ຫົວ​ຂໍ້ : ຫວຽດນາມ ປຸກລະດົມທົ່ວປວງຊົນປ້ອງກັນ COVID-19

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 19/03/2020 08:51:11 ຈຳ​ນວນ​ຜູ້​ເຂົ້າ​ຢ້ຽມ​ຊົມ 901 ຄັ້ງ

  ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ຄະນະປະທານ​ຄະນະ​ກຳມະການສູນ​ກາງ​ແນວ​ໂຮມ​ປະເທດຊາດ ຫວຽດນາມ ຈັດ​ກອງປະຊຸມ​ປຸກລະດົມ​ທົ່ວ​ປວງ​ຊົນ​ສະໜັບສະໜູນ​ການ​ປ້ອງກັນ,  ສະກັດກັ້ນ​ໂຣກ​ລະບາດ COVID-19, ໂດຍ​ມີ​ຜູ້​ໃຫ້ການ​ສະໜັບສະໜູນ​ໄດ້​ຈົດ​ທະບຽນ​ບໍລິຈາກ​ດ້ວຍ​ຈຳນວນ​ເງິນ​ຫຼາຍ​ກວ່າ  230 ຕື້​ດົງ (ສະກຸນ​ເງິນ​ດົງ ​ຫວຽດນາມ), ໃນ​ວັນ​ທີ 17 ມີນາ​ຜ່ານ​ມາ, ຢູ່​ນະຄອນຫຼວງ​ຮ່າ​ໂນ້ຍ.
  ຂ່າວ​ລະບຸ​ວ່າ: ເຂົ້າ​ຮ່ວມ​ພິທີ​ປຸກລະດົມ​ທົ່ວ​ປວງ​ຊົນ​ສະໜັບສະໜູນ​ການ​ປ້ອງ​ກັນ, ສະກັດ​ກັ້ນ​ໂຣກ​ລະບາດ CO VID-19, ທ່ານ ຫ​ງວຽນ​ຊວັນ​ຟຸກ ນາຍົກລັດຖະມົນຕີ ຫວຽດນາມ ຢັ້ງຢືນ​ວ່າ: ພັກ ແລະ ລັດ ຍາມ​ໃດ​ກໍຖື​ບັນຫາ​ສຸຂະພາບ​ຂອງ​ປະຊາຊົນ​ເປັນ​ສຳຄັນ​ທີ່​ສຸດ, ແມ່ນ​ບຸລິມະສິດ​ແຖວ​ໜ້າ​ໃນ​ການ​ປະຕິບັດ​ເປົ້າ​ໝາຍ​ນຳພາ, ຄຸ້ມ​ຄອງ​ເສດຖະກິດ-ສັງ ຄົມ​ຂອງ​ປະເທດ​ຊາດ. ທ່ານ ຫ​ງວຽນ​ຊວັນ​ຟຸກ ໄດ້​ຮຽກຮ້ອງ​ການ​ເຂົ້າ​ຮ່ວມ​ຢ່າງ​ແຮງ​ຂອງ​ທົ່ວ​ລະບົບ​ການເມືອງ, ທຸກ​ຂັ້ນ, ທຸກ​ຂະແໜງການ, ທຸກ​ຊັ້ນ​ວັນນະ​ໃນ​ສັງ​ຄົມ. ພິເສດ ແມ່ນ​ຄວາມ​ຕື່ນ​ຕົວ, ສະຕິ​ການ​ ປະຕິບັດ​ຂອງ​ປະຊາຊົນ​ແຕ່ ລະຄົນ​ສຳລັບ​ບັນດາ​ຂໍ້​ກຳນົດ, ຂໍ້​ສະເໜີ​ແນະ​ຂອງ​ບັນດາ​ອົງການ​ສາທາລະນະ​ສຸກ, ອຳນາດ​ການ​ປົກຄອງ​ທຸກ​ຂັ້ນ.
  ທ່ານນາຍົກລັດຖະມົນຕີ ຫວຽດນາມ ກ່າວ​ຢໍ້າ​ວ່າ: ຂ້າພະເຈົ້າ​ ຮຽກຮ້ອງ​ໃຫ້​ພໍ່​ແມ່​ປະຊາຊົນ​ທຸກ​ຊັ້ນ​ວັນນະ ແລະ ນັກຮົບ​ໃນ​ທົ່ວ​ປະເທດ ຈົ່ງ​ເສີມ​ຂະຫຍາຍ​ໝາກຜົນ​ທີ່​ບັນລຸ​ໄດ້, ສືບຕໍ່​ພະຍາຍາມ​ຈົນສຸດ​ຄວາມ​ສາມາດ​ຂອງ​ຕົນປະຕິ ບັດ​ບັນດາ​ມາດ​ຕະການ​ຢ່າງ​ເຂັ້ມ​ງວດ​ກວ່າເກົ່າ ເພື່ອ​ສະກັດ​ກັ້ນ​ໂຣກ​ລະ​ບາດ. ເພື່ອ​ເຮັດ​ໄດ້​ສິ່ງ​ນັ້ນ ຄວນ​ມີ​ການ​ເຂົ້າ​ຮ່ວມ​ຢ່າງ​ແຮງ​ຂອງ​ທົ່ວ​ລະບົບ​ການເມືອງ, ທຸກ​ຂັ້ນ, ທຸກ​ຂະ ແໜງການ, ທຸກ​ຊັ້ນ​ຄົນ​ໃນ​ສັງ​ຄົມ. ພິເສດ ແມ່ນ​ຄວາມ​ຕື່ນ​ຕົວ, ສະຕິ​ການ​ປະຕິບັດ​ຕາມ​ການ​ກຳນົດ, ຄຳ​ກ່າວ​ເຕືອນ​ຂອງ​ກະຊວງ​ສາທາລະນະ​ສຸກ, ອຳນາດ​ການ​ປົກຄອງ​ທຸກ​ຂັ້ນ. ໄລ່​ຮອດ​ຈຸດ​ເວລາ​ນີ້​ວຽກ​ງານ​ປຸກລະດົມ​ມີ 30 ກວ່າ​ຫົວໜ່ວຍ, ຜູ້​ໃຫ້ການ​ສະໜັບສະໜູນ​ໄດ້​ຈົດ​ທະບຽນ​ບໍລິຈາກ​ດ້ວຍຈຳ ນວນ​ເງິນ​ຫຼາຍ​ກ່​ວາ 230 ຕື້​ດົງ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110