ພາຍໃຕ້ການນຳພາຂອງພັກ ປປ ລາວ ປທສ ປະກອບສ່ວນຂັບເຄື່ອນການພັດທະນາເສດຖະກິດ-ສັງຄົມ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 20/03/2020 08:48:50 ຈຳ​ນວນ​​ຢ້ຽມ​ຊົມ 406 ຄັ້ງ

ຄຳເຫັນຂອງສະຫາຍ ທັນສະໄໝ ກົມມະສິດ ກຳມະການສູນກາງພັກ ລັດຖະມົນຕີ ກະຊວງ ປທສ

   ກະຊວງ​ໄປສະນີ​ໂທລະ​ຄົມມະນາຄົມ ​ແລະ ​ການ​ສື່ ສານ (ປທສ) ໃນ​ນາມ​ເປັນ​ອົງ ການ​ຄຸ້ມ​ຄອງ​ມະຫາ​ພາກ​ທາງ​ດ້ານ​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານ​ໄດ້​ເຮັດ​ສຳເລັດ​ໜ້າທີ່​ການເມືອງ ດ້ວຍ​ຄວາມ​ຮັບຜິດຊອບ​ສູງ​ ເພື່ອ​ນໍາ​ພາ​ຂະແໜງ​ຫັນ​ເປັນ​ອຸດ​ສາ​ຫະ​ກໍາ​ ແລະ ​ທັນ​ສະໄໝ, ກາຍເປັນ​ເຄື່ອງມື​ທີ່​ສໍາ​ຄັນ​ ໃນ​ການ​ຂັບ​ເຄື່ອນ​ການ​ພັດທະນາ​ເສດ​ຖະ​ກິດ​-​ສັງຄົມ​ໃຫ້​ເຂັ້ມແຂງຍືນ​ຍົງ​ແລະ​ ເປັນ​ການ​ເຊື່ອມ​ໂຍງ​ກັບ​ພາກ​ພື້ນ ​ແລະ​ ສາກົນ ຊຶ່ງ​ຜົນ​ສໍາ​ເລັດ​ທີ່​ພົ້ນ​ເດັ່ນ​ ໃນ​ສົກ​ປີຜ່ານມາ​ມີ​ດັ່ງ​ລຸ່ມ​ນີ້:1.ໄດ້​ສໍາ​ເລັດ​ການ​ເປັນ​ເຈົ້າພາບ​ໝູນວຽນ​ກອງ​ປະ ຊຸມ​ລັດຖະມົນຕີ ໄອ​ຊີ​ທີ ອາ​ຊຽນ ຄັ້ງ​ທີ 19, ນອກຈາກ 10 ປະເທດ​ອາ​ຊຽນ​ເຂົ້າ​ຮ່ວມຍັງ ມີຄູ່​ຮ່ວມ​ເຈລະຈາ​ຄື: ສປ ຈີນ, ຍີ່ປຸ່ນ,  ສ.