Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ພັກນຳພາທຸກໄຊຊະນະ ຂອງການປະຕິວັດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 20/03/2020 08:50:56 ຈຳ​ນວນ​ຜູ້​ເຂົ້າ​ຢ້ຽມ​ຊົມ 399 ຄັ້ງ

   ປວງ​ຊົນ​ລາວ​ທັງ​ຊາດ ມີ​ຄວາມ​ປິ​ຕິ​ຊົມຊື່ນ ແລະ ເອກອ້າງ​ທະ​ນົງ​ໃຈ​ເປັນ​ຢ່າງ​ຍິ່ງ ທີ່​ໄດ້​ພ້ອມ​ກັນ​ຈັດ​ຕັ້ງ​ການ​ສະເຫຼີມສະຫຼອງ​ວັນ​ຄົບຮອບ 65 ປີ ແຫ່ງ​ການ​ສ້າງຕັ້ງ ພັກ​ປະຊາຊົນ ປະຕິວັດ​ລາວ ທີ່​ມີ​ກຽດ​ສະຫງ່າ, ຜູ້​ຈັດ​ຕັ້ງ​ນຳພາ​ທຸກ​ໄຊຊະນະ​ຂອງ​ການ​ປະຕິວັດ​ຢູ່​ປະເທດ​ເຮົາ ຊຶ່ງ​ການ​ສະເຫຼີມສະຫຼອງ​ວັນ​ສຳຄັນ​ດັ່ງກ່າວ ແມ່ນ​ດຳເນີນ​ໃນ​ທ່າມກາງ​ບັນຍາກາດ​ທີ່​ທົ່ວ​ພັກ​ທົ່ວ​ປວງ​ຊົນ​ລາວ​ທັງ​ຊາດ ມີ​ຄວາມ​ເບີກບານ​ມ່ວນຊື່ນ​ຕໍ່​ໝາກຜົນ​ສຳເລັດ​ໃນ​ຫຼາຍ​ດ້ານ​ຂອງ​ພາລະກິດ​ປ່ຽນແປງ​ໃໝ່ ແລະ ພວມ​ອອກແຮງ​ແຂ່ງຂັນ​ກັນ​ສ້າງ​ຜົນງານ​ຮັບ​ຕ້ອນ​ວັນ​ສຳຄັນ​ຂອງ​ພັກ, ຂອງ​ຊາດ ໂດຍ​ສະເພາະ​ວັນ​ສະຖາປະນາ ສປປ ລາວ ຄົບຮອບ 45 ປີ, ວັນ​ເກີດ​ຂອງ​ປະທານ ໄກສອນ ພົມວິຫານ ຜູ້ນຳ​ທີ່​ແສນ​ເຄົາລົບ​ຮັກ ຄົບຮອບ 100 ປີ ແລະ ວັນ​ສຳຄັນ​ອື່ນໆ. ພ້ອມ​ນີ້ ປີ 2020 ຍັງ​ເປັນ​ປີ​ມ້ວນທ້າຍ​ແຫ່ງ​ການຈັດຕັ້ງ​ປະຕິບັດ ມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກ, ແຜນ​ພັດທະນາ​ເສດ​ຖະ​ກິດ​-​ສັງຄົມ​ແຫ່ງ​ຊາດ 5 ປີ​ ຄັ້ງ​ທີ VIII ເປັນ​ໄລຍະ​ເວລາ​ທີ່​ຕ້ອງ​ດຳເນີນ​ການ​ຢ່າງ​ຂຸ້ນຂ້ຽວ ໃນ​ການ​ກະກຽມ​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ ແລະ ດຳເນີນ​ກອງ​ປະຊຸມ​ໃຫຍ່​ຂັ້ນ​ເມືອງ, ແຂວງ​-​ນະຄອນຫຼວງ ແລະ ກະ​ຊວງ​-​ອົງການ ຕາມ​ຈິດ​ໃຈ​ຊີ້​ນຳ​ສ້າງ​ການ​ຫັນປ່ຽນ​ຢ່າງ​ແຂງແຮງ, ເລິກເຊິ່ງ ແລະ ຮອບ​ດ້ານ.
