ຫົວ​ຂໍ້ : ຖວທ ສາລະວັນ ທາບທາມຮ່າງລາຍງານການເມືອງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 23/03/2020 08:53:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1068 ຄັ້ງ

   ພະ​ແນ​ກ​ຖະແຫຼງ​ຂ່າວ, ວັດ ທະນະທຳ ແລະ ທ່ອງ​ທ່ຽວແຂວງ​ ສາລະ​ວັນ (ຖວທ) ໄດ້ຈັດ​ກອງ​ປະຊຸມ​ທາ​ບ​ທາມ​ຮ່າງ​ລາຍ​ງານ​ການເມືອງ ຕິດ​ພັນ​ກັບທາບທາມ​ ໂຄງ​ປະກອບ ຮອບ​ທີ I ໂດຍ ​ການ​ເປັນ​ປະທານ​ຂອງ​ທ່ານ  ມະ​ໄລ​ວອນ ສີ​ປະເສີດ ເລຂາ​ຄະ ນະ​ພັກ​ຮາກ​ຖານ  ຮັກສາ​ການ​ຫົວໜ້າ​ພະ​ແນກ  ຖວທ  ແຂວງ​ສາລະ​ວັນ,  ມີ​ບັນດາແຂກ​ຖືກ​ເຊີນ ແລະ ພະນັກງານ​ ລັດຖະ ກອນ​ເຂົ້າ​ຮ່ວມ.
   ໃນ​ກອງ​ປະຊຸມ​ໄດ້​ຜ່ານຂໍ້ຕົກ ລົງ​ ສະບັບ​ ເລກ​ທີ 21ຄຈພຂ. ສວ  ລົງ​ວັນ​ທີ 24 ກຸມພາ 2020 ວ່າ  ດ້ວຍ​ການ​ບົ່ງຕົວ,  ແຕ່ງຕັ້ງເລຂາ​ ຄະນະ​ພັກຮາກຖານພະແນກ ຖວທ ແຂວງ ໂດຍ​ບົ່ງ​ຕົວ, ແຕ່ງຕັ້ງ ສະຫາຍ ມະ​ໄລ​ວອນ ສີ​ປະເສີດ  ເປັນ​ເລຂາ​ຄະນະ​ພັກ​ຮາກ​ຖານ​ພະ​ແນກ ຖວທ ແຂວງ. ຈາກນັ້ນ​ ກໍໄດ້​ຜ່ານ​ຮ່າງ​ບົດ​ລາຍງານ​ ການ ເມືອງທັງ​ສອງ​ພາກ.  ຕະຫຼອດ​ໄລຍະ​ຜ່ານ​ມາຄະ​ນະ​ພັກໄດ້ ເອົາໃຈໃສ່ ໃນ​ການ​ຊີ້​ນໍາໆ​ພາ​ທາງ​ດ້ານ​ການເມືອງ​ແນວ​ຄິດ ດ້ວຍ​ຫຼາຍ​ຮູບ​ການ ເປັນຕົ້ນ ການ​ດຳເນີນ​ຊີວິດ​ການເມືອງ​ພາຍ​ໃນ​ພັກ, ຈັດ​ຕັ້ງ​ເຜີຍແຜ່​ເຊື່ອມ​ຊຶມ, ຮາໍ່ຮຽນ​ມະ​ຕິ​-​ຄຳສັ່ງ​ ຕ່າງໆ​ຂອງ​ພັກ​-​ລັດແຕ່​ລະ​ຂັ້ນ, ຮາໍ່ຮຽນ​ເອົາ​ຄຸນສົມບັດ, ສິນ​ທຳ​ປະຕິວັດ, ມູນເຊື້ອ​ອັນ​ດີງາມ​ຂອງ​ຜູ້ນຳ, ເຂົ້າ​ຮ່ວມ​ຮັບ​ຟັງ​ການ​ໂອ້​ລົມ​ຂອງ​ການ​ນຳ​ຂັ້ນ​ສູງ ທີ່​ມາ​ຢ້ຽມຢາມ ແລະ ເຮັດ​ວຽກ​ຢູ່​ແຂວງ​ສາລະ​ວັນ ຢ່າງ​ຕໍ່​ເນື່ອງ ເຮັດ​ໃຫ້​ຖັນ​ແຖວ​ພະນັກງານ, ສະມາຊິກ​ພັກໄດ້​ມີ​ແນວ​ຄິດອຸ່ນ ​ອ່ຽ​ນ​ທຸ່ນ​ທ່ຽງ, ໜັກ​ແໜ້ນ, ເຊື່ອ​ໝັ້ນ​ຕໍ່​ອຸດົມ​ການ​ຂອງ​ພັກ, ມີ​ຄວາມ​ສາມັກຄີ,  