ໜັງສືພິມ ປະຊາຊົນ

ຮ່າໂນ້ຍ ຮັບປະກັນການສະໜອງສິນຄ້າ ໃຫ້ແກ່ປະຊາຊົນຢ່າງພຽງພໍ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 24/03/2020 08:53:52 ຈຳນວນຢ້ຽມຊົມ 440 ຄັ້ງ

ວິທະຍຸກະຈາຍສຽງຫວຽດ ນາມລາຍງານວ່າ: ວັນທີ 21 ມີນາຜ່ານມາ, ທີ່ນະຄອນຫຼວງຮ່າໂນ້ຍ, ຄະນະປະຕິບັດງານຂອງກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ເຮັດວຽກກັບຄະນະກຳມະການປະຊາຊົນນະຄອນຫຼວງ ຮ່າ ໂນ້ຍ ກ່ຽວກັບວຽກງານກະກຽມສິນຄ້າ ເພື່ອຮັບມືກັບເຊື້ອພະຍາດ COVID-19 ໃນຂອບເຂດ ນະຄອນຫຼວງ ຮ່າໂນ້ຍ.
ຂ່າວລາຍງານວ່າ: ພາຍຫຼັງນະຄອນຫຼວງຮ່າໂນ້ຍ ໄດ້ປະກາດມີຜູ້ຕິດເຊື້ອໄວຣັດ COVID-19 ຄົນທຳອິດນັ້ນ, ບັນດາວິສາຫະກິດຈຳໜ່າຍສິນຄ້າໃນບໍລິເວນໄດ້ຜັນຂະ ຫຍາຍວິທີການຂຸດຄົ້ນ ແລະ ເຄື່ອນຍ້າຍສິນຄ້າໃນທັນທີເພື່ອຮັບໃຊ້ປະຊາຊົນ. ຕາມການລາຍງານຂອງວິສາຫະກິດ, ປະລິມານສິນຄ້າສະສົມໄດ້ເພີ່ມຂຶ້ນແຕ່ 4-5 ເທົ່າ ເມື່ອທຽບໃສ່ມື້ປົກກະຕິ. ພິເສດ, ພະແນກອຸດສາຫະກຳ ແລະ ການຄ້ານະຄອນຫຼວງຮ່າໂນ້ຍ ໄດ້ວາງແຜນການຕ່າງໆຮັບມື ເພື່ອຮັບປະກັນໃຫ້ມີສິນຄ້າຮັບໃຊ້ປະຊາຊົນທີ່ຖືກແຍກຕົວ.
ທ່ານ ໂດ້ທັງຫ໋າຍ ຮອງລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມ ໃຫ້ຮູ້ວ່າ:ພວກເຮົາຕ້ອງຕິດຕາມການຜັນແປຂອງສະພາບການຕະຫຼາດຕົວຈິງ ແລະ ເພື່ອສົມ ທົບກັບບັນດາວິສາຫະກິດຜັນຂະຫຍາຍບັນດາມາດຕະການຮັບປະກັນແຫຼ່ງສະໜອງປະເພດສິນຄ້າຕ່າງໆທີ່ຈຳເປັນ. ພິເສດແມ່ນບັນດາວິສາຫະກິດ ທັງເຮັດໃຫ້ລາຄາໃນທ້ອງຕະຫຼາດເປັນປົກກະຕິ, ບໍ່ສວຍ ໂອກາດຂຶ້ນລາຄາສິນຄ້າ, ແຕ່ ຕ້ອງຮັບປະກັນກ່ຽວກັບຄຸນ ນະພາບຂອງຜະລິດຕະພັນ, ສິນຄ້າ. ໜ້າທີ່ໜຶ່ງອີກ ແມ່ນການເຊື່ອມຕໍ່ລະຫວ່າງບັນດາ ທ້ອງຖິ່ນຕ່າງໆ ເພື່ອຕອບສະ ໜອງຄວາມຕ້ອງການທີ່ຈຳເປັນຂອງປະຊາຊົນ.
ພ້ອມກັນນັ້ນ, ພະແນກອຸດສາຫະກຳ ແລະ ການຄ້ານະຄອນຫຼວງຮ່າໂນ້ຍ ປະກາດວ່າ: ບໍ່ວ່າໃນກໍລະນີໃດ, ພະແນກອຸດສາຫະກຳ ແລະ ການຄ້ານະຄອນຫຼວງຮ່າໂນ້ຍ ກໍຈະຮັບປະກັນການສະໜອງຄວາມຕ້ອງການກ່ຽວກັບສະ ບຽງອາຫານຂອງປະຊາຊົນໃຫ້ພຽງພໍ, ພິເສດ ແມ່ນມີບັນດາແຜນການຮັບມື ເພືຶຶຶ່ອຮັບປະກັນທີ່ມີສິນຄ້າຮັບໃຊ້ປະຊາຊົນຢູູູ່່່ເຂດຖືກແຍກຕົວ.