ຫົວ​ຂໍ້ : ເວ­ທີ​ປຶກ­ສາ​ຫາ­ລື​ອຸດ­ສາ­ຫະ­ກຳ​ການ​ຄ້າ ບຣິກ ປິດ​ລົງ ດ້ວຍ​ຜົນ­ສຳ­ເລັດ

ເຜີຍ​ແຜ່​ໂດຍ​: admin ເວ​ລາ: 27/12/2019 15:38:53 ຈຳ​ນວນ​ຜູ້​ເຂົ້າ​ຢ້ຽມ​ຊົມ 496 ຄັ້ງ

 ຂ່າວສານ​ຊີ​ອາ​ໄອ​ລາຍ​ງານ​ວ່າ: ເວທີ​ປຶກສາ​ຫາລືດ້ານ​ ອຸດສາຫະກຳ​ການ​ຄ້າ​ປະ ເທດ​ ບຣິ​ກ ໄດ້​ປິດ​ລົງ​ຢູ່​ນະ ຄອນ ຫຼວງ​ບຣາ​ຊີ​ເລຍ ປະເທດ​ບຣາ​ຊິນ, ໃນ​ວັນ​ທີ 13 ພະຈິກ​ຜ່ານ​ມາ ໂດຍ​ການ​ເຂົ້າ​ຮ່ວມ​ຂອງ ທ່ານ ສີ​ຈິ້​ນຜິງ ປະທານ​ປະເທດ​ຈີນ, ທ່ານ ແຈ ໂບນ​ໂຊ​ນາ​ໂຣ ປະທານາທິບໍດີ​ບຣາ​ຊິນ, ທ່ານ ວະ​ລາ​ດີ​ເມຍ ປູ​ຕິນ ປະທານາທິບໍດີ​ຣັດ​ເຊຍ, ທ່ານ ນາ​ເຣນ​ດຣາ ໂມ​ດີ ນາຍົກລັດ ຖະມົນຕີ​ອິນ​ເດຍ ແລະ ທ່ານ ມາ​ຕາ​ເມ​ລາ ຊີ​ຣິວ ຣາ​ມາ​ໂຟ​ຊາ ປະທານາທິບໍດີ​ອາ​ຟຣິ​ກາ​ໃຕ້ ພ້ອມ​ດ້ວຍ​ຜູ້ຕາງໜ້າ​ວົງ​ການ​ອຸດສາຫະກຳ​ການ​ຄ້າ​ປະ ເທດ​ບຣິ​ກ ປະມານ 600 ທ່ານ ໄດ້​ເຂົ້າ​ຮ່ວມ​ພິທີ​ດັ່ງ​ກ່າວ.

   ຂ່າວ​ລະບຸ​ວ່າ: ໃນ​ພິທີ​ປິດ​ກອງ​ປະຊຸມ, ທ່ານ ສີ​ຈິ້ນ​ຜິງ ກ່າວ​ວ່າ: ເປັນ​ເວລາ​ດົນ​ນານ​ແລ້ວ, ສະຖານະ​ການ​ໂລກ ໄດ້​ເກີດ​ມີ​ການ​ປ່ຽນແປງ​ຢ່າງ​ໃຫຍ່​ຫຼວງ​ທີ່​ເຕັມ​ໄປ​ດ້ວຍ​ໂອກາດ​ແລະ ສິ່ງ​ທ້າ​ທາຍ​ຫຼາຍ​ປະ​ການ. ທ່ານ ຫວັງ​ໃຫ້​ບຸກຄົນ​ໃນ​ວົງ​ການ​ອຸດສາຫະກຳ​ການ​ຄ້າ​ກຳ​ໂອກາດ​ໃຫ້​ດີ ແລະ ຮັບ​ມື​ກັບ​ສິ່ງ​ທ້າ​ທາຍ, ສືບຕໍ່​ເສີມ​ຂະຫຍາຍ​ທ່າແຮງ​ຂອງ​ຕົນ, ຕັ້ງໜ້າ​ເຂົ້າ​ຮ່ວມ ແລະ ຊຸກຍູ້​ການ​ຮ່ວມ​ມື​ເສດຖະກິດ ລະຫວ່າງ ປະເທດ​ບຣິ​ກ, ຕັ້ງໜ້າ​ລົງທຶນ ແລະ ດຳ ເນີນ​ທຸລະ​ກິດ​ຢູ່​ປະເທດ​ບຣິ​ກ, ປະກອບສ່ວນ​ເຂົ້າ​ໃນ​ການ​ຊຸກ ຍູ້​ການ​ເຕີບ​ໂຕ, ການສ້າງ​ວຽກ​ເຮັດ​ງານ​ທຳ.