ຫວນ​ຄືນ​ປະຫວັດສາດ 65 ປີ ແຫ່ງ​ການ​ນຳພາ ແລະ ກໍ່ສ້າງ, ພັກ ປປ ລາວ ໄດ້​ຜ່ານ​ຫຼາຍ​ເສັ້ນທາງ​ລະ​ອິດ​ລະ​ອ້ຽວ​ຈາກ​ບ່ອນ​ບໍ່​ມີ​ຄົນ​ລາວ​ເທົ່າໃດ​ຄົນ​ທີ່​ເປັນ​ສະມາຊິກ​ພັກ ຂອງ​ພັກ​ກອມ​ມູ​ນິດ​ອິນດູຈີນ ກ້າວ​ຂຶ້ນ​ຈັດ​ຕັ້ງ​ເປັນຄະນະ​ບໍລິຫານ​ງານ​ພັກ​ກອມ​ມູ​ນິດ​ອິນດູຈີນ ປະຈຳ​ແຄວ້ນ​ລາວ ແລະ ຈົນ​ສາມາດ​ຈັດ​ຕັ້ງ​ເປັນ ພັກ​ປະຊາຊົນ ປະຕິວັດ​ລາວ (ພັກ ປປ ລາວ).
   ການ​ກຳເນີດ​ເກີດ​ຂຶ້ນ​ຂອງ ພັກ ປປ ລາວ ແມ່ນ​ວິວັດ​ການ​ອັນ​ຈຳເປັນ​ທາງ​ປະຫວັດສາດ, ແມ່ນ​ຄວາມ​ຮຽກຮ້ອງ​ຕ້ອງການ​ພາວະ​ວິໄສ​ຂອງ​ຂະບວນ​ການ​ຕໍ່ສູ້​ປະຕິວັດ​ຂອງ​ປະຊາຊົນ​ລາວ​ບັນດາເຜົ່າ ໂດຍ​ຕອບ​ສະໜອງ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ພາລະກິດ​ການ​ຕໍ່ສູ້​ກູ້​ຊາດ ແລະ ການ​ເຕີບ​ໃຫຍ່​ຂະຫຍາຍຕົວ​ຂອງ​ກຳລັງ​ປະຕິວັດ​ຢູ່​ປະເທດ​ເຮົາ, ໃນ​ວັນ​ທີ 22 ມີນາ 1955 ຢູ່​ເຂດ​ທີ່​ໝັ້ນ​ແຂວງ​ຫົວພັນ ພັກ​ປະຊາຊົນ ປະຕິວັດ​ລາວ ໄດ້​ຮັບ​ການ​ສ້າງຕັ້ງ​ຂຶ້ນ ຊຶ່ງ​ສືບ​ທອດ​ພາລະກິດ​ອັນ​ມີ​ກຽດ​ສະຫງ່າ​ຂອງ​ພັກ​ກອມ​ມູ​ນິດ​ອິນດູຈີນ ຮັບ​ເອົາ​ພາລະ​ກຳ​ປະຫວັດສາດ​ອັນ​ແສນ​ຫຍຸ້ງຍາກ​ລຳບາກ, ແຕ່​ສະຫງ່າ​ລາສີ​ທີ່​ສຸດ ແຫ່ງ​ການ​ນຳພາ​ຂະບວນ​ການ​ຕໍ່ສູ້​ຂອງ​ປະຊາຊົນ​ລາວ​ເຮົາ.
