ຫົວ​ຂໍ້ : ປາກິສຖານ ເປັນເສັ້ນທາງເຊື່ອມຕໍ່ອາຊີໃຕ້ຕາເວັນອອກກາງ ແລະ ອາຊີກາງ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 24/03/2020 08:51:05 ຈຳ​ນວນ​ຜູ້​ເຂົ້າ​ຢ້ຽມ​ຊົມ 100 ຄັ້ງ

(ເນື່ອງ​ໃນ​ໂອກາດ​ວັນຊາດ​ປາ​ກິ​ສ​ຖານ 23/3/1956-23/3/2020)

 ຮຽບຮຽງໂດຍ: ລຸ້ງ​ດາວ ບຸນ​ມີ

  ປາ​ກິ​ສ​ຖານ ເປັນ​ປະເທດ​ທີ່​ມີ​ເສດຖະກິດ​ໃຫຍ່​ອັນ​ດັບ 2 ໃນ​ພາກ​ພື້ນ​ອາຊີ​ໃຕ້ ຮອງ​ຈາກອິນ​ເດ​ຍ. ສິ່ງ​ທີ່​ໜ້າ​ສົນໃຈ​ຂອງ​ປາ​ກິ​ສ​ຖານແມ່ນ​ມາ​ຈາກ​ຈໍາ​ນວນ​ປະຊາກອນ​ທີ່​ມີ​ຫຼາຍ​ກວ່າ 200 ລ້ານ​ຄົນ, ຫຼາຍ​ເປັນ​ອັນ​ດັບ 6 ຂອງ​ໂລກ. ໃນ​ນັ້ນ​ປະຊາກອນ​ຫຼາຍ​ກວ່າ 30 ລ້ານ​ຄົນ ເປັນ​ກຸ່ມ​ປະຊາກອນ​ທີ່​ມີ​ກຳລັງ​ຊື້​ສູງ.
  ເສດຖະກິດ​ຂອງ​ປາ​ກິ​ສ​ ຖານ ໃນ​ໄລຍະ​ຫຼາຍ​ປີ​ທີ່ຜ່ານ ​ມາ, ຂັບ​ເຄື່ອນ​ໂດຍ​ການ​ບໍລິ ໂພກ (private consumption) ເປັນ​ຫຼັກ. ປີ 2018, ການ​ບໍລິໂພກ​ຂອງ​ປາ​ກິ​ສ​ຖານ ກວມ​ອັດຕາ​ສ່ວນ​ສູງ​ເຖິງ 82,5% ຂອງ​ລວມ​ຍອດ​ຜະລິດ​ຕະ​ພັນ​ພາຍ​ໃນ​ປະເທດ ຫຼື GDP ເຮັດ​ໃຫ້ ປາ​ກິ​ສ​ຖານ ຕ້ອງ​ອາ​ໄສ​ການ​ນຳ​ເຂົ້າ​ສິນຄ້າ​ຢ່າງ​ຫຼວງຫຼາຍ ແລະ ທີ່​ສຳຄັນ​ປະຊາຊົນ​ປາ​ກິສ​ຖານ ມີ​ທັດສະນະ​ຄະຕິ​ທີ່​ດີ​ຕໍ່​ສິນຄ້າ​ຂອງ​ປະເທດ​ເພື່ອນ​ບ້ານ. ປາ​ກິ​ສ​ຖານ ຈຶ່ງ​ມີ​ທ່າແຮງ​ເປັນ​ຕະຫຼາດ​ຮອງ​ຮັບ​ສິນຄ້າ​ຂອງ​ປະເທດ​ເພື່ອນ​ບ້ານ ໂດຍ​ສະເພາະ​ສິນຄ້າ​ຂອງ​ໄທ. ໃນ​ປະເທດ​ອາ​ຊຽນ, ໄທ ແມ່ນ​ຕະ ຫຼາດ​ນຳ​ເຂົ້າ​ອັນ​ດັບ​ສອງ​ຂອງ ປາ​ກິ​ສ​ຖານ ຮອງ​ຈາກ ອິນ​ໂດ​ເນ​ເຊຍ.