ເກົາຫຼີ,  ເຂົ້າ​ຮ່ວມ ໃນລະດັບ​ເຈົ້າ​ໜ້າທີ່ອາວຸໂສ   (SOM) ຍັງ​ມີ​ອິນ​ເດຍ, ອີ​ຢູ, ອາ​ ເມຣິ​ກາ ແລະ ອົງການໂທລະ ​ຄົມມະນາຄົມ​ສາກົນ ​ພາຍ​ໃຕ້​ຄໍາ​ຂວັນ: “ການ​ເຊື່ອມ​ໂຍງ​ທີ່​ທັນ​ສະໄໝ​ ເພື່ອ​ການ​ຫັນ​ປ່ຽນ​ໄປ​ສູ່​ລະບົບ​ດີຈີຕອນ​ຂອງ​ອາ​ຊຽນ”  ຊຶ່ງ​ເປັນ​ການ​ເນັ້ນ​ໜັກ​ເຖິງ​ບົດ​ບາດ​ສໍາ​ຄັນ​ຂອງ ສປປ ລາວ​ໃນ​ການ​ຫັນ​ເປັນ​ປະເທດ​ບໍລິການ​ທາງ​ຜ່ານ​  ແລະ​ ໃຈກາງ​ເຊື່ອມ​ໂຍງ​ເຊື່ອມ​ຈອດ​ຂອງ​ພາກ​ພື້ນ​ທັງ​ທາງ​ດ້ານ​ເຄືອ​ຂ່າຍ​ສື່ສານ​ຂໍ້​ມູນ​ຂ່າວສານ​ແລະ ​ທາງ​ດ້ານ​ນິຕິ​ກໍາ​ລະບຽບ​ຫຼັກການ​ທີ່​ຕິດ​ພັນ ແລະ​  ຄົງໄວ້​ ຄວາມ​ໝັ້ນຄົງ​ປອດ​ໄພ​ຂອງແຕ່​ ລະ​ປະເທດ​ສະມາຊິກ​ອາ​ຊຽນ. 2. ສໍາ​ເລັດ​ການ​ກໍາ​ນົດຕາໍ່ແໜ່ງ ​ງານ​ຄືນໃໝ່​ທັງ​ສູນ​ກາງ  ແລະ ທ້ອງຖິ່ນ  ເພື່ອ​ໃຫ້​ເໝາະ​ສົມ ແລະ  ກະທັດ​ຮັດ,  ຍຸບ​ຫ້ອງ ການ  ປທສ  ບາງ​ເມືອງ​ທີ່​ບໍ່ແທດ ເໝາະ, ໄດ້​ສັບຊ້ອນ, ຈັດ​ວາງ​ພະນັກງານ​ທຸກ​ຂັ້ນ  ເພື່ອ​ໃຫ້​ແທດເໝາະ​ກັບ​ຄວາມ​ຮູ້​ຄວາມ​ສາມາດກັບ​ໜ້າ​ວຽກ​ຕົວ​ຈິງ. 3. ໄດ້​ກວດກາ​ ແລະ​ ປັບປຸງ​ຄືນໃໝ່​ການເຄື່ອນໄຫວ​ທຸລະ​ກິດ​ຂອງ​ບໍລິສັດ​ລັດ​ວິ​ສາ​ຫະ​ກິດ​ໄປສະນີ​ລາວ​ ແລະ ​ສະ​ຖາ​ບັນ​ເງິນ​ຝາກ​ປະ​ຢັດ. 4. ໄດ້​ທົດ​ລອງ​ນໍາ​ໃຊ້​ລະບົບ​ອອກ​ໃບຮັບ​ຮອງ​ເອ​ເລັກ​ໂຕ​ຣ​ນິກ​ແຫ່ງ​ຊາດ (NRCA) ເພື່ອ​ກຽມ​ຄວາມ​ພ້ອມ​ໃນ​ການ​ເຮັດ​ທຸ​ລະ​ກໍາ​ອອນ​ລາຍ. 5. ສຳ​ຫຼັບ​ວຽກ​ບໍລິຫານ​ລັດ​ດ້ວຍ​ເອ​ເລັກ​ໂຕ​ຣ​ນິກ  (E-Government) ໄດ້​ມີ​ຜົນ​ເລັ​ດສໍາ​ຄັນ​ສາມ​ວຽກ​ຄື: ໜຶ່ງ, ໄດ້​ໃຫ້​ບໍລິ ການ​ສູນ​ຂໍ້​ມູນ​ເອ​ເລັກ​ໂຕ​ຣ​ນິກ​ແກ່​ບັນດາ​ອົງການ​ຈັດ​ຕັ້ງ​ລັດ​ແລະ ​ເອກະ​ຊົນ​ເປັນຕົ້ນ​ການ​ຝາກ​ເວັບ​ໄຊ​ທີ່​ມີ​ລະບົບ​ຄວາມ​ປອດ​ໄພ, ບໍລິການ​ລະບົບ​ອີເມວ​ ທາງ​ການ,  ບໍລິການ​ເຊີ​ເວີ.