   ພາຍຫຼັງ​ທີ່​ໄດ້​ຖືກ​ສ້າງຕັ້ງ​ຂຶ້ນ ແລະ ມີ​ການ​ນຳພາ​ຂອງ​ພັກ, ການ​ຕໍ່ສູ້​ຂອງ​ປວງຊົນ​ລາວ​ເຮົາ ຍິ່ງ​ເຕີບ​ໃຫຍ່​ຂະຫຍາຍຕົວ, ຍາດ​ໄດ້​ໄຊຊະນະ​ໜັກ​ແໜ້ນ​ຂຶ້ນ​ເປັນ​ກ້າວໆ,

   ຈາກ​ໄຊຊະນະ​ນີ້ ໄປ​ສູ່​ໄຊຊະນະ​ໃໝ່​ທີ່​ໃຫຍ່​ຫຼວງ​ກວ່າ​ເກົ່າ. ພາຍ​ໃຕ້​ການ​ນຳພາ​ຂອງ​ພັກ ປະຊາຊົນ​ລາວ​ ບັນດາເຜົ່າ​ໄດ້​ສາມັກຄີ​ກັນ​ເປັນ​ຈິດ​ໜຶ່ງ​ໃຈ​ດຽວ​ເຂົ້າ​ຮ່ວມ​ໃນ​ແນວ​ໂຮມ​ກູ້​ຊາດ​ອັນ​ກວ້າງຂວາງດຳເນີນ​ການ​ຕໍ່ສູ້​ອັນ​ລະ​ອິດ​ລະ​ອ້ຽວ, ຍືດ​ເຍື້ອ​ຍາວ​ນານ ພາຍ​ໃຕ້​ຄັນ​ທຸງ​ການ​ປະຕິວັດ​ຊາດ ປະຊາທິປະໄຕ, ຜາບ​ແພ້​ພວກ​ຮຸກ​ຮານ ແລະ ລູກແຫຼ້ງ​ຕີນ​ມື, ປະຕິບັດ​ຄວາມ​ຖືກຕ້ອງ​ປອງ​ດອງ​ຊາດ, ກໍ່ສ້າງ​ປະເທດ​ລາວ ສັນຕິພາບ, ເປັນກາງ, ເອກະລາດ, ປະຊາທິປະໄຕ, ເອກະ​ພາບ ແລະ ວັດທະນາ​ຖາ​ວອນ.
   ພັກ ໄດ້​ຮູ້​ສ້າງ​ກາລະ​ໂອກາດ ແລະ ໝູນ​ໃຊ້​ກາລະ​ໂອກາດ​ໄດ້​ຢ່າງ​ເຕັມ​ສ່ວນ ແລະ ຂະຫຍາຍ​ກຳລັງ​ຕົວ​ຈິງ​ຂອງ​ການ​ປະ ຕິວັດ, ຕີ​ສັດຕູ​ໃຫ້​ຖອຍ​ໄປ​ເທື່ອ​ລະ​ກ້າວ, ຍາດ​ເອົາ​ໄຊຊະນະ​ຢ່າງ​ຕໍ່​ເນື່ອງ, ກ້າວ​ຂຶ້ນ​ຍາດ​ເອົາ​ໄຊຊະນະ​ຢ່າງ​ສົມບູນ​ດ້ວຍ 3 ບາດ​ຄ້ອນຍຸດທະສາດ  ແລະ  ການ​ລຸກ​ຮື້​ຂຶ້ນ​ໃນ​ເດືອນ​ພຶດສະພາ ​ປີ 1975. ໄຊຊະນະ​ອັນ​ລືຊາ​ຜາກົດ​ແບບ “ບົວ​ບໍ່​ຊ້ຳ​ນ້ຳ​ບໍ່​ຂຸ່ນ, ແຕ່​ຈັບ​ປາ​ໄດ້” ດັ່ງກ່າວ ໄດ້​ພາ​ໄປ​ເຖິງການ​ສະຖາປະນາ ສປປ ລາວ ໃນ​ວັນ​ທີ 2 ທັນວາ 1975, ລຶບ​ລ້າງ​ແອກ​​ຄອບຄອງ​ຂອງ​ພວກ​ລ່າ​ເມືອງ​ຂຶ້ນ ແລະ ສັກ​ດີ​ນາ, ໄຂ​ສັງກາດ​ໃໝ່​ອັນ​ສະຫວ່າງ​ສະໄຫວ​ແຫ່ງ​ຄວາມ​ເປັນ​ເອກະລາດ, ອິດສະຫຼະພາບ ແລະ ວັດທະນາ​ຖາວອນ​ຂອງ​ຊາດ​ລາວ​ເຮົາ.
