ຫົວ​ຂໍ້ : ສປ ຈີນ ມອບເຄ່ືອງຊ່ວຍເຫຼືອ ຕ້ານພະຍາດໂຄວິດ-19 ໃຫ້ ສປປ ລາວ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 20/03/2020 08:58:21 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1015 ຄັ້ງ

  ຫ້ອງການ​ຕ່າງປະເທດ ແຂວງ​ຫູ​ໜານ  ສປ  ຈີນ  ແລະ  ບໍລິສັດຊ່ຽງ​ເຟິງສາກົນ  ແຂວງຫູໜານໄດ້​ນຳ​ເອົາ​ເຄື່ອງ​ຊ່ວຍເຫຼືອມາ​ມອບ​ໃຫ້​ລັດຖະບານ​ລາວ ເພື່ອ​ນຳ​ໃຊ້​ເຂົ້າ​ໃນ​ການ​ປ້ອງ​ກັນ ແລະ ຕ້ານ​ການ​ແຜ່ລະບາດ​ ຂອງ​ພະຍາດ​ໂຄ​ວິດ-19. ເຄື່ອງ​ຊ່ວຍເຫຼືອດັ່ງກ່າວປະກອບ​ມີ ເຄື່ອງ​ວັດແທກ​ອຸນຫະພູມ​ອິນ​ຟາ​ເຣດ ຈຳນວນ 100 ອັນ, ຊຸດ​ ປ້ອງ​ກັນ​ການ​ແພດ 80 ຫີບ (ຈຳ ນວນ 2.000 ຊຸດ) ແລະ ແວ່ນ ຕາ​ປ້ອງ​ກັນ​ຂອງ​ແພດ 50 ຫີບ (ຈຳນວນ 400 ອັນ).
  ພິທີ​ມອບ​-​ຮັບ​ເຄື່ອງ​ດັ່ງກ່າວ ​ໄດ້​ມີ​ຂຶ້ນ​ໃນ​ວັນ​ທີ 18 ມີນາ​ຜ່ານ​ມາ ທີ່​ກະຊວງ​ການ​ຕ່າງປະເທດ, ຕາງໜ້າ​ຝ່າຍ ສປ ຈີນ ມອບ​ເຄື່ອງ​ຊ່ວຍເຫຼືອ​ໃນ​ຄັ້ງ​ນີ້  ໂດຍທ່ານ ຊົ້ງ ເຈຍ​ເຟິງ ປະທານບໍລິສັດຊ່ຽງ​ ເຟິງ ສາກົນ ແຂວງ​ຫູ​ໜານ ປະທານ​ກິດ​ຕິ​ມະ​ສັກ​ຖາວອນສະພາ​ການ​ຄ້າ​ແຂວງ​ຫູ​ໜານປະຈຳ​ລາວ ພ້ອມ​ດ້ວຍ​ຄະນະ ແລະ ຕາງໜ້າ​ຝ່າຍ​ລາວ  ຮັບ​ໂດຍທ່ານ ໂພ​ໄຊ ໄຂ​ຄຳພິທູນ ຫົວໜ້າຫ້ອງ ການກະຊວງ​ການ​ຕ່າງປະເທດ ພ້ອມ​ດ້ວຍ​ຄະນະ ໂດຍມີຜູ້ຕາງໜ້າ​ຈາກກະຊວງ​ສາທາລະນະ​ສຸກ ແລະ ບໍລິສັດການບິນລາວ ເຂົ້າ​ຮ່ວມ​ເປັນສັກຂີ​ພິຍານ​ນຳ. (ຂ່າວ-ພາບ: ກະຊວງ​ການ​ຕ່າງ ປະເທດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110