  ສິ່ງ​ທີ່​ໜ້າ​ສົນໃຈ​ອີກ​ອັນ ​ໜຶ່ງ ​ຂອງ ປາ​ກິ​ສ​ຖານ​ຄື: ທ່າ ແຮງ​ຂອງ​ປາ​ກິ​ສ​ຖານ ໃນການ ​ເປັນ​ສູນ​ກາງ​ການ​ຂົນສົ່ງ ແລະ ເປັນ​ປະຕູ​ການ​ຄ້າ​ໃຫ້​ໄທ ໄປ​ຍັງ​ພາກ​ພື້ນ​ຕ່າງໆ. ປາ​ກິ​ສ​ຖານ ມີ​ທີ່​ຕັ້ງ​ເປັນ​ເສັ້ນທາງ​ເຊື່ອມ​ຕໍ່ ລະຫວ່າງ ອາຊີ​ໃຕ້, ຕາເວັນ​ອອກ​ກາງ ແລະ ອາຊີ​ກາງ ແລະ ຢູ່​ລະຫວ່າງ​ການ​ພັດທະນາ ແລະ ຂະຫຍາຍ​ເຄືອ​ຂ່າຍ​ພື້ນຖານ​ໂຄງ​ລ່າງທັງ​ ເສັ້ນທາງ​ຫຼວງ, ທາງ​ລົດໄຟ ແລະ ທ່າເຮືອ ພາຍ​ໃຕ້​ໂຄງການ​ແລວ​ທາງ​ເສດຖະກິດ​ຈີນ - ປາ​ກິ​ສ​ຖານ (The China-Pakistan Economic Corridor : CPEC) ທີ່​ມີ​ມູນ​ຄ່າ 6.200 ລ້ານ​ໂດ​ລາ ຊຶ່ງ​ເປັນ​ສ່ວນ​ໜຶ່ງ​ຂອງ​ໂຄງການ ໜຶ່ງ​ແລວ​ໜຶ່ງ​ເສັ້ນທາງ ຂອງ​ຈີນ ເພື່ອ​ເຊື່ອມ​ຕໍ່​ພາກ​ຕາເວັນຕົກ​ສ່ຽງ​ໃຕ້​ຂອງ​ປາ​ກິ​ສ​ຖານ ກັບ​ພາກ​ຕາເວັນຕົກ​ສ່ຽງ​ເໜືອ​ຂອງ ຈີນ.
  ຖ້າ​ໃຊ້​ປາ​ກິ​ສ​ຖານ ເປັນ​ຖານ​ການ​ຜະລິດ, ກໍ​ຈະ​ຊ່ວຍ​ປະຢັດ​ຕົ້ນ​ທຶນ​ໃນ​ການ​ຂົນສົ່ງ​ສິນຄ້າ​ໄປ​ຍັງ​ເຂດ​ໃກ້​ຄຽງ ແລະ ສິນຄ້າ​ທີ່​ຜະລິດ ກໍ​ຈະ​ໄດ້​ຮັບ​ການ​ຮັບຮອງ​ໄດ້​ງ່າຍ​ຂຶ້ນ ລວມ​ທັງ​ການ​ໄດ້​ຮັບ​ສິດທິ​ພິເສດ ຈາກ​ສະຫະພາບ​ເອີ​ຣົບ (Generalized  System  of  Preferences: GSP). ນອກຈາກ​ນີ້, ປາ​ກິ​ສ​ຖານ​ຍັງ​ມີ​ຊັບພະຍາກອນ​ທຳ​ມະ​ຊາດ​ຫຼາຍ​ຢ່າງ, ມີ​ປະລິມານ​ຖ່ານ​ຫີນ​ສຳຮອງ​ເປັນ​ຈຳນວນ​ຫຼວງຫຼາຍ, ມີ​ພື້ນຖານ​ດ້ານ​ການ​ຜະລິດ​ຝ້າຍ ແລະ ແຜ່ນແພ​ທີ່​ເຂັ້ມແຂງ, ມີ​ອຸດ​ສາ​ຫະ​ກໍາ​ເຫຼັກ ທີ່​ໄດ້​ຮັບ​ການ​ສ້າງ​ຂຶ້ນ​ຕັ້ງແຕ່​ສະໄໝ​ເປັນ​ອານາ​ນິຄົມ​ຂອງ​ລາຊະ​ອານາຈັກ​ອັງ​ກິດ. ນອກ​ນັ້ນ, ປາ​ກິ​ສ​ຖານ ຍັງ​ອຸດົມສົມບູນ​ໄປ​ດ້ວຍ​ໝາກ​ໄມ້​ປະເພດ​ຕ່າງໆ ແຕ່​ຍັງ​ຂາດ​ເຕັກ​ໂນ​ໂລ​ຊີ​ທີ່​ເໝາະ​ສົມ​ໃນ​ການ​ແປ​ຮູບ. ສະນັ້ນ ຈຶ່ງ​ຖື​ວ່າ​ເປັນ​ໂອກາດ​ທີ່​ດີ​ສຳລັບ​ນັກທຸລະກິດ ແລະ ນັກ​ລົງທຶນ​ຕ່າງ​ປະ​ເທດ. ໃນ​ປີ 2003, ປາ​ກິ​ສ​ຖານ ໄດ້​ເລີ່ມ​ດໍາ​ເນີນ​ນະໂຍບາຍ​ວິໄສ​ທັດ​ອາຊີ​ຕາເວັນ​ອອກ (Vision East Asia) ເພື່ອ​ສົ່ງເສີມ ແລະ ຂະຫຍາຍ​ການ​ພົວພັນ​ກັບ​ບັນດາ​ປະເທດ​ໃນ​ອາຊີ​ຕາ ເວັນ​ອອກ​ສ່ຽງ​ໃຕ້.  