   ກ້າວ​ເຂົ້າ​ສູ່​ໄລຍະ​ໃໝ່​ຂອງ​ການ​ປະຕິວັດ ພັກ​ໄດ້​ນຳພາ​ປວງ​ຊົນ​ລາວ​ທັງ​ຊາດ​ຍາດ​ເອົາ​ໄຊຊະນະ​ອັນ​ໃຫຍ່​ຫຼວງຫຼາຍ​ດ້ານ ໃນ​ການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ. ພວກ​ເຮົາ​ໄດ້​ທັບ​ມ້າງ​ກົນອຸບາຍ​ທຳລາຍ​ມ້າງເພ​ຂອງ​ບັນດາ​ອິດ​ທິ​ກຳລັງ​ປໍ​ລະ​ປັກ, ປົກ​ປັກ​ຮັກສາ ​ເອກະລາດ, ອະທິປະ​ໄຕ ແລະ ຜືນ​ແຜ່ນດິນ​ອັນ​ຄົບ​ຖ້ວນ​ຂອງ​ຊາດ​ໄວ້​ໄດ້​ຢ່າງ​ໝັ້ນຄົງ, ສາມາດ​ຮັບປະກັນ​ຄວາມ​ສະຫງົບ​ປອດ​ໄພ, ຄວາມ​ເປັນ​ລະບຽບ​ຮຽບຮ້ອຍ​ຂອງ​ສັງຄົມ​ໄດ້​ຢ່າງ​ໜັກ​ແໜ້ນ​ໂດຍ​ພື້ນ​ຖານ. ພັກ​ໄດ້​ນຳພາ​ປວງ​ຊົນ​ເສີມ​ຂະຫຍາຍ​ມູນເຊື້ອ​ດຸໝັ່ນ​ຂະຫຍັນ​ພຽນ, ຄວາມ​ຄິດ​ປະດິດ​ສ້າງ ແລະ ຈິດໃຈ​ເອກະລາດ ເພິ່ງ​ຕົນ​ເອງ, ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ​ຂອງ​ປະຊາຊົນ​ລາວ​ບັນດາເຜົ່າ, ຮຳບາດແຜສົງຄາມ, ຂະຫຍາຍ​ການ​ຜະລິດ, ວັດທະນະທຳ ແລະ ປົວແປງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ລາວ​ບັນດາເຜົ່າ​ໃຫ້​ເປັນ​ປົກກະຕິ​ດີ​ຂຶ້ນ​ເປັນ​ກ້າວໆ; ລະບອບ​ປະຊາທິປະໄຕ ປະ​ຊາ​ຊົນ ໄດ້​ຮັບ​ການ​ປັບປຸງ​ເສີມ​ຂະຫຍາຍ ແລະ ນັບ​ມື້​ນັບ​ກາຍເປັນ​ລະບອບ​ການເມືອງ​ຂອງ​ປະຊາຊົນ ໂດຍ​ປະຊາຊົນ ແລະ ເພື່ອ​ປະຊາຊົນ​ຢ່າງ​ແທ້​ຈິງ.