ຄວາມ​ເປັນ​ເອກະ​ພາບ​ຕໍ່​ແນວທາງ​ຂອງ​ພັກ. ຕ້ານ​ແນວ​ຄິດ​ຫຼາຍ​ພັກ, ຈຸ້ມເຈື້ອ​ພັກ​ພວກ,  ຕ້ານ​ປະກົດ ການ​ອາຍາ​ສິດ, ເອກະ​ຊົນ, ແນວ​ຄິດ​ສວຍໂອກາດ,   ສໍ້​ລາດ​ບັງ​ຫຼວງ,  ສວຍ​ໃຊ້​ໜ້າທີ່​ຕຳແໜ່ງ ເພື່ອ​ຫາ​ຜົນ​ປະໂຫຍດ​ສ່ວນ​ຕົວ, ຕັ້ງໜ້າ​ປະຕິບັດ, ມະຕິ, ຄຳ​ສັ່ງ, ລັດ​ຖະ​ທຳ​ມະນູນ, ກົດໝາຍ, ລະບຽບ​ການ, ມີຄວາມ​ຈົງຮັກ ພັກດີ​ຕໍ່​ພັກ, ຕໍ່ປະເທດ​ຊາດ, ມີ​ຄວາມບຸກບືນຫ້າວຫັນ, ເຮັດສຳ ເລັດ​ໜ້າທີ່​ວຽກ​ງານ​ທີ່​ໄດ້ຮັບ​ ມອບ​ໝາຍໄດ້​ເປັນ​ຢ່າງ​ດີ. ນອກ​ນັ້ນ​ຍັງ​ໄດ້​ໝູນ​ໃຊ້​ສື່​ຮູບ​ແບບ ​ໃໝ່​ ໃນ​ການ​ເຜີຍແຜ່​ຂໍ້ມູນ​ຂ່າວ ສານ, ຊຸກຍູ້ຂະບວນ​ການກໍ່ ສ້າງ​ບ້ານ​ວັດທະນະທຳຢູ່​ຮາກ​ຖານ​ຢ່າງ​ແຂງແຮງ ແລະ ຕໍ່​ເນື່ອງ, 5 ປີຜ່ານມາ  ສາມາດ​ສ້າງ​ຄອບ ຄົວ​ວັດທະນະທຳ​ໄດ້ 19.720 ຄອບຄົວ, ບ້ານ​ວັດທະນະທຳ 203 ບ້ານ. ເອົາໃຈໃສ່​ພັດທະ ນາ, ປັບປຸງ​ພື້ນຖານ​ໂຄງ​ລ່າງ​ການທ່ອງທ່ຽວ ແລະ ການ​ບໍລິ ການໆ​ທ່ອງ​ທ່ຽວ ໃນ​ທົ່ວແຂວງ ເປັນຕົ້ນ ໂຮງແຮມ, ເຮືອນພັກ, ຮ້ານ​ອາຫານ, ຮ້ານ​ກິນດື່ມ, ສຸມ​ໃສ່​ການ​ພັດທະນາ​ແຫຼ່ງ​ທ່ອງ​ທ່ຽວ​ແບບ​ອະນຸລັກ​ອຸທິຍານ​ພູ ຜາ​ສຸກ, ຕາດ​ເລາະ, ຕາດຮັງ ແລະ  ອື່ນໆ. ໃນ​ໄລຍະ  5  ປີຜ່ານ​ ມາມີ​ນັກ​ທ່ອງ​ທ່ຽວເຂົ້າມາຈຳ ນວນ 4 ແສນ​ກວ່າ​ຄົນ ສ້າງ​ລາຍ​ຮັບ​ໄດ້ 69 ລ້ານ​ກວ່າ​ໂດ​ລາ.
   ຈາກ​ນັ້ນ ​ກອງ​ປະຊຸມ​ຍັງ​ໄດ້​ຜ່ານ​ທິດ​ທາງ​ແຜນການ​ໜ້າ ທີ່​ຕົ້ນຕໍ​ຂອງ​ຄະນະ​ພັກຮາກຖານ ​ພະ​ແນກ ຖວທ ແຕ່ປີ 2020-2024, ຜ່ານ​ຮ່າງ​ແຜນພັດທະ ນາ​ຂະແໜງການຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ, ຮ່າງ​ບົດ​ສຳຫຼວດ​ການ​ນຳພາ​ຂອງ​ ຄະນະ​ພັກ​ຮາກ​ຖານ ແລະ ໃນ​ຕອນ​ທ້າຍ​ຂອງ​ກອງ​ປະຊຸມຍັງ​ໄດ້​ປ່ອນ​ບັດ​ທາ​ບ​ທາມ​ເອົາ​ໂຄງ​ປະກອບ​ຄະນະ​ພັກ​ຮາກ​ຖານ ຮອບ​ທີ I ຕື່ມ​ອີກ. (ຂ່າວ​-​ພາບ: ວິໄລ​ວອນ ສິດທິໄຊ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110