ສອງ, ສໍາ​ເລັດ​ການ​ສ້າງ​ລະບົບ​ຫ້ອງການ​ທັນ​ສະໄໝ (E-Office) ລວມ​ທັງ​ລະບົບ​ອີ​ເມວ ແລະ ກອງ​ປະຊຸມ​ທາງໄກ​ສຳລັບ​ພາກ​ລັດ  ພ້ອມ​ທັງ​ໄດ້​ຈັດ​ສໍາ​ມະ​ນາ​ເຜີຍແຜ່​ແນະ​ນໍາ​ ວິທີ​ໃຊ້​ໃຫ້​ບັນດາ​ກະຊວງ​ອົງ ການ​ທຽບ​ເທົ່າ ແລະ ອົງການ​ປົກຄອງ​ແຂວງ​ຈຳນວນ​ໜຶ່ງ.ສາມ, ສໍາ​ເລັດ​ເບື້ອງ​ຕົ້ນ​ລະບົບ​ບໍລິການ​ປະຕູ​ດຽວ​ຖານ​ຂໍ້​ມູນ​ພາກ​ລັດ (e-Government portal) ເຊື່ອມ​ໂຍງ​ຂໍ້​ມູນ ແລະ ການ​ບໍລິການ​ພາກ​ລັດ​ໄດ້​ໃນ​ຂັ້ນ​ພື້ນ​ຖານ.  ສຳເລັດ​ເບື້ອງ​ຕົ້ນ​ຮ່າງ​ແຜນ​ແມ່​ບົດ​ການ​ຫັນ​ເປັນ​ທັນ​ສະໄໝ​ດ້ວຍ​ລະບົບ​ດີ​ຈີ​ຕອນ​ຂອງ ສປປ​ ລາວ; ໄດ້​ລິ​ເລີ່ມໂຄງການ​ຫັນ​ເປັນ​ທັນ​ສະໄໝ ໃນ​ການ​ຊຳລະ​ສະ​ສາງ ແລະ ການ​ເກັບ​ລາຍ​ຮັບ​ເຂົ້າ​ງົບປະມານ  ​ຊຶ່ງ​ໄດ້​ລາຍ​ງານ​ຕໍ່​ກອງ​ປະຊຸມລັດຖະບານ​ໃນ​ເດືອນ​ມັງກອນ 2020 ແລະ ໄດ້​ມີ​ມະຕິ​ໃຫ້​ແຕ່ງຕັ້ງ​ຄະນະ​ສະເພາະ​ກິດ​ໃນ​ເລື່ອງ​ນີ້. ດ້ານ​ການ​ພັດທະນາ​ພື້ນຖານ​ໂຄງ​ລ່າງ ແລະ ຄວາມ​ປອດ​ໄພໄອ​ຊີ​ທີ:
   ກະ​ຊວງ​ໄດ້​ອະນຸຍາດ​ໃຫ້​ບັນດາ​ບໍລິສັດ​ໂທລະ​ຄົມທົດ​ລອງ​ນໍາ​ໃຊ້​ລະບົບ 5G ເພື່ອ​ກຽມ​ຄວາມ​ພ້ອມ​ແກ່​ການ​ຫັນ​ປຽ່ນ​ສູ່​ເສດຖະກິດດີຈີ​ຕອນ ແລະ ອຸດ​ສາ​ຫະ​ກໍາ 4.0  ຕາມ​ທິດ​ກ້າວ​ໃຫ້​ທັນ ແລະ  