ພັກ​ໄດ້​ເປັນ​ຜູ້​ລິ​ເລີ່ມ ແລະ ຈັດ​ຕັ້ງ​ນຳພາ​ປວງ​ຊົນ​ດຳ​ເນີນ​​ພາລະກິດ​ປ່ຽນແປງ​ໃໝ່. ພັກ​ໄດ້​ມີ​ຄວາມ​ສະດຸ້ງ​ໄວ ແລະ ມີ​ແນວ​ຄິດ​ກ່ຽວ​ກັບ​ການ​ປ່ຽນແປງ​ໃໝ່ ຊຶ່ງ​ເລີ່ມ​ສະແດງ​ອອກ​ໃນ​ມະຕິ ຄັ້ງ​ທີ 7 ຂອງ​ສູນ​ກາງ​ພັກ ສະໄໝ​ທີ II. ຈາກ​ນັ້ນ​ມາ​ຄວາມ​ຄິດ​ດັ່ງກ່າວ ໄດ້​ຮັບ​ການ​ປັບປຸງ​ເສີມ​ຂະຫຍາຍ​ມາ​ຢ່າງ​ຕໍ່​ເນື່ອງ, ປະກອບ​ເປັນ​ລະບົບ​ຈິນຕະນາການ, ທັດສະນະ ແລະ ຫຼັກການ​ຊີ້​ນຳພາ​ລະ​ກິດ​ປ່ຽນແປງ​ໃໝ່ ກໍ​ຄື​ການ​ກຳນົດ​ທິດ ແລະ ບາດກ້າວ​ເດີນ​ສູ່​ຈຸດໝາຍ​ສັງຄົມ​ນິຍົມ​ທີ່​ສອດຄ່ອງ​ກັບ​ຈຸດ​ພິເສດ ແລະ ສະພາວະ​ຄວາມ​ເປັນ​ຈິງ​ທາງ​ດ້ານ​ເສດ​ຖະ​ກິດ​-​ສັງຄົມ​ຂອງ​ປະ​ເທດ. ການ​ປ່ຽນແປງ​ໃໝ່​ໄດ້​ຮັບ​ໝາກຜົນ​ອັນ​ສຳຄັນ​ຫຼາຍ​ປະການ, ເສດຖະກິດ​ໄດ້​ຂະຫຍາຍຕົວ​ດ້ວຍ​ຈັງຫວະ​ໄວ​ຂຶ້ນ, ສະຖຽນ​ລະ​ພາບ​ທາງ​ດ້ານ​ການເມືອງ​ມີ​ຄວາມ​ໜັກ​ແໜ້ນ, ຊີວິດ​ການ​ເປັນ​ຢູ່​ຂອງ​ປະຊາຊົນ​ໄດ້​ຮັບ​ການ​ປັບປຸງ​ປົວແປງ​ດີ​ຂຶ້ນ​ຢ່າງ​ຈະແຈ້ງ, ການ​ພົວພັນ​ຮ່ວມ​ມື​ກັບ​ພາຍ​ນອກ ໄດ້​ເປີດ​ກວ້າງ, ທັງ​ໝົດ​ນັ້ນ ໄດ້​ເຮັດ​ໃຫ້​ປະຊາຊົນ​ລາວ​ບັນດາເຜົ່າ ແລະ ຊັ້ນ​ຄົນ​ຕ່າງໆ ມີ​ຄວາມ​ເຊື່ອ​ໝັ້ນ​ຕໍ່​ການ​ນຳພາ​ຂອງ​ພັກ, ເປັນ​ການ​ປັບປຸງ ແລະ ຍົກ​ສູງ​ບົດບາດ​ຂອງ​ພັກ​ເຮົາ​ຂຶ້ນ​ຕື່ມ​ອີກ​ໃນ​ພາລະກິດ​ປ່ຽນແປງ​ໃໝ່.