  ນະໂຍບາຍ​ເສດຖະກິດ​ຂອງ​ປາ​ກິ​ສ​ຖານ ແມ່ນ​ສຸມ​ໃສ່​ໃຫ້​ຄວາມ​ສໍາ​ຄັນ​ກັບ​ຈີນ ໃນ​ຖານະ​ເປັນ​ປະເທດ​ທີ່​ມີ​ບົດບາດ​ສຳຄັນ​ໃນ​ອາ​ຊີ​-​ປາ​ຊີ​ຟິກ, ຄຽງ​ຄູ່​ກັບ​ການ​ປັບປຸງ​ຄວາມ​ສໍາ​ພັນ​ກັບ ອິນ​ເດຍ ໂດຍ​ມີ​ເປົ້າ​ໝາຍ ດຶງ​ດູດ​ຈີນ ໃຫ້​ເຂົ້າ​ມາ​ມີ​ບົດບາດ​ເພີ່ມ​ຂຶ້ນ ໃນ​ການ​ພັດທະນາ​ເສດຖະກິດ​ຂອງ​ປະ​ເທດ. ນອກ ຈາກ​ນັ້ນ, ລັດຖະບານ ໄດ້​ພະ ຍາຍາມ​ຟື້ນ​ຟູ ແລະ ກະ​ຕຸ້ນ​ການ​ລົງທຶນ​ຈາກ​ນັກ​ລົງທຶນ​ຕ່າງ ປະເທດ ໂດຍ​ເປີດ​ໂອກາດ​ໃຫ້​ ຕ່າງປະເທດ​ເຂົ້າ​ມາ​ລົງທຶນ​ໄດ້​ ໃນ​ທຸກ​ສາຂາ, ຍົກເວັ້ນ​ທີ່​ກ່ຽວ ຂ້ອງ​ກັບ​ຄວາມ​ໝັ້ນຄົງຂອງ​ ປະເທດ​ເຊັ່ນ: ການຜະລິດ​ອາ ວຸດ, ສານ​ເຄມີ,  ເງິນຕາ, ເຄື່ອງ​ອຸປະ​ໂພ​ກ-​  ບໍລິໂພກທີ່​ມີ​ແອຣ​ກໍ​ຮໍ ແລະ ດໍາເນີນນະ ໂຍບາຍ​ສົ່ງເສີມ​ການທ່ອງທ່ຽວ ໂດຍ​ສະເພາະ​ດ້ານ​ປະຫວັດສາດ ແລະ ບູຮານຄະດີ​ ທາງພຸດ ​ທະ​ສາສະໜາ​ໃນ​ເມືອງຕັກ ສິລາ.  
  ທ່າ​ອ່ຽງ​ດ້ານ​ເສດຖະກິດ​ໃນ​ໄລຍະ 5 ປີ​ທີ່​ຜ່ານ​ມາ,ເສດ ຖະກິດ​ປາ​ກິ​ສ​ຖານ ມີ​ທ່າອ່ຽງ ​ຂະຫຍາຍຕົວ​ຈາກການປະຕິ ບັດ​ນະໂຍບາຍ​ເປີດ​ປະເທດ, ຄຽງ​ຄູ່​ກັບ​ການຂໍ​ຮັບຄວາມ​ຊ່ວຍເຫຼືອ ແລະ ການສະໜັບ ສະໜູນ​ຈາກ​ຕ່າງປະເທດ ໂດຍ​ສະເພາະ​ການ​ຮ່ວມ​ມື​ໃນ​ການ​ຕໍ່ຕ້ານ​ການ​ກໍ່​ການ​ຮ້າຍ. ເຖິງ​ຢ່າງໃດ​ກໍ​ຕາມ, ບັນຫາ​ການເມືອງ, ຄວາມ​ບໍ່​ສະຫງົບ​ຈາກ​ການ​ກໍ່​ການ​ຮ້າຍ, ໄພ​ທຳ​ມະ​ຊາດ ແລະ ການ​ຂາດເຂີນ​ພະລັງງານ ຍັງ​ເປັນ​ອຸປະສັກ​ສຳຄັນ​ຕໍ່​ການ​ພັດທະນາ​ເສດ ຖະກິດ​ຂອງ​ປະ​ເທດ.
  ສປປ ລາວ ແລະ ສາທາ ລະນະ​ລັດ ອິດ​ສະ​ລາມ ປາ​ກິ​ສ​ຖານ ສ້າງຕັ້ງ​ສາຍ​ພົວພັນ​ທາງ​ການ​ທູດ​ນຳ​ກັນ ໃນ​ວັນ​ທີ 15 ກໍລະກົດ ປີ 1965.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110