   ທ່ານ ສີ​ຈິ້ນ​ຜິງ ກ່າວ​ເນັ້ນ​ວ່າ: ການ​ພັດທະນາ​ຂອງ​ຈີນ ແມ່ນ​ໂອກາດ​ທີ່​ດີ​ສຳລັບ​ໂລກ ທີ່​ເດີນ​ໜ້າ​ໄປ​ສູ່​ອະນາຄົດ, ຄວາມ​ຕັດສິນ​ໃຈ​ຂອງ​ຈີນ​ທີ່​ເປີດ​ປະຕູ​ສູ່​ພາຍ​ນອກ​ໃຫ້​ກວ້າງ​ກວ່າ​ເກົ່າ​ບໍ່​ມີ​ການ​ປ່ຽນແປງ, ທ່ວງ​ທ່າ​ທີ່​ເສດຖະກິດ​ຈີນ ມີ​ຄວາມ​ໝັ້ນ​ທ່ຽງ​ຍາວ​ນານ ຈະ​ບໍ່​ມີ​ການ ປ່ຽນ​ແປງ. ພວກ​ເຮົາ​ຈະ​ເປີດ​ປະຕູ​ຕະຫຼາດ​ສູ່​ພາຍ​ນອກ​ຕື່ມ​ອີກ, ເປີດ​ກວ້າງ​ການ​ນຳ​ເຂົ້າ, ປັບປຸງ​ສະພາບ​ແວດ​ລ້ອມ ການ​ດຳເນີນ​ທຸລະ​ກິດ​ໃຫ້​ດີ​ຂຶ້ນ​ຢ່າງ​ບໍ່​ຢຸດ​ຢັ້ງ, ສ້າງ​ເງື່ອນໄຂ​ພັດທະ ນາ​ດີກ​ວ່າ​ເກົ່າ​ໃຫ້​ແກ່​ວິ​ສາ​ຫະ​ ກິດ. ການ​ຮ່ວມ​ມື​ກັນ​ສ້າງ "ໜຶ່ງ​ ແລວ​ໜຶ່ງ​ເສັ້ນທາງ" ໄດ້​ກ້າວ​ເຂົ້າ​ ສູ່​ໄລຍະໃໝ່​ແຫ່ງ​ການ​ພັດທະ ນາ​ດ້ວຍ​ຄຸນ​ນະ​ພາບ​ສູງ, ຫວັງ​ໃຫ້​ບັນ​ດາ​ວິ​ສາ​ຫະ​ກິດ​ກຳ​ໂອ ກາດ​ດີ, ຕັ້ງໜ້າ​ເຂົ້າ​ຮ່ວມ, ເພື່ອ​ບັນລຸ​ໝາກຜົນ​ຮ່ວມ​ກັນ​ຫຼາຍ​ ກວ່າ​ເກົ່າ.

   ຂ່າວ​ລະບຸ​ວ່າ: ໃນ​ດ້ານ​ອາ​ລິ​ຍະ​ທຳ, ຈີນ​ເປັນ​ຝ່າຍ​ລິ​ເລີ່ມ​ກິດຈະກຳ​ຄັ້ງ​ນີ້ ໂດຍ​ສຸມ​ໃສ່​ເຜີຍແຜ່​ຄວາມ​ຄິດ​ສຳຄັນ​ຂອງ​ທ່ານ ສີ​ຈິ້ນ​ຜິງ ກ່ຽວ​ກັບ​ການ​ເພີ່ມ​ທະວີ​ການ​ແລກປ່ຽນ ແລະ ຖອດ​ຖອນ​ບົດຮຽນ ຊຶ່ງ​ກັນ ແລະ ກັນ ໃນ​ດ້ານ​ອາ​ລິ​ຍະ​ທຳ​ທີ່​ຕ່າງ​ກັນ ໂດຍ​ສຸມ​ໃສ່​ການ​ແລກປ່ຽນ​ວັດທະນະທຳ​ຂອງ​ປະເທດ​ ບຣິ​ກ ທີ່​ມີ​ອະນາຄົດ​ສົດໃສ, ແຂກ​ທີ່​ເຂົ້າ​ຮ່ວມ​ກິດຈະກຳ​ ຄັ້ງ​ນີ້​ກ່າວ​ວ່າ: ກິດຈະກຳ​ຄັ້ງນີ້, ເປັນ​ການ​ທົດ​ລອງ​ປະດິດ​ສ້າງ ​ໃນ​ການ​ແລກປ່ຽນ​ດ້ານວັດທະ ນະທຳ​ຂອງ​ປະເທດ​ບຣິ​ກ ຊຶ່ງ​ໄດ້​ສະແດງ​ບົດບາດ​ອັນ​ຕັ້ງ ໜ້າ​ໃນ​ການ​ຮັດ​ແໜ້ນ ແລະ ເຊື່ອມ​ສານ​ຄວາມ​ເຂົ້າໃຈ ແລະ ມິດຕະພາບ ລະຫວ່າງ ປະຊາ ຊົນ​ຂອງ​ປະເທດ​ບຣິ​ກ ​ຕື່ມ​ ອີກ, ຊຸກຍູ້​ໃຫ້​ອາ​ລິ​ຍະ​ທຳ​ຂອງ ​ປະເທດ​ບຣິ​ກ ເຊື່ອມໂຍງ​ເຂົ້າ ກັນ ແລະ ຖອດ​ຖອນບົດຮຽນ​ຊຶ່ງ​ກັນ ແລະ ກັນ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110