   ພັກ​ປະຊາຊົນ ປະຕິວັດ​ລາວ ແມ່ນ​ກຳລັງ​ການເມືອງ​ອັນ​ໜຶ່ງ​ອັນ​ດຽວ​ທີ່​ໄດ້​ນຳພາ​ປວງ​ຊົນ​ລາວ​ຜ່ານ​ຜ່າ​ຄວາມ​ຫຍຸ້ງຍາກ​ທຸລະກັນດານ ແລະ ການ​ທົດ​ສອບ​ທ້າ​ທາຍ​ຕ່າງໆ ກ້າວ​ໄປ​ສູ່​ຈຸດໝາຍ​ແຫ່ງ​ການ​ສ້າງສາ​ປະເທດ​ຊາດ​ໃຫ້​ຈະເລີນ​ວັດທະນາ, ປະຊາຊົນ​ລາວ​ບັນດາເຜົ່າ​ຮັ່ງມີ​ຜາ​ສຸກ, ສັງຄົມ​ມີ​ຄວາມ​ສົດໃສ, ກ້າວໜ້າ ແລະ ຍຸຕິ​ທຳ. ພັກ ປປ ລາວ ເປັນ​ພັກ​ໜຶ່ງ​ດຽວ​ທີ່​ໄດ້​ຮັບ​ຄວາມ​ເຊື່ອ​ຖື ແລະ ໄວ້​ວາງໃຈ​ຈາກ​ປະຊາຊົນ ແມ່ນ​ພັກ​ຂອງ​ປະຊາຊົນ​ທີ່​ຈົງ​ຮັກ​ພັກດີ​ຕໍ່​ຜົນ​ປະໂຫຍດ​ຂອງ​ປະເທດ​ຊາດ ແລະ ປະຊາ​ຊົນ.
ຜົນງານ ແລະ ໄຊຊະນະ ທີ່​ບັນລຸ​ໃນ​ຊຸມ​ປີຜ່ານມາ ແມ່ນ​ໃຫຍ່​ຫຼວງ ແລະ ມີ​ຄວາມ​ໝາຍ​ປະຫວັດສາດ ມັນ​ຕິດ​ພັນ​ໂດຍ​ກົງ​ກັບ​ການ​ນຳພາ​ອັນ​ປີ​ຊາ​ສາມາດ​ຂອງ​ພັກ ປປ ລາວ. ປະຊາຊົນ​ລາວ​ບັນດາເຜົ່າ ມີ​ຄວາມ​ເອກອ້າງ​ທະ​ນົງ​ໃຈ​ເປັນ​ຢ່າງ​ຍິ່ງ​ທີ່​ໄດ້​ມີ​ພັກ​ນຳພາ ຊຶ່ງ​ຍາມ​ໃດ​ກໍ​ຈົງ​ຮັກ​ພັກດີ​ຢ່າງ​ສຸດ​ຊຶ້ງ​ຕໍ່​ຜົນ​ປະໂຫຍດ​ຂອງ​ຊາດ, ຂອງ​ຊາວ​ຜູ້​ອອກແຮງ​ງານ​ລາວ​ບັນດາເຜົ່າ; ຍາມ​ໃດ​ກໍ​ສະໜິດ​ຕິດ​ພັນ, ຮ່ວມ​ສຸກ​ຮ່ວມ​ທຸກ, ຮ່ວມ​ເປັນ​ຮ່ວມ​ຕາຍກັບ​ປະຊາຊົນ, ຮັບ​ໃຊ້​ປະຊາຊົນ ແລະ ປະເທດ​ຊາດ​ຢ່າງ​ສຸດ​ອົກ​ສຸດ​ໃຈ, ຈົງ​ຮັກ​ພັກດີ​ຕໍ່​ລັດທິ ມາກ​-​ເລ​ນິນ ແລະ ຊົນ​ຊັ້ນ​ຢ່າງ​ເດັດ​ຂາດ.
