ການເຄື່ອນໄຫວຢ້ຽມຢາມຂອງນາຍົກລັດຖະມົນຕີ ແຫ່ງ ສປປ ລາວ ທີ່ ສປ ຈີນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 08/01/2020 11:23:03 ຈຳ​ນວນ​​ຢ້ຽມ​ຊົມ 1328 ຄັ້ງ

 

   ໂດຍ​ຕອບ​ສະໜອງ​ຕາມ​ການ​ເຊື້ອ​ເຊີນ​ຂອງ​ສະຫາຍ ຫຼີ ເຄີ້​ສຽງ ນາຍົກລັດຖະມົນຕີ ແຫ່ງ ສາທາລະນະ​ລັດ ປະຊາຊົນຈີນ, ສະຫາຍ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ແຫ່ງ ສາທາລະນະ​ລັດ ປະ ຊາທິປະໄຕ ປະຊາຊົນ​ລາວ ພ້ອມ​ຄະນະ​ໄດ້​ດຳເນີນ​ການ​ຢ້ຽມຢາມ ສາທາລະນະ​ລັດ ປະຊາຊົນ​ຈີນ ຢ່າງ​ເປັນ​ທາງ​ການ​ໃນ​ລະຫວ່າງ​ວັນ​ທີ 5-9 ມັງກອນ 2020.


   ໃນ​ຕອນ​ເຊົ້າ​ວັນ​ທີ 6 ມັງກອນ 2020 ສະຫາຍ ຫຼີ ເຄີ້​ສຽງ  ນາຍົກລັດຖະມົນຕີ ແຫ່ງ ສປ ຈີນ ໄດ້​ຈັດ​ພິທີ​ຕ້ອນຮັບ​ຢ່າງເປັນ​ທາງ​ການ ແລະ ສົມ​ກຽດ. ຄະນະ​ຜູ້​ແທນ​ຂັ້ນສູງ​ຂອງ​ສອງ​ປະເທດ ລາວ​-​ຈີນ ໄດ້​ດຳເນີນ​ການ​ພົບ​ປະ​ສອງ​ຝ່າຍ​ຢ່າງ​ເປັນ​ທາງ​ການ​ທີ່​ຫໍ​ສະພາ​ປະຊາຊົນ​ຈີນ ການ​ພົບ​ປະ​ຄັ້ງ​ນີ້ ຜູ້ນຳ​ທັງ​ສອງ​ໄດ້​ພ້ອມ​ກັນ​ທົບ​ທວນຄືນ​ການ​ພົວພັນ​ມິດຕະພາບ​ທີ່​ເປັນ​ມູນເຊື້ອ ແລະ ການ​ຮ່ວມ​ມື ແບບ​ຄູ່​ຮ່ວມ​ຍຸດທະສາດ​ຮອບດ້ານ​ໝັ້ນຄົງ ຍາວ​ນານ​ຕາມ 4 ດີ (ສະຫາຍ​ທີ່​ດີ, ເພື່ອນ​ມິດ​ທີ່​ດີ; ບ້ານ​ໃກ້​ເຮືອນ​ຄຽງ​ທີ່​ດີ ແລະ ຄູ່​ຮ່ວມ​ມື​ທີ່​ດີ) ແລະ ການ​ຜັນ​ຂະຫຍາຍ​ແຜນ​ແມ່​ບົດ​ຄູ່​ຮ່ວມ​ຊາຕາກຳ ລາວ​-​ຈີນ ທີ່​ສອງ​ສະຫາຍ​ເລຂາທິການ​ໃຫຍ່, ປະທານ​ປະເທດ​ໄດ້​ຮ່ວມ​ກັນ ລົງ​ນາມ​ໃນ ເດືອນ ເມສາ 2019 ທີ່​ຜ່ານ​ມາ.


   ໃນ​ໂອກາດ​ດັ່ງກ່າວ​ນີ້, ສະຫາຍ ທອງ​ລຸນ ສີ​ສຸ​ລິດ ໄດ້​ສະແດງ​ຄວາມຂອບໃຈ​ຢ່າງ​ສູງ​ຕໍ່​ການ​ຕ້ອນຮັບ​ອັນ​ອົບ​ອຸ່ນ​ຢ່າງ​ສົມ​ກຽດ​ຈາກ​ລັດຖະບານ ແລະ ປະຊາຊົນ​ຈີນ, ໄດ້​ສະແດງ​ຄວາມ​ຍ້ອງຍໍ​ຊົມເຊີຍ ແລະ ຕີ​ລາຄາ​ສູງ​ຕໍ່​ຜົນສຳເລັດ​ອັນ​ຈົ