ຫົວ​ຂໍ້ : UNDP ໜູນຊ່ວຍຫວຽດນາມຮັບມືກັບໄພແລ້ງ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 20/03/2020 08:43:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1300 ຄັ້ງ

  ວິທະຍຸ​ກະຈາຍສຽງຫວຽດນາມ​ລາຍ​ງານ​ວ່າ: ວັນທີ 17 ມີນາ​ຜ່ານ​ມາ, ຢູ່​ຮ່າໂນ້ຍ, ກະຊວງ​ກະສິກຳ ແລະ ພັດທະນາ​ຊົນນະບົດ​ຫວຽດນາມ ແລະ ໂຄງການ​ພັດທະນາ​ຂອງ​ສປຊ (UNDP) ໄດ້​ລົງ​ນາມ​ໃນ​ຂໍ້​ຕົກລົງ​ຢ່າງ​ເປັນ​ທາງ​ການ​ກ່ຽວ​ກັບ​ການ​ໜູນ​ຊ່ວຍ​ໃຫ້​ແກ່​ບັນດາ​ແຂວງ​ຢູ່​ເຂດ​ທົ່ງພຽງ​ແມ່ນຳ້​ຂອງ​ທາງ​ພາກ​ໃຕ້​ຫວຽດນາມ ທີ່​ພວມ​ປະສົບ​ກັບ​ໄພ​ແຫ້ງແລ້ງ ແລະ ນຳ້​ທະເລ​ຊຶມ.
  ຂ່າວ​ລະບຸ​ວ່າ: ຕາມ​ຂໍ້ຕົກລົງ​ດັ່ງກ່າວ, UNDP ຈະ​ ມອບໃຫ້​ປະຊາຊົນ​ເຂດທົ່ງພຽງ​ແມ່ນຳ້​ຂອງ​ທາງ​ພາກໃຕ້​ ຫວຽດນາມ​ບ້ວງ​ເງິນໜູນ​ຊ່ວຍ 185.000 ໂດ​ລາ ຈາກ​ກອງ ​ທຶນ​ສຸກ​ເສີນ​ທົ່ວ​ໂລກ​ ເພື່ອໜູນ​ ຊ່ວຍ​ການ​ຮັບ​ມື​ກັບ​ສະພາບ ​ແຫ້ງແລ້ງ ແລະ ນຳ້​ທະເລຊຶມ ຢູ່​ເຂດ​ທົ່ງພຽງ​ແມ່ນຳ້​ຂອງ​ທາງ​ພາກ​ໃຕ້​ຫວຽດນາມ ໂດຍ​ ຜ່ານ​ ກະຊວງ​ກະສິກຳ ແລະ ພັດທະ ນາ​ຊົນນະບົດ​ຫວຽດນາມ. 
  ນອກຈາກ​ນັ້ນ, UNDP ກໍຈະ​ໜູນ​ຊ່ວຍ​ການ​ເຈລະຈາ​ດ້ານ​ນະໂຍບາຍ​ໃນ​ການ​ປ້ອງ​ກັນ, ຕ້ານ​ໄພ​ທຳ​ມະ​ຊາດ​ກ່ຽວ​ກັບ​ໄພ​ແຫ້ງແລ້ງ ແລະ ນຳ້​ທະເລ​ຊຶມ, ນຳ​ໃຊ້​ເຕັກ​ໂນ​ໂລ​ຊີ​ມື​ຖື ເພື່ອ​ອັບ​ເດດ​ຜົນ​ເສຍ​ຫາຍ​ທີ່​ເກີດ​ຈາກ​ໄພ​ທຳ​ມະ​ຊາດ, ໃນ​ນັ້ນ ມີ​ບັນຫາ​ໄພ​ແຫ້ງແລ້ງ ແລະ ນ້ຳ​ທະເລ​ຊຶມ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110