   ເພື່ອ​ສືບຕໍ່​ເສີມ​ຂະຫຍາຍ​ມູນເຊື້ອ​ອັນ​ດີງາມ​ຂອງ​ພັກ, ເຮັດ​ຫຼ້ອນ​ພາລະ​ກຳ​ປະຫວັດສາດ​ອັນ​ຍິ່ງ​ໃຫຍ່​ທີ່​ຊາດ ແລະ ປະຊາຊົນ​ມອບ​ໝາຍ​ໃຫ້​ນັ້ນ ຮຽກຮ້ອງ​ມາ​ຍັງ​ພະນັກງານ, ສະມາຊິກ​ພັກ, ນັກຮົບ​ທຸກໆ​ຄົນ ຈົ່ງ​ອອກແຮງ​ທະນຸ​ບຳລຸງ​ຄຸນສົມບັດ​ສິນ​ທຳ​ປະຕິວັດ, ເພີ່ມ​ທະວີ​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ, ຍົກ​ສູງ​ລະດັບ​ຄວາມ​ຮູ້​ໃນ​ທຸກ​ດ້ານ, ໃກ້ຊິດຕິດແທດ​ມະຫາຊົນ; ຮຽນ​ຮູ້​ໃນ​ພຶດຕິ​ກຳ​ໂດຍ​ໄວ, ປັບປຸງ​ດັດແປງ​ວິທີ​ນຳພາ​ໃຫ້​ທັນ​ການ, ຍົກ​ສູງ​ຄວາມ​ຮັບຜິດຊອບ, ເສີມ​ຂະຫຍາຍ​ມານະ​ຈິດ​ປະຕິວັດ, ບຸກ​ບືນ​ສູ້​ຊົນ​ເຮັດ​ຫຼ້ອນ​ໜ້າທີ່​ວຽກ​ງານ​ທີ່​ພັກ ແລະ ລັດ ມອບ​ໝາຍ​ໃຫ້; ເຊີດ​ຊູ​ກຽດ ແລະ ອິດ​ທິ​ພົນ​ຂອງ​ພັກ​ຂຶ້ນ​ຢ່າງ​ບໍ່​ຢຸດ​ຢັ້ງ. ພ້ອມ​ນີ້ ປວງ​ຊົນ​ລາວ​ທັງ​ຊາດ ຈົ່ງ​ອອກແຮງ​ເສີມ​ຂະຫຍາຍ​ມູນເຊື້ອ​ຮັກ​ຊາດ,ມູນເຊື້ອ​ສາມັກຄີ​ປອງ​ດອງ​ອ້ອມ​ຂ້າງ​ພັກ, ປະຕິບັດ​ສິດ​ເປັນ​ເຈົ້າ​ປະເທດ​ຊາດ​ຢ່າງ​ແຂງແຮງ, ເປັນ​ເຈົ້າ​ການ​ເຂົ້າ​ຮ່ວມ​ໃນ​ການ​ກວດກາ​ການເຄື່ອນໄຫວ​ຂອງ​ພັກ ແລະ ສະມາຊິກ​ພັກ​ຢ່າງ​ເປັນ​ປົກກະຕິ; ຊ່ວຍເຫຼືອ​ພັກ ແລະ ສະມາຊິກ​ພັກ, ເສີມ​ຂະຫຍາຍ​ຈຸດ​ດີ, ດັດແປງ​ແກ້​ໄຂ​ຈຸດ​ອ່ອນ ແລະ ຂໍ້​ຂາດ​ຕົກ​ບົກ​ຜ່ອງ, ປະກອບສ່ວນ​ຢ່າງ​ຕັ້ງໜ້າ​ໃນ​ການ​ວາງ ແລະ ປະຕິບັດ​ແນວທາງ, ແຜນ​ນະໂຍບາຍ ແລະ ນະໂຍບາຍ​ຂອງ​ພັກ, ສືບຕໍ່​ຊ່ວຍເຫຼືອ​ກໍ່ສ້າງ​ພັກ ໄດ້​ໜັກ​ແໜ້ນ​ເຂັ້ມແຂງ​ທຸກ​ດ້ານ.
ພັກ​ປະຊາຊົນ ປະຕິວັດ​ລາວ ໝັ້ນຍືນ !
                                                    (ໂດຍ: ມິ​ງ​ໂກ)

 

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110