຂອງ​ຈີນ ຍາດ​ໄດ້​ໄຊຊະນະ​ເປັນ​ໄລຍະໆ.
  ຂ່າວ​ລະບຸ​ວ່າ: ການ​ສ້າງ​ໂຮງໝໍ​ຊົ່ວຄາວ “ຟ່າງ​ຊ່າງ” ຢູ່​ນະຄອນ​ອູ​ຮັ້ນ ເປັນ​ການ​ປະດິດ​ສ້າງ​ໃໝ່​ຢ່າງ​ໜຶ່ງ ໃນ​ການ​ຕ້ານ​ການ​ແຜ່​ລະບາດ​ຂອງ​ພະຍາດ COVID-19 ຢູ່​ຈີນ​ໃນ​ຄັ້ງ​ນີ້. ໃນ​ໄລຍະ​ນັ້ນ, ສະພາບ​ການ​ແຜ່​ລະບາດ​ຂອງ​ພະຍາດ​ຢູ່​ນະຄອນ​ອູ​ຮັ້ນ ແມ່ນ​ຂ້ຽວຂາດ​ທີ່​ສຸດ, ຈຳນວນ​ຜູ້​ເປັນ​ພະຍາດ​ໄດ້​ເພີ່ມ​ຂຶ້ນ​ຢ່າງ​ວ່ອງໄວ, ແຕ່​ພັດ​ຂາດເຂີນ​ຊັບພະຍາກອນ​ດ້ານ​ການ​ແພດ​ຈຳນວນ​ຫຼາຍ, “ຕຽງ​ນອນ​ຄົນ​ເຈັບ” ກໍ​ມີ​ບໍ່​ພຽງພໍ, ບໍ່​ສາມາດ​ຮັບ​ຜູ້​ເປັນ​ພະຍາດ​ເຂົ້າ​ມາ​ປິ່ນປົວ​ໃຫ້​ໄດ້​ທັງ​ໝົດ. ຜູ້​ປ່ວຍ​ໄດ້​ເຄື່ອນ​ໄຫວ​ຢູ່​ຕາມ​ຄຸ້ມ​ຊຸມ​ຊົນ​ແລະ ສັງຄົມ​ເປັນ​ຈຳນວນ​ຫຼວງຫຼາຍ, ເຮັດ​ໃຫ້​ຜູ້​ເປັນ​ພະຍາດ​ເສຍ​ໂອກາດ​ໃນ​ການ​ປິ່ນປົວ ແລະ ອີກ​ດ້ານ​ໜຶ່ງ ຍັງ​ເຮັດ​ໃຫ້​ເກີດ​ມີ​ຄວາມ​ສ່ຽງ​ທີ່​ເຮັດ​ໃຫ້​ພະຍາດ​ແຜ່​ລະບາດ​ໃນ​ວົງ​ກວ້າງ. 
  ໃນ​ໄລຍະ​ຫົວລ້ຽວຫົວຕໍ່​ດັ່ງກ່າວ, ສູນ​ກາງ​ພັກ​ກອມ​ມູ​ນິດ​ຈີນ ໄດ້​ຕັດສິນ​ໃຈ​ໃຊ້​ມາດ​ຕະການ​ທີ່​ສຳຄັນ ໂດຍ​ໃຫ້​ສ້າງ​ໂຮງໝໍ​ຊົ່ວຄາວ “ຟ່າງ​ຊ່າງ”. ນະຄອນ​ອູ​ຮັ້ນ ໄດ້​ດັດແປງ​ສະ ໜາມກິລາ​ໃນ​ຮົ່ມ ແລະ ສູນ​ວາງສະແດງ​ຫຼາຍ​ແຫ່ງ ໃຫ້​ກາ ຍ ເປັນ​ໂຮງໝໍ​ຊົ່ວຄາວ “ຟ່າງ​ຊ່າງ” ຢ່າງ​ວ່ອງໄວ, ສາມາດ​ແກ້​ໄຂ​ບັນຫາ​ການ​ຂາດເຂີນ​ຕຽງ​ນອນ​ຄົນ​ເຈັບ ແລະ ສາມາດ​ຮັບ​ຜູ້​ປ່ວຍ​ເຂົ້າ​ປິ່ນປົວ​ໄດ້​ໃນ​ເວລາ​ອັນ​ສັ້ນໆ.
