ຫົວ​ຂໍ້ : ຈັດກິດຈະກຳກວດສຸຂະພາບໃຫ້ປະຊາຊົນ ຕ້ອນຮັບ ກອງປະຊຸມໃຫຍ່ ຄັ້ງທີ XI ຂອງພັກ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 14/01/2020 09:37:56 ຈຳ​ນວນ​ຜູ້​ເຂົ້າ​ຢ້ຽມ​ຊົມ 170 ຄັ້ງ

ອະນຸ​ກຳມະການ​ໂຄສະ ນາ ແລະ ຂະບວນ​ການກອງປະ ຊຸມ​ໃຫຍ່​ຜູ້​ແທນ​ທົ່ວ​ປະເທດ   ຄັ້ງ​ທີ XI ຂອງ​ພັກ ຮ່ວມ​ກັບ​ສູນ​ກາງ​ແນວ​ລາວ​ສ້າງ​ຊາດ (ສນຊ) ແລະ ອຳນາດ​ການ​ປົກຄອງ​ແຂວງ​ຈຳປາ​ສັກ ນຳ​ໂດຍທ່ານ ໄຊ​ສົມ​ພອນ ພົມວິຫານ ກຳ ມະການ​ກົມ​ການເມືອງ​ສູນ​ກາງ​ພັກ ປະທານ ສນຊ ທັງ​ເປັນ​ຫົວໜ້າ​ອະນຸ​ກຳມະການ​ໂຄສະນາ ແລະ ຂະບວນ​ການ ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ ໄດ້​ນຳພາ​ແພດ​ໝໍ​ຈາກ​ສູນ​ກາງ ລົງ​ກວດ​ສຸຂະພາບ​ຕາມ​ລະດູ​ການ​ໃຫ້​ປະຊາຊົນ, ນັກຮຽນ ເມືອງ​ບາ​ຈຽງ​ຈະເລີນ​ສຸກ ຊຶ່ງ​ພິທີ​ໄດ້​ຈັດ​ຂຶ້ນ​ທີ່​ໂຮງຮຽນ​ປະຖົມ​ສົມບູນ​ບ້ານ​ດົງ​ໄລ່ ໃນ​ວັນ​ທີ 13 ມັງ​ກອນ ໂດຍ​ມີ​ພໍ່​ແມ່​ປະຊາຊົນ ແລະ ນັກ​ຮຽນ​ບ້ານ​ດັ່ງກ່າວ​ເຂົ້າ​ຮ່ວມ​ຫຼາຍ​ຮ້ອຍ​ຄົນ.
ກ່ອນ​ພິທີ​ກວດ​ສຸຂະພາບ​ໃຫ້​ພໍ່​ແມ່​ປະຊາຊົນ, ທ່ານປະ ທານ ສນຊ ກໍ​ໄດ້​ຮັບ​ຟັງການ ​ລາຍ​ງານ​ຜົນການຈັດຕັ້ງປະ ຕິບັດ​ແຜນ​ພັດທະນາ​ເສດ​ຖະ ກິດ​-​ສັງຄົມ​ຈາກທ່ານ ໂສມ ບຸດ​ຕະກຸນເຈົ້າເມືອງ​ບາ​ຈຽງ​ຈະເລີນ​ສຸກ ຊຶ່ງ​ໂດຍ​ລວມ​ແມ່ນ​ມີ​ການ​ພັດ ທະນາ​ຢ່າງຮອບດ້ານເສດຖະ ກິດ​ຂະຫຍາຍຕົວ ​ໃນ​ລະດັບ 8,7%ຕໍ່​ປີ. ປີຜ່ານມາ​ບັນລຸໄດ້​ ລາຍ​ຮັບ 13,6 ຕື້​ກວ່າ​ກີບ. ຈາກ ​ນັ້ນ ທ່ານ​ປະທານ ສນຊ ກໍໄດ້​ ຕາງໜ້າ​ຄະນະ​ນຳ​ສູນກາງມອບ ​ເຄື່ອງ​ຊ່ວຍເຫຼືອ​ໄພ​ນ້ຳ​ຖ້ວມ​ໃຫ້​ແກ່​ປະຊາຊົນ​ເມືອງ​ບາ​ຈຽງ​ຈະເລີນ​ສຸກ ມູນ​ຄ່າ 10 ລ້ານ​ກີບ ຊຶ່ງ​ກ່າວ​ຮັບ​ໂດຍ​ທ່ານ​ເຈົ້າເມືອງ​ດັ່ງ​ກ່າວ ໃນ​ພິທີຍັງ​ມີ​ການ​ລ້ຽງ​ອາຫານທ່ຽງ​ໃຫ້ແກ່​ນັກ​ຮຽນ    ​ຕື່ມ​ອີກ    ຊຶ່ງ​ເປັນເຈົ້າພາບ   ໂດຍ​ທ່ານ ນາງ ວິພາ​ວັນ ພົມວິຫານ ພັນ​ລະ​ຍາ​ຂອງ​ທ່ານ​ປະທານ ສນຊ ຕື່ມ​ອີກ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ສຳນັກງານເລກທີ66 ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110