ໝູນ​ໃຊ້​ໃຫ້​ເໝາະ​ສົມກັບ​ລະດັບ​ການ​ເຕີບ​ໂຕ​ຂອງ​ອຸດສາຫະກຳ​ການ​ຜະລິດ ແລະ ການ​ບໍລິການ​ຂອງ​ປະ​ເທດ. ໄດ້​ສໍາ​ເລັດ​ສ້າງ​ສະຖານີ​ກວດກາ​ຄື້ນ​ຄວາມຖີ່​ ວິທະຍຸ​ສື່ສານ​ແບບ​ບໍໍ່​ມີ​ຄົນປະ ຈຳ 2 ແຫ່ງ​ທີ່​ສະໜາມ​ບິນ​ສາ ກົນວັດ​ໄຕ​  ແລະ ເມືອງ​ຈັນທະ​ບູ​ລີ  ນະຄອນຫຼວງ​ວຽງ​ຈັນ.ດ້ານ​ນະໂຍບາຍ ແລະ ນິຕິ​ກຳ: ໄດ້​ສືບຕໍ່​ຄົ້ນ​ຄວ້າ​ປັບປຸງ​ນະ ໂຍບາຍ​ແຫ່ງ​ຊາດ​ດ້ານໄອ​ຊີ​ທີ​ສະບັບ​ເດີມ (ທີ່​ໄດ້​ກຳນົດ​ອອກ​ໃນ​ປີ 2009) ແລະ ໄດ້​ສຳເລັດ​ການ​ສ້າງ​ຮ່າງ​ເບື້ອງ​ຕົ້ນ​ແຜນ​ແມ່​ບົດ​ການ​ຫັນ​ເປັນ​ທັນ​ສະໄໝ​ດ້ວຍ​ລະບົບ​ດີ​ຈີ​ຕອນ​ຂອງ ສປປ​ລາວ. ດ້ານ​ນິຕິ​ກຳ​ສ້າງ​ ປີ 2019 ມີດຳລັດ 2 ສະບັບ, ຂໍ້​ຕົກລົງ 3 ສະບັບ, ຄຳ​ແນະນຳ 1 ສະບັບ​ເຊັ່ນ: ດຳລັດ ວ່າ​ດ້ວຍ​ການ​ສື່ ສານ​ຜ່ານ​ດາວ​ທຽມ,  ດຳລັດ​ວ່າ​ດ້ວຍ​ລະບົບ​ສາຍ​ສົ່ງ​ໂທລະ​ຄົມ​ມະ​ນາ​ຄົມ. ການ​ພັດທະນາ​ບຸກ​ຄະລາ​ກອນ: ໄດ້​ໃຫ້​ຄວາມ​ສໍາ​ຄັນ ​ໃນ​ອັນ​ດັບ​ຕົ້ນໆ​ຕໍ່​ວຽກ​ງານ​ພັດທະນາ​ມະ​ນຸດ. ດັ່ງນັ້ນ, ຈຶ່ງ​ໄດ້​ສຸມ​ງົບປະມານ​ ເພື່ອ​ພັດທະນາ  ແລະ  ປັບປຸງ​ໂຄງ​ລ່າງ​ດ້ານ​ການ​ສຶກສາ  ແລະ ປັບປຸງ​ລະບົບ​ການ​ສອນ​-​ການ​ຮຽນ​ທຸກ​ຂັ້ນ​ຂອງ​ສະ​ຖາ​ບັນ​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານໃຫ້​ມີ​ຄຸນ​ນະ​ພາບ​ແລະ​ ຄວາມ​ຕ້ອງການ​ຂອງ​ສັງ ຄົມ​ໃນ​ຍຸກ​ປັດຈຸ​ບັນ  ໂດຍ​ສຸມ​ໃສ່:  ປີ  2019  ສາມາດ​ສ້າງ​ບຸກ​ຄະລາ​ກອນ​ດ້ານ​ໄອ​ຊີ​ທີ ລະບົບ ຊັ້ນ​ສູງອອກ​ຮັບ​ໃຊ້ສັງຄົມ​ໄດ້ 275 ຄົນ. ຈັດການ​ຝຶກ​ອົບຮົມ, ສໍາ​ມະ​ນາ​ທັງ​ພາຍ​ໃນ  ແລະ ຕ່າງປະເທດ​ໄດ້ 475 ເທື່ອ​ຄົນ.