ຫົວ​ຂໍ້ : ສປສສ ສະຫຼຸບວຽກງານກວດກາປະຈຳປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 23/03/2020 08:52:33 ຈຳ​ນວນ​ຜູ້​ເຂົ້າ​ຢ້ຽມ​ຊົມ 375 ຄັ້ງ

   ສານ​ປະຊາຊົນ​ສູງ​ສຸດ (ສປສສ) ໄດ້​ຈັດ​ກອງ​ປະຊຸມສະ ຫຼຸບ​ວຽກ​ງານ​ກວດກາ​ປະຈຳປີ 2019 ແລະ ທິດ​ທາງ​ແຜນການ ປີ 2020 ຂຶ້ນ​ເມື່ອ​ວັນ​ທີ 19 ມີນາຜ່ານ​ມາ ທີ່ ສປສສ ພາຍ​ໃຕ້​ການ​ເປັນ​ປະທານ​ຂອງ​ທ່ານ ຄຳ​ພັນ  ບຸນ​ພາ​ຄົມ  ຮອງ​ປະ ທານ​ສານ​ປະຊາຊົນ​ສູງ​ສຸດ ຊຶ່ງ​ມີ​ພະນັກງານ​ນຳພາ​ອ້ອມ​ຂ້າງ​ເຂົ້າ​ຮ່ວມ.
   ກອງ​ປະຊຸມ​ຄັ້ງນີ້ໄດ້​ເຜີຍ ແຜ່​ສະຫຼຸບ​ຫຍໍ້​ການເຄື່ອນໄຫວ​ວຽກ​ງານ​ກວດກາທົ່ວ​ປະເທດ ປະຈຳ​ປີ 2019 ແລະ ທິດທາງ​ ແຜນການ ປີ 2020 ຂອງ​ຄະ ນະ​ກວດກາ​ສູນ​ກາງ, ຜ່ານ​ບົດ​ສະຫຼຸບ​ການເຄື່ອນໄຫວ​ວຽກ​ງານ​ກວດກາ ປີ 2019 ແລະ ທິດ​ ທາງ​ແຜນການ ປີ 2020 ຂອງ​ຄະນະ​ສານ​ປະຊາຊົນ​ສູງ​ສຸດ, ເຜີຍແຜ່​ບົດ​ໂອ້​ລົມ​ຂອງ​ທ່ານ ບຸນ​ທອງ  ຈິດ​ມະນີ  ກຳມະການ​ກົມ​ການເມືອງ​ສູນ​ກາງ​ພັກ ຄະ ນະ​ເລຂາທິການ​ສູນ​ກາງພັກ ຮອງ​ນາຍົກລັດຖະມົນຕີ ປະ ທານ​ກວດກາ​ສູນ​ກາງ​ພັກ ອົງ ການ​ກວດກາ​ລັດຖະບານ  ແລະ ຕ້ານ​ການ​ສໍ້​ລາດ​ບັງ​ຫຼວງຕໍ່​ກອງ​ປະຊຸມ​ວຽກ​ງານ​ກວດກາ​ທົ່ວ​ປະເທດ ປະຈຳ​ປີ 2019, ເຜີຍແຜ່​ຂໍ້​ກຳນົດ​ຂອງ​ຄະນະ​ກວດກາ​ສູນ​ກາງ​ພັກ  ສະບັບ​ເລກ​ທີ 389/ຄກສພ, ລົງ​ວັນ​ທີ 26 ກັນຍາ 2019 ວ່າ​ດ້ວຍ​ການ​ຄົ້ນຄວ້າ, ແກ້​ໄຂ​ຄຳ​ຮ້ອງ​ຟ້ອງ​-​ຮ້ອງທຸກ ແລະ  ຄຳ​ສະ​ເໜີ. 
   ພ້ອມ​ກັນ​ນັ້ນ  ​ກອງ​ປະຊຸມ​ຍັງ​ໄດ້​ພ້ອມ​ກັນ​ຄົ້ນຄວ້າ​ໃຫ້​ເຫັນ​ດ້ານ​ດີ, ບົດຮຽນ​ທີ່​ຈະໄດ້​ສືບ​ຕໍ່​ແກ້​ໄຂ, ຊອກ​ໃຫ້​ເຫັນດ້ານ​ອ່ອນຂໍ້ ຄົງຄ້າງ ແລະ ສາເຫດ ເພື່ອຈະ ​ໄດ້​ສືບ​ຕໍ່​ແກ້​ໄຂໃນຕໍ່ໜ້າ ເປັນ ຕົ້ນ​ແມ່ນ​ວຽກ​ງານ​ຕິດຕາມ​ກວດ ກາ​ພາຍ​ໃນ​ພັກ, ຕ້ານ ແລະ ສະ ກັດ​ກັ້ນ​ປະກົດ​ການ​ຫ​ຍໍ້ທໍ້ຕ່າງໆ ຢູ່​ສານ​ປະຊາຊົນ​ສູງ​ສຸດ  ແລະ ສານ​ປະຊາຊົນ​ທ້ອງຖິ່ນໄດ້​ຮັບ​ການ​ປະຕິບັດ​ຢ່າງ​ເປັນ​ຮູບ​ປະ​ທຳ ແລະ ມີການ​ຫັນປ່ຽນດີຂຶ້ນ ​ກວ່າ​ເກົ່າ, ປະກອບ​​ສ່ວນ​ເຮັດ ໃຫ້ການ​ຄຸ້ມ​ຄອງ​ລັດ​-​ຄຸ້ມຄອງ ​ສັງຄົມ​ດ້ວຍ​ກົດໝາຍ​ສັກສິດ, ເຮັດ​ໃຫ້​ສານ​ປະຊາຊົນ​ແຕ່​ລະ​ຂັ້ນ​ມີ​ຄວາມ​ເຂັ້ມແຂງ, ປອດ​ໃສ, ໜັກ​ແໜ້ນ​ຕາມ​ທິດ ມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກ​ວາງ​ອອກ. ຈາກ​ນັ້ນ ປະທານ ກອງ​ປະຊຸມ​ຍັງ​ໄດ້​ສະເໜີ​ໃຫ້ ພະນັກງານ​ນຳພາ​ ຈົ່ງ​ພ້ອມ​ກັນ ຍົກ​ສູງ​ຄວາມ​ຮັບຜິດຊອບ,  ສຸມ​ສະຕິປັນຍາຄົ້ນຄວ້າ​ປະກອບ​ຄຳ​ຄິດ​-​ຄຳ​ເຫັນຢ່າງ​ກົງ​ໄປກົງ​ມາ, ພາວະ​ວິໄສ, ຖືກຕ້ອງ ແລະ ສ່ອງ​ແສງ​ຄວາມ​ເປັນຈິງ ນຳ​ເອົາ​ ບັນຫາ​ເນື້ອ​ໃນ​ຂອງມະຕິຄຳສັ່ງ ​ຂອງ​ພັກ ໄປຈັດຕັ້ງ​ຜັນຂະ ຫຍາຍຕາມ​ເງື່ອນໄຂສະພາບ ຈຸດພິເສດ​ຂອງ​ແຕ່​ລະໜ່ວຍ​ ພັກ ເພື່ອ​ໝູນ​ໃຊ້​ເຂົ້າ​ໃນ​ວຽກ​ງານ​ຂອງ​ຕົນ​ຮັບຜິດຊອບມີ​ຜົນ​ສຳ​ເລັດ. 
(ຂ່າວ​-​ພາບ: ສປສສ) 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110