ຫົວ​ຂໍ້ : ເປີດງານຕະຫຼາດນັດຕິດພັນກັບງານບຸນພະບາດ-ໂພນສັນ ປະຈຳປີ 2020

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 09/01/2020 10:02:54 ຈຳ​ນວນ​ຜູ້​ເຂົ້າ​ຢ້ຽມ​ຊົມ 604 ຄັ້ງ

ໃນວັນທີ 6 ມັງກອນຜ່ານມາ  ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມດ້ວຍການນຳຂອງແຂວງ​-​ເມືອງ ແລະ ພາກສ່ວນທີ່ກ່ຽວຂ້ອງ  ເຂົ້າຮ່ວມເປີດງານຕະຫຼາດນັດຂາຍສິນຄ້າຕິດພັນກັບບຸນນະມັດສະການພະບາດ​-​ໂພນສັນປະຈຳປີ 2020.

ທ່ານ ສະຫວັນເພັດ ຈັນທະວົງສາ ຮອງເຈົ້າເມືອງທ່າພະບາດ ໄດ້ກ່າວຈຸດປະສົງ ແລະ ກ່າວເປີດງານຕະຫຼາດນັດຂາຍສິນຄ້າໃນຄັ້ງນີ້ວ່າ: ງານຕະຫຼາດນັດຂາຍສິນຄ້າ ຕິດພັນກັບບຸນປະເພນີນະມັດສະການພະທາດພະບາດ​-​ໂພນສັນປະຈຳປີ 2020 ນີ້ ເປັນງານໜຶ່ງທີ່ເຄີຍສືບທອດກັນມາໃນທຸກໆປີຢ່າງຕໍ່ເນື່ອງ ແລະ ຖືວ່າເປັນງານປາງບຸນໃຫຍ່ອັນໜຶ່ງຂອງປະຊາຊົນຊາວແຂວງບໍລິຄຳໄຊ ກໍຄືຊາວເມືອງທ່າພະບາດ ເພື່ອເປັນການເຄົາລົບສັກກາລະບູຊາຮອຍພະພຸດທະບາດ ແລະ ວັດພະບາດໂພນສັນ. ພ້ອມດຽວກັນນີ້ທາງອຳນາດການປົກຄອງເມືອງ ກໍໄດ້ຖືໂອກາດຈັດງານຕະຫຼາດນັດຂາຍສິນຄ້າເພື່ອເປັນການເປີດໂອກາດຊ່ອງທາງໃຫ້ແກ່ພໍ່ແມ່ປະຊາຊົນບັນດາເຜົ່າຕະຫຼອດຮອດຜູ້ປະກອບການດຳເນີນທຸລະກິດຕ່າງໆໄດ້ນຳເອົາຜົນຜະລິດ ແລະ ຜະລິດຕະພັນທີ່ເປັນພູມປັນຍາຂອງຊາວບ້ານເຂົ້າມາວາງສະແດງ ແລະ ຈຳໜ່າຍເພື່ອໃຫ້ຜູ້ມາທ່ຽວງານ

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110