ຫົວ​ຂໍ້ : ປະທານ ສນຊ ຕ້ອນຮັບເອກອັກຄະຣາຊະທູດ ແຫ່ງ ຣາຊະອານາຈັກໄທຄົນໃໝ່

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 13/01/2020 10:27:56 ຈຳ​ນວນ​ຜູ້​ເຂົ້າ​ຢ້ຽມ​ຊົມ 292 ຄັ້ງ

ທ່ານ ໄຊ​ສົມ​ພອນ ພົມ ວິຫານ ປະທານ​ສູນ​ກາງ​ແນວ​ ລາວ​ສ້າງ​ຊາດ (ສນຊ) ໄດ້​ຕ້ອນຮັບ​ການ​ເຂົ້າ​ຢ້ຽມ​ຂໍ່າ​ນັບ​ຂອງ​ທ່ານ  ດໍາ​ຣົງ ໃຄ່​ຄວນ  ເອກ​ອັກ​ຄະ​​ຣາ​ຊະ​ທູດ ແຫ່ງ ຣາ​ຊະ​ອານາຈັກ​ໄທ ປະ​ຈໍາ ສປປ  ລາວ ເມື່ອ​ວັນ​ທີ 9 ມັງກອນ​ຜ່ານ​ມາ​            ທີ່ ສນຊ,  ເນື່ອງ​ໃນ​ໂອກາດ ທີ່​ທ່ານ ມາ​ດໍາ​ລົງ​ຕໍາ​ແໜ່ງ ເປັນ​ເອກ​ອັກ​ຄະ​ຣາ​ຊະ​ທູດ​ຄົນ​ໃໝ່ ປະຈຳ ສປປ​ ລາວ.
ໃນ​ໂອກາດ​ນີ້, ທ່ານປະ ທານ ສນຊ ໄດ້​ສະແດງ​ຄວາມ​ຍິນດີ​ຕ້ອນຮັບ, ຊົມເຊີຍ ແລະ ຕີ​ລາຄາ​ສູງ​ຕໍ່​ທ່ານ ດໍາ​ຣົງ ໃຄ່​ຄວນ ທີ່​ໄດ້​ຖືກ​ແຕ່ງຕັ້ງ​ໃຫ້​ມາ​ປະຕິບັດ​ໜ້າທີ່​ການ​ທູດ ຢູ່ ສປປ ລາວ ຊຶ່ງ​ເປັນ​ການ​ປະກອບສ່ວນ​ອັນ​ສຳຄັນ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ລະຫວ່າງ 2 ປະເທດ​ໃຫ້​ມີ​ຄວາມ​ແໜ້ນ​ແຟ້ນ​ຍິ່ງໆ​ຂຶ້ນ.
ນອກຈາກ​ນີ້ ທັງ​ສອງ​ຝ່າຍ ຍັງ​ໄດ້​ມີ​ການ​ປຶກສາ​ຫາ ລືແລກປ່ຽນ​ຄຳ​ຄິດຄຳ​ເຫັນ​ກ່ຽວ​ກັບ​ການ​ຮ່ວມ​ມື​ທາງ​ດ້ານ​ການ​ຄ້າ​-​ການ​ລົງທຶນ ໂດຍ​ສະເພາະ​ແມ່ນ​ຂະແໜງ​ກະ​ສິ​ກໍາ, ສາທາລະນະ​ສຸກ ແລະ ການທ່ອງທ່ຽວ ເພື່ອ​ເປັນ​ການ​ ສືບຕໍ່​ເສີມ​ຂະຫຍາຍສາຍ ​ພົວພັນ​ຮ່ວມ​ມື​ອັນ​ດີງາມ​ລະ ຫວ່າງ 2 ລັດຖະບານ ແລະ ປະຊາຊົນ 2 ຊາດ​ລາວ - ໄທ ໃຫ້​ມີ​ການ​ຂະຫຍາຍຕົວ​ເພີ່ມ​ຂຶ້ນ​ເລື້ອຍໆ ພ້ອມ​ກັນ​ນີ້, ທ່ານເອກ​ອັກ​ຄະ​ຣາ​ຊະ​ທູດ ໄດ້​ສະແດງ​ຄວາມ​ຂອບໃຈ​ຕໍ່ ທ່ານ ປະທານ ສນຊ ທີ່​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ​ໃນ​ຄັ້ງ​ນີ້.
(ຂ່າວ​-​ພາບ: ນາງ ແສງ​ຫຼ້າ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110