  ວັນ​ທີ 3 ກຸມພາ​ຜ່ານ​ມາ, ນະຄອນ​ອູ​ຮັ້ນ ໄດ້​ເລີ່ມ​ລົງມື​ກໍ່ສ້າງ​ໂຮງໝໍ​ຊົ່ວຄາວ “ຟ່າງ​ຊ່າງ” ແຫ່ງ​ທຳອິດ, ຮອດ​ວັນ​ທີ 27 ເດືອນ​ດຽວ​ກັນ, ໃນ​ໂຮງໝໍ​ປະກົດ​ມີ​ຕຽງ​ວ່າງ​ໄວ້​ສຳລັບ​ຜູ້​ປ່ວຍ. ນັບ​ລວມ​ແລ້ວ, ນະຄອນ​ອູ​ຮັ້ນ ໄດ້​ສ້າງ​ໂຮງໝໍ​ຊົ່ວຄາວ “ຟ່າງ​ຊ່າງ” 16 ແຫ່ງ ໂດຍ​ມີ​ທີ​ມແພດ 94 ທີມ, ທີ່​ມາຈາກ​ບັນດາ​ເຂດ, ແຂວງ​ຂອງ​ຈີນ ເຂົ້າ​ປະ ຈຳການ ແລະ ໄດ້​ສ້າງ​ສິ່ງ​ມະ ຫັດສະຈັນ ທີ່​ໄດ້​ຮັບ​ປິ່ນປົວ​ຜູ້​ປ່ວຍ 12 ພັນ​ກວ່າ​ຄົນ, ຈໍາ​ນວນ​ຜູ້​ຕິດເຊື້ອ​ພະຍາດ​ເປັນ​ສູນ, ຈໍາ​ນວນ​ຜູ້​ເສຍ​ຊີວິດ​ເປັນ​ສູນ ແລະ ບໍ່​ມີ​ຜູ້​ທີ່​ຫາຍ​ຂາດ​ແລ້ວ​ເກີດ​ພະຍາດ ແລະ ກັບ​ຄືນ​ມາ​ປິ່ນປົວ​ອີກ.
  ສິ່ງ​ມະຫັດສະຈັນ​ດັ່ງກ່າວ ເຕັມ​ໄປ​ດ້ວຍ​ສີສັນ​ພິເສດ ແລະ ສະຕິປັນຍາ​ແບບ​ຈີນ, ໄດ້​ສ່ອງ​ແສງ​ໃຫ້​ເຫັນ​ເຖິງ​ການ​ວິນິດ​ໄສ​ທີ່​ຖືກຕ້ອງ ແລະ ການ​ຕັດສິນ​ໃຈ​ໃຊ້​ມາດ​ຕະການ​ຢ່າງ​ເດັດຂາດ​ຂອງ​ການ​ນຳ​ຈີນ ໃນ​ການ​ຕໍ່ຕ້ານ​ການ​ແຜ່​ລະບາດ​ຂອງ​ພະຍາດ, ໄດ້​ສ່ອງ​ແສງ​ໃຫ້​ເຫັນ​ເຖິງ​ຄວາມ​ສາມັກຄີ​ເປັນ​ຈິດ​ໜຶ່ງ​ໃຈ​ດຽວ​ກັນ​ຂອງ​ປະຊາຊົນ​ທົ່ວ​ປະເທດ​ຈີນ ແລະ ນ້ຳໃຈ​ວັດທະນະທຳ​ຊົນ​ຊາດ​ຈີນທີ່​ວ່າ; “ຝ່າຍ​ໜຶ່ງ​ພົບ​ຄວາມ​ຫຍຸ້ງຍາກ ທຸກ​ຝ່າຍ​ຈະ​ໃຫ້ການ​ຊ່ວຍເຫຼືອ” ທີ່​ໄດ້​ສືບ​ທອດ​ມາ​ແຕ່​ບູຮານ​ນະ​ການ. ຈາກ​ຄວາມ​ບໍ່​ມີ ມາສູ່​ມີ, ຈາກ​ມີ ມາສູ່​ຄວາມ​ເປັນ​ໄປ​ດ້ວຍ​ດີ, ພຽງ​ແຕ່ 30 ກວ່າ​ມື້​ເທົ່າ​ນັ້ນ, ໂຮງໝໍ​ຊົ່ວຄາວ ກໍ​ໄດ້​ເຮັດ​ສຳເລັດ​ໜ້າທີ່​ຂອງ​ຕົນ. ທັງ​ໝົດ​ນີ້ ລ້ວນ​ແຕ່​ໄດ້​ສ່ອງ​ແສງ​ໃຫ້​ເຫັນ​ເຖິງ​ທ່າແຮງ​ດ້ານ​ລະບອບ​ສັງຄົມ​ນິຍົມ​ຂອງ​ຈີນ ແລະ ກໍ​ຄື​ເຄັດ​ລັບ​ທີ່​ໂຮງໝໍ​ຊົ່ວຄາວ “ຟ່າງ​ຊ່າງ” ຂອງ​ຈີນ ໄດ້​ດຳເນີນ​ງານ​ໄປ​ດ້ວຍ​ດີ ໃນ​ການ​ຕ້ານ​ການ​ແຜ່​ລະບາດ​ຂອງ​ພະຍາດ COVID-19.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110