ການ​ສົ່ງເສີມ​ອຸດສາຫະກຳ ໄອ​ຊີ​ທີ: ໄດ້​ສົ່ງເສີມ​ການ​ກຳເນີດ​ຜູ້​ປະກອບ​ການ Start up ທາງ​ດ້ານ​ໄອ​ຊີ​ທີ​ຈໍາ​ນວນ​ໜຶ່ງ ຊຶ່ງ​ໄດ້​ຊ່ວຍ​ໃນ​ການ​ເຂົ້າ​ຫາ​ແຫຼ່ງ​ທຶນ, ຕະຫຼາດ ແລະ ສົ່ງເສີມ​ການ​ນຳ​ໃຊ້​ຜະລິດ​ຕະ​ພັນ​ຂອງ​ເຂົາເຈົ້າ; ໄດ້​ຈັດ​ງານ​ວາງສະແດງ​ໄອ​ຊີ​ທີ  2019   ຊຶ່ງ​ມີ​ຫຼາຍ​ກວ່າ 100 ຜູ້​ປະກອບ​ການ​ທັງ​ພາຍ​ໃນ ແລະ​ຕ່າງປະເທດ​ມາ​ວາງສະແດງ​  ຊຶ່ງ​ງານ​ດັ່ງກ່າວ​ໄດ້​ຮັບ​ກຽດ​ເປີດ​ຂອງ​ທ່ານ​ນາຍົກ​ລັດ​ຖະ​ມົນ​ຕີ. ໄດ້​ຈັດ​ມີ​ການ​ແຂ່ງຂັນ​ປະ​ກວດ​ການ​ຄົ້ນຄວ້າ ແລະ ພັດທະນາ​ບໍລິການ​ທາງ​ດ້ານ​ໄອ​ຊີ​ທີ  ( ICT AWARD ) ເພື່ອ​ຄັດ​ເລືອກ​ເອົາ​ຕົວ​ແທນ​ຂອງ​ລາວ​ໄປ​ແຂ່ງຂັນ​ງານ ASEAN ICT AWARD ແລະ ໃນ​ປີ​ນີ້ ໄດ້​ຮັບ​ລາງວັນ​ຊະ ນະ​ເລີດ​ອັນ​ດັບ​ໜຶ່ງ ແລະ ອັນ​ດັບ​ສາມ​ຢ່າງ​ລະ​ໜຶ່ງ​ຜະລິດ​ຕະ​ພັນ. ການ​ພັດທະນາ​ໄປສະນີ: ໄດ້​ປັບປຸງ​ກົງຈັກ​ການ​ຄຸ້ມ​ຄອງ​ຂອງ​ລັດ​ ແລະ​ ລັດ​ວິ​ສາ​ຫະ​ກິດ​ໄປສະນີ​ລາວ​ໃຫ້​ສອດຄ່ອງ​ກັບ​ການ​ຫັນປ່ຽນ​ຂອງ​ຕະຫຼາດ​ໄປສະນີ​ຍຸກ​ໃໝ່​ ໂດຍ​ສະເພາະ​ແມ່ນ​ການ​ຄ້າ​ເອ​ເລັກ​ໂຕ​ຣ​ນິກ​ທີ່ກຳລັງ​ຂະຫຍາຍຕົວ​ຢ່າງ​ໄວ ວາ ພ້ອມ​ກັນ​ນັ້ນ​ກໍໄດ້​ຊຸກຍູ້​ໃຫ້​ຜູ້​ປະກອບ​ການ​ຕ້ອງ​ໄດ້ເອົາ ໃຈໃສ່​ການ​ບໍລິການ​ໃຫ້ໄດ້​ຕາມ​ມາດຕະຖານ​ເຕັກນິກ  ​ແລະ ​ຄຸນ​ນະ​ພາບ​ການ​ບໍລິການ​ທີ່ລັດ ​ວາງ​ອອກ ​ໂດຍ​ການ​ນຳ​ໃຊ້​ລະ ຫັດ​ໄປສະນີ 5 ໂຕເລກ​ເຂົ້າ​ໃນ​ການແຈກຢາຍ​ ແລະ ຫັນ​ໄປ​ສູ່​ການ​ຄຸ້ມ​ຄອງ​ແບບ​ເອ​ເລັກ​ໂຕ​ຼ​ນິກ​ຫຼາຍ​ຂຶ້ນ​  ໃນ​ການ​ນໍາ​ໃຊ້​ເຕັກ​ໂນ​ໂລ​ຊີ​ທີ່​ທັນ​ສະໄໝ​ເຂົ້າ​ຊ່ວຍ​ໃນ​ຮູບ​ແບບ​ຕ່າງໆເຊັ່ນ:  ບໍລິການ E-post, E-logistice, E-finance service ແລະ E-commerce ເປັນ ຕົ້ນ. ການ​ຮ່ວມ​ມື​ສາກົນ:  ໄດ້​ເຊັນ​ບົດ​ບັນທຶກ​ຄວາມ​ເຂົ້າໃຈ (MOU) 3 ສະບັບ​ກັບ​ກະຊວງ​ຄູ່​ຮ່ວມຂອງ ສສ ຫວຽດນາມ, ສປ ຈີນ ແລະ ສ.ເກົາຫຼີ, ໄດ້​ຮັບ​ທຶນ​ຊ່ວຍເຫຼືອ​​ຈໍາ​ນວນ​ຫຼາຍ​ໂຄງການ​ເຊັ່ນ: 1. ໂຄງການ​ສ້າງ​ຄວາມ​ເຂັ້ມແຂງ​ດ້ານ​ວິຊາ​ການ​ຂອບ​ການ​ຮ່ວມມື​ແມ່ນ້ຳ​ຂອງ​-​ແມ່​ນໍ້າ​ລ້ານ​ຊ້າງ, 2. ໂຄງການ ຊ່ວຍເຫຼືອ​ດ້ານ​ຊ່ຽວຊານສ້າງ​    ຄູ​ຝຶກ​ໄອ​ທີ​ຈາກ​ອິນ​ເດ​ຍ ​ແລະ 3. ໂຄງການ​ສະໜອງ​ອິນ​ເຕີ​ເນັດ​ໃຫ້​ແກ່​ສາທາລະນະ   (Free WiFi System)  ເພື່ອ​ສົ່ງເສີມ​ການທ່ອງທ່ຽວ 3 ຈຸດ​ຢູ່​ໃນ​ນະ ຄອນຫຼວງ​ວຽງ​ຈັນ ແລະ ອີກ 2  ໂຄງການ​ຊ່ວຍເຫຼືອ​ຈາກ ສປ ຈີນ:  ໂຄງການ​ໂທລະພາບ​ດີຈີ​ຕອນ​ໄລຍະ​ທີ​ໜຶ່ງ 30 ບ້ານ (ຈາກທັງ​ໜົດ 100  ບ້ານ)  ແລະ ໂຄງການ​ຍົກ​ລະດັບ​ສະຖາ​ບັນ ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານ (ສ້າງ​ສູນ​ຝຶກ​ອົບຮົມ​ເຕັກນິກ​ຄົບ​ຊຸດ).
