ຫົວ​ຂໍ້ : ນາຍົກ ລົງກວດກາສະຖານທີ່ ເພື່ອຮອງຮັບການປິ່ນປົວ ກໍລະນີມີການລະບາດຂອງພະຍາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/03/2020 09:26:06 ຈຳ​ນວນ​ຜູ້​ເຂົ້າ​ຢ້ຽມ​ຊົມ 228 ຄັ້ງ

   ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມ ຄະນະໄດ້ລົງກວດກາເບິ່ງສະ ຖານທີ່ ການກະກຽມໂຄງລ່າງ ພື້ນຖານ ເພື່ອຮອງຮັບກໍລະນີ ມີການລະບາດຂອງເຊື້ອພະ ຍາດ COVID-19 ຢູ່ ສປປ ລາວຖ້າຫາກເກີດລະບາດຢ່າງ ຮຸນແຮງ ມີຜູ້ຕິດເຊື້ອເປັນຈຳ ນວນຫຼວງຫຼາຍຈົນລົ້ນໂຮງໝໍ. ຕອນບ່າຍວັນທີ23ມີນາ ນີ້ ທ່ານ ທອງລຸນ ສີສຸລິດ ພ້ອມ ຄະນະ ໄດ້ລົງກວດກາເບິ່ງພື້ນ ທີ່ ທີ່ຈະກຳນົດເປັນຈຸດການ ແຍກປ່ຽວ ແລະ ການປິ່ນປົວ ຢູ່ໂຮງຮຽນການເມືອງ-ການ ປົກຄອງ ນະຄອນຫຼວງວຽງຈັນ, ສູນຝຶກອົບຮົມວິຊາສະເພາະ ຄົບວົງຈອນກຳລັງປ້ອງກັນ ເຄື່ອນທີ່ (ໂຮງຮຽນຕຳຫຼວດ) ກະຊວງປ້ອງກັນຄວາມສະ ຫງົບ ທີ່ບ້ານດົງຊຽງດີແລະ ສະ ໜາມກິລາແຫ່ງຊາດ (ຫຼັກ 16). ຜ່ານການລົງກວດກາ ເບິ່ງສະຖານທີ່ຕົວຈິງ ເຫັນ ວ່າ: ໂຮງຮຽນການເມືອງ-ການ ປົກຄອງ ນະຄອນຫຼວງວຽງຈັນ ມີຫໍພັກນັກສຶກສາ ສາມາດຮອງຮັບຕຽງຄົນເຈັບ ໄດ້ປະ ມານ 100 ກວ່າຕຽງ; ສູນຝຶກ ອົບຮົມວິຊາສະເພາະຄົບວົງ ຈອນ ກຳລັງປ້ອງກັນເຄື່ອນທີ່ ມີຫໍພັກນັກຮຽນສາມາດຮອງ ຮັບຕຽງຄົນເຈັບໄດ້ປະມານ 200 ຕຽງ; ສ່ວນສະໜາມກິລາ ແຫ່ງຊາດ ໄດ້ແບ່ງອອກເປັນ ສະຖານທີ່ຮອງຮັບຈຸດໃຫຍ່ ທີ່ສາມາດຮອງຮັບໄດ້ຈຳນວນ 972 ຕຽງ ແລະ ສະຖານທີ່ ສຳຮອງສາມາດຮອງຮັບໄດ້ 270 ຕຽງ ຊຶ່ງລວມທັງໝົດ ຈາກ 3 ບ່ອນ ທີ່ໄດ້ລົງກວດກາ ຕົວຈິງໃນຄັ້ງນີ້ແມ່ນມີຄວາມ ສາມາດຮອງຮັບຕຽງຄົນເຈັບ ໄດ້1.500 ກວ່າຕຽງ. (ຂ່າວ: ຄຳເຮືອງ+ພາບ: ສຸກສາຄອນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110