ຫົວ​ຂໍ້ : ຈີນ ຈະສ້າງເນື້ອທີ່ດິນປູກຝັງທີ່ມີມາດຕະຖານສູງພາຍໃນປີ 2022

ເຜີຍ​ແຜ່​ໂດຍ​: admin ເວ​ລາ: 30/12/2019 15:25:51 ຈຳ​ນວນ​ຜູ້​ເຂົ້າ​ຢ້ຽມ​ຊົມ 692 ຄັ້ງ

ຂປລ.ຕາມ​ຂ່າວ CRI, ວັນ​ທີ 25 ພະ​ຈິກ​ນີ້, ທ່ານ ຢ​ວີ​ຊິ່ນ​ຢົງ ຮອງ​ລັດ​ຖະ​ມົນ​ຕີ ​ກະ​ຊວງ​ກະ​ສິ​ກຳ​ ແລະ ​ວຽກ​ງານ​ ຊົນ​ນະ​ບົດ​ຈີນ​ ​ເປີດ​ເຜີຍ​ວ່າ ຈີນ​ ຈະສ້າງ​ເນື້ອ​ທີ່​ດິນ ​ປູກ​ຝັງ​ ທີ່​ມີ​ມາດ​ຕະ​ຖານ​ສູງ ຫຼາຍກວ່າ 66 ລ້ານ​ເຮັກຕາ ພາຍ​ໃນ​ປີ 2022. ຄຽງ​ຄູ່​ກັບ​ ການ​ເຕີບ​ໂຕ​ ຂອງ​ປະ​ຊາ​ກອນ​ຈີນ ​ແລະ​ ການ​ຫັນ​ເປັນ​ຕົວ​ເມືອງ ​ທີ່​ມີ​ການ​ພັດ​ທະ​ນາ​ ຢ່າງບໍ່​ຢຸດ​ຢັ້ງ, ຄວາມບໍ່​ດຸນ​ດ່ຽງ​ຕ່າງໆ ເປັນ​ຕົ້ນ ​ມີ​ຄົນຫຼາຍ ​ແຕ່​ທີ່​​ເນື້ອ​ທີ່​ດິນ ໜ້ອຍລົງ ແລະ ເນື້ອ​ທີ່​ການ​ປູກ​ຝັງ ​ບໍ່​ພຽງ​ພໍ​ ນັບ​ມື້​ນັບ​ພົ້ນ​ເດັ່ນ​ຂຶ້ນ ຕ້ອງ​ໃຊ້​ເນື້ອ​ທີ່​ການ​ປູກ​ຝັງ ​ແບບ​ໂຮມ​​ສູນ​ ຢ່າງ​ມີ​ປະ​ສິດ​ທິ​ພາບ​ສູງ, ຍົກ​ສູງ​ຜົນ​ຜະ​ລິດ​ ຂອງ​ທັນ​ຍາ​ຫານ ເພື່ອ​ບັນ​ລຸ​ການ​​ສະ​ໜອງ​ ທັນ​ຍາ​ຫານ​​ ຢ່າງ​ພຽງ​ພໍ ດ້ວຍ​ຕົນ​ເອງ ​ໂດຍ​ພື້ນ​ຖານ ແລະ​ ຮັບ​ປະ​ກັນ​ຄວາມ​ໝັ້ນ​ຄົງ​ ຂອງ​ທັນ​ຍາ​ຫານ​ ຢ່າງ​​ຂາດ​ຂັ້ນ. ສະນັ້ນ, ການ​​ສ້າງ​ເນື້ອ​ທີ່​ດິນ​ປູກ​ຝັງ ທີ່​ມີ​ມາດ​ຕະ​ຖານ​ສູງ, ບໍ່​ພຽງ​ແຕ່​ ຈະ​ຖື​​​ເອົາການ​ຮັບ​ປະ​ກັນ ຄວາມ​ສາ​ມາດ​ ການ​ຜະ​ລິດ​ທັນ​ຍາ​ຫານ ​ເປັນ​ໜ້າ​ທີ່​ສຳ​ຄັນ​ທີ່​ສຸດ​ ເພື່ອ​ຮັບ​ປະ​ກັນ​ ໃຫ້​ປະ​ຊາ​ຊົນ ມີ​ສະບຽງ​ອາຫານ​ພຽງພໍ​ ກັບ​ຄວາມ​ຕ້ອງການ ​ທີ່​ເພີ່ມ​ຂື້ນ​ ​ແລະ ຍັງ​ຕ້ອງ​ສ້າງ​ຊັບ​ພະ​ຍາ​ກອນ ​ສິ່ງ​ແວດ​ລ້ອມ​ທີ່​ດີ​ ໃຫ້​ແກ່​ການ​ສະ​ໜອງ ​ຜະ​ລິດ​ຕະ​ພັນ​ກະ​ສິ​ກຳ ​ທີ່​ມີ​ຄຸນ​ນະ​ພາບ​ສູ​ງ ​ເຮັດໃຫ້​ປະ​ຊາ​ຊົນ ​ໄດ້​ກິນ​ອາ​ຫານ​ທີ່​ດີ ​ແລະ ​ປອດ​ສານ​ພິດ.

http://kpl.gov.la/detail.aspx?id=49482

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110