   ດ້ານ​ການ​ຄຸ້ມ​ຄອງພາກ​ທຸລະ​ກິດ (ຈຸ​ລະ​ພາກ): ສຳລັບ​ຂະແໜງ​ໂທລະ​ຄົມມະນາຄົມ ແລະ ອິນ​ເຕີ​ເນັດຜູ້​ນໍາ​ໃຊ້​ ໃນ​ລະບົບ​ໂທລະສັບ​ຕັ້ງ​ໂຕະ  ແລະ ມື​ຖື​ມີ  6,4  ລ້ານ​ເລກ​ໝາຍ, ທຽບໃສ່​ປີຜ່ານມາ  ເພີ່ມ​ຂຶ້ນ 24%  ແລະ  ຜູ້​ນໍາ​ໃຊ້​ອິນ​ເຕີເນັດ​ທັງ​ໝົດ 3,5 ລ້ານ​ບັນຊີ ທຽບ  ໃສ່​ປີຜ່ານມາ  ເພີ່ມ​ຂຶ້ນ 17%; ມີ​ອັດຕາ​ການ​ຊົມໃຊ້​ອິນ​ເຕີ​ເນັດ 47% ຂອງ​ປະຊາກອນ, ເຮັດ​ໃຫ້​ສາມາດ​ສ້າງ​ລາຍ​ຮັບ​​ໝົດ​ປີ 2019  ໄດ້​ປະມານ  3.571 ຕື້​     ກວ່າ​ກີບ​  ທຽບໃສ່ປີຜ່ານມາ​ເພີ່ມ​ຂຶ້ນ  7%, ກໍາ​ໄລ 628  ຕື້​ກີບ, ມອບ​ພັນທະ​ໃຫ້​ລັດ  745  ຕື້​ກ່ວາກີບ  ສຳລັບລາຍ​ຮັບ​ຂະ ແໜງໄປສະນີ​ໝົດປີ​ ປະຕິບັດ​ໄດ້ 89,23 ຕື້​ກີບ  ທຽບໃສ່​ປີ ຜ່ານມາ​ເພີ່ມ​ຂຶ້ນ 10%, ມອບ​ພັນທະ​ໃຫ້​ລັດ 1,57 ຕື້​ກີບ. ລາຍ​ຮັບ​ທັງ​ໝົດ​ທົ່ວ​ຂະແໜງ​ການ​ ປທສ ​ໃນ​ປີ 2019 ປະຕິບັດ​ໄດ້​ປະມານ 3.660 ຕື້​ກວ່າ​ກີບ, ທຽບໃສ່​ປີຜ່ານມາ  ເພີ່ມ​ຂຶ້ນ 7% ຊຶ່ງ​ໄດ້​ປະກອບ​ສ່ວນ​ສໍາ​ຄັນ​ເຂົ້າ GDP ແຫ່ງ​ຊາດ​ ໃນ​ປີ​ດຽວ​ກັນ.  ການ​ມອບ​ພັນທະ​ຂອງ​ທົ່ວ​ຂະແໜງການ  ປທສ ເຂົ້າ​ງົບປະມານ​ແຫ່ງ​ລັດ​  ໃນ​ປີ 2019 ປະຕິບັດ​ໄດ້​ປະມານ  747 ຕື້​ກວ່າ​ກີບ ທຽບໃສ່​ປີຜ່ານ ມາ ຫຼຸດ​ລົງ 10 %. ທັງໝົດ​ນັ້ນ, ແມ່ນ​ໝາກຜົນອັນ ​ສໍາ​ຄັນ  ແລະ ພົ້ນ​ເດັ່ນທີ່​ຍາດມາ​ໄດ້ດ້ວຍ​ຄວາມ​ບຸກ​ບືນ ແລະ ເອົາໃຈໃສ່​ຂອງ​ບັນດາ​ຂະແໜງການ  ປທສ ໃນ​ຂອບ​ເຂດ​ທົ່ວ​ປະເທດ,  ລວມ​ທັງ​ເປັນ​ຜົນງານ​ຂອງ​ບັນດາ​ກົມ, ທຽບ​ເທົ່າ, ບັນດາ​ພະ​ແນກ  ປທສ​ ແຂວງ, ນະຄອນຫຼວງ,  ລັດ​ວິ​ສາ​ຫະ​ກິດ,  ຜູ້​ປະກອບ​ການທີ່​ໄດ້​ປະກອບສ່ວນ​ຢ່າງ​ຕັ້ງ ໜ້າ, ເປັນ​ເຈົ້າ​ການ ແລະ ດ້ວຍ​ຄວາມ​ຮັບຜິດຊອບ​ສູງ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110