ຫົວ​ຂໍ້ : ກອງ​ປະ­ຊຸມ​ສາ­ກົນ​ກ່ຽວ​ກັບ​ການ​ສຶກ­ສາ​ສື່​ດີ​ຈີ​ຕອນ

ເຜີຍ​ແຜ່​ໂດຍ​: admin ເວ​ລາ: 27/12/2019 15:22:29 ຈຳ​ນວນ​ຜູ້​ເຂົ້າ​ຢ້ຽມ​ຊົມ 440 ຄັ້ງ

 ຂ່າວສານ​ຊີ​ອາ​ໄອ​ລາຍ​ງານ​ວ່າ: ກອງ​ປະຊຸມ​ສາກົນກ່ຽວ​ ກັບ​ການ​ສຶກສາ​ສື່​ດີ​ຈີ​ຕອນ ຄັ້ງ​ທຳອິດ ຊຶ່ງ​ແມ່ນ​ວິທະຍາໄລ​ຮູບ ເງົາ​ຈີນ​ເປັນ​ເຈົ້າພາບ ວ່າ​ດ້ວຍ​ຫົວຂໍ້; "ອຸດສາຫະກຳ, ການ​ສຶກ ສາ, ການ​ຄົ້ນຄວ້າ ແລະ ການປະ ດິດ​ສ້າງ​ໃໝ່ ໃນ​ການ​ສຶກສາ​ສື່​ດີ​ຈີ​ຕອນ ເພື່ອ​ພັດທະນາ​ການ​ເຊື່ອມ​ໂຍງ​ເຂົ້າກັນ", ໄດ້​ຈັດຂຶ້ນ​ ຢູ່​ນະຄອນຫຼວງ​ປັກ​ກິ່ງ ແຫ່ງ ສປ.ຈີນ, ໃນ​ລະຫວ່າງ ວັນ​ທີ 16 ຫາ 17 ພະຈິກ​ຜ່ານ​ມາ.

   ກອງ​ປະຊຸມ​ຄັ້ງ​ນີ້ ໂດຍສຸມ ໃສ່​ສະພາບ​ການ​ປັດຈຸບັນ ແລະ ອະນາຄົດ​ຂອງ​ການ​ພັດ​​ທະນາ​ການ​ສຶກສາ​ສື່​ດີ​ຈີ​ຕອນ​ສາກົນ, ຄົ້ນຄວ້າ​ວິທີ ແລະ ຮູບ​ການ​ບຳ ລຸງ​ສ້າງ​ພະນັກງານ​ວິຊາ​ການ ແລະ ທັດສະນະ​ການ​ສິດສອນ, ການ​ຄົ້ນຄວ້າ ແລະ ປຶກສາ​ຫາລື​ເຖິງ​ແນວ​ຄິດ​ປະດິດ​ສ້າງ​ໃໝ່, ມາດ​ຕະການ​ໃໝ່ ໃນ​ການ​ວາງ​ແຜນ​ສ້າງ​ຂະແໜງ​ວິຊາ​ດີ​ຈີ​ຕອນ ທີ່​ກ້າວ​ໄປ​ສູ່​ອະນາຄົດ ໂດຍ​ມີ​ຜູ້​ຮັບຜິດຊອບ ແລະ ຜູ້​ຊ່ຽວຊານ​ດ້ານ​ຂະແໜງ​ວິຊາ​ດີ​ຈີ​ຕອນ ຈາກ​ມະຫາວິທະຍາໄລ ແລະ ສະ​ຖາ​ບັນ​ການ​ສຶກສາ​ຊັ້ນ​ສູງ​ທີ່​ມີ​ຊື່​ສຽງ​ທັງ​ພາຍ​ໃນ​ແລະ ຕ່າງປະເທດ 145 ແຫ່ງ​ເຂົ້າ​ຮ່ວມ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110